ເຢເຣມີຢາ 47:3 - ພຣະຄຳພີສັກສິ

³ ພວກເຂົາ​ຈະ​ໄດ້ຍິນ​ສຽງ​ຕີນ​ມ້າ​ແລ່ນ​ກະທືບ​ພື້ນດິນ ສຽງ​ລົດຮົບ​ຈະ​ກະທົບ​ດິນ ແລະ​ລໍ້ລົດ​ກໍ​ຈະ​ດັງ​ກ້ອງ. ພໍ່​ບໍ່ໄດ້​ຫລຽວຫລັງ​ເບິ່ງ​ລູກໆ​ຂອງຕົນ ມື​ຂອງ​ພວກເຂົາ​ຈະ​ຈັບ​ຂ້າງ​ພໍ່​ຕົນ​ຢ່າງ​ອ່ອນເພຍ​ເປ້ຍຫລ່ອຍ.

ເຢເຣມີຢາ 47:3 Jak'a apnaqawi uñst'ayäwi

ເອຊາຢາ 5:28

ລູກທະນູ​ຂອງ​ພວກເຂົາ​ແຫລມ ແລະ​ໜ້າທະນູ​ກໍ​ພ້ອມ​ແລ້ວ​ທີ່​ຈະ​ຍິງ. ກີບ​ຕີນ​ມ້າ​ຂອງ​ພວກເຂົາ​ແຂງ​ດັ່ງ​ຫີນ ແລະ​ຕີນ​ລົດ​ກໍ​ປິ່ນ​ດັ່ງ​ລົມ​ບ້າໝູ.

ເຢເຣມີຢາ 46:9

ຈົ່ງ​ສັ່ງ​ຝູງມ້າ​ໃຫ້​ແລ່ນ​ແກ່​ລົດຮົບ​ອອກ​ມາ ຈົ່ງ​ໃຫ້​ພວກ​ທະຫານ​ຖື​ໂລ້​ຍ່າງ​ອອກ​ມາ​ພ້ອມ ຄື​ພວກ​ທີ່​ມາ​ແຕ່​ປະເທດ​ເອທີໂອເປຍ​ແລະ​ປະເທດ​ລີເບຍ ນັກຍິງ​ໜ້າທະນູ​ທີ່​ຊຳນານ​ຈາກ​ປະເທດ​ລີເດຍ​ດ້ວຍ.”’

ເຢເຣມີຢາ 50:42

ພວກເຂົາ​ຢຶດ​ໜ້າທະນູ ແລະ​ດາບ​ໄດ້​ຫລວງຫລາຍ ພວກເຂົາ​ໂຫດຮ້າຍ​ຫລາຍ​ໄຮ້​ຄວາມ​ເມດຕາ​ທັງນັ້ນ. ພວກເຂົາ​ຮ້ອງ​ສຽງດັງ​ກ້ອງ​ດັ່ງ​ຄື້ນ​ທະເລ ເມື່ອ​ພວກເຂົາ​ຂີ່​ມ້າ​ຂອງຕົນ​ແລ່ນ​ຫອບໄປ​ນັ້ນ. ພວກເຂົາ​ຕ່າງ​ກໍ​ຕຽມພ້ອມ​ເຂົ້າ​ສູ່​ສະໜາມ ຕຽມ​ເຮັດ​ສົງຄາມ​ຕໍ່ສູ້​ບາບີໂລນ​ທັງນັ້ນ.

ເຢເຣມີຢາ 8:16

ເຫຼົ່າ​ສັດຕູ​ຂອງ​ພວກເຮົາ​ໄດ້​ມາຮອດ​ເມືອງ​ດານ​ແລ້ວ ເພາະ​ພວກເຮົາ​ໄດ້ຍິນ​ສຽງ​ມ້າ​ຂອງ​ພວກເຂົາ​ຫາຍໃຈ. ດິນແດນ​ທັງໝົດ​ກໍ​ສັ່ນສະເທືອນ ເມື່ອ​ມ້າ​ຂອງ​ພວກເຂົາ​ຮ້ອງ. ເຫຼົ່າ​ສັດຕູ​ໄດ້​ມາ​ທຳລາຍ​ດິນແດນ​ຂອງ​ພວກເຮົາ ພ້ອມ​ກັບ​ທຸກສິ່ງ​ໃນ​ດິນແດນ ຄື​ຕະຫລອດ​ທັງ​ເມືອງ ແລະ​ປະຊາຊົນ​ທຸກຄົນ​ດ້ວຍ.”

