ເຢເຣມີຢາ 49:29 - ພຣະຄຳພີສັກສິ

²⁹ ຈົ່ງ​ຢຶດເອົາ​ຜ້າເຕັນ​ກັບ​ຝູງສັດ​ຂອງ​ພວກເຂົາ ຄື​ຜ້າກັ້ງ​ຂອງ​ເຕັນ ແລະ​ທຸກສິ່ງ​ທີ່​ຢູ່​ໃນ​ເຕັນ​ນັ້ນ. ຈົ່ງ​ຢຶດ​ຝູງ​ອູດ​ຂອງ​ພວກເຂົາ ແລະ​ບອກ​ປະຊາຊົນ​ວ່າ, ‘ຄວາມຢ້ານ​ອັນ​ໃຫຍ່​ໄດ້​ມາ​ອ້ອມຮອບ​ພວກເຈົ້າ​ແລ້ວ.”’

ເຢເຣມີຢາ 49:29 Jak'a apnaqawi uñst'ayäwi

ປະຖົມມະການ 37:25

ໃນ​ຂະນະທີ່​ຮັບປະທານ​ອາຫານ​ຢູ່​ນັ້ນ ໃນທັນໃດ ພວກເຂົາ​ກໍ​ເຫັນ​ພວກ​ອິດຊະມາເອນ; ພວກ​ນີ້​ກຳລັງ​ເດີນທາງ​ມາ​ຈາກ​ເມືອງ​ກີເລອາດ​ເພື່ອ​ຈະ​ໄປ​ປະເທດ​ເອຢິບ. ໂຕ​ອູດ​ຂອງ​ພວກເຂົາ​ຕ່າງ​ຢາງ​ໄມ້ຫອມ​ແລະ​ເຄື່ອງ​ເທດ​ໄປ​ຂາຍ.

ພຣະທຳ​ໂຢບ 1:3

ພ້ອມ​ທັງ​ມີ​ແກະ​ເຈັດພັນ​ໂຕ, ອູດ​ສາມພັນ​ໂຕ, ງົວ​ໜຶ່ງພັນ​ໂຕ ແລະ​ລໍ​ຫ້າຮ້ອຍ​ໂຕ. ເພິ່ນ​ຍັງ​ມີ​ຄົນຮັບໃຊ້​ຈຳນວນ​ຫລວງຫລາຍ ແລະ​ທັງ​ເປັນ​ຄົນ​ຮັ່ງມີ​ທີ່ສຸດ​ຢູ່​ທາງ​ພາກ​ຕາເວັນອອກ.

ເພງ^ສັນລະເສີນ 120:5

ການ​ອາໄສ​ຢູ່​ທ່າມກາງ​ພວກເຈົ້າ​ກໍ​ຊົ່ວ​ເທົ່າ​ກັບ​ຢູ່​ນຳ ຊາວ​ເມເຊັກ​ຫລື​ນຳ​ປະຊາຊົນ​ແຫ່ງ​ເກດາ​ນັ້ນ.

ເພງ^ສັນລະເສີນ 31:13

ຂ້ານ້ອຍ​ໄດ້ຍິນ​ວ່າ​ສັດຕູ​ຫລາຍ​ຄົນ​ກຳລັງ​ຊິ່ມກັນ ຄວາມ​ຕົກໃຈ​ກົວ​ກໍ​ອ້ອມ​ຕົວ​ຂ້ານ້ອຍ​ໄວ້. ເພື່ອ​ຕໍ່ສູ້​ຂ້ານ້ອຍ​ນັ້ນ ພວກເຂົາ​ກຳລັງ​ວາງ​ກົນອຸບາຍ ແຜນການ​ຊົ່ວ​ເພື່ອ​ດັບ​ຊີວິດ​ຂ້ານ້ອຍ​ໃຫ້​ໄດ້.

ເອຊາຢາ 13:20

ຈະ​ບໍ່ມີ​ຜູ້ໃດ​ອາໄສ​ຢູ່​ໃນ​ທີ່ນັ້ນ​ອີກ​ຕໍ່ໄປ. ແມ່ນແຕ່​ນັກ​ເດີນທາງ​ຊາວ​ອາຣັບ​ກໍ​ຈະ​ບໍ່​ກາງ​ເຕັນ​ໃສ່​ທີ່​ນັ້ນ ແລະ​ຈະ​ບໍ່ມີ​ຜູ້ໃດ​ໄປ​ລ້ຽງ​ຝູງແກະ​ຂອງຕົນ​ໃນ​ທີ່ນັ້ນ.

ເອຊາຢາ 60:7

ຝູງແກະ​ທັງໝົດ​ຂອງ​ເນບາໂຢດ​ແລະ​ເກດາ ຈະ​ຖືກ​ນຳ​ມາ​ຖວາຍ​ເປັນ​ເຄື່ອງບູຊາ​ແກ່​ເຈົ້າ ແລະ​ຖວາຍ​ທີ່​ເທິງ​ແທ່ນ​ບູຊາ ພຣະອົງ​ຈະ​ເຮັດ​ໃຫ້​ວິຫານ​ຂອງ​ພຣະອົງ​ຮຸ່ງເຮືອງ​ຍິ່ງໆ​ຂຶ້ນ.

