ເຢເຣມີຢາ 47:7 - ພຣະຄຳພີສັກສິ

⁷ ແຕ່​ຈະ​ໃຫ້​ພັກຜ່ອນ​ໄດ້​ຢ່າງໃດ ໃນ​ເມື່ອ​ພຣະເຈົ້າຢາເວ​ໄດ້​ມອບໝາຍ​ວຽກ​ໃຫ້​ມັນ​ເຮັດ? ພຣະອົງ​ໄດ້​ສັ່ງ​ມັນ​ໃຫ້​ໂຈມຕີ​ເມືອງ​ອາຊະເກໂລນ ທັງ​ປະຊາຊົນ​ທີ່​ອາໄສ​ຢູ່​ຕາມ​ແຄມ​ທະເລ​ນັ້ນ.”

ເຢເຣມີຢາ 47:7 Jak'a apnaqawi uñst'ayäwi

ເອຊາຢາ 10:6

ເຮົາ​ໄດ້​ສົ່ງ​ຊາວ​ອັດຊີເຣຍ​ໄປ ເພື່ອ​ໂຈມຕີ​ຊາດ​ທີ່​ບໍ່​ນັບຖື​ພຣະເຈົ້າ ຄື​ປະຊາຊົນ​ທີ່​ໄດ້​ເຮັດ​ໃຫ້​ເຮົາ​ໂກດຮ້າຍ. ເຮົາ​ໄດ້​ສົ່ງ​ພວກເຂົາ​ໄປ​ເພື່ອ​ປຸ້ນຈີ້​ທັງ​ລັກ ແລະ​ຢຽບຢໍ່າ​ປະຊາຊົນ​ເຫຼົ່ານັ້ນ ເໝືອນ​ຢຽບຢໍ່າ​ຂີ້ຝຸ່ນ​ໃນ​ຖະໜົນ​ຫົນທາງ.”

ເອຊາຢາ 13:3

ອົງພຣະ​ຜູ້​ເປັນເຈົ້າ​ໄດ້​ເອີ້ນ​ເອົາ​ທະຫານ​ທີ່​ທະນົງ​ຕົວ ແລະ​ໄວ້ໃຈ​ໄດ້​ໃຫ້​ເຮັດ​ເສິກ​ຂອງ​ພຣະອົງ ແລະ​ໃຫ້​ລົງໂທດ​ຜູ້​ທີ່​ພຣະອົງ​ໂກດຮ້າຍ.

ເອຊາຢາ 37:26

ເຈົ້າ​ຍັງ​ບໍ່ເຄີຍ​ໄດ້ຍິນ​ບໍ​ວ່າ ເຮົາ​ວາງ​ແຜນການ​ທັງໝົດ​ນີ້​ໄວ້​ຕັ້ງນານ​ແລ້ວ? ບັດນີ້ ເຮົາ​ກໍ​ດຳເນີນ​ຕາມ​ແຜນການ​ນັ້ນ. ເຮົາ​ໄດ້​ໃຫ້​ອຳນາດ​ແກ່​ເຈົ້າ​ປ່ຽນ​ນະຄອນ​ທີ່​ມີ​ປ້ອມ​ປ້ອງກັນ ໃຫ້​ເປັນ​ກອງ​ສິ່ງ​ຮົກຮ້າງ​ເພພັງ.

ເຢເຣມີຢາ 48:10

ຈົ່ງ​ສາບແຊ່ງ​ຜູ້​ທີ່​ບໍ່​ເຮັດ​ວຽກງານ​ຂອງ​ພຣະເຈົ້າຢາເວ​ດ້ວຍ​ໝົດ​ຈິດ​ໝົດໃຈ ຈົ່ງ​ສາບແຊ່ງ​ຜູ້​ທີ່​ບໍ່​ໃຊ້​ດາບ​ຂອງຕົນ​ເພື່ອ​ຟັນ​ແລະ​ເຂັ່ນຂ້າ).

ເອເຊກຽນ 14:17

ຫລື​ເຮົາ​ອາດ​ນຳ​ສົງຄາມ​ມາ​ສູ່​ປະເທດ​ນັ້ນ ທັງ​ນຳ​ອາວຸດ​ອັນ​ຮ້າຍແຮງ​ທີ່ສຸດ​ມາ​ທຳລາຍ​ຊີວິດ​ມະນຸດ ຕະຫລອດ​ທັງ​ສັດ​ທັງຫລາຍ​ໃຫ້​ພິນາດ​ໄປ​ໝົດ

ເອເຊກຽນ 21:14

ບັດນີ້ ມະນຸດ​ເອີຍ ຈົ່ງ​ທຳນວາຍ​ເຖີດ. ຈົ່ງ​ຕົບ​ມື​ແລະ​ດາບ​ຈະ​ຟັນແລ້ວ​ຟັນອີກ. ມັນ​ແມ່ນ​ດາບ​ດວງ​ໜຶ່ງ​ທີ່​ຂ້າ ຄື​ດາບ​ດວງ​ໜຶ່ງ​ທີ່​ໜ້າຢ້ານກົວ​ຫລາຍ ທັງ​ໃຊ້​ສັງຫານໝູ່.

