ເຢເຣມີຢາ 51:16 - ພຣະຄຳພີສັກສິ

¹⁶ ໂດຍ​ພຣະ​ຄຳສັ່ງ ນໍ້າ​ທີ່​ເທິງ​ຟ້າ​ສະຫວັນ ດັງ​ຄຶກຄະນອງ ພຣະອົງ​ນຳ​ເມກ​ມາ​ຈາກ​ສົ້ນສຸດ​ແຜ່ນດິນ​ໂລກ. ພຣະອົງ​ໃຫ້​ມີ​ຟ້າ​ແມບເຫລື້ອມ​ທ່າມກາງ​ສາຍຝົນ ແລະ​ສົ່ງ​ລົມ​ໃຫ້​ພັດ​ມາ​ແຕ່​ຄັງ​ຂອງ​ພຣະອົງ​ນັ້ນ.

ເຢເຣມີຢາ 51:16 Jak'a apnaqawi uñst'ayäwi

ປະຖົມມະການ 8:1

ພຣະເຈົ້າ​ບໍ່ໄດ້​ລືມ​ໂນອາ​ພ້ອມ​ທັງ​ສັດ​ຊະນິດ​ຕ່າງໆ​ທີ່​ຢູ່​ໃນ​ເຮືອ; ພຣະອົງ​ໄດ້​ເຮັດ​ໃຫ້​ມີ​ລົມ​ພັດ​ມາ ແລະ​ນໍ້າ​ກໍ​ບົກ​ລົງ.

ພຣະທຳ​ໂຢບ 37:13

ພຣະເຈົ້າ​ສົ່ງ​ຝົນ​ລົງ​ໃຫ້​ຫົດ​ພື້ນ​ແຜ່ນດິນ ອາດ​ສົ່ງ​ມາ​ລົງໂທດ​ຄົນ​ຫລື​ໃຫ້​ຄວາມຮັກ​ກໍໄດ້.

ພຣະທຳ​ໂຢບ 38:22

ເຈົ້າ​ເຄີຍ​ໄດ້​ໄປ​ຢ້ຽມ​ບ່ອນ​ມ້ຽນ​ຂອງ​ຕ່າງໆ​ບໍ? ຄື​ບ່ອນ​ທີ່​ເຮົາ​ເກັບ​ຮັກສາ​ຫິມະ ແລະ​ໝາກເຫັບ​ນັ້ນ?

ພຣະທຳ​ໂຢບ 40:9

ເຈົ້າ​ເຂັ້ມແຂງ​ເທົ່າ​ກັນ​ກັບ​ເຮົາ​ບໍ? ສຽງ​ເຈົ້າ​ກ້ອງສະໜັ່ນ​ດັ່ງ​ສຽງ​ຂອງເຮົາ​ຫລື​ບໍ່?

ເພງ^ສັນລະເສີນ 104:7

ແຕ່​ເມື່ອ​ພຣະອົງ​ນາບຂູ່​ນໍ້າມັນ​ກໍ​ຫລົບ​ໜີໄປ ເວລາ​ມັນ​ໄດ້ຍິນ​ສຽງ​ພຣະອົງ​ຮ້ອງ​ສັ່ງ ມັນ​ກໍ​ໄຫລ​ໄປ​ໂລດ.

ເພງ^ສັນລະເສີນ 135:7

ພຣະອົງ​ນຳ​ເອົາ​ເມກໝອກ​ອັນ​ມືດຄື້ມ​ມາ ຈາກ​ຂອບຟ້າ​ສົ້ນສຸດ​ແຫ່ງ​ແຜ່ນດິນ​ໂລກ ເຮັດ​ໃຫ້​ຟ້າ​ແມບເຫລື້ອມ​ໃນ​ທ່າມກາງ​ພະຍຸຝົນ ແລະ​ປ່ອຍ​ໃຫ້​ລົມ​ພັດ​ມາ​ຈາກ​ບ່ອນ​ຢູ່​ຂອງມັນ​ນັ້ນ.