ເຢເຣມີຢາ 10:20

ຜ້າເຕັນ​ຂອງ​ພວກເຮົາ​ຖືກ​ທຳລາຍ​ເຊືອກ​ກໍ​ຂາດ​ໝົດ ລູກໆ​ພວກເຮົາ​ຈຳ​ຕ້ອງ​ພາກ​ຈາກ​ພວກເຮົາ​ໄປສິ້ນ; ຈຶ່ງ​ບໍ່ມີ​ຜູ້ໃດ​ຊ່ວຍ​ຍົກ​ຜ້າເຕັນ​ລົ້ມ​ນັ້ນ​ຂຶ້ນ​ມາ ບໍ່ມີ​ຜູ້ໃດ​ເກາະ​ຜ້າກັ້ງ​ຜ້າເຕັນ​ຂຶ້ນ​ຊ່ວຍ.”

ເຢເຣມີຢາ 4:20

ໄພພິບັດ​ໜຶ່ງ​ແລ້ວ ໄພພິບັດ​ອື່ນ​ຊໍ້າ​ຕິດຕາມ​ມາ ຈົນ​ໝົດ​ປະເທດ​ຖືກ​ປ່ອຍປະ​ໃຫ້​ຮົກຮ້າງ​ເພພັງ​ສິ້ນ. ຜ້າເຕັນ​ຂອງ​ພວກເຮົາ​ກໍໄດ້​ຖືກ​ທຳລາຍ​ຢ່າງ​ໄວວາ ຜ້າກັ້ງ​ຂອງ​ເຕັນ​ກໍ​ຖືກ​ຈີກ​ໃຫ້​ຂາດ​ເປັນ​ຕ່ອນໆ.

ເຢເຣມີຢາ 46:5

ແຕ່​ມີ​ຫຍັງ​ເກີດຂຶ້ນ​ຈຶ່ງ​ເຫັນ​ພວກເຂົາ​ຕົກໃຈກົວ ທະຫານ​ຂອງ​ພວກເຂົາ​ຖືກ​ຕີ​ໃຫ້​ລ່າຖອຍ​ສາ​ແລ້ວ. ພວກເຂົາ​ເຕັມ​ໄປ​ດ້ວຍ​ຄວາມຢ້ານ​ຈຶ່ງ​ແລ່ນ​ປົບໜີໄປ ແລ່ນ​ໜີ​ຢ່າງ​ສຸດ​ກຳລັງ​ທັງ​ບໍ່​ຫລຽວ​ຄືນ​ຫລັງ​ອີກ.

ເຢເຣມີຢາ 49:24

ປະຊາຊົນ​ດາມັສກັດ​ອ່ອນ​ກຳລັງ ແລະ​ປົບໜີໄປ​ດ້ວຍ​ຄວາມ​ຢ້ານກົວ​ຫລາຍ. ພວກເຂົາ​ເຈັບປວດ ແລະ​ທົນທຸກ​ທໍລະມານ​ດັ່ງ​ຜູ້ຍິງ​ຄອດ​ລູກ.

ເຢເຣມີຢາ 49:5

ອົງພຣະ​ຜູ້​ເປັນເຈົ້າ ພຣະເຈົ້າ​ອົງ​ຊົງ​ຣິດອຳນາດ​ຍິ່ງໃຫຍ່​ກ່າວ​ວ່າ, “ເຮົາ​ຈະ​ນຳ​ຄວາມ​ຢ້ານກົວ​ອັນ​ໃຫຍ່​ມາ​ສູ່​ພວກເຈົ້າ​ຮອບດ້ານ. ພວກເຈົ້າ​ທັງໝົດ​ຈະ​ແລ່ນ​ປົບໜີໄປ, ແຕ່ລະຄົນ​ຈະ​ແລ່ນ​ເອົາ​ຊີວິດ​ລອດ ແລະ​ຈະ​ບໍ່ມີ​ຜູ້ໃດ​ຈະ​ນຳ​ທະຫານ​ຂອງ​ພວກເຈົ້າ​ທີ່​ແຕກ​ໄປ​ນັ້ນ ມາ​ເຕົ້າໂຮມ​ກັນ​ໄດ້​ອີກ.

ເຢເຣມີຢາ 6:25

ພວກເຮົາ​ບໍ່​ກ້າ​ອອກ​ໄປ​ນອກ​ເມືອງ ຫລື​ຍ່າງ​ຕາມ​ຖະໜົນ​ຫົນທາງ ເພາະ​ເຫຼົ່າ​ສັດຕູ​ຖື​ອາວຸດ​ອ້ອມລ້ອມ​ພວກເຮົາ​ຢູ່ ແລະ​ພວກເຮົາ​ກໍ​ຢ້ານກົວ​ພວກເຂົາ​ຫລາຍ.”

