ເຢເຣມີຢາ 51:41 - ພຣະຄຳພີສັກສິ

⁴¹ ອົງພຣະ​ຜູ້​ເປັນເຈົ້າ​ກ່າວ​ກ່ຽວກັບ​ນະຄອນ​ບາບີໂລນ​ວ່າ, “ເມືອງ​ທີ່​ທົ່ວ​ທັງໂລກ​ເຄີຍ​ຊົມເຊີຍ​ນັ້ນ​ຖືກ​ຢຶດ​ສາ​ແລ້ວ ນະຄອນ​ບາບີໂລນ​ກາຍເປັນ​ເປົ້າ​ສາຍຕາ​ອັນ​ໜ້າຢ້ານກົວ​ຕໍ່​ບັນດາ​ຊົນຊາດ​ສາ​ແລ້ວ

ເຢເຣມີຢາ 51:41 Jak'a apnaqawi uñst'ayäwi

2 ຂ່າວຄາວ 7:21

ໃນ​ເວລາ​ນີ້ ພຣະວິຫານ​ເປັນ​ທີ່​ຍົກຍໍ​ຢ່າງ​ສູງສົ່ງ​ແທ້, ແຕ່​ແລ້ວ​ໃນ​ເວລາ​ນັ້ນ ທຸກໆ​ຄົນ​ທີ່​ຜ່ານ​ໄປ​ກໍ​ຈະ​ສະດຸ້ງ​ໃນໃຈ ແລະ​ຖາມ​ວ່າ, ‘ເປັນຫຍັງ​ພຣະເຈົ້າຢາເວ​ຈຶ່ງ​ເຮັດ​ກັບ​ດິນແດນ ແລະ​ວິຫານ​ເຊັ່ນ​ນີ້?’

ເອຊາຢາ 13:19

ບາບີໂລນ​ເປັນ​ອານາຈັກ​ໜຶ່ງ​ທີ່​ສວຍງາມ​ກວ່າ​ອານາຈັກ​ໃດໆ​ທັງໝົດ ເປັນ​ທີ່​ພູມໃຈ​ຂອງ​ຊາວ​ນະຄອນ. ເມືອງ​ນັ້ນ​ຈະ​ເປັນ​ຄື​ເມືອງ​ໂຊໂດມ ແລະ​ເມືອງ​ໂກໂມຣາ​ທີ່​ພຣະເຈົ້າ​ໄດ້​ໂຄ່ນລົ້ມ​ແລ້ວ.

ເອຊາຢາ 14:4

ເມື່ອ​ພຣະອົງ​ກະທຳ​ການ​ນັ້ນ ພວກເຂົາ​ຈະ​ເວົ້າ​ເຍາະເຍິ້ຍ​ກະສັດ​ແຫ່ງ​ບາບີໂລນ​ວ່າ: “ກະສັດ​ຜູ້​ຮ້າຍກາດ​ໄດ້​ລົ້ມລົງ​ແລ້ວ ເພິ່ນ​ຈະ​ບໍ່ໄດ້​ກົດຂີ່​ຜູ້ໃດ​ຜູ້ໜຶ່ງ​ອີກ​ຕໍ່ໄປ

ເຢເຣມີຢາ 25:26

ບັນດາ​ກະສັດ​ທັງໝົດ​ທາງ​ທິດເໜືອ, ໄກແລະໃກ້​ແຕ່ລະ​ເມືອງ​ເປັນ​ລຳດັບ. ທຸກໆ​ຊົນຊາດ​ທີ່​ຢູ່​ເທິງ​ແຜ່ນດິນ​ໂລກ​ຕ້ອງ​ໄດ້​ດື່ມ​ຈາກ​ຈອກ​ນີ້. ໃນ​ທີ່ສຸດ​ກະສັດ​ແຫ່ງ​ບາບີໂລນ​ກໍ​ຈະ​ດື່ມ​ຈາກ​ຈອກ​ນີ້​ຄືກັນ.

ເຢເຣມີຢາ 49:25

ນະຄອນ​ໂດ່ງດັງ​ທີ່​ເຄີຍ​ມີ​ຄວາມສຸກ ໄດ້​ຮົກຮ້າງ​ຫວ່າງເປົ່າ​ໄປ​ໝົດ.

ເຢເຣມີຢາ 50:23

ບາບີໂລນ​ໄດ້​ໃຊ້​ຄ້ອນຕີ​ໂລກ​ທັງໝົດ​ແຕກ​ເປັນ​ປ່ຽງ​ສັນໃດ; ບັດນີ້ ຄ້ອນຕີ​ນັ້ນ​ກໍໄດ້​ແຕກ​ເປັນ​ປ່ຽງ​ສັນນັ້ນ ບັນດາ​ຊົນຊາດ​ທັງໝົດ​ສະດຸ້ງ​ຕົກໃຈ ຕໍ່​ສິ່ງ​ທີ່​ໄດ້​ເກີດຂຶ້ນ​ໃນ​ປະເທດ​ນັ້ນ.

