ເຢເຣມີຢາ 6:2 - ພຣະຄຳພີສັກສິ

² ນະຄອນ​ຊີໂອນ​ເປັນ​ທີ່​ສວຍງາມ​ຫລາຍ ແຕ່​ກໍ​ຈະ​ຖືກ​ທຳລາຍ;

ເຢເຣມີຢາ 6:2 Jak'a apnaqawi uñst'ayäwi

ເອຊາຢາ 1:8

ມີ​ແຕ່​ນະຄອນ​ເຢຣູຊາເລັມ​ເທົ່ານັ້ນ​ທີ່​ເຫຼືອ​ຢູ່; ແຕ່​ພັດ​ເປັນ​ເມືອງ​ທີ່​ຖືກ​ປິດລ້ອມ, ຂາດ​ສິ່ງ​ປ້ອງກັນ ແລະ​ເປັນ​ດັ່ງ​ຕູບ​ຂອງ​ຄົນ​ເຝົ້າ​ສວນອະງຸ່ນ ຫລື​ເປັນ​ດັ່ງ​ຖຽງໄຮ່​ຂອງ​ສວນ​ໝາກແຕງກວາ​ທີ່​ບໍ່ມີ​ຄົນ​ເຝົ້າ.

ເຢເຣມີຢາ 4:31

ຂ້ານ້ອຍ​ໄດ້ຍິນ​ສຽງ​ຮ້ອງ​ດັ່ງ​ຜູ້ຍິງ​ກຳລັງ​ຄອດ​ລູກ ຄວນຄາງ​ເຈັບປວດ​ທີ່ສຸດ​ຄືກັບ​ການ​ເກີດລູກ​ກົກ. ສຽງ​ຮ້ອງ​ເກືອບ​ໃຈ​ຈະ​ຂາດ​ຂອງ​ນະຄອນ​ເຢຣູຊາເລັມ ຊຶ່ງ​ກຳລັງ​ຄວນຄາງ ແລະ​ວອນຂໍ​ໃຫ້​ຊ່ວຍ; ນາງ​ຢຽດ​ມື​ອອກ ແລະ​ເວົ້າ​ອອກ​ມາ​ວ່າ, “ເຄາະກຳ​ຂ້ອຍ​ນໍ ພວກເຂົາ​ກຳລັງ​ຈະ​ມາ​ຂ້າ​ຂ້ອຍ.”

ເພງ^ຄໍ່າຄວນ 2:1

ເພາະ​ອົງພຣະ​ຜູ້​ເປັນເຈົ້າ​ໂກດຮ້າຍ ຈຶ່ງ​ໃຫ້​ຄວາມມືດ​ຫຸ້ມຫໍ່​ພູເຂົາ​ຊີໂອນ ຄວາມ​ງົດງາມ​ດັ່ງ​ສະຫວັນ​ຂອງ​ພູເຂົາ​ຊີໂອນ ພຣະອົງ​ໄດ້​ປ່ຽນ​ໃຫ້​ເປັນ​ບ່ອນ​ຮົກຮ້າງ. ໃນ​ວັນ​ທີ່​ພຣະອົງ​ໂກດຮ້າຍ​ຕໍ່ສູ້​ນະຄອນ​ເຢຣູຊາເລັມ ພຣະອົງ​ປະຖິ້ມ​ແມ່ນແຕ່​ພຣະວິຫານ​ໃນ​ວັນ​ນັ້ນ.

ເພງ^ຄໍ່າຄວນ 2:13

ຂ້ອຍ​ຈະ​ເວົ້າ​ຫຍັງ​ໄດ້​ແດ່? ໂອ ເຢຣູຊາເລັມ​ເອີຍ ຈະ​ອອຍໃຈ​ເຈົ້າ​ຢ່າງໃດ? ຜູ້ໃດ​ແດ່​ທົນ​ທຸກຢ່າງ​ນີ້? ໄພພິບັດ​ທີ່​ເຈົ້າ​ໄດ້​ຮັບ​ບໍ່ມີ​ຂອບເຂດ​ດັ່ງ​ມະຫາສະໝຸດ ບໍ່ມີ​ຫວັງ​ໃດໆ​ທີ່​ຈະ​ປິ່ນປົວ​ເຈົ້າ​ໄດ້​ສາ​ແລ້ວ.

ເພງ^ຄໍ່າຄວນ 4:5

ຄົນ​ທີ່​ເຄີຍ​ກິນ​ອາຫານ​ອັນ​ດີ​ນັ້ນ ກໍ​ຕາຍຫິວ​ຢູ່​ຕາມ​ຖະໜົນ​ຫົນທາງ ຄົນ​ທີ່​ໃຫຍ່ຂຶ້ນ​ມາ​ຢ່າງ​ຟຸມເຟືອຍ ກໍ​ຄົ້ນ​ກິນ​ອາຫານ​ໃນ​ກອງ​ຂີ້ເຫຍື້ອ.

ພຣະບັນຍັດສອງ 28:56

ແມ່ນແຕ່​ຍິງ​ຜູ້​ດີ​ມີ​ຖານະ​ສູງ​ທີ່​ລໍ້າລວຍ​ຮັ່ງມີ ແລະ​ບໍ່ເຄີຍ​ຍ່າງ​ໄປມາ​ໃສ​ໂດຍ​ຕົນເອງ​ຈັກເທື່ອ ກໍ​ຈະ​ປະພຶດ​ແບບ​ດຽວ​ກັນ. ເມື່ອ​ສັດຕູ​ປິດລ້ອມ​ເມືອງ​ຂອງ​ນາງ​ຢູ່​ນັ້ນ ນາງ​ຈະ​ກາຍເປັນ​ຄົນ​ໝົດ​ຫວັງ ເພາະ​ຂາດ​ອາຫານ​ການກິນ ຈົນ​ຕ້ອງ​ລີ້​ກິນ​ລູກ​ຂອງ​ຕົນເອງ​ທີ່​ຫາ​ກໍ​ເກີດ​ໃໝ່ໆ ຕະຫລອດ​ທັງ​ສາຍແຮ່​ດ້ວຍ. ນາງ​ຈະ​ບໍ່​ຍອມ​ແບ່ງປັນ​ໃຫ້​ຜົວ​ທີ່ຮັກ​ແລະ​ລູກ​ຄົນອື່ນໆ​ຂອງຕົນ​ກິນ​ນຳ.