ເຢເຣມີຢາ 49:17 - ພຣະຄຳພີສັກສິ

¹⁷ ພຣະເຈົ້າຢາເວ​ກ່າວ​ວ່າ, “ການທຳລາຍ​ທີ່​ຈະ​ມາ​ຖືກ​ເອໂດມ​ນັ້ນ ຈະ​ຮ້າຍແຮງ​ຫລາຍ​ຈົນ​ທຸກໆຄົນ​ທີ່​ຜ່ານ​ໄປ​ຈະ​ຕື່ນ​ຕົກໃຈ​ແລະ​ຢ້ານກົວ​ຍິ່ງ.

ເຢເຣມີຢາ 49:17 Jak'a apnaqawi uñst'ayäwi

1 ກະສັດ 9:8

ວິຫານ​ນີ້​ຈະ​ກາຍເປັນ​ກອງ​ສິ່ງ​ທີ່​ຮົກຮ້າງ​ເພພັງ ແລະ​ທຸກໆ​ຄົນ​ທີ່​ຜ່ານ​ໄປມາ​ຈະ​ງຶດງໍ້​ສະດຸ້ງ​ຕົກໃຈ. ແລ້ວ​ພວກເຂົາ​ກໍ​ຈະ​ຖາມ​ວ່າ, ‘ເປັນຫຍັງ​ພຣະເຈົ້າຢາເວ​ຈຶ່ງ​ເຮັດ​ຕໍ່​ດິນແດນ ແລະ​ວິຫານ​ຢ່າງ​ນີ້?’

ເຢເຣມີຢາ 18:16

ພວກເຂົາ​ເຮັດ​ໃຫ້​ດິນແດນ​ນີ້​ເປັນ​ຕາ​ຢ້ານກົວ​ຫລາຍ ເປັນ​ດິນແດນ​ທີ່​ຖືກ​ອັບອາຍ​ຂາຍໜ້າ​ຕະຫລອດ. ທຸກຄົນ​ທີ່​ຜ່ານ​ໄປ​ເຫັນ​ບ່ອນ​ນັ້ນ​ຈະ​ສະດຸ້ງ​ຕົກໃຈ ຕ່າງ​ກໍ​ຈະ​ແກວ່ງຫົວ​ດ້ວຍ​ຄວາມ​ປະຫລາດ.

ເຢເຣມີຢາ 49:13

ເຮົາ​ເອງ​ໄດ້​ສັນຍາ​ໄວ້​ວ່າ ນະຄອນ​ໂບຊະຣາ​ຈະ​ກາຍເປັນ​ເປົ້າ​ສາຍຕາ​ອັນ​ໜ້າຢ້ານກົວ​ຍິ່ງ ແລະ​ເປັນ​ຖິ່ນ​ແຫ້ງແລ້ງ​ກັນດານ; ປະຊາຊົນ​ຈະ​ຫົວ​ເຍາະເຍີ້ຍ​ແລະ​ໃຊ້​ຊື່​ນັ້ນ​ເປັນ​ຄຳສາບແຊ່ງ. ໝູ່ບ້ານ​ທັງໝົດ​ທີ່​ຢູ່​ອ້ອມແອ້ມ​ນັ້ນ​ຈະ​ເປັນ​ທີ່​ຮົກຮ້າງ​ເພພັງ​ຕະຫລອດໄປ.” ພຣະເຈົ້າຢາເວ​ກ່າວ​ດັ່ງນີ້ແຫຼະ.

