ເຢເຣມີຢາ 8:8 - ພຣະຄຳພີສັກສິ

⁸ ພວກເຈົ້າ​ເວົ້າ​ໄດ້​ຢ່າງໃດ​ວ່າ ພວກເຈົ້າ​ສະຫລາດ ແລະ​ຮູ້ຈັກ​ກົດບັນຍັດ​ຂອງເຮົາ? ເບິ່ງດູ ສະໝຽນ​ທີ່​ບໍ່​ສັດຊື່​ນັ້ນ ພວກເຂົາ​ໄດ້​ປ່ຽນແປງ​ກົດບັນຍັດ​ຂອງເຮົາ.

ເຢເຣມີຢາ 8:8 Jak'a apnaqawi uñst'ayäwi

ພຣະທຳ​ໂຢບ 11:12

ຄົນໂງ່​ເລີ່ມ​ຈະ​ມີ​ປັນຍາ​ໄດ້​ກໍ​ຕໍ່​ເມື່ອ​ໂຕ​ລໍປ່າ ຖືກ​ຄົນ​ນຳ​ມັນ​ມາ​ຝຶກຫັດ​ໃຫ້​ຮູ້ຄວາມ​ໄດ້.

ພຣະທຳ​ໂຢບ 12:20

ພຣະອົງ​ເຮັດ​ໃຫ້​ຄຳເວົ້າ​ຈາກ​ປາກ​ຂອງ​ຜູ້​ໃຫ້​ຄຳ​ປຶກສາ​ມິດງຽບ​ໄປ ແລະ​ເຮັດ​ໃຫ້​ສະຕິປັນຍາ​ໜີໄປ​ຈາກ​ຊາຍ​ຊະຣາ​ດ້ວຍ.

ເພງ^ສັນລະເສີນ 147:19

ພຣະອົງ​ໃຫ້​ຖ້ອຍຄຳ​ແກ່​ປະຊາຊົນ​ຂອງ​ພຣະອົງ ໃຫ້​ຄຳແນະນຳ ແລະ​ກົດບັນຍັດ​ແກ່​ອິດສະຣາເອນ​ນັ້ນ.

ສຸພາສິດ 17:6

ພໍ່ເຖົ້າ​ແມ່ເຖົ້າ​ພູມໃຈ​ໃນ​ລູກຫລານ​ຂອງຕົນ ດັ່ງ​ພວກ​ລູກ​ທີ່​ພູມໃຈ​ໃນ​ຕົວ​ຜູ້​ເປັນ​ພໍ່​ແມ່.

ເອຊາຢາ 43:27

ບັນພະບຸລຸດ​ພວກເຈົ້າ​ແຕ່ກີ້ ກໍໄດ້​ເຮັດ​ບາບ​ຄືກັນ ພວກຜູ້ນຳ​ເອງ​ກໍ​ເຮັດ​ບາບ​ຕໍ່ສູ້​ເຮົາ​ດ້ວຍ.

ເຢເຣມີຢາ 18:18

ແລ້ວ​ປະຊາຊົນ​ກໍໄດ້​ເວົ້າ​ວ່າ, “ໃຫ້​ພວກເຮົາ​ກຳຈັດ​ເຢເຣມີຢາ​ສາ​ເທາະ ພວກເຮົາ​ມີ​ພວກ​ປະໂຣຫິດ​ໃຫ້​ຄຳແນະນຳ, ມີ​ພວກ​ນັກປາດ​ໃຫ້​ຄຳ​ປຶກສາ ແລະ​ມີ​ພວກ​ຜູ້ທຳນວາຍ ປະກາດ​ຖ້ອຍຄຳ​ຂອງ​ພຣະເຈົ້າ​ຢູ່​ສະເໝີ. ໃຫ້​ພວກເຮົາ​ຫາເລື່ອງ​ໃສ່​ລາວ ແລະ​ຢ່າ​ຟັງ​ສິ່ງ​ທີ່​ລາວ​ເວົ້າ​ນັ້ນ.”

ເຢເຣມີຢາ 19:7

ເພາະ​ໃນ​ບ່ອນ​ນີ້​ເຮົາ​ຈະ​ທຳລາຍ​ແຜນການ​ທັງປວງ​ຂອງ​ຊາວ​ຢູດາ​ແລະ​ຊາວ​ນະຄອນ​ເຢຣູຊາເລັມ. ເຮົາ​ຈະ​ໃຫ້​ເຫຼົ່າ​ສັດຕູ​ຊະນະ​ພວກເຂົາ ແລະ​ສັງຫານ​ພວກເຂົາ​ໃນ​ສະໜາມຮົບ. ເຮົາ​ຈະ​ໃຫ້​ຝູງນົກ​ແລະ​ຝູງ​ສັດປ່າ​ໄດ້​ກິນ​ຊາກສົບ​ຂອງ​ພວກເຂົາ​ເປັນ​ອາຫານ.

