ເຢເຣມີຢາ 50:16 - ພຣະຄຳພີສັກສິ

¹⁶ ຢ່າ​ໃຫ້​ມີ​ການ​ເພາະປູກ ຫລື​ການ​ເກັບກ່ຽວ​ໃນ​ປະເທດ​ນີ້. ຊາວ​ຕ່າງດ້າວ​ທຸກໆຄົນ​ທີ່​ກຳລັງ​ອາໄສ​ຢູ່​ໃນ​ທີ່ນັ້ນ​ຈະ​ຢ້ານ​ກອງທັບ​ໂຈມຕີ ແລະ​ຈະ​ກັບຄືນ​ເມືອ​ບ້ານເກີດ​ເມືອງນອນ​ຂອງ​ໃຜ​ລາວ.”

ເຢເຣມີຢາ 50:16 Jak'a apnaqawi uñst'ayäwi

ເອຊາຢາ 13:14

ພວກ​ຄົນຕ່າງດ້າວ​ທີ່​ອາໄສ​ຢູ່​ໃນ​ນະຄອນ​ບາບີໂລນ ຈະ​ແລ່ນ​ປົບໜີໄປ​ສູ່​ບ້ານເມືອງ​ຂອງ​ພວກເຂົາ​ໂດຍ​ກະຈັດ​ກະຈາຍ​ໄປ ດັ່ງ​ກວາງ​ປົບ​ຄົນ​ໂຫ່ເນື້ອ ແລະ​ດັ່ງ​ຝູງແກະ​ທີ່​ຂາດ​ຜູ້ລ້ຽງ.

ເຢເຣມີຢາ 25:38

ພຣະອົງ​ໄດ້​ປະຖິ້ມ​ປະຊາຊົນ​ຂອງ​ພຣະອົງ​ສາ​ແລ້ວ ດັ່ງ​ໂຕສິງ​ໜີ​ຈາກ​ບ່ອນ​ທີ່​ມັນ​ຊ້ອນຕົວ​ຢູ່. ການ​ຢ້ານກົວ​ສົງຄາມ​ແລະ​ຄວາມ​ໂກດຮ້າຍ​ຂອງ​ພຣະເຈົ້າຢາເວ ໄດ້​ປ່ຽນ​ປະເທດ​ນີ້​ໃຫ້​ເປັນ​ຖິ່ນ​ແຫ້ງແລ້ງ​ກັນດານ.

ເຢເຣມີຢາ 46:16

ບັນດາ​ທະຫານ​ຂອງ​ພວກເຈົ້າ​ໄດ້​ສະດຸດ​ລົ້ມລົງ ແຕ່ລະຄົນ​ກໍ​ເວົ້າ​ໃຫ້​ກັນແລະກັນ​ວ່າ, ‘ໄວໆ​ເຖີດ ຈົ່ງ​ກັບ​ໄປ​ຫາ​ປະຊາຊົນ​ຂອງ​ພວກເຮົາ ປົບໜີ​ຈາກ​ຄົມດາບ​ສັດຕູ​ຂອງ​ພວກເຮົາ​ເຖີດ.’

ເຢເຣມີຢາ 51:23

ຂ້າ​ພວກ​ຄົນລ້ຽງແກະ​ກັບ​ຝູງແກະ​ຂອງ​ພວກເຂົາ ຂ້າ​ພໍ່ນາ​ແລະ​ມ້າ​ທີ່​ແກ່​ໄຖ​ຂອງ​ພວກ​ເຂົາເຈົ້າ ຢຽບຢໍ່າ​ບັນດາ​ນັກປົກຄອງ​ໃຫ້​ໝຸ່ນ​ທະລາຍ ແລະ​ພວກ​ຂ້າຣາຊການ​ຊັ້ນສູງ​ດ້ວຍ.”

ເຢເຣມີຢາ 51:9

ຊາວ​ຕ່າງດ້າວ​ທັງຫລາຍ​ທີ່​ອາໄສ​ຢູ່​ໃນ​ທີ່ນັ້ນ​ໄດ້​ເວົ້າ​ວ່າ, ‘ພວກເຮົາ​ພະຍາຍາມ​ຊ່ວຍ​ບາບີໂລນ ແຕ່​ຊ້າ​ເກີນ​ໄປ​ສາ​ແລ້ວ. ບັດນີ້ ປ່ອຍ​ສາເທາະ ແລະ​ກັບຄືນ​ເມືອ​ບ້ານເກີດ​ເມືອງນອນ​ສາ. ພຣະເຈົ້າ​ລົງໂທດ​ບາບີໂລນ​ດ້ວຍ​ຣິດທານຸພາບ​ທັງໝົດ​ຂອງ​ພຣະອົງ ແລະ​ທຳລາຍ​ປະເທດ​ຢ່າງ​ໝົດສິ້ນ.”’

ໂຢເອນ 1:11

ພໍ່ນາ​ທັງຫລາຍ​ເອີຍ ຈົ່ງ​ໂສກເສົ້າ​ກັນ​ເຖີດ ຜູ້ເຝົ້າ​ສວນອະງຸ່ນ​ເອີຍ ຈົ່ງ​ຮ້ອງໄຫ້​ສາ​ເຖີດ ເພາະ​ເຂົ້າບາເລ​ແລະ​ເຂົ້າເດືອຍ​ກໍດີ ແລະ​ຜົນລະປູກ​ທັງໝົດ​ກໍ​ຖືກ​ທຳລາຍ​ກ້ຽງ.

ອາໂມດ 5:16

ເພາະສະນັ້ນ ພຣະເຈົ້າຢາເວ ພຣະເຈົ້າ​ອົງ​ຊົງ​ຣິດອຳນາດ​ຍິ່ງໃຫຍ່ ອົງພຣະ​ຜູ້​ເປັນເຈົ້າ​ຈຶ່ງ​ກ່າວ​ວ່າ, “ຕາມ​ຖະໜົນ​ຫົນທາງ​ໃນ​ເມືອງ​ຈະ​ມີ​ແຕ່​ການ​ຮ້ອງໄຫ້ ແລະ​ການຄວນຄາງ​ດ້ວຍ​ຄວາມ​ທຸກ​ລຳບາກ. ພວກເຂົາ​ຈະ​ເອີ້ນ​ພວກ​ຊາວນາ​ມາ​ຮ່ວມ​ຮ້ອງໄຫ້​ໄວ້ທຸກ ແລະ​ຜູ້​ທີ່​ຖືກ​ຈ້າງ​ມາ​ໃຫ້​ໄວ້ທຸກ​ນັ້ນ.