ເຢເຣມີຢາ 50:13

ດ້ວຍ​ຄວາມ​ໂກດຮ້າຍ​ຂອງ​ພຣະເຈົ້າຢາເວ​ໃນ​ນະຄອນ​ບາບີໂລນ​ຈະ​ບໍ່ມີ​ຜູ້ໃດ​ອາໄສ​ຢູ່; ມັນ​ຈະ​ຖືກ​ປະປ່ອຍ​ໃຫ້​ເປັນ​ທີ່​ຮົກຮ້າງ​ເພພັງ ແລະ​ທຸກຄົນ​ທີ່​ໄດ້​ຜ່ານ​ໄປມາ​ທີ່​ນັ້ນ ຈະ​ສະດຸ້ງ​ຕົກໃຈ​ແລະ​ໜ້າງຶດງໍ້.

ເຢເຣມີຢາ 51:37

ປະເທດ​ນັ້ນ​ຈະ​ກາຍເປັນ​ກອງ​ສິ່ງ​ຮົກຮ້າງ​ເພພັງ ຄື​ບ່ອນ​ທີ່​ສັດປ່າ​ທັງຫລາຍ​ອາໄສ​ຢູ່. ມັນ​ຈະ​ເປັນ​ເປົ້າ​ສາຍຕາ​ອັນ​ໜ້າຢ້ານກົວ​ຫລາຍ; ຈະ​ບໍ່ມີ​ຜູ້ໃດ​ອາໄສ​ຢູ່​ທີ່​ນັ້ນ​ແລະ​ທຸກຄົນ​ທີ່​ເຫັນ​ກໍ​ຈະ​ຢ້ານກົວ​ໃຫຍ່.

ເອເຊກຽນ 25:13

ບັດນີ້ ອົງພຣະ​ຜູ້​ເປັນເຈົ້າ ພຣະເຈົ້າ​ປະກາດ​ວ່າ ເຮົາ​ຈະ​ລົງໂທດ​ເອໂດມ ແລະ​ຂ້າ​ທຸກຄົນ​ແລະ​ສັດ​ທຸກ​ໂຕ​ຢູ່​ໃນ​ທີ່ນັ້ນ. ຕັ້ງແຕ່​ເມືອງ​ເຕມານ ຫາ​ເມືອງ​ເດດານ ເຮົາ​ຈະ​ເຮັດ​ໃຫ້​ເປັນ​ບ່ອນ​ຮົກຮ້າງ​ຫວ່າງເປົ່າ ແລະ​ປະຊາຊົນ​ກໍ​ຈະ​ຖືກ​ຂ້າ​ໃນ​ສະໜາມຮົບ.

ເອເຊກຽນ 27:36

ເຈົ້າ​ຈາກ​ໄປ​ແລ້ວ​ແລະ​ຈາກ​ໄປ​ເລີຍ ພວກ​ພໍ່ຄ້າ​ທົ່ວ​ໂລກ​ກໍ​ສະທ້ານ​ຢ້ານກົວ ຢ້ານ​ວ່າ​ພວກ​ຕົນ​ຈະ​ຮັບ​ສ່ວນ​ໃນ​ຊາຕາກຳ​ຂອງເຈົ້າ.”’

ເອເຊກຽນ 35:15

ເໝືອນກັນ​ກັບ​ເຈົ້າ​ໄດ້​ຍິນດີ ເມື່ອ​ຊາດ​ອິດສະຣາເອນ​ຄື​ກຳມະສິດ​ຂອງເຮົາ​ໄດ້​ຖືກ​ໄພພິບັດ. ພູ​ຂອງ​ເສອີ​ຄື​ດິນແດນ​ທັງໝົດ​ຂອງ​ເອໂດມ​ຈະ​ຮ້າງເປົ່າ. ແລ້ວ​ພວກເຂົາ​ກໍ​ຈະ​ຮູ້ວ່າ​ເຮົາ​ແມ່ນ​ພຣະເຈົ້າຢາເວ.”

ເອເຊກຽນ 35:3

ຈົ່ງ​ບອກ​ປະຊາຊົນ​ສິ່ງ​ທີ່​ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ: ພູເຂົາ​ຕ່າງໆ​ແຫ່ງ​ເອໂດມ​ເອີຍ ເຮົາ​ເປັນ​ສັດຕູ​ຂອງເຈົ້າ ເຮົາ​ຈະ​ເຮັດ​ໃຫ້​ເຈົ້າ​ເປັນ​ດິນແດນ​ເປົ່າປ່ຽວ​ຮົກຮ້າງ.

