ເຢເຣມີຢາ 48:7 - ພຣະຄຳພີສັກສິ

⁷ ໂມອາບ ເຈົ້າ​ວາງໃຈ​ໃນ​ກຳລັງ​ກັບ​ຊັບສົມບັດ​ນໍ ແຕ່​ບັດນີ້​ເຈົ້າ​ພັດ​ຈະ​ຖືກ​ຕີ​ໃຫ້​ພ່າຍແພ້; ພະ​ເຄໂມດ​ຂອງ​ເຈົ້າ​ຈະ​ຖືກ​ກວາດ​ໄປ​ເປັນ​ຊະເລີຍ ລວມທັງ​ເຈົ້າຊາຍ ແລະ​ປະໂຣຫິດ​ດ້ວຍ.

ເຢເຣມີຢາ 48:7 Jak'a apnaqawi uñst'ayäwi

2 ຊາມູເອນ 5:21

ເມື່ອ​ພວກ​ຟີລິດສະຕິນ​ປົບໜີໄປ​ນັ້ນ ພວກເຂົາ​ໄດ້​ປະ​ບັນດາ​ຮູບເຄົາຣົບ​ຂອງ​ພວກເຂົາ​ໄວ້. ກະສັດ​ດາວິດ​ກັບ​ທະຫານ​ຂອງ​ເພິ່ນ​ຈຶ່ງ​ຂົນ​ເອົາ​ຮູບເຄົາຣົບ​ເຫຼົ່ານັ້ນ​ໄປ.

1 ກະສັດ 11:33

ຍ້ອນ​ໂຊໂລໂມນ​ໄດ້​ປະຖິ້ມ​ເຮົາ​ແລະ​ໄດ້ ຂາບໄຫວ້​ບັນດາ​ພະ​ຂອງ​ຊາວ​ຕ່າງຊາດ ເຊັ່ນ​ເຈົ້າແມ່​ອັດສະຕາກ ພະ​ຂອງ​ຊາວ​ຊີໂດນ; ເຄໂມດ ພະ​ຂອງ​ຊາວ​ໂມອາບ; ມິນກົມ ພະ​ຂອງ​ຊາວ​ອຳໂມນ. ໂຊໂລໂມນ​ໄດ້ ຂາດ​ຄວາມ​ເຊື່ອຟັງ​ທີ່​ມີ​ຕໍ່​ເຮົາ; ລາວ​ເຮັດ​ຜິດ​ແລະ​ບໍ່ໄດ້​ຖື​ຮັກສາ​ບັນດາ​ກົດບັນຍັດ​ແລະ​ຂໍ້ຄຳສັ່ງ​ຂອງເຮົາ, ດັ່ງ​ດາວິດ​ພໍ່​ຂອງ​ລາວ​ໄດ້​ປະຕິບັດ​ມາ.

1 ກະສັດ 11:7

ຢູ່​ເທິງ​ພູເຂົາ​ທາງທິດ​ຕາເວັນອອກ​ຂອງ​ນະຄອນ​ເຢຣູຊາເລັມ ກະສັດ​ໂຊໂລໂມນ​ໄດ້​ສ້າງ​ບ່ອນ​ຂາບໄຫວ້​ພະ​ເຄໂມດ ພະ​ທີ່​ໜ້າລັງກຽດ​ຂອງ​ຊາວ​ໂມອາບ ແລະ​ສ້າງ​ບ່ອນ​ຂາບໄຫວ້​ພະ​ໂມເລັກ ພະ​ທີ່​ໜ້າລັງກຽດ​ຂອງ​ຊາວ​ອຳໂມນ.

ເພງ^ສັນລະເສີນ 40:4

ຄວາມສຸກ​ເປັນ​ຂອງ​ຜູ້​ທີ່​ໄວ້ວາງໃຈ​ໃນ​ພຣະເຈົ້າຢາເວ ຄື​ຜູ້​ທີ່​ບໍ່​ຫັນ​ໄປ​ຫາ​ຮູບເຄົາຣົບ​ຫລື​ຮ່ວມ​ຂາບໄຫວ້​ພະທຽມ​ນັ້ນ.

