ເຢເຣມີຢາ 51:58 - ພຣະຄຳພີສັກສິ

⁵⁸ ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່​ກ່າວ​ວ່າ, “ກຳແພງ​ເມືອງ​ທີ່​ນະຄອນ​ບາບີໂລນ​ສ້າງ​ໃຫ້​ເຂັ້ມແຂງ ຈະ​ຖືກ​ຮື້​ໃຫ້​ພັງ​ທະລາຍ​ກາຍເປັນ​ຂີ້ດິນ​ໄປສິ້ນ. ການງານ​ທີ່​ທຸກ​ຊົນຊາດ​ໄດ້​ເຮັດ​ບໍ່ມີ​ຫຍັງ​ໝົດ ຄວາມ​ພະຍາຍາມ​ຂອງ​ພວກເຂົາ​ກໍ​ຖືກ​ໄຟ​ເຜົາໄໝ້.”

ເຢເຣມີຢາ 51:58 Jak'a apnaqawi uñst'ayäwi

ເພງ^ສັນລະເສີນ 127:1

ຖ້າ​ພຣະເຈົ້າຢາເວ​ບໍ່​ກໍ່​ບ້ານ ສ້າງ​ເຮືອນ​ຊານ, ວຽກການ​ຄົນ​ກໍ່ສ້າງ​ທັງໝົດ​ກໍ​ໄຮ້ປະໂຫຍດ. ຖ້າ​ພຣະເຈົ້າຢາເວ​ບໍ່​ປ້ອງກັນ​ບ້ານເມືອງ, ທະຫານ​ຢືນ​ຍາມ​ກໍ​ໃຊ້​ການ​ຫຍັງ​ບໍ່ໄດ້.

ເອຊາຢາ 13:2

ທີ່​ຈອມພູ​ຫົວໂຫລ້ນ ຈົ່ງ​ຍົກ​ທຸງ​ສູ້ຮົບ​ຂຶ້ນ​ສາ ຈົ່ງ​ຮ້ອງ​ສັ່ງ​ພວກ​ທະຫານ ແລະ​ຍົກ​ອາວຸດ​ຂຶ້ນ​ເປັນ​ສັນຍານ​ໃຫ້​ບຸກໂຈມຕີ ປະຕູ​ເມືອງ​ຂອງ​ພວກ​ທີ່​ອວດອົ່ງ​ຈອງຫອງ.

ເອຊາຢາ 47:13

ສິ້ນ​ອຳນາດ​ແລ້ວ​ເຖິງ​ວ່າ​ໄດ້​ຮັບ​ຄຳແນະນຳ​ກໍດີ ຈົ່ງ​ໃຫ້​ພວກ​ໝໍໂຫນ​ໝໍທວາຍ​ອອກ​ມາ ແລະ​ຊ່ວຍ​ເອົາ​ເຈົ້າ​ໄວ້ ຄື​ບັນດາ​ຄົນ​ທີ່​ສຶກສາ​ເບິ່ງ​ດວງດາວ​ທັງຫລາຍ ທັງ​ເຮັດ​ແຜນທີ່​ຂອງ​ຟ້າ​ສະຫວັນ​ອອກ​ມາ​ເປັນ​ຊັ້ນໆ ແລະ​ບອກ​ເຈົ້າ​ເດືອນ​ແລ້ວ​ເດືອນ​ເຫຼົ່າ​ອີກ​ວ່າ ມີ​ເຫດການ​ຫຍັງ​ແດ່​ຈະ​ເກີດຂຶ້ນ​ກັບ​ເຈົ້າ​ນໍ.

ເອຊາຢາ 65:23

ພວກເຂົາ​ຈະ​ເຮັດ​ວຽກງານ​ໂດຍ​ບໍ່​ເສຍ​ປະໂຫຍດ ແລະ​ລູກຫລານ​ຈະ​ບໍ່​ປະສົບ​ກັບ​ໄພພິບັດ. ພຣະເຈົ້າຢາເວ​ຈະ​ອວຍພອນ​ພວກເຂົາ​ແລະ​ເຊື້ອສາຍ​ທຸກຍຸກ​ທຸກສະໄໝ.

