ເຢເຣມີຢາ 51:11 - ພຣະຄຳພີສັກສິ

¹¹ ພຣະເຈົ້າຢາເວ​ໄດ້​ກຸກກວນ​ພວກ​ກະສັດ​ແຫ່ງ​ເມເດຍ ເພາະ​ພຣະອົງ​ຕັ້ງໃຈ​ຈະ​ທຳລາຍ​ບາບີໂລນ. ດ້ວຍ​ວິທີ​ນີ້ແຫຼະ ພຣະເຈົ້າຢາເວ​ຈະ​ໄດ້​ແກ້ແຄ້ນ​ຄືນ​ຍ້ອນ​ພຣະວິຫານ​ຂອງ​ພຣະອົງ​ຖືກ​ທຳລາຍ. ບັນດາ​ນາຍ​ທະຫານ​ທີ່​ບັນຊາການ​ໂຈມຕີ​ສັ່ງ​ວ່າ, “ຝົນ​ລູກສອນ​ໃຫ້​ແຫລມ ຈົ່ງ​ຕຽມ​ໂລ້​ໄວ້​ໃຫ້​ພ້ອມ

ເຢເຣມີຢາ 51:11 Jak'a apnaqawi uñst'ayäwi

1 ກະສັດ 11:14

ດັ່ງນັ້ນ ພຣະເຈົ້າຢາເວ​ຈຶ່ງ​ໄດ້​ເຮັດ​ໃຫ້​ຮາດາດ ຄົນ​ໜຶ່ງ​ໃນ​ຄອບຄົວ​ຂອງ​ກະສັດ​ແຫ່ງ​ເອໂດມ ເປັນ​ສັດຕູ​ຕໍ່​ກະສັດ​ໂຊໂລໂມນ.

1 ກະສັດ 11:23

ພຣະເຈົ້າ​ຍັງ​ໄດ້​ເຮັດ​ໃຫ້​ເຣຊົນ ລູກຊາຍ​ຂອງ​ເອລີອາດາ​ເປັນ​ສັດຕູ​ຕໍ່​ກະສັດ​ໂຊໂລໂມນ. ເຣຊົນ​ໄດ້​ປົບໜີ​ຈາກ​ເຈົ້າ​ຮາດາເດເຊ ນາຍ​ຂອງຕົນ​ຜູ້​ທີ່​ເປັນ​ກະສັດ​ແຫ່ງ​ໂຊບາ

1 ຂ່າວຄາວ 5:26

ດັ່ງນັ້ນ ພຣະເຈົ້າ​ຈຶ່ງ​ບັນດານ​ໃຫ້​ກະສັດ​ປູນ​ແຫ່ງ​ອັດຊີເຣຍ (ມີ​ຊື່​ອື່ນ​ອີກ​ວ່າ ຕີກະລາດ​ປີເລເສ) ມາ​ຮຸກຮານ​ປະເທດ​ຂອງ​ພວກເຂົາ. ເພິ່ນ​ໄດ້​ຈັບ​ເຜົ່າ​ຣູເບັນ, ກາດ, ມານາເຊ​ເຄິ່ງເຜົ່າ​ຕາເວັນອອກ​ໄປ​ເປັນ​ຊະເລີຍ ແລະ​ໃຫ້​ພວກເຂົາ​ໄດ້​ຕັ້ງ​ຫຼັກແຫຼ່ງ​ຢູ່​ໃນ​ຮາລາ, ຮາບໍ ແລະ​ຮາຣາ ແລະ​ຕາມ​ລຳ​ແມ່ນໍ້າ​ໂກຊານ​ຈົນເຖິງ​ທຸກ​ວັນນີ້.