ເພງ^ສັນລະເສີນ 52:7

“ເບິ່ງແມ! ນີ້​ແມ່ນ​ຄົນ​ທີ່​ບໍ່​ເພິ່ງ​ຄວາມ​ປອດໄພ​ໃນ​ພຣະເຈົ້າ ແຕ່​ໄວ້ວາງໃຈ​ໃນ​ຊັບສິນ​ອັນ​ມະຫາສານ​ຂອງຕົນ ແລະ​ຊອກຫາ​ຄວາມ​ປອດໄພ​ໃນ​ທາງ​ຊົ່ວຮ້າຍ.”

ເຢເຣມີຢາ 13:25

ພຣະເຈົ້າຢາເວ​ກ່າວ​ວ່າ ອັນນີ້ ຈະ​ແມ່ນ​ຊາຕາກຳ​ຂອງ​ເຈົ້າ ອັນນີ້ ແມ່ນ​ສິ່ງ​ທີ່​ພຣະອົງ​ໄດ້​ຕັດສິນໃຈ​ກະທຳ​ຕໍ່​ເຈົ້າ ກໍ​ຍ້ອນ​ເຈົ້າ​ລືມໄລ​ພຣະອົງ​ໄປ​ແລະ​ໄວ້ວາງໃຈ​ໃນ​ຄວາມຕົວະ.

ເຢເຣມີຢາ 43:12

ເຮົາ​ຈະ​ໃຊ້​ໄຟ​ຈູດ​ວິຫານ​ຂອງ​ບັນດາ​ພະ​ແຫ່ງ​ຊາວ​ເອຢິບ ແລະ​ກະສັດ​ແຫ່ງ​ບາບີໂລນ​ຈະ​ຈູດ​ບັນດາ​ພະ​ຂອງ​ພວກເຂົາ ຫລື​ບໍ່​ດັ່ງນັ້ນ ຈະ​ຂົນ​ເອົາ​ໄປ​ນຳ. ຄົນລ້ຽງແກະ​ເກັບ​ເຫົາ​ອອກ​ຈາກ​ເຄື່ອງນຸ່ງ​ຂອງຕົນ​ໃຫ້​ສະອາດ​ສັນໃດ ກະສັດ​ແຫ່ງ​ບາບີໂລນ​ກໍ​ຈະ​ເກັບ​ເອົາ​ດິນແດນ​ຂອງ​ເອຢິບ​ໃຫ້​ສະອາດ​ສັນນັ້ນ ແລ້ວ​ລາວ​ກໍ​ຈະ​ຈາກ​ໄປ​ຢ່າງ​ມີໄຊ.

ເຢເຣມີຢາ 48:13

ແລ້ວ​ຊາວ​ໂມອາບ​ກໍ​ຈະ​ຮັບ​ຄວາມ​ອັບອາຍ​ຕໍ່​ພະ​ເຄໂມດ​ຂອງ​ພວກເຂົາ ດັ່ງ​ທີ່​ພວກ​ອິດສະຣາເອນ​ໄດ້​ຮັບ​ຄວາມ​ອັບອາຍ​ຕໍ່​ພະ​ເບັດເອນ​ທີ່​ພວກເຂົາ​ໄດ້​ໄວ້ວາງໃຈ​ນັ້ນ.

ເຢເຣມີຢາ 48:46

ສົງສານ​ປະຊາຊົນ​ໂມອາບ​ເດ ປະຊາຊົນ​ຜູ້​ຂາບໄຫວ້​ພະ​ເຄໂມດ​ໄດ້​ຖືກ​ທຳລາຍ​ແລ້ວ ແລະ​ລູກ​ຊາຍ​ຍິງ​ຂອງ​ພວກເຂົາ​ກໍໄດ້​ຖືກ​ຈັບ​ໄປ​ເປັນ​ຊະເລີຍເສິກ​ສາ​ແລ້ວ.

