ເຢເຣມີຢາ 51:64 - ພຣະຄຳພີສັກສິ

⁶⁴ ແລະ​ກ່າວ​ວ່າ, ‘ບາບີໂລນ​ຈະ​ເປັນ​ດັ່ງນີ້ແຫຼະ ຄື​ມັນ​ຈະ​ຈົມລົງ​ແລະ​ຈະ​ບໍ່​ຟູຂຶ້ນ​ມາ​ອີກ​ຈັກເທື່ອ ຍ້ອນ​ຄວາມພິນາດ​ທີ່​ອົງພຣະ​ຜູ້​ເປັນເຈົ້າ​ກຳລັງ​ຈະ​ນຳ​ມາ​ເທິງ​ປະເທດ​ນີ້.”’ ຄຳເວົ້າ​ຂອງ​ເຢເຣມີຢາ​ຈົບລົງ​ພຽງ​ເທົ່ານີ້.

ເຢເຣມີຢາ 51:64 Jak'a apnaqawi uñst'ayäwi

ພຣະທຳ​ໂຢບ 31:40

ກໍ​ຂໍ​ໃຫ້​ມີ​ຕົ້ນຫຍ້າ ງອກ​ແທນ​ຕົ້ນ​ເຂົ້າ​ບະເລ ຂໍ​ໃຫ້​ມີ​ຫຍ້າໜາມ ງອກ​ແທນ​ເຂົ້າເດືອຍ​ເຖີດ.” ຄຳເວົ້າ​ຂອງ​ໂຢບ​ຈົບລົງ​ພຽງ​ເທົ່ານີ້.

ເພງ^ສັນລະເສີນ 72:20

ຄຳພາວັນນາ​ອະທິຖານ​ຂອງ​ດາວິດ​ລູກຊາຍ​ຂອງ​ເຢຊີ ກໍ​ໄດ້​ສິ້ນສຸດ​ລົງ​ເທົ່ານີ້.

ເພງ^ສັນລະເສີນ 76:12

ພຣະອົງ​ໃຫ້​ກະສັດ​ຜູ້​ຈອງຫອງ​ຖ່ອມຕົວ ແລະ​ກະສັດ​ຜູ້​ຍິ່ງໃຫຍ່​ເກີດ​ມີ​ຄວາມຢ້ານ.

ເອຊາຢາ 47:13

ສິ້ນ​ອຳນາດ​ແລ້ວ​ເຖິງ​ວ່າ​ໄດ້​ຮັບ​ຄຳແນະນຳ​ກໍດີ ຈົ່ງ​ໃຫ້​ພວກ​ໝໍໂຫນ​ໝໍທວາຍ​ອອກ​ມາ ແລະ​ຊ່ວຍ​ເອົາ​ເຈົ້າ​ໄວ້ ຄື​ບັນດາ​ຄົນ​ທີ່​ສຶກສາ​ເບິ່ງ​ດວງດາວ​ທັງຫລາຍ ທັງ​ເຮັດ​ແຜນທີ່​ຂອງ​ຟ້າ​ສະຫວັນ​ອອກ​ມາ​ເປັນ​ຊັ້ນໆ ແລະ​ບອກ​ເຈົ້າ​ເດືອນ​ແລ້ວ​ເດືອນ​ເຫຼົ່າ​ອີກ​ວ່າ ມີ​ເຫດການ​ຫຍັງ​ແດ່​ຈະ​ເກີດຂຶ້ນ​ກັບ​ເຈົ້າ​ນໍ.

ເຢເຣມີຢາ 13:4

“ຈົ່ງ​ໄປ​ທີ່​ແມ່ນໍ້າ​ເອີຟຣັດ ແລະ​ເຊື່ອງ​ເສື້ອ​ໄວ້​ຢູ່​ຮູ​ໃນ​ໂງ່ນຫີນ.”