2 ຂ່າວຄາວ 36:22

ໃນ​ປີ​ທີ​ໜຶ່ງ ຊຶ່ງ​ກະສັດ​ໄຊຣັດ​ແຫ່ງ​ເປີເຊຍ​ໄດ້​ຂຶ້ນ​ເປັນ​ຈັກກະພັດ ພຣະເຈົ້າຢາເວ​ໄດ້​ເຮັດ​ຕາມ​ຖ້ອຍຄຳ​ທີ່​ພຣະອົງ​ໄດ້​ກ່າວ​ໄວ້ ຜ່ານ​ທາງ​ຜູ້ທຳນວາຍ​ເຢເຣມີຢາ. ພຣະເຈົ້າຢາເວ​ໄດ້​ບັນດານ​ໃຫ້​ກະສັດ​ໄຊຣັດ​ອອກ​ຄຳສັ່ງ​ປະກາດ​ໄປ​ທົ່ວ​ທຸກໆ​ບ່ອນ​ໃນ​ອານາຈັກ​ຂອງເພິ່ນ ໂດຍ​ມີ​ຖ້ອຍຄຳ​ດັ່ງນີ້:

ເອຊະຣາ 1:1

ໃນ​ປີ​ທຳອິດ​ທີ່​ກະສັດ​ໄຊຣັດ​ແຫ່ງ​ເປີເຊຍ​ຂຶ້ນ​ເປັນ​ຈັກກະພັດ ຖ້ອຍຄຳ​ຂອງ​ພຣະເຈົ້າຢາເວ​ໄດ້​ກ່າວ​ຜ່ານ​ປາກ​ຜູ້ທຳນວາຍ​ເຢເຣມີຢາ​ກາຍເປັນ​ຈິງ. ພຣະເຈົ້າຢາເວ​ໄດ້​ດົນໃຈ​ກະສັດ​ໄຊຣັດ​ໃຫ້​ອອກ​ຄຳສັ່ງ ແລະ​ຂຽນ​ຂໍ້ຄຳສັ່ງ​ນັ້ນ​ສົ່ງ​ອອກ​ໄປ ແລະ​ໃຫ້​ອ່ານ​ດັງໆ​ຕາມ​ທຸກບ່ອນ​ທົ່ວ​ອານາຈັກ​ຂອງ​ເພິ່ນ ໂດຍ​ມີ​ຂໍ້​ຄວາມ​ດັ່ງນີ້:

ເອຊາຢາ 10:26

ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່ ຈະ​ໃຊ້​ໄມ້ແສ້​ຕີ​ພວກເຂົາ​ເໝືອນກັນ​ກັບ​ທີ່​ໄດ້​ຕີ​ຊາວ​ມີດີອານ​ທີ່​ໂງ່ນຫີນ​ໂອເຣັບ. ຈະ​ລົງໂທດ​ອັດຊີເຣຍ​ເໝືອນກັນ​ກັບ​ທີ່​ໄດ້​ລົງໂທດ​ເອຢິບ.

ເອຊາຢາ 21:2

ຂ້າພະເຈົ້າ​ໄດ້​ເຫັນ​ນິມິດ​ຂອງ​ເຫດການ​ທີ່​ໂຫດຮ້າຍ ຄື​ນິມິດ​ຂອງ​ການ​ທໍລະຍົດ ແລະ​ການທຳລາຍ. ກອງທັບ​ຂອງ​ເອລາມ​ເອີຍ ຈົ່ງ​ໂຈມຕີ​ເຖີດ ກອງທັບ​ຂອງ​ມີເດຍ​ເອີຍ ຈົ່ງ​ປິດລ້ອມ​ເມືອງ​ທັງຫລາຍ​ໄວ້​ເຖີດ ພຣະເຈົ້າ​ໄດ້​ກະທຳ​ໃຫ້​ຄວາມ​ທົນທຸກ ຊຶ່ງ​ນະຄອນ​ບາບີໂລນ​ໄດ້​ສ້າງ​ຂຶ້ນ​ນັ້ນ​ສິ້ນສຸດ​ລົງ​ແລ້ວ.

ເອຊາຢາ 21:5

ໃນ​ນິມິດ​ນັ້ນ​ງານກິນລ້ຽງ​ກໍ​ຕຽມພ້ອມ​ແລ້ວ ພວກເຂົາ​ພື​ພົມ​ອອກ​ສຳລັບ​ໃຫ້​ແຂກ​ນັ່ງ. ພວກເຂົາ​ກຳລັງ​ກິນ​ແລະ​ດື່ມ. ແຕ່​ໃນ​ທັນໃດນັ້ນ ກໍ​ມີ​ຄຳສັ່ງ​ດັງ​ກ້ອງ​ຂຶ້ນ​ວ່າ, “ນາຍ​ທະຫານ​ທັງຫລາຍ ຕຽມ​ໂລ້​ໄວ້​ໃຫ້​ພ້ອມ.”