ເຢເຣມີຢາ 49:3

ປະຊາຊົນ​ເຮັດຊະໂບນ​ເອີຍ ຈົ່ງ​ຮ້ອງໄຫ້​ສາ ເມືອງ​ອາອີ​ໄດ້​ຖືກ​ທຳລາຍ​ແລ້ວ ຜູ້ຍິງ​ຊາວ​ເມືອງ​ຣັບບາ​ເອີຍ ຈົ່ງ​ໄວ້ທຸກ​ເຖີດ ຈົ່ງ​ນຸ່ງ​ຜ້າ​ກະສອບເຂົ້າ​ແລະ​ໄວ້ທຸກ​ສາ. ຈົ່ງ​ແລ່ນ​ສັບສົນ​ອົນລະວົນ​ສາ. ພະ​ມິນກົມ​ຂອງ​ພວກເຈົ້າ​ຈະ​ຖືກ​ຈັບ​ໄປ​ເປັນ​ຊະເລີຍ​ໃນ​ຕ່າງຖິ່ນ ພ້ອມ​ກັບ​ພວກ​ປະໂຣຫິດ​ແລະ​ບັນດາ​ເຈົ້ານາຍ.

ເຢເຣມີຢາ 49:4

ເປັນຫຍັງ​ປະຊາຊົນ​ທີ່​ບໍ່​ສັດຊື່​ດັ່ງ​ພວກເຈົ້າ​ຈຶ່ງ​ເວົ້າ​ຄຸຍ? ກຳລັງ​ຂອງ​ພວກເຈົ້າ​ນັ້ນ​ໝົດ​ສາ​ແລ້ວ. ເປັນຫຍັງ​ພວກເຈົ້າ​ຈຶ່ງ​ໝັ້ນໃຈ​ໃນ​ກຳລັງ​ຂອງ​ພວກເຈົ້າ ແລະ​ເວົ້າ​ວ່າ, ‘ບໍ່ມີ​ຜູ້ໃດ​ກ້າ​ໂຈມຕີ​ພວກເຮົາ​ດອກ?”’

ເຢເຣມີຢາ 9:23

ພຣະເຈົ້າຢາເວ​ກ່າວ​ວ່າ, “ຄົນ​ສະຫລາດ​ບໍ່ຄວນ​ອວດ ເຖິງ​ສະຕິປັນຍາ​ທີ່​ຕົນ​ມີ​ຢູ່​ນັ້ນ; ຄົນ​ແຂງແຮງ​ກໍ​ບໍ່ຄວນ​ອວດ​ເຖິງ​ເຮື່ອແຮງ​ຂອງຕົນ ຄົນຮັ່ງມີ​ກໍ​ບໍ່ຄວນ​ອວດ​ເຖິງ​ຊັບສົມບັດ​ຂອງຕົນ​ດ້ວຍ.

ໂຮເສອາ 10:13

ແຕ່​ແທນທີ່​ຈະ​ເປັນ​ດັ່ງນັ້ນ ພວກເຈົ້າ​ພັດ​ໄດ້​ປູກ​ຄວາມຊົ່ວ ແລະ​ເກັບກ່ຽວ​ຜົນ​ກຳ​ຊົ່ວ. ພວກເຈົ້າ​ໄດ້​ກິນ​ຜົນ​ແຫ່ງ​ການຕົວະ​ຂອງ​ພວກເຈົ້າ. ເພາະ​ພວກເຈົ້າ​ໄດ້​ໄວ້ວາງໃຈ​ໃນ​ລົດຮົບ ແລະ​ໃນ​ທະຫານ​ຈຳນວນ​ຫລວງຫລາຍ​ຂອງ​ພວກເຈົ້າ​ນັ້ນ

