ໂຢຮັນ 16:2 - ພຣະຄຳພີສັກສິ

² ພວກເຈົ້າ​ຈະ​ຖືກ​ໄລ່​ອອກ​ຈາກ​ທຳມະສາລາ ແລະ​ເວລາ​ໜຶ່ງ​ຈະ​ມາ​ເຖິງ ເມື່ອ​ຜູ້​ທີ່​ຂ້າ​ພວກເຈົ້າ​ຈະ​ຄິດ​ວ່າ ການ​ກະທຳ​ຂອງຕົນ​ຢ່າງ​ນັ້ນ ເປັນ​ການ​ຖວາຍ​ກຽດ​ແກ່​ພຣະເຈົ້າ.

ພຣະຄຳພີລາວສະບັບສະໄໝໃໝ່

² ພວກເຂົາ​ຈະ​ຂັບໄລ່​ພວກເຈົ້າ​ອອກຈາກ​ທຳມະສາລາ, ໃນ​ຄວາມເປັນຈິງ​ແລ້ວ ເວລາ​ກຳລັງ​ຈະ​ມາ​ເຖິງ​ເມື່ອ​ຜູ້​ທີ່​ຂ້າ​ພວກເຈົ້າ​ຈະ​ຄິດ​ວ່າ​ພວກເຂົາ​ກຳລັງ​ຮັບໃຊ້​ພຣະເຈົ້າ​ຢູ່.

ໂຢຮັນ 16:2 Jak'a apnaqawi uñst'ayäwi

ເອຊາຢາ 65:5

ແລ້ວ​ພວກເຂົາ​ກໍ​ເວົ້າ​ກັບ​ຄົນອື່ນ​ວ່າ ‘ຫຍັບໜີ​ຈາກ​ພວກເຮົາ​ເດີ ພວກເຮົາ​ເປັນ​ຜູ້​ບໍຣິສຸດ​ທີ່​ພວກເຈົ້າ​ຈະ​ແຕະຕ້ອງ​ບໍ່ໄດ້’ ເຮົາ​ທົນ​ຕໍ່​ຄົນ​ຢ່າງນັ້ນ​ບໍ່​ໄຫວ​ແລ້ວ; ດັ່ງນັ້ນ ເຮົາ​ຈຶ່ງ​ໂກດຮ້າຍ​ພວກເຂົາ​ດັ່ງ​ໄຟ​ລຸກໄໝ້​ທີ່​ມອດ​ບໍ່​ເປັນ​ຈັກເທື່ອ.

ເອຊາຢາ 66:5

ຈົ່ງ​ຟັງ​ຖ້ອຍຄຳ​ຂອງ​ພຣະເຈົ້າຢາເວ​ກ່າວ ພວກເຈົ້າ​ຜູ້​ທີ່​ຢຳເກງ​ແລະ​ເຊື່ອຟັງ​ພຣະອົງ​ວ່າ: “ເພາະ​ພວກເຈົ້າ​ສັດຊື່​ຕໍ່​ເຮົາ ບາງຄົນ​ໃນ​ພວກເຈົ້າ​ເອງ​ຈະ​ກຽດຊັງ​ເຈົ້າ ແລະ​ຈະ​ບໍ່​ຄົບຫາ​ສະມາຄົມ​ກັບ​ເຈົ້າ. ພວກເຂົາ​ຈະ​ຫຍໍ້ຫຍັນ​ເຈົ້າ ແລະ​ເວົ້າ​ວ່າ, ‘ຂໍ​ໃຫ້​ພຣະເຈົ້າຢາເວ​ສຳແດງ​ຄວາມ​ຍິ່ງໃຫຍ່​ຂອງ​ພຣະອົງ ແລະ​ຊ່ວຍ​ເຈົ້າ​ໃຫ້​ພົ້ນ​ສາ ເພື່ອ​ວ່າ​ພວກເຮົາ​ຈະ​ໄດ້​ເຫັນ​ເຈົ້າ​ມີ​ຄວາມສຸກ,’ ແຕ່​ພວກເຂົາ​ເອງ​ຈະ​ໄດ້​ຮັບ​ຄວາມ​ອັບອາຍ