ເອຊາຢາ 41:25

ເຮົາ​ໄດ້​ເລືອກ​ຄົນ​ໜຶ່ງ​ຢູ່​ທິດ​ຕາເວັນອອກ​ມາ ຈະ​ໃຫ້​ລາວ​ໂຈມຕີ​ມາ​ແຕ່​ທາງ​ທິດເໜືອ​ພຸ້ນ. ລາວ​ຈະ​ຢຽບຢໍ່າ​ພວກ​ຜູ້ປົກຄອງ​ດັ່ງ​ຢຽບ​ຂີ້ຕົມ ດັ່ງ​ຊ່າງ​ເຮັດ​ໝໍ້ດິນ​ຢຽບຢໍ່າ​ດິນດາກ.

ເອຊາຢາ 45:1

ພຣະເຈົ້າຢາເວ​ໄດ້ກ່າວ​ກັບ​ຜູ້​ທີ່​ພຣະອົງ​ຊົງເຈີມ​ໄວ້​ຄື​ໄຊຣັດ​ໃຫ້​ເປັນ​ກະສັດ ຜູ້ຊຶ່ງ​ພຣະອົງ​ໄດ້​ຈັບ​ມື​ຂວາ​ໄວ້​ເພື່ອ​ໃຫ້​ປາບ​ບັນດາ​ຊົນຊາດ​ຕໍ່ໜ້າ​ທ່ານ; ພຣະອົງ​ສົ່ງ​ເພິ່ນ​ມາ​ເພື່ອ​ຖອດ​ຕຳແໜ່ງ​ກະສັດ ຈາກ​ອຳນາດ​ທີ່​ພວກເຂົາ​ມີ​ສຳລັບ​ການ​ປົກຄອງ​ນັ້ນ; ໃຫ້​ເປີດ​ປະຕູ​ຕໍ່ໜ້າ​ທ່ານ ແລະ​ບໍ່ໃຫ້​ປະຕູ​ເມືອງ​ປິດ​ກ່າວ​ດັ່ງນີ້​ວ່າ:

ເອຊາຢາ 45:5

ເຮົາ​ຄື​ພຣະເຈົ້າຢາເວ ບໍ່ມີ​ພຣະເຈົ້າ​ອົງ​ອື່ນໃດ ເຈົ້າ​ບໍ່​ຮູ້​ເຮົາ ແຕ່​ເຮົາ​ກໍ​ຈະ​ໃຫ້​ກຳລັງ​ແກ່​ເຈົ້າ.

ເອຊາຢາ 46:11

ແຕ່​ທິດ​ຕາເວັນອອກ ເຮົາ​ກຳລັງ​ເອີ້ນ​ເອົາ​ຄົນ​ໜຶ່ງ​ມາ ລາວ​ຈະ​ຊັດ​ຫົວ​ລົງ​ດັ່ງ​ໂຕ​ແຫລວ​ບິນ​ເຈີດ ລາວ​ຈະ​ເຮັດ​ສຳເລັດ​ຕາມ​ທີ່​ເຮົາ​ໄດ້​ວາງແຜນ ເຮົາ​ກ່າວ​ໄວ້​ຢ່າງໃດ​ກໍ​ຈະ​ເກີດຂຶ້ນ​ຢ່າງນັ້ນ.

ເຢເຣມີຢາ 25:25

ບັນດາ​ກະສັດ​ທັງໝົດ​ຂອງ​ເມືອງ​ສິມຣິ, ເອລາມ ແລະ​ເມເດຍ;

ເຢເຣມີຢາ 46:3

“ພວກ​ນາຍ​ທະຫານ​ແຫ່ງ​ເອຢິບ​ໄດ້​ຮ້ອງ​ຂຶ້ນ​ວ່າ, ‘ຕຽມ​ໂລ້​ໃຫ້​ພ້ອມ​ແລະ​ເດີນ​ເຂົ້າ​ສູ່​ສະໜາມ

ເຢເຣມີຢາ 46:4

ມັດ​ອານ​ໃສ່​ຫລັງ​ມ້າ​ແລະ​ກະໂດດ​ຂຶ້ນ​ຂີ່​ໄປ ເຂົ້າ​ປະຈຳ​ທີ່​ທັງ​ສຸບ​ໝວກເຫລັກ​ໃສ່​ຫົວ​ພວກເຈົ້າ ຝົນ​ຫອກ​ຂອງ​ພວກເຈົ້າ​ໃຫ້​ແຫລມຄົມ ໃສ່​ເຄື່ອງ​ຫຸ້ມເກາະ​ປ້ອງກັນ​ຕົວ​ໃຫ້​ດີ​ໄວ້.’