ເຢເຣມີຢາ 50:15

ຈົ່ງ​ເປັ່ງສຽງ​ສູ້ຮົບ​ອ້ອມ​ເມືອງ​ເຖີດ ບັດນີ້​ນະຄອນ​ບາບີໂລນ​ໄດ້​ຍອມ​ຈຳນົນ​ແລ້ວ. ກຳແພງ​ເມືອງ​ຖືກ​ພັງ​ລົງ. ອົງພຣະ​ຜູ້​ເປັນເຈົ້າ​ກຳລັງ​ແກ້ແຄ້ນ​ຊາວ​ບາບີໂລນ. ສະນັ້ນ ຈົ່ງ​ແກ້ແຄ້ນ ແລະ​ເຮັດ​ຕໍ່​ພວກເຂົາ​ດັ່ງ​ທີ່​ພວກເຂົາ​ໄດ້​ເຮັດ​ກັບ​ຄົນອື່ນ​ນັ້ນ​ສາ.

ເຢເຣມີຢາ 51:30

ພວກ​ທະຫານ​ບາບີໂລນ​ຕ່າງ​ກໍ​ຢຸດ​ສູ້ຮົບ ແລະ​ພັກ​ຢູ່​ໃນ​ປ້ອມ​ປ້ອງກັນ​ຂອງ​ພວກເຂົາ. ພວກເຂົາ​ສູນເສຍ​ຄວາມ​ກ້າຫານ ແລະ​ກາຍເປັນ​ດັ່ງ​ຜູ້ຍິງ​ໄປ​ສາ​ແລ້ວ. ປະຕູ​ເມືອງ​ຖືກ​ທຳລາຍ​ໃຫ້​ພັງ​ທະລາຍ​ລົງ​ແລະ​ເຮືອນ​ກໍ​ຖືກ​ເຜົາຜານ.

ເຢເຣມີຢາ 51:44

ເຮົາ​ຈະ​ລົງໂທດ​ເບນ ຄື​ພະ​ແຫ່ງ​ບາບີໂລນ ແລະ​ເຮັດ​ໃຫ້​ມັນ​ຍອມ​ຄືນ​ສົມບັດ​ຕ່າງໆ​ທີ່​ໄດ້​ລັກ​ໄປ​ນັ້ນ; ຊົນຊາດ​ທັງຫລາຍ​ຈະ​ບໍ່​ນະມັດສະການ​ມັນ​ອີກ​ຕໍ່ໄປ. ກຳແພງ​ຂອງ​ນະຄອນ​ບາບີໂລນ​ໄດ້​ພັງ​ທະລາຍ​ລົງ​ສາ​ແລ້ວ.

ເຢເຣມີຢາ 51:64

ແລະ​ກ່າວ​ວ່າ, ‘ບາບີໂລນ​ຈະ​ເປັນ​ດັ່ງນີ້ແຫຼະ ຄື​ມັນ​ຈະ​ຈົມລົງ​ແລະ​ຈະ​ບໍ່​ຟູຂຶ້ນ​ມາ​ອີກ​ຈັກເທື່ອ ຍ້ອນ​ຄວາມພິນາດ​ທີ່​ອົງພຣະ​ຜູ້​ເປັນເຈົ້າ​ກຳລັງ​ຈະ​ນຳ​ມາ​ເທິງ​ປະເທດ​ນີ້.”’ ຄຳເວົ້າ​ຂອງ​ເຢເຣມີຢາ​ຈົບລົງ​ພຽງ​ເທົ່ານີ້.