ເຢເຣມີຢາ 19:10

ແລ້ວ​ພຣະອົງ​ກໍ​ບອກ​ຂ້າພະເຈົ້າ ໃຫ້​ທຸບ​ໝໍ້​ຕໍ່ໜ້າ​ພວກ​ທີ່​ມາ​ກັບ​ຂ້າພະເຈົ້າ

ເຢເຣມີຢາ 25:27

ແລ້ວ​ພຣະເຈົ້າຢາເວ​ກໍໄດ້​ກ່າວ​ແກ່​ຂ້າພະເຈົ້າ​ວ່າ, “ຈົ່ງ​ບອກ​ປະຊາຊົນ​ວ່າ ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່ ພຣະເຈົ້າ​ຂອງ​ຊາດ​ອິດສະຣາເອນ ສັ່ງ​ໃຫ້​ພວກເຂົາ​ດື່ມ​ຈາກ​ຈອກ​ນີ້​ຈົນ​ຮາກ​ອອກ​ມາ ຈົນ​ພວກເຂົາ​ລົ້ມລົງ​ແລະ​ລຸກຂຶ້ນ​ບໍ່ໄດ້ ເພາະ​ສົງຄາມ​ທີ່​ເຮົາ​ຈະ​ສົ່ງ​ໄປ​ຕໍ່ສູ້​ພວກເຂົາ​ນັ້ນ.

ເຢເຣມີຢາ 51:42

ທະເລ​ໄຫລ​ຖ້ວມ​ນະຄອນ​ບາບີໂລນ ແລະ​ຄື້ນ​ທະເລ​ກໍ​ຄຶກຄະນອງ​ຖ້ວມ​ເມືອງ.

ເຢເຣມີຢາ 51:58

ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່​ກ່າວ​ວ່າ, “ກຳແພງ​ເມືອງ​ທີ່​ນະຄອນ​ບາບີໂລນ​ສ້າງ​ໃຫ້​ເຂັ້ມແຂງ ຈະ​ຖືກ​ຮື້​ໃຫ້​ພັງ​ທະລາຍ​ກາຍເປັນ​ຂີ້ດິນ​ໄປສິ້ນ. ການງານ​ທີ່​ທຸກ​ຊົນຊາດ​ໄດ້​ເຮັດ​ບໍ່ມີ​ຫຍັງ​ໝົດ ຄວາມ​ພະຍາຍາມ​ຂອງ​ພວກເຂົາ​ກໍ​ຖືກ​ໄຟ​ເຜົາໄໝ້.”

ເຢເຣມີຢາ 9:5

ພວກເຂົາ​ລ້ວນແຕ່​ເຮັດ​ໃຫ້​ໝູ່ເພື່ອນ​ຫລົງ​ຜິດ​ໄປ ບໍ່ມີ​ແມ່ນແຕ່​ຄົນດຽວ​ບອກ​ຄວາມຈິງ​ໃຫ້​ກັນ​ຮູ້; ພວກເຂົາ​ໄດ້​ຝຶກແອບ​ລີ້ນ​ຂອງ​ພວກເຂົາ​ໃຫ້​ເວົ້າ​ຕົວະ ພວກເຂົາ​ຈະ​ບໍ່​ຍອມ​ເຊົາ​ການບາບ​ຂອງ​ພວກເຂົາ. ພວກເຂົາ​ກໍ່​ຄວາມ​ຮຸນແຮງ​ຂຶ້ນ ແລະ​ກໍ່​ອີກ​ເທື່ອ​ໃໝ່ ແລະ​ກໍ່​ການ​ຫລອກລວງ​ຂຶ້ນ ແລະ​ກໍ່​ອີກ​ທີ. ພວກເຂົາ​ຕ່າງ​ກໍ​ພາກັນ​ປະຕິເສດ​ທີ່​ຈະ​ຮັບຮູ້​ເຮົາ ອົງພຣະ​ຜູ້​ເປັນເຈົ້າ​ກ່າວ​ວ່າ​ພວກເຂົາ​ປະຖິ້ມ​ພຣະອົງ​ແລ້ວ.

ເອເຊກຽນ 28:19

ເຈົ້າ​ໄດ້​ຈາກ​ໄປ​ສາ​ແລ້ວ ແລະ​ຈາກ​ໄປ​ເລີຍ ແລະ​ຊົນຊາດ​ທັງໝົດ​ທີ່​ໄດ້​ຮູ້ຈັກ​ເຈົ້າ​ຕ່າງ​ກໍ​ສະທ້ານ​ຢ້ານກົວ​ໃຫຍ່ ເພາະ​ຢ້ານ​ວ່າ​ພວກ​ຕົນ​ຈະ​ໄດ້​ຮັບ​ສ່ວນ​ໃນ​ຊາຕາກຳ​ຂອງເຈົ້າ.”’