ເຢເຣມີຢາ 50:46

ເມື່ອ​ນະຄອນ​ບາບີໂລນ​ຫຼົ້ມຈົມ​ນັ້ນ​ຈະ​ມີ​ສຽງດັງ​ຂຶ້ນ ຈົນ​ແຜ່ນດິນ​ໂລກ​ທັງໝົດ​ສັ່ນສະເທືອນ ແລະ​ສຽງ​ແຕກຕື່ນ​ກໍ​ຈະ​ໄດ້ຍິນ​ໄປ​ຮອດ​ຊົນຊາດ​ທັງຫລາຍ.”

ເຢເຣມີຢາ 51:37

ປະເທດ​ນັ້ນ​ຈະ​ກາຍເປັນ​ກອງ​ສິ່ງ​ຮົກຮ້າງ​ເພພັງ ຄື​ບ່ອນ​ທີ່​ສັດປ່າ​ທັງຫລາຍ​ອາໄສ​ຢູ່. ມັນ​ຈະ​ເປັນ​ເປົ້າ​ສາຍຕາ​ອັນ​ໜ້າຢ້ານກົວ​ຫລາຍ; ຈະ​ບໍ່ມີ​ຜູ້ໃດ​ອາໄສ​ຢູ່​ທີ່​ນັ້ນ​ແລະ​ທຸກຄົນ​ທີ່​ເຫັນ​ກໍ​ຈະ​ຢ້ານກົວ​ໃຫຍ່.

ເອເຊກຽນ 27:35

ທຸກຄົນ​ທີ່​ຢູ່​ຕາມ​ຝັ່ງ​ທະເລ​ກໍ​ສະດຸ້ງ​ຕົກໃຈ​ໃນ​ຊາຕາກຳ​ຂອງເຈົ້າ. ແມ່ນແຕ່​ກະສັດ​ຂອງ​ພວກເຂົາ ຕ່າງ​ກໍ​ສະທ້ານ​ຢ້ານກົວ​ຈົນ​ເບິ່ງ​ສີໜ້າ​ກໍ​ຮູ້.

ດານີເອນ 2:38

ພຣະເຈົ້າ​ໄດ້​ແຕ່ງຕັ້ງ​ທ່ານ​ໃຫ້​ເປັນ​ຜູ້ປົກຄອງ​ຄົນ​ຕະຫລອດ​ທັງ​ສັດ ແລະ​ນົກ​ທັງປວງ​ທີ່​ອາໄສ​ຢູ່​ໃນ​ໂລກ. ຫົວ​ຄຳ​ນັ້ນ​ແມ່ນ​ທ່ານເອງ.

ດານີເອນ 4:22

ຂ້າແດ່​ພະຣາຊາ ຕົ້ນໄມ້​ນັ້ນ​ແມ່ນ​ທ່ານເອງ ຄື​ຜູ້​ທີ່​ຍິ່ງໃຫຍ່​ແລະ​ເຂັ້ມແຂງ. ຄວາມ​ຍິ່ງໃຫຍ່​ຂອງທ່ານ​ສູງ​ຈຸ​ຟ້າ ແລະ​ອຳນາດ​ຂອງທ່ານ​ກໍ​ແຜ່​ອອກ​ໄປ​ທົ່ວໂລກ.

ດານີເອນ 4:30

ເພິ່ນ​ໄດ້​ກ່າວ​ວ່າ, “ເບິ່ງດູ ນະຄອນ​ບາບີໂລນ​ນີ້​ເປັນ​ເມືອງ​ໃຫຍ່​ຫລາຍ ເຮົາ​ໄດ້​ສ້າງ​ໃຫ້​ເປັນ​ເມືອງ​ຫລວງ​ຂອງເຮົາ ເພື່ອ​ສະແດງ​ເຖິງ​ອຳນາດ ແລະ​ຄວາມ​ຍິ່ງໃຫຍ່ ກຽດຕິຍົດ ແລະ​ສະຫງ່າຣາສີ​ຂອງເຮົາ.”

ພຣະບັນຍັດສອງ 28:37

ໃນ​ບັນດາ​ປະເທດ​ທີ່​ພຣະເຈົ້າຢາເວ​ຈະ​ໃຫ້​ພວກເຈົ້າ​ກະຈັດ​ກະຈາຍ​ໄປ​ອາໄສ​ຢູ່​ນັ້ນ ປະຊາຊົນ​ຈະ​ຕື່ນ​ຕົກໃຈ​ຕໍ່​ເຫດການ​ທີ່​ໄດ້​ເກີດຂຶ້ນ​ກັບ​ພວກເຈົ້າ ແລ້ວ​ພວກເຂົາ​ຕ່າງ​ກໍ​ຈະ​ຫົວເລາະ​ເຍາະເຍີ້ຍ​ພວກເຈົ້າ.