ເຢເຣມີຢາ 51:5 - ພຣະຄຳພີສັກສິ5 ພຣະເຈົ້າຂອງພວກເຂົາ ອົງພຣະຜູ້ເປັນເຈົ້າອົງຊົງຣິດອຳນາດຍິ່ງໃຫຍ່ ບໍ່ໄດ້ປະຖິ້ມອິດສະຣາເອນແລະຢູດາ ເຖິງແມ່ນວ່າພວກເຂົາໄດ້ເຮັດບາບຕໍ່ສູ້ອົງບໍຣິສຸດຂອງຊາດອິດສະຣາເອນກໍຕາມ. Uka jalj uñjjattʼäta |
ເຢເຣມີຢາ 51:5
37 Jak'a apnaqawi uñst'ayäwi
ພວກຂ້ານ້ອຍໄດ້ເປັນທາດຮັບໃຊ້, ແຕ່ພຣະເຈົ້າບໍ່ໄດ້ປ່ອຍໃຫ້ພວກຂ້ານ້ອຍເປັນທາດຮັບໃຊ້ຕໍ່ໄປ. ພຣະອົງໄດ້ເຮັດໃຫ້ບັນດາຈັກກະພັດແຫ່ງເປີເຊຍພໍໃຈໃນພວກຂ້ານ້ອຍ ແລະໃຫ້ພວກເພິ່ນອະນຸຍາດແກ່ພວກຂ້ານ້ອຍມີຊີວິດຢູ່ຕໍ່ໄປ ເພື່ອສ້າງວິຫານຂອງພຣະເຈົ້າຂຶ້ນໃໝ່ ຊຶ່ງແຕ່ກ່ອນເປັນບ່ອນທີ່ຮົກຮ້າງເພພັງ ແລະໃຫ້ພວກຂ້ານ້ອຍອາໄສຢູ່ໃນແຂວງຢູດາຍ ແລະໃນນະຄອນເຢຣູຊາເລັມຢ່າງປອດໄພ.
ພຣະອົງໄດ້ປະຖິ້ມຢູດາເດັດຂາດແລ້ວບໍ? ພຣະອົງກຽດຊັງປະຊາຊົນໃນນະຄອນຊີໂອນຫລືນີ້? ເປັນຫຍັງຈຶ່ງທຳຮ້າຍພວກຂ້ານ້ອຍໜັກຫລາຍ? ຈົນບໍ່ຮັກສາພວກຂ້ານ້ອຍໃຫ້ດີໄດ້? ສັນຕິສຸກຄືສິ່ງທີ່ພວກຂ້ານ້ອຍຊອກຫາ ແຕ່ກໍບໍ່ເຫັນສິ່ງທີ່ດີເກີດຂຶ້ນມາຈັກເທື່ອ; ພວກຂ້ານ້ອຍຫວັງຈະໄດ້ຮັບການຮັກສາໃຫ້ດີ ແຕ່ຄວາມຢ້ານກົວໃຫຍ່ກໍມາແທນທີ່.
ເຮົາຈະເຮັດຢ່າງນີ້ກໍເພາະວ່າປະຊາຊົນໄດ້ປະຖິ້ມເຮົາ ແລະເຮັດໃຫ້ສະຖານທີ່ນີ້ເປັນມົນທິນ ໂດຍການເຜົາເຄື່ອງບູຊາຖວາຍແກ່ພະອື່ນ ຄືບັນດາພະທີ່ພວກເຂົາເອງແລະບັນພະບຸລຸດຂອງພວກເຂົາ ຕະຫລອດທັງກະສັດແຫ່ງຢູດາຍບໍ່ເຄີຍຮູ້ຈັກມາກ່ອນ. ພວກເຂົາໄດ້ເຮັດໃຫ້ບ່ອນນີ້ເປິເປື້ອນ ເຕັມໄປດ້ວຍເລືອດຂອງຄົນບໍ່ມີຄວາມຜິດ
ພຣະເຈົ້າຢາເວໄດ້ກ່າວວ່າ, “ຢາໂຄບຜູ້ຮັບໃຊ້ຂອງເຮົາເອີຍ ຢ່າຢ້ານກົວເລີຍ ເພາະເຮົາສະຖິດຢູ່ກັບເຈົ້າ ເຮົາຈະທຳລາຍຊົນຊາດທັງຫລາຍໃຫ້ດັບກ້ຽງ ຄືບ່ອນທີ່ເຮົາໄດ້ກະຈັດກະຈາຍພວກເຈົ້າໄປຢູ່ອາໄສ ແຕ່ເຮົາຈະບໍ່ທຳລາຍພວກເຈົ້າທັງໝົດດອກ. ເຮົາຈະປ່ອຍໃຫ້ພວກເຈົ້າໄປລ້າໆກໍບໍ່ຫ່ອນເປັນ ໂດຍບໍ່ໄດ້ຮັບໂທດກຳທີ່ພວກເຈົ້າໄດ້ກະທຳນັ້ນ. ແຕ່ເມື່ອລົງໂທດພວກເຈົ້າ ເຮົາຈະເຮັດຢ່າງຍຸດຕິທຳ.”
ພຣະອົງໄດ້ກ່າວແກ່ຂ້າພະເຈົ້າວ່າ, “ມະນຸດເອີຍ ເຈົ້າເຫັນສິ່ງນັ້ນບໍ? ປະຊາຊົນຢູດາຍເຫຼົ່ານີ້ບໍ່ແມ່ນແຕ່ພໍໃຈເຮັດໃນສິ່ງທີ່ໜ້າກຽດຊັງ ແລະເຮັດໃຫ້ຄວາມຮຸນແຮງລຸກລາມໄປທົ່ວທັງປະເທດເທົ່ານັ້ນ. ເບິ່ງແມ, ພວກເຂົາຍັງຕ້ອງມາເຮັດສິ່ງເຫຼົ່ານັ້ນໃນວິຫານນີ້ ແລະຍົວະໃຫ້ເຮົາໂກດຮ້າຍຕື່ມອີກ. ເບິ່ງດຸ, ພວກເຂົາດູໝິ່ນປະໝາດເຮົາສໍ່າໃດ ທັງເຮັດໃຫ້ເຮົາຂັດເຄືອງໃຈຫລາຍທີ່ສຸດ.
Anuncios ukanaka