ເຢເຣມີຢາ 48:46 - ພຣະຄຳພີສັກສິ

⁴⁶ ສົງສານ​ປະຊາຊົນ​ໂມອາບ​ເດ ປະຊາຊົນ​ຜູ້​ຂາບໄຫວ້​ພະ​ເຄໂມດ​ໄດ້​ຖືກ​ທຳລາຍ​ແລ້ວ ແລະ​ລູກ​ຊາຍ​ຍິງ​ຂອງ​ພວກເຂົາ​ກໍໄດ້​ຖືກ​ຈັບ​ໄປ​ເປັນ​ຊະເລີຍເສິກ​ສາ​ແລ້ວ.

ເຢເຣມີຢາ 48:46 Jak'a apnaqawi uñst'ayäwi

1 ກະສັດ 11:7

ຢູ່​ເທິງ​ພູເຂົາ​ທາງທິດ​ຕາເວັນອອກ​ຂອງ​ນະຄອນ​ເຢຣູຊາເລັມ ກະສັດ​ໂຊໂລໂມນ​ໄດ້​ສ້າງ​ບ່ອນ​ຂາບໄຫວ້​ພະ​ເຄໂມດ ພະ​ທີ່​ໜ້າລັງກຽດ​ຂອງ​ຊາວ​ໂມອາບ ແລະ​ສ້າງ​ບ່ອນ​ຂາບໄຫວ້​ພະ​ໂມເລັກ ພະ​ທີ່​ໜ້າລັງກຽດ​ຂອງ​ຊາວ​ອຳໂມນ.

2 ກະສັດ 23:13

ກະສັດ​ໂຢສີຢາ​ໄດ້​ທຳລາຍ​ແທ່ນບູຊາ​ຕ່າງໆ​ທີ່​ກະສັດ​ໂຊໂລໂມນ​ໄດ້​ສ້າງ​ຂຶ້ນ ຢູ່​ທາງທິດ​ຕາເວັນອອກ​ຂອງ​ນະຄອນ​ເຢຣູຊາເລັມ ຄື​ທາງທິດໃຕ້​ຂອງ​ພູເຂົາ​ໝາກກອກເທດ ຊຶ່ງ​ເປັນ​ບ່ອນ​ສຳລັບ​ຂາບໄຫວ້​ຮູບເຄົາຣົບ​ທີ່​ໜ້າກຽດຊັງ​ຄື: ຮູບ​ເຈົ້າແມ່​ອັດສະຕາກ​ຂອງ​ຊາວ​ຊີໂດນ, ພະ​ເຄໂມດ​ຂອງ​ຊາວ​ໂມອາບ ແລະ​ພະ​ມິນກົມ​ຂອງ​ຊາວ​ອຳໂມນ.

ເອຊາຢາ 16:2

ພວກເຂົາ​ຄອຍຖ້າ​ຢູ່​ຕາມ​ຕາຝັ່ງ​ແມ່ນໍ້າ​ອາກໂນນ ແລະ​ເຄື່ອນຍ້າຍ​ໄປມາຢ່າງ​ບໍ່ມີ​ເປົ້າໝາຍ ດັ່ງ​ນົກ​ທີ່​ຖືກ​ໄລ່​ໃຫ້​ໜີໄປ​ຈາກ​ຮັງ.

ເຢເຣມີຢາ 48:13

ແລ້ວ​ຊາວ​ໂມອາບ​ກໍ​ຈະ​ຮັບ​ຄວາມ​ອັບອາຍ​ຕໍ່​ພະ​ເຄໂມດ​ຂອງ​ພວກເຂົາ ດັ່ງ​ທີ່​ພວກ​ອິດສະຣາເອນ​ໄດ້​ຮັບ​ຄວາມ​ອັບອາຍ​ຕໍ່​ພະ​ເບັດເອນ​ທີ່​ພວກເຂົາ​ໄດ້​ໄວ້ວາງໃຈ​ນັ້ນ.

ເຢເຣມີຢາ 48:7

ໂມອາບ ເຈົ້າ​ວາງໃຈ​ໃນ​ກຳລັງ​ກັບ​ຊັບສົມບັດ​ນໍ ແຕ່​ບັດນີ້​ເຈົ້າ​ພັດ​ຈະ​ຖືກ​ຕີ​ໃຫ້​ພ່າຍແພ້; ພະ​ເຄໂມດ​ຂອງ​ເຈົ້າ​ຈະ​ຖືກ​ກວາດ​ໄປ​ເປັນ​ຊະເລີຍ ລວມທັງ​ເຈົ້າຊາຍ ແລະ​ປະໂຣຫິດ​ດ້ວຍ.

ຈົດບັນຊີ 21:29

ຊາວ​ໂມອາບ​ຖືກ​ປາບສ້ຽງ ສູນເສຍ​ຢ່າງ​ຫລວງຫລາຍ; ເຈົ້າ​ຜູ້​ຝຶກ​ຂາບໄຫວ້ ພະ​ເຄໂມດ​ເລີຍສິ້ນ​ວອດວາຍ. ພະ​ຂອງ​ພວກເຈົ້າ​ນັ້ນ​ເຮັດ​ໃຫ້ ຄົນ​ປົບ​ຫລົບ​ໄພ​ໄປ​ຍົ່ວໆ; ຍິງ​ຕ້ອງ​ຖິ້ມ​ຜົວ​ຖິ້ມ​ລູກ ເປັນ​ຊະເລີຍ​ຮັບໃຊ້​ເຈົ້າ​ອາໂມ.

ພວກ^ຜູ້ປົກຄອງ 11:24

ບັດນີ້ ທ່ານ​ຈະ​ພະຍາຍາມ​ເອົາ​ຄືນ​ຊັ້ນບໍ? ທ່ານ​ຢຶດຄອງ​ເອົາ​ທຸກສິ່ງ ທີ່​ພະ​ເຄໂມດ​ຂອງ​ພວກທ່ານ​ມອບ​ໃຫ້​ໄດ້, ແຕ່​ພວກ​ຂ້າພະເຈົ້າ​ຈະ​ເກັບ​ຮັກສາ​ທຸກໆ​ສິ່ງ ທີ່​ພຣະເຈົ້າຢາເວ ພຣະເຈົ້າ​ຂອງ​ພວກ​ຂ້າພະເຈົ້າ​ໄດ້​ມອບ​ໃຫ້.