ເຢເຣມີຢາ 48:6 - ພຣະຄຳພີສັກສິ

⁶ ພວກເຂົາ​ເວົ້າ​ວ່າ, ຈົ່ງ​ຮິບ​ແລ່ນ​ໜີ​ເອົາ​ຊີວິດ​ລອດ ຈົ່ງ​ແລ່ນ​ໜີ​ດັ່ງ​ລໍປ່າ​ໃນ​ຖິ່ນ​ແຫ້ງແລ້ງ​ກັນດານ​ນັ້ນ.

ເຢເຣມີຢາ 48:6 Jak'a apnaqawi uñst'ayäwi

ປະຖົມມະການ 19:17

ເມື່ອ​ພວກເຂົາ​ຖືກ​ນຳ​ອອກ​ມາ​ຈາກ​ເມືອງ​ແລ້ວ ເທວະດາ​ຕົນ​ໜຶ່ງ​ກໍ​ເວົ້າ​ວ່າ, “ຈົ່ງ​ຟ້າວ​ໜີ​ເອົາ​ຕົວ​ລອດ! ຢ່າ​ຫລຽວ​ຄືນ​ຫລັງ ແລະ​ຢ່າ​ຢຸດ​ຢູ່​ທີ່​ຮ່ອມພູ. ຈົ່ງ​ພາກັນ​ແລ່ນ​ຂຶ້ນ​ໄປ​ເທິງ​ເນີນພູ​ເພື່ອ​ເອົາ​ຊີວິດ​ລອດ.”

ເພງ^ສັນລະເສີນ 11:1

ຂ້ານ້ອຍ​ໄວ້ວາງໃຈ​ໃນ​ພຣະເຈົ້າຢາເວ ເພື່ອ​ຄວາມ​ປອດໄພ ເຫດໃດ​ໜໍ​ຈຶ່ງ​ເວົ້າ​ໃຫ້​ຂ້ອຍ​ວ່າ, “ຈົ່ງ​ໜີໄປ​ລີ້​ທີ່​ພູເຂົາ​ເໝືອນ​ດັ່ງ​ນົກ

ເຢເຣມີຢາ 17:6

ພວກເຂົາ​ເປັນ​ດັ່ງ​ພຸ່ມໄມ້​ໃນ​ຖິ່ນ​ແຫ້ງແລ້ງ​ກັນດານ ທີ່​ໃຫຍ່​ຂຶ້ນ​ໃນ​ດິນແດນ​ເປົ່າປ່ຽວ​ແລະ​ແຫ້ງແລ້ງ ເທິງ​ພື້ນດິນ​ເຄັມ​ທີ່​ບໍ່ມີ​ຫຍັງ​ເກີດຂຶ້ນ​ມາ ບໍ່ມີ​ສິ່ງດີ​ຫຍັງ​ເກີດຂຶ້ນ​ມາ​ແກ່​ພວກເຂົາ.

ເຢເຣມີຢາ 51:6

ຈົ່ງ​ແລ່ນ​ໜີ​ຈາກ​ບາບີໂລນ​ສາ ຈົ່ງ​ແລ່ນ​ເອົາ​ຊີວິດ​ລອດ​ເຖີດ ຢ່າ​ໃຫ້​ຖືກ​ຂ້າ​ຍ້ອນ​ບາບ​ຂອງ​ບາບີໂລນ. ບັດນີ້ ພຣະເຈົ້າຢາເວ​ກຳລັງ​ແກ້ແຄ້ນ​ແລະ​ລົງໂທດ​ສິ່ງ​ທີ່​ບາບີໂລນ​ສົມຄວນ​ໄດ້​ຮັບ.

ລູກາ 3:7

ປະຊາຊົນ​ຫລວງຫລາຍ​ໄດ້​ອອກ​ມາ​ຫາ​ໂຢຮັນ ເພື່ອ​ຮັບ​ບັບຕິສະມາ ເພິ່ນ​ເວົ້າ​ຕໍ່​ພວກເຂົາ​ວ່າ, “ພວກ​ຊາດ​ງູ​ຮ້າຍ​ເອີຍ ຜູ້ໃດ​ໄດ້​ບອກ​ພວກເຈົ້າ​ໃຫ້​ປົບໜີ​ຈາກ​ການ​ຕັດສິນ​ຂອງ​ພຣະເຈົ້າ ທີ່​ໃກ້​ຈະ​ມາ​ເຖິງ​ນັ້ນ

ເຮັບເຣີ 6:18

ເພື່ອ​ວ່າ​ໂດຍ​ສອງ​ປະການ​ທີ່​ປ່ຽນແປງ​ບໍ່ໄດ້ (ເພາະ​ພຣະເຈົ້າ​ຈະ​ກ່າວ​ຄຳ​ຕົວະ​ບໍ່ໄດ້) ເຮົາ ຜູ້​ທີ່​ໄດ້​ໜີ​ໄພ​ຮ້ອນ​ໄປ​ເພີ່ງ​ເຢັນ ຈຶ່ງ​ໄດ້​ຮັບ​ຄວາມ​ຊູໃຈ​ອັນ​ແຮງກ້າ ໃນ​ການ​ທີ່​ຈະ​ຢຶດຖື​ຄວາມຫວັງ ຊຶ່ງ​ມີ​ຢູ່​ຕໍ່ໜ້າ​ເຮົາ​ນັ້ນ.