ເຢເຣມີຢາ 2:8

ປະໂຣຫິດ​ບໍ່ໄດ້​ຖາມ​ວ່າ, ‘ພຣະເຈົ້າຢາເວ​ຢູ່​ໃສ?’ ພວກ​ທີ່​ຮັກສາ​ກົດບັນຍັດ​ຂອງເຮົາ​ກໍ​ບໍ່ໄດ້​ຮູ້ຈັກ​ເຮົາ​ຊໍ້າ. ພວກ​ຜູ້ປົກຄອງ​ກໍໄດ້​ກະບົດ​ຕໍ່ສູ້​ເຮົາ ຜູ້ທຳນວາຍ​ໄດ້​ກ່າວ​ໃນ​ນາມ​ພະບາອານ ພວກເຂົາ​ພາກັນ​ນ້ອມ​ນະມັດສະການ ຂາບໄຫວ້​ບັນດາ​ຮູບເຄົາຣົບ​ທີ່​ບໍ່ມີ​ປະໂຫຍດ.

ເຢເຣມີຢາ 4:22

ອົງພຣະ​ຜູ້​ເປັນເຈົ້າ​ຊົງ​ກ່າວ​ວ່າ, “ປະຊາຊົນ​ຂອງເຮົາ​ນີ້​ຊ່າງໂງ່ຈ້າ​ຫລາຍ ພວກເຂົາ​ຕ່າງ​ກໍ​ພາກັນ​ບໍ່​ຮູ້ຈັກ​ເຮົາ​ເລີຍ. ພວກເຂົາ​ເປັນ​ດັ່ງ​ເດັກນ້ອຍ​ທີ່​ໂງ່ຈ້າ​ເຕັມທີ ພວກເຂົາ​ບໍ່ມີ​ຄວາມ​ເຂົ້າໃຈ​ສິ່ງໃດໆ. ພວກເຂົາ​ເປັນ​ຜູ້​ຊຳນິ​ຊຳນານ​ເລື່ອງ​ການ​ເຮັດ​ຊົ່ວ ແຕ່​ເລື່ອງ​ການ​ເຮັດ​ດີ ພວກເຂົາ​ພັດ​ບໍ່​ຮູ້ຈັກ​ຊໍ້າ.”

ເຢເຣມີຢາ 48:14

ຊາຍ​ໂມອາບ ເປັນຫຍັງ​ຈຶ່ງ​ວ່າ​ເປັນ​ຊ່ຽວຊານ​ການ​ລົບ ເປັນ​ຜູ້​ອົງອາດ​ກ້າຫານ​ທີ່​ຜ່ານ​ເສິກ​ມາ​ແລ້ວ?

ໂຮເສອາ 8:12

ເຮົາ​ໄດ້​ຂຽນ​ຄຳສັ່ງສອນ​ຫລາຍ​ຂໍ້​ໄວ້ ຈົນ​ນັບ​ບໍ່ຖ້ວນ​ສຳລັບ​ປະຊາຊົນ; ແຕ່​ພວກເຂົາ​ບໍ່​ຍອມ​ຮັບ​ໂດຍ​ຖື​ວ່າ​ຄຳສັ່ງສອນ​ນັ້ນ​ເປັນ​ຂອງ​ແປກ ແລະ​ຂອງ​ຕ່າງຊາດ.

ມັດທາຍ 15:6

ຜູ້ນັ້ນ​ຈຶ່ງ​ບໍ່​ຕ້ອງ​ນັບຖື​ພໍ່​ຂອງຕົນ. ການ​ທີ່​ພວກເຈົ້າ​ເຮັດ​ເຊັ່ນ​ນັ້ນ ກໍ​ເປັນ​ການ​ທຳລາຍ​ຄຸນຄ່າ​ແຫ່ງ​ພຣະທຳ​ຂອງ​ພຣະເຈົ້າ, ເພື່ອ​ເຫັນ​ແກ່​ທຳນຽມ​ທີ່​ພວກເຈົ້າ​ສັ່ງສອນ​ຖ່າຍທອດ​ສືບຕໍ່​ກັນ​ມາ.

ໂຢຮັນ 9:41

ພຣະເຢຊູເຈົ້າ​ຊົງ​ຕອບ​ວ່າ, “ຖ້າ​ພວກເຈົ້າ​ເປັນ​ຄົນ​ຕາບອດ ພວກເຈົ້າ​ຈະ​ບໍ່ມີ​ບາບກຳ, ແຕ່​ບັດນີ້​ພວກເຈົ້າ​ເວົ້າ​ວ່າ, ‘ເຮົາ​ເຫັນ​ຢູ່.’ ເຫດສະນັ້ນ ຄວາມ​ຜິດບາບ​ຂອງ​ພວກເຈົ້າ​ຈຶ່ງ​ຍັງ​ມີ​ຢູ່.”

ໂຣມ 1:22

ພວກເຂົາ​ອ້າງ​ຕົນ​ວ່າ ເປັນ​ຄົນ​ສະຫລາດ ພວກເຂົາ​ຈຶ່ງ​ກາຍເປັນ​ຄົນ​ໂງ່​ໄປ,