ເຢເຣມີຢາ 46:9

ຈົ່ງ​ສັ່ງ​ຝູງມ້າ​ໃຫ້​ແລ່ນ​ແກ່​ລົດຮົບ​ອອກ​ມາ ຈົ່ງ​ໃຫ້​ພວກ​ທະຫານ​ຖື​ໂລ້​ຍ່າງ​ອອກ​ມາ​ພ້ອມ ຄື​ພວກ​ທີ່​ມາ​ແຕ່​ປະເທດ​ເອທີໂອເປຍ​ແລະ​ປະເທດ​ລີເບຍ ນັກຍິງ​ໜ້າທະນູ​ທີ່​ຊຳນານ​ຈາກ​ປະເທດ​ລີເດຍ​ດ້ວຍ.”’

ເຢເຣມີຢາ 50:25

ພຣະເຈົ້າຢາເວ​ໄດ້​ໄຂ​ສາງ​ອາວຸດ​ຂອງພຣະອົງ​ອອກ ແລະ​ດ້ວຍ​ຄວາມ​ໂກດຮ້າຍ​ພຣະອົງ​ໄດ້​ເອົາ​ອາວຸດ​ນັ້ນ​ອອກ​ມາ ເພາະ​ອົງພຣະ​ຜູ້​ເປັນເຈົ້າ ພຣະເຈົ້າ​ອົງ​ຊົງຣິດ​ອຳນາດ​ຍິ່ງໃຫຍ່ ມີ​ພາລະກິດ​ທີ່​ຈະ​ເຮັດ​ໃນ​ບາບີໂລນ.

ເຢເຣມີຢາ 50:3

ມີ​ຊົນຊາດ​ໜຶ່ງ​ຈາກ​ທາງ​ທິດເໜືອ​ໄດ້​ມາ​ໂຈມຕີ​ບາບີໂລນ ແລະ​ຈະ​ເຮັດ​ໃຫ້​ເປັນ​ຖິ່ນ​ແຫ້ງແລ້ງ​ກັນດານ. ມະນຸດ​ແລະ​ຝູງສັດ​ຈະ​ແລ່ນ​ໜີໄປ ແລະ​ຈະ​ບໍ່ມີ​ຜູ້ໃດ​ອາໄສ​ຢູ່​ໃນ​ທີ່ນັ້ນ​ເລີຍ.”

ເຢເຣມີຢາ 50:45

ສະນັ້ນ ຈົ່ງ​ຟັງ​ແຜນການ​ທີ່​ພຣະເຈົ້າຢາເວ​ໄດ້​ຕຽມໄວ້​ເພື່ອ​ຕໍ່ສູ້​ນະຄອນ​ບາບີໂລນ ແລະ​ສິ່ງ​ທີ່​ເຮົາ​ຕັ້ງໃຈ​ເຮັດ​ຕໍ່​ປະຊາຊົນ​ຂອງ​ເມືອງ​ນີ້. ແມ່ນແຕ່​ບັນດາ​ລູກ​ຂອງ​ພວກເຂົາ​ກໍ​ຈະ​ຖືກ​ລາກ​ໄປ ແລະ​ທຸກຄົນ​ຈະ​ເກີດ​ຢ້ານກົວ​ໃຫຍ່.