ເຢເຣມີຢາ 51:9

ຊາວ​ຕ່າງດ້າວ​ທັງຫລາຍ​ທີ່​ອາໄສ​ຢູ່​ໃນ​ທີ່ນັ້ນ​ໄດ້​ເວົ້າ​ວ່າ, ‘ພວກເຮົາ​ພະຍາຍາມ​ຊ່ວຍ​ບາບີໂລນ ແຕ່​ຊ້າ​ເກີນ​ໄປ​ສາ​ແລ້ວ. ບັດນີ້ ປ່ອຍ​ສາເທາະ ແລະ​ກັບຄືນ​ເມືອ​ບ້ານເກີດ​ເມືອງນອນ​ສາ. ພຣະເຈົ້າ​ລົງໂທດ​ບາບີໂລນ​ດ້ວຍ​ຣິດທານຸພາບ​ທັງໝົດ​ຂອງ​ພຣະອົງ ແລະ​ທຳລາຍ​ປະເທດ​ຢ່າງ​ໝົດສິ້ນ.”’

ເຢເຣມີຢາ 9:5

ພວກເຂົາ​ລ້ວນແຕ່​ເຮັດ​ໃຫ້​ໝູ່ເພື່ອນ​ຫລົງ​ຜິດ​ໄປ ບໍ່ມີ​ແມ່ນແຕ່​ຄົນດຽວ​ບອກ​ຄວາມຈິງ​ໃຫ້​ກັນ​ຮູ້; ພວກເຂົາ​ໄດ້​ຝຶກແອບ​ລີ້ນ​ຂອງ​ພວກເຂົາ​ໃຫ້​ເວົ້າ​ຕົວະ ພວກເຂົາ​ຈະ​ບໍ່​ຍອມ​ເຊົາ​ການບາບ​ຂອງ​ພວກເຂົາ. ພວກເຂົາ​ກໍ່​ຄວາມ​ຮຸນແຮງ​ຂຶ້ນ ແລະ​ກໍ່​ອີກ​ເທື່ອ​ໃໝ່ ແລະ​ກໍ່​ການ​ຫລອກລວງ​ຂຶ້ນ ແລະ​ກໍ່​ອີກ​ທີ. ພວກເຂົາ​ຕ່າງ​ກໍ​ພາກັນ​ປະຕິເສດ​ທີ່​ຈະ​ຮັບຮູ້​ເຮົາ ອົງພຣະ​ຜູ້​ເປັນເຈົ້າ​ກ່າວ​ວ່າ​ພວກເຂົາ​ປະຖິ້ມ​ພຣະອົງ​ແລ້ວ.

ເພງ^ຄໍ່າຄວນ 5:5

ຖືກ​ໄລ່​ໄປ​ດັ່ງ​ລໍ​ຫລື​ອູດ​ທີ່​ແບກ​ຂອງ​ໜັກ ອິດເມື່ອຍ​ອ່ອນແຮງ​ແຕ່​ກໍ​ບໍ່ໄດ້​ພັກຜ່ອນ.

ຮາບາກຸກ 2:13

ບັນດາ​ຊົນຊາດ​ທີ່​ພວກເຈົ້າ​ໄດ້​ເຂົ້າ​ຄອບຄອງ​ນັ້ນ ເຮັດ​ວຽກ​ອິດອ່ອນ​ໝົດ​ກຳລັງ​ໂດຍ​ບໍ່ມີ​ປະໂຫຍດ ແລະ​ສິ່ງ​ທັງໝົດ​ທີ່​ພວກເຂົາ​ໄດ້​ສ້າງ​ຂຶ້ນ​ມາ​ນັ້ນ​ກໍ​ຖືກ​ໄຟ​ເຜົາຜານ​ກ້ຽງ. ອົງພຣະ​ຜູ້​ເປັນເຈົ້າ​ອົງ​ຊົງຣິດ​ອຳນາດ​ຍິ່ງໃຫຍ່​ໄດ້​ກະທຳການ​ນີ້.