ເຢເຣມີຢາ 47:1 - ພຣະຄຳພີສັກສິ

¹ ກ່ອນ​ກະສັດ​ແຫ່ງ​ເອຢິບ​ໄດ້​ໂຈມຕີ​ເມືອງ​ກາຊາ ຖ້ອຍຄຳ​ຂອງ​ພຣະເຈົ້າຢາເວ​ໄດ້​ມາເຖິງ​ຂ້າພະເຈົ້າ​ກ່ຽວກັບ​ຟີລິດສະຕິນ.

ເຢເຣມີຢາ 47:1 Jak'a apnaqawi uñst'ayäwi

ປະຖົມມະການ 10:19

ຈົນ​ເຂດແດນ​ຂອງ​ພວກເຂົາ ແຕ່​ຊີໂດນ​ທາງ​ພາກ​ໃຕ້​ໄປ​ເຖິງ​ເມືອງ​ເກຣາກ, ກາຊາ; ແລະ​ໃນ​ພາກ​ຕາເວັນອອກ​ໄປ​ຈົນເຖິງ​ເມືອງ​ໂຊໂດມ, ໂກໂມຣາ, ອັດມາ ແລະ​ເມືອງ​ເຊບົວອິມ ທີ່​ຢູ່​ໃກ້​ກັບ​ເມືອງ​ລາຊາ.

1 ກະສັດ 4:24

ກະສັດ​ໂຊໂລໂມນ​ໄດ້​ປົກຄອງ​ດິນແດນ​ທັງໝົດ ທາງ​ທິດ​ຕາເວັນຕົກ​ຂອງ​ແມ່ນໍ້າ​ເອີຟຣັດ ຕັ້ງແຕ່​ທິບສາ​ໄປ​ຈົນເຖິງ​ເມືອງ​ກາຊາ​ທາງ​ທິດ​ຕາເວັນຕົກ. ກະສັດ​ທຸກຄົນ​ທີ່​ປົກຄອງ​ຢູ່​ທາງ​ທິດ​ຕາເວັນຕົກ​ຂອງ​ແມ່ນໍ້າ​ເອີຟຣັດ ຕ່າງ​ກໍ​ຍອມ​ຢູ່​ໃຕ້​ອຳນາດ​ຂອງ​ກະສັດ​ໂຊໂລໂມນ ແລະ​ເພິ່ນ​ເອງ​ກໍ​ຢູ່​ຢ່າງ​ສະຫງົບສຸກ​ກັບ​ປະເທດ​ໃກ້ຄຽງ​ທັງໝົດ.

ເອຊາຢາ 14:29

ປະຊາຊົນ​ຊາວ​ຟີລິດສະຕິນ​ເອີຍ ໄມ້ຄ້ອນ​ທີ່​ໃຊ້​ຕີ​ພວກເຈົ້າ​ນັ້ນ​ຫັກ​ສາ​ແລ້ວ ແຕ່​ພວກເຈົ້າ​ຢ່າ​ສູ່​ຟ້າວ​ດີໃຈ. ເມືອ​ງູ​ໂຕໜຶ່ງ​ຕາຍໄປ ງູ​ໂຕ​ໂຫດຮ້າຍ​ທີ່ສຸດ​ກໍ​ຂຶ້ນ​ມາ​ແທນ ເໝືອນ​ດັ່ງ​ໄຂ່ງູ​ຟັກ​ອອກ​ເປັນ​ໂຕ​ມັງກອນ.

ເຢເຣມີຢາ 25:20

ບັນດາ​ຊາວ​ເອຢິບ ແລະ​ຊາວ​ຕ່າງ​ປະເທດ​ທັງໝົດ ທີ່​ອາໄສ​ຢູ່​ໃນ​ປະເທດ​ເອຢິບ; ບັນດາ​ກະສັດ​ທັງໝົດ​ໃນ​ດິນແດນ​ອູເຊ; ບັນດາ​ກະສັດ​ທັງໝົດ​ຂອງ​ຊາວ​ຟີລິດສະຕິນ: ເມືອງ​ອາຊະເກໂລນ, ກາຊາ, ເອັກໂຣນ ແລະ​ຜູ້​ທີ່​ເຫຼືອ​ຢູ່​ໃນ​ອາຊະໂດດ;

ເອເຊກຽນ 25:15

ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ວ່າ, “ຊາວ​ຟີລິດສະຕິນ​ໄດ້​ແກ້ແຄ້ນ​ຢ່າງ​ໂຫດຫ້ຽມ​ເຫຼົ່າ​ສັດຕູ​ແຕ່​ກ່ອນກີ້​ຂອງຕົນ ແລະ​ໄດ້​ທຳລາຍ​ພວກເຂົາ​ດ້ວຍ​ຄວາມ​ກຽດຊັງ.

ເອເຊກຽນ 25:16

ເພາະສະນັ້ນ ອົງພຣະ​ຜູ້​ເປັນເຈົ້າ ພຣະເຈົ້າ​ຈຶ່ງ​ກຳລັງ​ປະກາດ​ວ່າ​ເຮົາ​ຈະ​ໂຈມຕີ​ຊາວ​ຟີລິດສະຕິນ ແລະ​ກວາດລ້າງ​ພວກ​ເກເຣັດ​ໃຫ້​ໝົດໄປ. ເຮົາ​ຈະ​ທຳລາຍ​ທຸກຄົນ​ທີ່​ເຫຼືອ​ຢູ່​ໃນ​ທົ່ງພຽງ​ຟີລິດສະຕິນ.

ໂຢເອນ 3:4

ເມືອງ​ຕີເຣ, ເມືອງ​ຊີໂດນ ແລະ​ທົ່ວ​ທັງ​ປະເທດ​ຟີລິດສະຕິນ​ເອີຍ ພວກເຈົ້າ​ຢາກ​ຈະ​ເຮັດ​ຫຍັງ​ກັບ​ເຮົາ? ພວກເຈົ້າ​ພະຍາຍາມ​ແກ້ແຄ້ນ​ເຮົາ​ຊັ້ນບໍ? ຖ້າ​ພວກເຈົ້າ​ຄິດ​ແກ້ແຄ້ນ​ເຮົາ ເຮົາ​ກໍ​ຈະ​ຕອບໂຕ້​ຄືນ​ໃນທັນທີ.