ດານີເອນ 11:33

ພວກ​ຜູ້ນຳ​ທີ່​ມີ​ປັນຍາ​ຈະ​ແບ່ງປັນ​ຄວາມຮູ້ ໃຫ້​ແກ່​ຄົນອື່ນ​ຫລາຍ​ຄົນ, ແຕ່​ໃນ​ຊົ່ວ​ເວລາ​ໜຶ່ງ ພວກເຂົາ​ບາງຄົນ​ຈະ​ຖືກ​ຂ້າ​ໃນ​ສະໜາມຮົບ ແລະ​ຖືກ​ເຜົາ​ໃຫ້​ຕາຍ ບາງຄົນ​ກໍ​ຈະ​ຖືກ​ປຸ້ນ ແລະ​ຖືກ​ຈັບ​ໄປ​ເປັນ​ຊະເລີຍ.

ມັດທາຍ 10:28

ຢ່າສູ່ຢ້ານ​ຜູ້​ທີ່​ຂ້າ​ໄດ້​ແຕ່​ຮ່າງກາຍ, ແຕ່​ຂ້າ​ຈິດວິນຍານ​ບໍ່ໄດ້, ແຕ່​ຈົ່ງ​ຢ້ານ​ພຣະເຈົ້າ​ຜູ້​ທີ່​ທຳລາຍ​ໄດ້ ທັງ​ຮ່າງກາຍ ແລະ​ຈິດວິນຍານ​ໃນ​ໄຟ​ນະຣົກ.

ມັດທາຍ 24:9

ເມື່ອນັ້ນ ພວກເຈົ້າ​ຈະ​ຖືກ​ຈັບ​ໄປ​ທໍລະມານ ແລະ​ຖືກ​ນຳ​ໄປ​ປະຫານ​ຊີວິດ ຄົນ​ທຸກ​ຊາດ​ຈະ​ກຽດຊັງ​ພວກເຈົ້າ ເພາະ​ເຫັນ​ແກ່​ນາມຊື່​ຂອງເຮົາ.

ລູກາ 6:22

“ພວກເຈົ້າ​ກໍ​ເປັນ​ສຸກຫຼາຍ ເມື່ອ​ຄົນ​ທັງຫລາຍ​ກຽດຊັງ​ພວກເຈົ້າ, ຂັບໄລ່​ພວກເຈົ້າ​ໃຫ້​ໜີໄປ, ຕິຕຽນ​ນິນທາ​ພວກເຈົ້າ ແລະ​ປະຕິເສດ​ຊື່​ຂອງ​ພວກເຈົ້າ​ວ່າ​ຊົ່ວ ເພາະ​ພວກເຈົ້າ​ເຫັນ​ແກ່​ບຸດ​ມະນຸດ.

ໂຢຮັນ 12:42

ເຖິງ​ປານນັ້ນ​ກໍດີ ຍັງ​ມີ​ເຈົ້າໜ້າທີ່​ຫລາຍ​ຄົນ​ໄດ້​ເຊື່ອ​ໃນ​ພຣະອົງ, ແຕ່​ບໍ່ໄດ້​ເປີດເຜີຍ ເພາະ​ຢ້ານ​ພວກ​ຟາຣີຊາຍ​ໄລ່​ອອກ​ຈາກ​ທຳມະສາລາ.

ໂຢຮັນ 16:25

“ເຮົາ​ໄດ້​ກ່າວ​ສິ່ງ​ເຫຼົ່ານີ້​ແກ່​ພວກເຈົ້າ​ເປັນ​ຄຳອຸປະມາ, ແຕ່​ເວລາ​ໜຶ່ງ​ຈະ​ມາ​ເຖິງ ເຮົາ​ຈະ​ບໍ່​ໃຊ້​ຄຳອຸປະມາ​ກ່າວ​ແກ່​ພວກເຈົ້າ ແຕ່​ຈະ​ກ່າວ​ແກ່​ພວກເຈົ້າ​ຢ່າງ​ຈະແຈ້ງ​ເຖິງ​ເລື່ອງ​ພຣະບິດາເຈົ້າ.