ເອເຊກຽນ 21:30

ເອົາ​ດາບ​ຂອງ​ພວກເຈົ້າ​ມ້ຽນ​ສາ ເຮົາ​ຈະ​ຕັດສິນ​ພວກເຈົ້າ​ໃນ​ບ່ອນ​ທີ່​ພວກເຈົ້າ​ໄດ້​ຖືກ​ສ້າງ​ຂຶ້ນ​ມາ ຄື​ໃນ​ດິນແດນ​ທີ່​ພວກເຈົ້າ​ໄດ້​ເກີດ​ມາ​ນັ້ນ.

ເອເຊກຽນ 21:9

“ມະນຸດ​ເອີຍ ຈົ່ງ​ທຳນວາຍ​ເຖີດ. ຈົ່ງ​ບອກ​ປະຊາຊົນ​ວ່າ ອົງພຣະ​ຜູ້​ເປັນເຈົ້າ​ກ່າວ​ດັ່ງນີ້: ມີ​ດາບ​ດວງ​ໜຶ່ງ ມີ​ດາບ​ດວງ​ໜຶ່ງ​ເດີ ຊຶ່ງ​ຖືກ​ຝົນ​ແລ້ວ​ແລະ​ຂັດ​ໃຫ້​ເຫລື້ອມ​ດີ​ດ້ວຍ.

ເອເຊກຽນ 25:16

ເພາະສະນັ້ນ ອົງພຣະ​ຜູ້​ເປັນເຈົ້າ ພຣະເຈົ້າ​ຈຶ່ງ​ກຳລັງ​ປະກາດ​ວ່າ​ເຮົາ​ຈະ​ໂຈມຕີ​ຊາວ​ຟີລິດສະຕິນ ແລະ​ກວາດລ້າງ​ພວກ​ເກເຣັດ​ໃຫ້​ໝົດໄປ. ເຮົາ​ຈະ​ທຳລາຍ​ທຸກຄົນ​ທີ່​ເຫຼືອ​ຢູ່​ໃນ​ທົ່ງພຽງ​ຟີລິດສະຕິນ.

ອາໂມດ 3:6

ສຽງ​ແກ​ບຸກໂຈມຕີ​ດັງ​ຂຶ້ນ ໂດຍ​ບໍ່​ໃຫ້​ຊາວ​ເມືອງ​ແຕກຕື່ນ​ໄດ້​ຊັ້ນບໍ? ເປັນ​ໄດ້​ບໍ​ທີ່​ເມືອງ​ໜຶ່ງ​ຖືກ​ໄພພິບັດ ໂດຍ​ທີ່​ພຣະເຈົ້າຢາເວ​ບໍ່​ໃຫ້​ເກີດຂຶ້ນ?

ມີກາ 6:9

ການ​ຢຳເກງ​ພຣະເຈົ້າຢາເວ​ເປັນ​ການ​ສະຫລາດ. ພຣະອົງ​ຮ້ອງ​ໃສ່​ເມືອງ​ນັ້ນ​ວ່າ, “ຈົ່ງ​ຟັງ​ເທີ້ນ ພວກເຈົ້າ​ປະຊາຊົນ​ທີ່​ປະຊຸມກັນ​ຢູ່​ໃນ​ເມືອງ

1 ຊາມູເອນ 15:3

ຈົ່ງ​ໄປ​ໂຈມຕີ​ຊາວ​ອາມາເຫຼັກ ແລະ​ທຳລາຍ​ທຸກຢ່າງ​ທີ່​ພວກເຂົາ​ມີ​ຢູ່​ນັ້ນ​ໃຫ້​ໝົດ. ຢ່າ​ໃຫ້​ສິ່ງໃດສິ່ງໜຶ່ງ​ເຫຼືອ​ຢູ່​ເລີຍ. ຈົ່ງ​ຂ້າ​ຜູ້ຊາຍ​ຜູ້ຍິງ, ແອນ້ອຍ​ທີ່​ຫາ​ກໍ​ເກີດ​ໃໝ່​ກັບ​ເດັກນ້ອຍ​ທຸກຄົນ​ຖິ້ມ ຕະຫລອດ​ທັງ​ຝູງງົວ, ຝູງແກະ, ຝູງ​ອູດ ແລະ​ຝູງ​ລໍ​ດ້ວຍ.”’