ເອເຊກຽນ 35:7

ເຮົາ​ຈະ​ເຮັດ​ໃຫ້​ເນີນພູ​ຂອງ​ເອໂດມ​ຮ້າງເປົ່າ​ງຽບເຫງົາ ແລະ​ເຮົາ​ຈະ​ຂ້າ​ທຸກຄົນ​ທີ່​ທ່ອງທ່ຽວ​ຜ່ານ​ໄປມາ​ທາງ​ນັ້ນ.

ມີກາ 6:16

ເຫດການ​ນີ້​ຈະ​ເກີດຂຶ້ນ​ເພາະ​ພວກເຈົ້າ​ໄດ້​ເຮັດ​ຊົ່ວ ຕາມ​ກະສັດ​ອົມຣີ ແລະ​ກະສັດ​ອາຮາບ​ລູກຊາຍ​ຂອງ​ເພິ່ນ. ພວກເຈົ້າ​ໄດ້​ສືບຕໍ່​ເຮັດ​ຕາມ​ກົດເກນ​ຕ່າງໆ​ຂອງ​ພວກເຂົາ; ເພາະສະນັ້ນ ເຮົາ​ຈຶ່ງ​ຈະ​ນຳ​ພວກເຈົ້າ​ໄປສູ່​ຄວາມ​ຈິບຫາຍ ແລະ​ທຸກຄົນ​ຈະ​ດູຖູກ​ພວກເຈົ້າ. ປະຊາຊົນ ທຸກ​ບ່ອນ​ຈະ​ເຮັດ​ຕໍ່​ພວກເຈົ້າ​ດ້ວຍ​ຄວາມ​ຫຍໍ້ຫຍັນ.”

ເຊຟານີຢາ 2:15

ເຫດການ​ເຊັ່ນນີ້​ຈະ​ເກີດຂຶ້ນ​ກັບ​ເມືອງ​ທີ່​ອວດດີ​ອວດເກັ່ງ​ເຖິງ​ກຳລັງ​ຂອງ​ຕົນເອງ ແລະ​ທັງ​ຄິດວ່າ​ຕົນ​ປອດໄພ​ແລ້ວ. ຊາວ​ເມືອງ​ຄິດວ່າ ເມືອງ​ຂອງ​ພວກຕົນ​ນັ້ນ​ຍິ່ງໃຫຍ່​ທີ່ສຸດ​ໃນ​ໂລກ. ມັນ​ຈະ​ກາຍເປັນ​ເມືອງ​ທີ່​ເປົ່າປ່ຽວ ຄື​ຈະ​ເປັນ​ບ່ອນ​ທີ່​ສັດປ່າ​ທັງຫລາຍ​ພັກຜ່ອນ. ທຸກໆຄົນ​ທີ່​ຍ່າງ​ກາຍ​ໄປມາ​ກໍ​ຈະ​ຢ້ານກົວ​ຈົນ​ຂົນ​ລຸກ.

ພຣະບັນຍັດສອງ 29:22

ລູກຫລານ​ຂອງ​ພວກເຈົ້າ​ໃນ​ລຸ້ນ​ຕໍ່ໄປ​ແລະ​ຊາວ​ຕ່າງດ້າວ​ແຕ່​ແດນໄກ ຈະ​ໄດ້​ເຫັນ​ໄພພິບັດ​ແລະ​ຄວາມ​ທົນທຸກ ທີ່​ອົງພຣະ​ຜູ້​ເປັນເຈົ້າ​ໄດ້​ນຳ​ມາ​ສູ່​ດິນແດນ​ຂອງ​ພວກເຈົ້າ.