ໂຢຮັນ 16:32

ເວລາ​ກຳລັງ​ມາ​ແລະ​ກໍ​ມາ​ເຖິງ​ທີ່​ນີ້​ແລ້ວ ເມື່ອ​ພວກເຈົ້າ​ຕ້ອງ​ພັດ​ພາກ​ຈາກ​ກັນ​ໄປ​ບ້ານ​ເຮືອນ​ຂອງ​ໃຜ​ລາວ ແລະ​ປ່ອຍ​ເຮົາ​ໄວ້​ແຕ່​ຜູ້​ດຽວ, ແຕ່​ເຮົາ​ບໍ່ໄດ້​ຢູ່​ຜູ້​ດຽວ ເພາະ​ພຣະບິດາເຈົ້າ​ສະຖິດ​ຢູ່​ກັບ​ເຮົາ.

ໂຢຮັນ 4:21

ພຣະເຢຊູເຈົ້າ​ບອກ​ນາງ​ວ່າ, “ຈົ່ງ​ເຊື່ອ​ໃນ​ເຮົາ​ເທາະ ຄົງ​ມີ​ວັນ​ໜຶ່ງ ພວກເຈົ້າ​ຈະ​ບໍ່ໄດ້​ນະມັດສະການ​ພຣະບິດາເຈົ້າ​ຢູ່​ເທິງ​ພູ​ນີ້ ຫລື​ທີ່​ນະຄອນ​ເຢຣູຊາເລັມ.

ໂຢຮັນ 4:23

ແຕ່​ເວລາ​ນັ້ນ​ໃກ້​ເຂົ້າ​ມາ ແລະ​ບັດນີ້​ກໍ​ມາ​ເຖິງ​ແລ້ວ ຄື​ເມື່ອ​ຜູ້​ທີ່​ນະມັດສະການ​ຢ່າງ​ຖືກຕ້ອງ ຈະ​ນະມັດສະການ​ພຣະບິດາເຈົ້າ​ດ້ວຍ​ຈິດ​ວິນຍານ​ແລະ​ຄວາມຈິງ ເພາະ​ພຣະບິດາເຈົ້າ​ຊອກ​ຫາ​ຄົນ​ຢ່າງ​ນັ້ນ​ແຫຼະ ນະມັດສະການ​ພຣະອົງ.

ໂຢຮັນ 9:22

ການ​ທີ່​ພໍ່​ແມ່​ລາວ​ເວົ້າ​ຢ່າງ​ນີ້ ກໍ​ຍ້ອນ​ຢ້ານ​ພວກ​ຢິວ ເພາະ​ພວກເຂົາ​ໄດ້​ຕົກລົງ​ກັນ​ໄວ້​ແລ້ວ​ວ່າ, ຜູ້ໃດ​ທີ່​ຮັບ​ວ່າ​ພຣະເຢຊູເຈົ້າ​ເປັນ​ພຣະຄຣິດ ຜູ້ນັ້ນ​ຈະ​ຕ້ອງ​ຖືກ​ໄລ່​ອອກ​ຈາກ​ທຳມະສາລາ.

ໂຢຮັນ 9:34

ພວກເຂົາ​ຕອບ​ຄົນ​ນັ້ນ​ວ່າ, “ມຶງ​ເກີດ ແລະ​ໃຫຍ່​ມາ​ໃນ​ບາບກຳ​ທັງ​ນັ້ນ ແລ້ວ​ມຶງ​ຈະ​ມາ​ສັ່ງສອນ​ພວກເຮົາ​ຊັ້ນບໍ?” ແລ້ວ​ພວກເຂົາ​ກໍ​ໄລ່​ຊາຍ​ຄົນ​ນັ້ນ​ອອກ​ໄປ.