ເພງ^ສັນລະເສີນ 147:18

ເມື່ອ​ພຣະອົງ​ສັ່ງ​ນໍ້າກ້ອນ​ກໍ​ເປື່ອຍ​ລະລາຍ​ໄປ ເມື່ອ​ພຣະອົງ​ສົ່ງ​ລົມ​ມາ ນໍ້າ​ກໍ​ໄຫລ​ຖ້ວມ.

ເພງ^ສັນລະເສີນ 18:13

ແລ້ວ​ພຣະເຈົ້າຢາເວ​ເຮັດ​ໃຫ້​ຟ້າຮ້ອງ​ຈາກ​ຟ້າ​ສະຫວັນ ສຽງ​ຂອງ​ອົງ​ຊົງຣິດ​ຍິ່ງໃຫຍ່​ສູງສຸດ​ໄດ້ຍິນ ໄປ​ທົ່ວ​ໃຕ້​ຟ້າ.

ເພງ^ສັນລະເສີນ 46:6

ບັນດາ​ຊົນຊາດ​ຕ່າງ​ກໍ​ຫວາດຫວັ່ນ​ຕົກໃຈກົວ ແລະ​ອານາຈັກ​ທັງຫລາຍ​ກໍ​ສັ່ນສະເທືອນ ເມື່ອ​ພຣະອົງ​ສົ່ງ​ສຽງ​ຟ້າຮ້ອງ​ດັງ​ກ້ອງ​ກັງວານ ແຜ່ນດິນ​ໂລກ​ເຮົາ​ກໍ​ຖະຫລົ່ມ​ໄປ​ໝົດສິ້ນ.

ເພງ^ສັນລະເສີນ 68:33

ຜູ້​ໃຊ້​ຟ້າ​ສະຫວັນ​ເປັນ​ພາຫະນະ ຄື​ຜູ້​ໃຊ້​ຟ້າ​ສະຫວັນ​ແຕ່​ດຶກດຳບັນ. ຈົ່ງ​ຟັງ​ຜູ້​ທີ່​ເປັ່ງ​ສຽງ​ຮ້ອງ​ດ້ວຍ​ຣິດອຳນາດ.

ເພງ^ສັນລະເສີນ 78:26

ພຣະອົງ​ໄດ້​ໃຫ້​ລົມ​ທິດ​ຕາເວັນອອກ​ພັດ​ມາ​ຈາກ​ຟ້າ​ສະຫວັນ ລົມ​ທາງທິດໃຕ້​ກໍ​ພັດ​ມາ​ດ້ວຍ​ຣິດອຳນາດ​ຂອງ​ພຣະອົງ

ອົບພະຍົບ 10:13

ດັ່ງນັ້ນ ໂມເຊ​ຈຶ່ງ​ຍົກ​ໄມ້ຄ້ອນເທົ້າ​ຂຶ້ນ ແລະ​ພຣະເຈົ້າຢາເວ​ກໍ​ເຮັດ​ໃຫ້​ລົມ​ຈາກ​ທິດ​ຕາເວັນອອກ ພັດ​ມາ​ສູ່​ປະເທດ​ເອຢິບ​ຕະຫລອດ​ເວັນ​ຕະຫລອດ​ຄືນ. ພໍ​ຮອດ​ຮຸ່ງ​ເຊົ້າ ລົມ​ກໍໄດ້​ພັດ​ເອົາ​ຝູງ​ຕັກແຕນ​ມາ​ຢ່າງ​ຫລວງຫລາຍ.

ອົບພະຍົບ 10:19

ແລ້ວ​ພຣະເຈົ້າຢາເວ​ກໍ​ປ່ຽນ​ລົມ​ແຕ່​ທິດ​ຕາເວັນອອກ ເປັນ​ລົມແຮງ​ຈາກ​ທິດ​ຕາເວັນຕົກ ພັດ​ເອົາ​ຕັກແຕນ​ໄປ​ຕົກ​ໃສ່​ອ່າວ​ຊູແອດ. ບໍ່ມີ​ຕັກແຕນ​ແມ່ນແຕ່​ໂຕ​ດຽວ​ເຫຼືອ​ຢູ່​ໃນ​ປະເທດ​ເອຢິບ.