ເອເຊກຽນ 23:24

ພວກເຂົາ​ຈະ​ໂຈມຕີ​ເຈົ້າ​ຈາກ​ທາງ​ທິດເໜືອ ໂດຍ​ນຳ​ກອງທັບ​ໃຫຍ່ ພ້ອມ​ທັງ​ລົດຮົບ​ກັບ​ກອງກວຽນ​ສະບຽງ​ອາຫານ​ມາ​ດ້ວຍ. ທະຫານ​ເຫຼົ່ານີ້​ມີ​ທັງ​ໂລ້​ແລະ​ໝວກ​ເຫຼັກ​ປ້ອງກັນ ພວກເຂົາ​ຈະ​ປິດລ້ອມ​ເຈົ້າ​ໄວ້. ເຮົາ​ຈະ​ມອບ​ເຈົ້າ​ໃຫ້​ແກ່​ພວກເຂົາ ແລະ​ພວກເຂົາ​ຈະ​ຕັດສິນ​ເຈົ້າ​ຕາມ​ກົດໝາຍ​ຂອງ​ພວກເຂົາ​ເອງ.

ນາຮູມ 2:4

ລົດຮົບ​ແລ່ນ​ຕາມ​ທາງ​ກະທົບກະແທກ​ຢ່າງ​ແຮງ ໂດຍ​ແລ່ນ​ຟ້າວຟັ່ງ​ໄປມາ​ໃນ​ກາງ​ເມືອງ​ທີ່​ສີ່​ແຍກ. ພວກມັນ​ສົ່ງ​ແສງ​ເຍືອງ​ໄປ​ດັ່ງ​ກະບອງ ສ່ອງ​ແສງ​ເຕັ້ນ​ໄປ​ດັ່ງ​ແສງ​ຟ້າ​ແມບເຫລື້ອມ.

ນາຮູມ 2:8

ດັ່ງ​ເຂື່ອນ​ແຕກ​ນໍ້າ​ໄຫລ​ທັ່ງ​ອອກ​ເປັນ​ສາຍ​ທາລາ ປະຊາຊົນ​ກໍ​ຟ້າວຟັ່ງ​ອອກ​ມາ​ແຕ່​ນີເນເວ ທັງນັ້ນ ສຽງ​ຮ້ອງ​ດັງ​ອອກ​ມາ​ວ່າ, “ຢຸດ ຢຸດ​ສາກ່ອນ.” ແຕ່​ຜູ້​ທີ່​ປົບໜີໄປ​ບໍ່ມີ​ຜູ້ໃດ​ຫັນ​ຄືນ​ມາ​ຕອບ.

ພຣະນິມິດ 9:9

ທີ່​ໜ້າເອິກ​ຂອງ​ພວກ​ມັນ​ມີ​ສິ່ງ​ໜຶ່ງ​ເໝືອນ​ແຜ່ນ​ເຫຼັກ​ປ້ອງກັນ​ໜ້າເອິກ, ສຽງ​ປີກ​ຂອງ​ພວກ​ມັນ​ເໝືອນ​ສຽງ​ລົດມ້າ​ຈຳນວນ​ຫລາຍ​ຄັນ ທີ່​ແລ່ນ​ເຂົ້າ​ສູ່​ສະໜາມຮົບ.

ພວກ^ຜູ້ປົກຄອງ 5:22

ແລ້ວ​ມ້າ​ທີ່​ພວກເຮົາ​ຂີ່​ກໍ​ຫອບ​ບຸກໜ້າ​ໄປ ກີບ​ຕີນ​ມັນ​ຢັນ​ຂີ້ດິນ​ຟົ້ງ​ຂຶ້ນ​ເປັນ​ກຸ່ນໆ.