ກິດຈະການ 5:33

ເມື່ອ​ສະມາຊິກ​ສະພາ​ສູງສຸດ​ໄດ້ຍິນ​ດັ່ງນັ້ນ ກໍ​ເຈັບແຄ້ນ​ຢ່າງ​ສຸດຂີດ ຈົນ​ຄິດ​ຢາກ​ຂ້າ​ພວກ​ອັກຄະສາວົກ​ເສຍ.

ກິດຈະການ 7:56

ຊະເຕຟາໂນ​ກ່າວ​ວ່າ, “ເບິ່ງແມ! ຂ້າພະເຈົ້າ​ເຫັນ​ຟ້າ​ສະຫວັນ​ໄຂ​ອອກ ແລະ​ເຫັນ​ບຸດ​ມະນຸດ​ກຳລັງ​ຢືນ​ຢູ່​ທີ່​ກໍ້າ​ຂວາ​ມື​ຂອງ​ພຣະເຈົ້າ.”

1 ໂກຣິນໂທ 4:13

ເມື່ອ​ຖືກ​ນິນທາ​ປະໝາດ ພວກເຮົາ​ກໍ​ຊອກ​ຫາ​ທາງ​ປອງດອງ ພວກເຮົາ​ເປັນ​ເໝືອນ​ຂີ້ເຫຍື້ອ​ຂອງ​ໂລກ ພວກເຮົາ​ເປັນ​ເໝືອນ​ຂອງ​ເສດເຫລືອ​ຈາກ​ສິ່ງສາລະພັດ​ທີ່​ໂລກ​ເລືອກ​ຖິ້ມ​ຈົນເຖິງ​ບັດນີ້.

ຟີລິບປອຍ 3:6

ໃນ​ດ້ານ​ໃຈ​ຮ້ອນຮົນ, ເຮົາ​ກໍໄດ້​ຂົ່ມເຫັງ​ຄຣິສຕະຈັກ ໃນ​ດ້ານ​ຄວາມ​ຊອບທຳ ຊຶ່ງ​ມີ​ຢູ່​ໂດຍ​ກົດບັນຍັດ ເຮົາ​ກໍ​ບໍ່ມີ​ທີ່​ຕິຕຽນ​ໄດ້.

ພຣະນິມິດ 6:9

ເມື່ອ​ພຣະ​ເມສານ້ອຍ​ໄດ້​ແກະ​ຕາປະທັບ​ດວງ​ທີ​ຫ້າ​ນັ້ນ​ແລ້ວ ຂ້າພະເຈົ້າ​ໄດ້​ເຫັນ​ດວງ​ວິນຍານ​ຢູ່​ໃຕ້​ແທ່ນບູຊາ ເປັນ​ດວງ​ວິນຍານ​ຂອງ​ຄົນ​ທັງຫລາຍ​ທີ່​ໄດ້​ຖືກ​ຂ້າ ເພາະ​ປະກາດ​ພຣະທຳ​ຂອງ​ພຣະເຈົ້າ ແລະ​ເປັນ​ຜູ້​ສັດຊື່​ໃນ​ຄຳ​ພະຍານ​ຂອງຕົນ.

ພວກ^ຜູ້ປົກຄອງ 6:30

ພວກເຂົາ​ຈຶ່ງ​ເວົ້າ​ຕໍ່​ໂຢອາດ​ວ່າ, “ເອົາ​ລູກຊາຍ​ຂອງ​ເຈົ້າ​ອອກ​ມາ​ນອກ​ພີ້ ເພື່ອ​ພວກເຮົາ​ຈະ​ຂ້າ​ລາວ​ຖິ້ມ ເພາະ​ລາວ​ເປັນ​ຄົນ​ຮື້​ແທ່ນບູຊາ​ຂອງ​ພະບາອານ ແລະ​ຕັດ​ເສົາ​ສັກສິດ​ຂອງ​ເຈົ້າແມ່​ອາເຊຣາ​ທີ່​ຢູ່​ທາງ​ຂ້າງ​ນັ້ນ​ຖິ້ມ.”