ຈົດບັນຊີ 21:29

ຊາວ​ໂມອາບ​ຖືກ​ປາບສ້ຽງ ສູນເສຍ​ຢ່າງ​ຫລວງຫລາຍ; ເຈົ້າ​ຜູ້​ຝຶກ​ຂາບໄຫວ້ ພະ​ເຄໂມດ​ເລີຍສິ້ນ​ວອດວາຍ. ພະ​ຂອງ​ພວກເຈົ້າ​ນັ້ນ​ເຮັດ​ໃຫ້ ຄົນ​ປົບ​ຫລົບ​ໄພ​ໄປ​ຍົ່ວໆ; ຍິງ​ຕ້ອງ​ຖິ້ມ​ຜົວ​ຖິ້ມ​ລູກ ເປັນ​ຊະເລີຍ​ຮັບໃຊ້​ເຈົ້າ​ອາໂມ.

1 ຕີໂມທຽວ 6:17

ຈົ່ງ​ສັ່ງ​ເນັ້ນ​ຄົນ​ທີ່​ຮັ່ງມີ​ສີສຸກ​ຝ່າຍ​ວັດຖຸ​ສິ່ງ​ຂອງ​ແຫ່ງ​ໂລກນີ້ ຢ່າ​ໃຫ້​ເຂົາ​ເປັນ​ຄົນ​ອວດອົ່ງ​ທະນົງ​ຕົວ ຢ່າ​ໃຫ້​ເຂົາ​ມອບ​ຄວາມຫວັງ​ໄວ້​ໃນ​ສິ່ງ​ອະນິຈັງ, ແຕ່​ມອບ​ໄວ້​ໃນ​ພຣະເຈົ້າ ອົງ​ຊົງ​ໂຜດ​ໃຫ້​ສັບພະທຸກສິ່ງ​ຢ່າງ​ບໍຣິບູນ​ແກ່​ເຮົາ​ທັງຫລາຍ ເພື່ອ​ຈະ​ໃຫ້​ພວກເຮົາ​ໃຊ້​ດ້ວຍ​ຄວາມ​ປິຕິ​ຍິນດີ.

ພຣະນິມິດ 18:7

ນະຄອນ​ນັ້ນ​ໄດ້​ອວດ​ຈອງຫອງ ແລະ​ປ່ອຍ​ຕົວ​ໄປ ຕາມ​ຄວາມ​ສະໜຸກ​ສະໜານ​ເທົ່າ​ໃດ ກໍ​ຈົ່ງ​ໃຫ້​ມັນ​ໄດ້​ຮັບ ການ​ທໍລະມານ ແລະ​ຄວາມ​ໂສກເສົ້າ​ຫລາຍ​ເທົ່ານັ້ນ ເພາະ​ມັນ​ຄິດ​ໃນ​ໃຈ​ວ່າ, ‘ເຮົາ​ຢູ່​ໃນ​ຕຳແໜ່ງ​ຣາຊີນີ ບໍ່ແມ່ນ​ແມ່ໝ້າຍ, ເຮົາ​ຈະ​ບໍ່​ປະສົບ​ຄວາມ​ໂສກເສົ້າ​ຈັກເທື່ອ’

ພວກ^ຜູ້ປົກຄອງ 11:24

ບັດນີ້ ທ່ານ​ຈະ​ພະຍາຍາມ​ເອົາ​ຄືນ​ຊັ້ນບໍ? ທ່ານ​ຢຶດຄອງ​ເອົາ​ທຸກສິ່ງ ທີ່​ພະ​ເຄໂມດ​ຂອງ​ພວກທ່ານ​ມອບ​ໃຫ້​ໄດ້, ແຕ່​ພວກ​ຂ້າພະເຈົ້າ​ຈະ​ເກັບ​ຮັກສາ​ທຸກໆ​ສິ່ງ ທີ່​ພຣະເຈົ້າຢາເວ ພຣະເຈົ້າ​ຂອງ​ພວກ​ຂ້າພະເຈົ້າ​ໄດ້​ມອບ​ໃຫ້.