ເຢເຣມີຢາ 46:7 - ພຣະຄຳພີສັກສິ

⁷ ຜູ້ນີ້​ຄື​ຜູ້ໃດ​ທີ່​ໂຜ່​ຫົວ​ຂຶ້ນ​ດັ່ງ​ແມ່ນໍ້ານິນ? ດັ່ງ​ແມ່ນໍ້າ​ທີ່​ກຳລັງ​ໄຫລລົ້ນ​ຖ້ວມ​ຕາຝັ່ງ.

ເຢເຣມີຢາ 46:7 Jak'a apnaqawi uñst'ayäwi

ຍອດເພງ 3:6

ແມ່ນ​ຫຍັງ​ນໍ ກຳລັງ​ມາ​ຈາກ​ຖິ່ນ​ແຫ້ງແລ້ງ​ກັນດານ ດຸດດັ່ງ​ຄວັນ​ທີ່​ເປັນ​ເສົາ​ພຸ່ງ​ຂຶ້ນ ແມ່ນ​ກິ່ນ​ຊວນຊື່ນ​ເຄື່ອງຫອມ​ແລະ​ກຳຍານ​ບໍ? ຊຶ່ງ​ພໍ່ຄ້າ​ທັງຫລາຍ​ໄດ້​ນຳ​ມາ​ຂາຍ​ນັ້ນ.

ຍອດເພງ 8:5

ຜູ້​ທີ່​ມາ​ຈາກ​ຖິ່ນ​ແຫ້ງແລ້ງ​ກັນດານ​ຄື​ຜູ້ໃດ​ເດ​ນໍ ທີ່​ແນບ​ຢູ່​ໃນ​ອ້ອມແຂນ​ຄົນຮັກ​ຂອງ​ນາງ​ນັ້ນ? ນ້ອງ​ປຸກ​ອ້າຍ​ໃຫ້​ລຸກ​ຢູ່​ໃຕ້​ຕົ້ນໝາກຈອງ ບ່ອນ​ທີ່​ແມ່​ອ້າຍເອງ​ໃຫ້​ກຳເນີດ​ອ້າຍ.

ເອຊາຢາ 63:1

ແມ່ນ​ຜູ້ໃດ​ນໍ ທີ່​ກຳລັງ​ມາ​ຈາກ​ເມືອງ​ໂບຊະຣາ​ໃນ​ເອໂດມ? ແມ່ນ​ຜູ້ໃດ​ນໍ​ທີ່​ນຸ່ງ​ເຄື່ອງ​ສີແດງ​ສະຫງ່າງາມ ໂດຍ​ຍ່າງ ດ້ວຍ​ທ່າທາງ​ທີ່​ຊົງ​ຣິດອຳນາດ​ແລະ​ຊົງ​ກຳລັງ​ວັງຊາ? “ນີ້​ແມ່ນ​ເຮົາເອງ ກຳລັງ​ຮ້ອງ​ປະກາດ​ດ້ວຍ​ຄວາມຊອບທຳ ອົງ​ຊົງ​ຣິດອຳນາດ​ຍິ່ງໃຫຍ່​ຊ່ວຍ​ໃຫ້​ພົ້ນໄດ້.”

ເຢເຣມີຢາ 47:2

ພຣະເຈົ້າຢາເວ​ກ່າວ​ວ່າ, “ເບິ່ງແມ! ນໍ້າ​ກຳລັງ​ນອງ​ຢູ່​ທາງ​ທິດເໜືອ ແລະ​ຈະ​ໄຫລ​ແຮງ​ດັ່ງ​ນໍ້າ​ຫ້ວຍ​ຖ້ວມລົ້ນ​ຕາຝັ່ງ. ນໍ້າ​ນັ້ນ​ຈະ​ຖ້ວມ​ທຸກໆສິ່ງ​ທົ່ວ​ທັງ​ດິນແດນ ລວມ​ທັງ​ເມືອງ​ກັບ​ປະຊາຊົນ​ທີ່​ອາໄສ​ຢູ່​ໃນ​ທີ່ນັ້ນ. ປະຊາຊົນ​ຈະ​ໂຮຮ້ອງ​ຂໍ​ໃຫ້​ຊ່ວຍເຫລືອ ທຸກຄົນ​ໃນ​ແຜ່ນດິນ​ຈະ​ຮ້ອງໄຫ້​ຢ່າງ​ຂົມຂື່ນ.