ອົບພະຍົບ 14:21

ໂມເຊ​ໄດ້​ເດ່​ມື​ຂອງຕົນ​ອອກ​ໄປ​ສູ່​ທະເລ ແລະ​ພຣະເຈົ້າຢາເວ​ໄດ້​ບັນດານ ໃຫ້​ລົມຮ້ອນ​ທາງ​ທິດ​ຕາເວັນອອກ​ພັດ​ທະເລ​ຕະຫລອດ​ຄືນ. ລົມ​ໄດ້​ພັດ​ທະເລ​ຢູ່​ຢ່າງ​ລຽນຕິດ​ຈົນ​ເຫັນ​ພື້ນດິນ​ແຫ້ງ. ນໍ້າ​ໄດ້​ແຍກ​ອອກ​ຈາກ​ກັນ​ເປັນ​ທາງຍ່າງ

ເອເຊກຽນ 10:5

ສຽງ​ປີກ​ຂອງ​ເຄຣຸບ​ທີ່​ກະທົບ​ກັນ​ໄດ້ຍິນ​ໄປຮອດ​ເດີ່ນ​ຂ້າງ​ນອກ. ສຽງ​ນັ້ນ​ດັງ​ກ້ອງສະໜັ່ນ​ເໝືອນ​ສຽງ​ຂອງ​ພຣະເຈົ້າ​ອົງ​ຊົງຣິດ​ອຳນາດ​ຍິ່ງໃຫຍ່.

ອາໂມດ 9:7

ພຣະເຈົ້າຢາເວ​ກ່າວ​ວ່າ, “ປະຊາຊົນ​ອິດສະຣາເອນ​ເອີຍ ເຮົາ​ຄິດເຖິງ​ພວກເຈົ້າ​ດັ່ງ​ຄິດເຖິງ​ຊາວ​ເອທີໂອເປຍ. ເຮົາ​ໄດ້​ພາ​ພວກ​ຟີລິດສະຕິນ​ອອກ​ຈາກ​ເກາະ​ກະເຣເຕ ແລະ​ພາ​ພວກ​ຊີເຣຍ​ອອກ​ມາ​ຈາກ​ເມືອງ​ກີຣະ ດັ່ງ​ທີ່​ເຮົາ​ໄດ້​ນຳພາ​ພວກເຈົ້າ​ອອກ​ມາ​ຈາກ​ປະເທດ​ເອຢິບ.

ໂຢນາ 1:4

ແຕ່​ພຣະເຈົ້າຢາເວ​ໄດ້​ບັນດານ​ໃຫ້​ເກີດ​ລົມພະຍຸ​ໃຫຍ່​ພັດ​ຜ່ານ​ທະເລ​ມາ ແລະ​ພັດ​ແຮງ​ທີ່ສຸດ​ຈົນ​ເຮືອ​ຢູ່​ໃນ​ອັນຕະລາຍ​ເກືອບ​ຈະ​ແຕກ.

ໂຢນາ 4:8

ຫລັງຈາກ​ຕາເວັນ​ໄດ້​ຂຶ້ນ​ແລ້ວ ພຣະເຈົ້າ​ກໍ​ບັນດານ​ໃຫ້​ລົມຮ້ອນ​ພັດ​ມາ​ແຕ່​ທາງທິດ​ຕາເວັນອອກ ແລະ​ໂຢນາ​ເກືອບ​ສະຫລົບ​ໄປ ຍ້ອນ​ຄວາມຮ້ອນ​ຂອງ​ແສງ​ແດດ​ເຜົາ. ສະນັ້ນ ເພິ່ນ​ຈຶ່ງ​ຄິດ​ຢາກ​ຕາຍ. ເພິ່ນ​ເວົ້າ​ວ່າ, “ຂ້ານ້ອຍ​ຕາຍໄປ​ກໍດີກວ່າ​ທີ່​ຈະ​ມີ​ຊີວິດ​ຢູ່.”