ເຢເຣມີຢາ 50:9

ເຮົາ​ຈະ​ປຸກປັ່ນ​ໝວດ​ໜຶ່ງ​ໃນ​ບັນດາ​ຊົນຊາດ​ທີ່​ເຂັ້ມແຂງ​ທາງ​ທິດເໜືອ​ໃຫ້​ມາ​ໂຈມຕີ​ບາບີໂລນ. ພວກເຂົາ​ຈະ​ລຽນແຖວກັນ​ເຮັດ​ເສິກ ແລະ​ຕີ​ເອົາ​ປະເທດ​ນີ້. ພວກເຂົາ​ເປັນ​ນັກໂຫ່ເນື້ອ​ທີ່​ຊຳນິ​ຊຳນານ ໂດຍ​ຍິງ​ລູກທະນູ​ບໍ່​ຜິດພາດ​ເປົ້າໝາຍ​ຈັກເທື່ອ.

ເຢເຣມີຢາ 51:12

ຈົ່ງ​ໃຫ້​ສັນຍານ​ບຸກໂຈມຕີ​ກຳແພງ​ຂອງ​ນະຄອນ​ບາບີໂລນ. ຈົ່ງ​ຈັດການ​ເວນຍາມ​ໃຫ້​ເຂັ້ມແຂງ ໃຫ້​ວາງ​ຄົນ​ຍາມ​ປະຈຳ​ທີ່ ຈົ່ງ​ຕັ້ງ​ຄົນ​ດັກສະກັດ​ໄວ້.” ພຣະເຈົ້າຢາເວ​ໄດ້​ເຮັດ​ຕາມ​ສິ່ງ​ທີ່​ພຣະອົງ​ໄດ້​ກ່າວ​ວ່າ ຈະ​ຕ້ອງ​ເຮັດ​ກັບ​ປະຊາຊົນ​ຂອງ​ບາບີໂລນ.

ເຢເຣມີຢາ 51:24

ພຣະເຈົ້າຢາເວ​ກ່າວ​ວ່າ, “ພວກເຈົ້າ​ຈະ​ເຫັນ​ເຮົາ​ແກ້ແຄ້ນ​ບາບີໂລນ ກັບ​ປະຊາຊົນ​ຂອງ​ປະເທດ​ນີ້​ສຳລັບ​ຄວາມ​ຊົ່ວຊ້າ​ທັງໝົດ​ທີ່​ພວກເຂົາ​ໄດ້​ເຮັດ​ຕໍ່​ນະຄອນ​ເຢຣູຊາເລັມ.”

ເຢເຣມີຢາ 51:35

ໃຫ້​ບາບີໂລນ​ຮັບຜິດຊອບ ທີ່​ຮຸນແຮງ​ຕໍ່​ພວກເຮົາ ຈົ່ງ​ໃຫ້​ປະຊາຊົນ​ແຫ່ງ​ພູເຂົາ​ຊີໂອນ​ເວົ້າຈາ​ດັ່ງນັ້ນ.” ຈົ່ງ​ໃຫ້​ປະຊາຊົນ​ນະຄອນ​ເຢຣູຊາເລັມ​ເວົ້າ​ວ່າ, “ທີ່​ພວກເຮົາ​ທົນທຸກ​ນັ້ນ ໃຫ້​ບາບີໂລນ​ຮັບ​ເອົາ.”

ເຢເຣມີຢາ 51:36

ເພາະສະນັ້ນ ພຣະເຈົ້າຢາເວ​ຈຶ່ງ​ກ່າວ​ດັ່ງນີ້​ວ່າ, “ເຮົາ​ຈະ​ພິຈາລະນາ​ຄະດີ​ຂອງ​ເຈົ້າ ແລະ​ຈະ​ເຮັດ​ໃຫ້​ເຫຼົ່າ​ສັດຕູ​ຂອງ​ເຈົ້າ ຊົດໃຊ້​ສິ່ງ​ທີ່​ພວກເຂົາ​ໄດ້​ເຮັດ​ຕໍ່​ເຈົ້າ. ເຮົາ​ຈະ​ເຮັດ​ໃຫ້​ບໍ່ນໍ້າ​ຂອງ​ບາບີໂລນ​ບົກລົງ ແລະ​ຈະ​ເຮັດ​ໃຫ້​ແມ່ນໍ້າ​ທັງຫລາຍ​ແຫ້ງ.