ຮາບາກຸກ 3:7

ຂ້ານ້ອຍ​ເຫັນ​ຊາວ​ກູຊານ​ພາກັນ​ຢ້ານກົວ ແລະ​ຊາວ​ມີດີອານ​ກໍ​ພາກັນ​ສັ່ນເຊັນ​ດ້ວຍ.

2 ໂກຣິນໂທ 4:8

ພວກເຮົາ​ຖືກ​ຄວາມ​ທຸກ​ລຳບາກ​ຮອບດ້ານ, ແຕ່​ຍັງ​ບໍ່​ເຖິງ​ຂັ້ນ​ຂັດສົນ; ຈົນ​ປັນຍາ, ແຕ່​ຍັງ​ບໍ່​ໝົດ​ທາງ​ອອກ;

2 ໂກຣິນໂທ 7:5

ເພາະ​ເຖິງ​ແມ່ນ​ວ່າ ພວກເຮົາ​ໄດ້​ມາ​ເຖິງ​ແຂວງ​ມາເກໂດເນຍ​ແລ້ວ​ກໍຕາມ ຮ່າງກາຍ​ຂອງ​ພວກເຮົາ​ກໍ​ບໍ່ໄດ້​ພັກຜ່ອນ ເພາະ​ມີ​ຄວາມ​ທຸກ​ລຳບາກ​ຢູ່​ອ້ອມ​ຂ້າງ, ພາຍ​ນອກ​ມີ​ການ​ຕໍ່ສູ້ ແລະ​ພາຍ​ໃນ​ກໍ​ມີ​ຄວາມ​ຢ້ານກົວ.

ພວກ^ຜູ້ປົກຄອງ 6:5

ພວກ​ນີ້​ໄດ້​ບຸກ​ເຂົ້າ​ມາ​ຢ່າງ​ໜາແໜ້ນ​ດັ່ງ​ຝູງຕັກແຕນ ຝູງສັດ​ແລະ​ຜ້າເຕັນ​ພ້ອມ​ທັງ​ຄົນ​ກັບ​ອູດ​ຂອງ​ພວກເຂົາ​ກໍ​ຫລາຍ​ຈົນ​ນັບ​ບໍ່ໄດ້. ພວກເຂົາ​ໄດ້​ເຂົ້າ​ມາ​ທຳລາຍ​ດິນແດນ

ພວກ^ຜູ້ປົກຄອງ 7:12

ຝ່າຍ​ຊາວ​ມີດີອານ, ຊາວ​ອາມາເຫຼັກ ແລະ​ຄົນ​ໃນ​ເຜົ່າ​ຕ່າງໆ​ທີ່​ຢູ່​ຕາມ​ຖິ່ນ​ແຫ້ງແລ້ງ​ກັນດານ ກໍ​ຢາຍ​ກັນ​ຢູ່​ຕາມ​ຮ່ອມພູ​ເໝືອນ​ດັ່ງ​ຝູງຕັກແຕນ. ພວກເຂົາ​ມີ​ຝູງ​ອູດ​ຢ່າງ​ຫລວງຫລາຍ ຄ້າຍ​ກັບ​ເມັດ​ດິນ​ຊາຍ​ຕາມ​ແຄມຝັ່ງ​ທະເລ.

ພວກ^ຜູ້ປົກຄອງ 8:21

ເຈົ້າ​ເຊບາ​ແລະ​ເຈົ້າ​ຊັນມຸນນາ​ຈຶ່ງ​ບອກ​ກີເດໂອນ​ວ່າ, “ຈົ່ງ​ຂ້າ​ພວກເຮົາ​ດ້ວຍ​ຕົວ​ທ່ານ​ເອງ​ເທີ້ນ ໜ້າທີ່​ຂອງ​ຜູ້ໃຫຍ່​ໃຫ້​ຜູ້ໃຫຍ່​ເຮັດ​ສາ.” ດັ່ງນັ້ນ ກີເດໂອນ​ຈຶ່ງ​ຂ້າ​ເຈົ້າ​ເຊບາ​ກັບ​ເຈົ້າ​ຊັນມຸນນາ ແລະ​ເອົາ​ຫລຽນ​ຮູບ​ວົງເດືອນ​ທີ່​ເອ້​ຄໍ​ອູດ​ຂອງ​ພວກເຂົາ​ນັ້ນ​ໄປ​ນຳ.

ພວກ^ຜູ້ປົກຄອງ 8:26

ຕຸ້ມຫູ​ທີ່​ກີເດໂອນ​ຂໍ​ມາ​ນັ້ນ​ຊັ່ງ​ໄດ້​ເກືອບ​ຊາວ​ກິໂລກຼາມ ໂດຍ​ບໍ່ໄດ້​ໄລ່​ສິ່ງ​ອື່ນໆ​ເຂົ້າ​ນຳ​ເຊັ່ນ: ເຄື່ອງເອ້, ສາຍສ້ອຍ​ຄໍ, ເຄື່ອງນຸ່ງ​ສີມ່ວງ​ທີ່​ກະສັດ​ມີດີອານ​ໃສ່ ແລະ​ເຄື່ອງເອ້​ທີ່​ຜູກ​ຄໍ​ອູດ.