ເອເຊກຽນ 32:2

“ມະນຸດ​ເອີຍ ຈົ່ງ​ຕັກເຕືອນ​ກະສັດ​ແຫ່ງ​ເອຢິບ​ຢ່າງ​ໜັກແໜ້ນ. ຈົ່ງ​ມອບ​ຖ້ອຍຄຳ​ຂອງເຮົາ​ນີ້​ໃຫ້​ລາວ​ວ່າ, ‘ເຈົ້າ​ປະພຶດ​ຕົນ​ດັ່ງ​ສິງ​ໂຕໜຶ່ງ​ໃນ​ທ່າມກາງ​ຊົນຊາດ​ທັງຫລາຍ. ແຕ່​ເຈົ້າ​ກໍ​ເປັນ​ດັ່ງ​ແຂ້​ທີ່​ກຳລັງ​ຟາດ​ຫາງ​ໃສ່​ແມ່ນໍ້າ. ເຈົ້າ​ໃຊ້​ຕີນ​ກວນ​ນໍ້າ​ໃຫ້​ຂຸ່ນ ແລະ​ເຮັດ​ໃຫ້​ແມ່ນໍ້າ​ຕ່າງໆ​ເປິເປື້ອນ.

ດານີເອນ 11:10

ບັນດາ​ລູກຊາຍ​ຂອງ​ກະສັດ​ແຫ່ງ​ຊີເຣຍ​ຈະ​ຕຽມ​ສູ້ຮົບ ແລະ​ຈະ​ລວບລວມ​ກອງທັບ​ໄວ້​ເປັນ​ຈຳນວນ​ຫລວງຫລາຍ. ຄົນ​ໜຶ່ງ​ໃນ​ພວກເຂົາ​ຈະ​ຕີ​ຊະນະ​ຢ່າງ​ໄວວາ​ດັ່ງ​ນໍ້າ​ໄຫລ​ຖ້ວມ ແລະ​ໂຈມຕີ​ເອົາ​ປ້ອມ​ແຫ່ງ​ໜຶ່ງ​ຂອງ​ສັດຕູ.

ດານີເອນ 11:22

ຜູ້ໃດ​ຜູ້ໜຶ່ງ​ທີ່​ຕໍ່ຕ້ານ​ລາວ ຈະ​ຖືກ​ກວາດລ້າງ ແລະ​ຖືກ​ກຳຈັດ ແມ່ນແຕ່​ມະຫາ​ປະໂຣຫິດ​ຂອງ​ພຣະເຈົ້າ​ກໍຕາມ.

ດານີເອນ 9:26

ໃນ​ບັ້ນປາຍ​ຂອງ​ເວລາ​ນັ້ນ ຜູ້ນຳ​ທີ່​ພຣະເຈົ້າ​ໄດ້​ເລືອກໄວ້ ຈະ​ຖືກ​ຂ້າ​ຢ່າງ​ບໍ່​ຍຸດຕິທຳ. ເມືອງ​ແລະ​ພຣະວິຫານ​ກໍ​ຈະ​ຖືກ​ກອງທັບ​ຂອງ​ພວກ​ເຈົ້ານາຍ​ທີ່​ມີ​ອຳນາດ​ຍິ່ງໃຫຍ່​ຄົນ​ໜຶ່ງ​ບຸກຮຸກ​ທຳລາຍ. ຄາວ​ສິ້ນສຸດ​ນີ້​ຈະ​ມາ​ເໝືອນ​ນໍ້າ​ໄຫລ​ຖ້ວມ ໂດຍ​ນຳ​ເອົາ​ເສິກ​ສົງຄາມ ແລະ​ການທຳລາຍ​ທີ່​ພຣະເຈົ້າ​ໄດ້​ຈັດຕຽມ​ໄວ້​ນັ້ນ​ມາ.

ອາໂມດ 8:8

ສະນັ້ນ ແຜ່ນດິນ​ໂລກ​ຈະ​ຫວັ່ນໄຫວ ທຸກຄົນ​ໃນ​ດິນແດນ​ນີ້​ຈະ​ຕ້ອງ​ໂສກເສົ້າ​ເສຍໃຈ. ທົ່ວ​ທັງ​ປະເທດ​ຈະ​ສັ່ນສະເທືອນ​ຟົ້ງ​ຂຶ້ນ ແລະ​ເຈື່ອນ​ລົງ​ເໝືອນກັນ​ກັບ​ແມ່ນໍ້ານິນ.

ພຣະນິມິດ 12:15

ພະຍານາກ​ນັ້ນ ໄດ້​ພົ່ນ​ນໍ້າ​ອອກ​ຈາກ​ປາກ​ເໝືອນ​ແມ່ນໍ້າ ໄຫລ​ຕາມ​ຍິງ​ນັ້ນ ເພື່ອ​ຈະ​ໃຫ້​ພັດ​ຍິງ​ນັ້ນ​ໄປ,