ດານີເອນ 5:30

ໃນ​ຄືນ​ນັ້ນເອງ​ເຈົ້າ​ເບັນຊັດຊາເຣ ກະສັດ​ແຫ່ງ​ບາບີໂລນ ໄດ້​ຖືກ​ລອບ​ສັງຫານ;

ໂຢເອນ 3:10

ຈົ່ງ​ຕີ​ໝາກ​ສົບໄຖ​ເປັນ​ດາບ ແລະ​ກ່ຽວ​ເປັນ​ຫອກ​ສາ ແມ່ນແຕ່​ຄົນ​ອ່ອນແອ​ກໍ​ຕ້ອງ​ລຸກຂຶ້ນ​ຕໍ່ສູ້.

ໂຢເອນ 3:9

ຈົ່ງ​ປະກາດ​ຂໍ້ຄວາມ​ນີ້​ໃຫ້​ນາໆຊາດ​ຮູ້ຈັກ​ວ່າ, ‘ຈົ່ງ​ຈັດຕຽມ​ລົງມື​ເຮັດ​ເສິກ​ເຖີດ ຈົ່ງ​ລະດົມ​ພົນ​ໄວ້​ໃຫ້​ມີ​ພຽງພໍ ຈົ່ງ​ລວບລວມ​ທະຫານ​ແລະ​ຍົກທັບ​ອອກ​ໄປ​ເຖີດ

ລະບຽບ^ພວກເລວີ 26:25

ເຮົາ​ຈະ​ນຳ​ການ​ລົບລາຂ້າຟັນ​ມາ​ເປັນ​ການ​ລົງໂທດ ຍ້ອນ​ວ່າ​ພວກເຈົ້າ​ໄດ້​ຝ່າຝືນ​ພັນທະສັນຍາ​ຂອງເຮົາ ແລະ​ຖ້າ​ພວກເຈົ້າ​ເຕົ້າໂຮມ​ກັນ​ຢູ່​ໃນ​ເມືອງ​ທີ່​ປອດໄພ ເຮົາ​ກໍ​ຈະ​ສົ່ງ​ໂຣກ​ລະບາດ​ມາ​ໃນ​ທ່າມກາງ​ພວກເຈົ້າ ແລະ​ພວກເຈົ້າ​ກໍ​ຈະ​ຖືກ​ບີບ​ບັງຄັບ​ໃຫ້​ຍອມ​ຈຳນົນ​ແກ່​ເຫຼົ່າ​ສັດຕູ​ຂອງ​ພວກເຈົ້າ.

ເຊກາຣີຢາ 14:12

ພຣະເຈົ້າຢາເວ​ຈະ​ນຳ​ໂຣກ​ລະບາດ​ມາ​ສູ່​ຊົນຊາດ​ທັງໝົດ ຊຶ່ງ​ໄດ້​ເຮັດ​ເສິກ​ຕໍ່ສູ້​ນະຄອນ​ເຢຣູຊາເລັມ. ເນື້ອໜັງ​ຂອງ​ພວກເຂົາ​ຈະ​ເປື່ອຍເນົ່າ ເມື່ອ​ຍັງ​ມີ​ຊີວິດ​ຢູ່; ຕາ​ແລະ​ລີ້ນ​ຂອງ​ພວກເຂົາ​ຈະ​ເປື່ອຍເນົ່າ​ເຊັ່ນກັນ​ດ້ວຍ.

ເຊກາຣີຢາ 14:2

ແລະ​ເຮົາ​ຈະ​ນຳ​ຊົນຊາດ​ທັງໝົດ​ມາ​ເຕົ້າໂຮມ​ກັນ ເພື່ອ​ເຮັດ​ເສິກ​ຕໍ່ສູ້​ກັບ​ນະຄອນ​ເຢຣູຊາເລັມ. ນະຄອນ​ຈະ​ຖືກ​ຢຶດ, ເຮືອນ​ຈະ​ຖືກ​ປຸ້ນ ແລະ​ພວກ​ແມ່ຍິງ​ກໍ​ຈະ​ຖືກ​ຂົ່ມຂືນ. ປະຊາຊົນ​ເຄິ່ງ​ນະຄອນ​ຈະ​ຖືກ​ຈັບ​ໄປ​ເປັນ​ຊະເລີຍ​ໃນ​ຕ່າງຖິ່ນ ແຕ່​ປະຊາຊົນ​ເຄິ່ງ​ໜຶ່ງ​ຈະ​ມີ​ເຫຼືອ​ຢູ່​ໃນ​ນະຄອນ.