ຮາບາກຸກ 2:13

ບັນດາ​ຊົນຊາດ​ທີ່​ພວກເຈົ້າ​ໄດ້​ເຂົ້າ​ຄອບຄອງ​ນັ້ນ ເຮັດ​ວຽກ​ອິດອ່ອນ​ໝົດ​ກຳລັງ​ໂດຍ​ບໍ່ມີ​ປະໂຫຍດ ແລະ​ສິ່ງ​ທັງໝົດ​ທີ່​ພວກເຂົາ​ໄດ້​ສ້າງ​ຂຶ້ນ​ມາ​ນັ້ນ​ກໍ​ຖືກ​ໄຟ​ເຜົາຜານ​ກ້ຽງ. ອົງພຣະ​ຜູ້​ເປັນເຈົ້າ​ອົງ​ຊົງຣິດ​ອຳນາດ​ຍິ່ງໃຫຍ່​ໄດ້​ກະທຳການ​ນີ້.

ພຣະນິມິດ 14:8

ແລະ​ເທວະດາ​ອີກ​ຕົນ​ໜຶ່ງ ເປັນ​ຕົນ​ທີ​ສອງ​ໄດ້​ນຳ​ໄປ ຮ້ອງ​ຂຶ້ນ​ວ່າ, “ບາບີໂລນ​ມະຫາ​ນະຄອນ​ນັ້ນ ຫຼົ້ມຈົມ​ແລ້ວ ຫຼົ້ມຈົມ​ເສຍ​ແລ້ວ ຄື​ນະຄອນ​ທີ່​ເຮັດ​ໃຫ້​ປະຊາຊາດ​ທັງປວງ ດື່ມ​ເຫລົ້າແວງ​ປຸກ​ຢ່າງ​ເຫຼືອ​ເກີນ​ຂອງຕົນ ຕາມ​ຄວາມ​ປາຖະໜາ​ທາງ​ກາມ.”

ພຣະນິມິດ 18:2

ເທວະດາ​ນັ້ນ​ໄດ້​ຮ້ອງ​ປະກາດ​ສຽງ​ແຮງ​ກ້າ​ຂຶ້ນ​ວ່າ, “ບາບີໂລນ​ມະຫາ​ນະຄອນ​ຫຼົ້ມຈົມ​ແລ້ວ ຫຼົ້ມຈົມ​ເສຍ​ແລ້ວ ມັນ​ກາຍເປັນ​ບ່ອນ​ອາໄສ​ຂອງ​ພວກ​ຜີມານຮ້າຍ ເປັນ​ບ່ອນ​ລີ້ຊ່ອນ​ຂອງ​ວິນຍານ​ຊົ່ວຮ້າຍ​ທຸກຢ່າງ ແລະ​ເປັນ​ຄອນ​ນົກ​ບໍ່​ສະອາດ​ແລະ​ໜ້າກຽດ​ໜ້າຊັງ​ທຸກ​ຊະນິດ.

ພຣະນິມິດ 18:21

ແລ້ວ​ມີ​ເທວະດາ​ຜູ້​ມີ​ຣິດ​ຕົນ​ໜຶ່ງ ໄດ້​ຍົກ​ຫີນ​ກ້ອນ​ໜຶ່ງ​ເໝືອນ​ຫີນ​ໂມ້​ໃຫຍ່ ຖິ້ມ​ລົງ​ໃນ​ທະເລ ກ່າວ​ວ່າ, “ບາບີໂລນ ມະຫາ​ນະຄອນ​ນັ້ນ ຈະ​ຖືກ​ຖິ້ມ​ລົງ​ໂດຍ​ຮຸນແຮງ​ຢ່າງ​ນີ້​ແຫຼະ, ແລ້ວ​ຈະ​ບໍ່ມີ​ຜູ້ໃດ​ເຫັນ​ມັນ​ອີກ​ຈັກເທື່ອ.