ເຢເຣມີຢາ 46:5 - ພຣະຄຳພີສັກສິ

⁵ ແຕ່​ມີ​ຫຍັງ​ເກີດຂຶ້ນ​ຈຶ່ງ​ເຫັນ​ພວກເຂົາ​ຕົກໃຈກົວ ທະຫານ​ຂອງ​ພວກເຂົາ​ຖືກ​ຕີ​ໃຫ້​ລ່າຖອຍ​ສາ​ແລ້ວ. ພວກເຂົາ​ເຕັມ​ໄປ​ດ້ວຍ​ຄວາມຢ້ານ​ຈຶ່ງ​ແລ່ນ​ປົບໜີໄປ ແລ່ນ​ໜີ​ຢ່າງ​ສຸດ​ກຳລັງ​ທັງ​ບໍ່​ຫລຽວ​ຄືນ​ຫລັງ​ອີກ.

ເຢເຣມີຢາ 46:5 Jak'a apnaqawi uñst'ayäwi

ປະຖົມມະການ 19:17

ເມື່ອ​ພວກເຂົາ​ຖືກ​ນຳ​ອອກ​ມາ​ຈາກ​ເມືອງ​ແລ້ວ ເທວະດາ​ຕົນ​ໜຶ່ງ​ກໍ​ເວົ້າ​ວ່າ, “ຈົ່ງ​ຟ້າວ​ໜີ​ເອົາ​ຕົວ​ລອດ! ຢ່າ​ຫລຽວ​ຄືນ​ຫລັງ ແລະ​ຢ່າ​ຢຸດ​ຢູ່​ທີ່​ຮ່ອມພູ. ຈົ່ງ​ພາກັນ​ແລ່ນ​ຂຶ້ນ​ໄປ​ເທິງ​ເນີນພູ​ເພື່ອ​ເອົາ​ຊີວິດ​ລອດ.”

ເອຊາຢາ 13:8

ພວກເຂົາ​ທຸກຄົນ​ຈະ​ຢ້ານກົວ​ຍິ່ງ ແລະ​ເຈັບປວດ​ໜັກ ຄື​ເຈັບ​ດັ່ງ​ຜູ້ຍິງ​ຈະ​ຄອດ​ລູກ. ພວກເຂົາ​ຈະ​ເບິ່ງ​ກັນແລະກັນ​ດ້ວຍ​ຄວາມ​ຢ້ານກົວ ແລະ​ສີໜ້າ​ຂອງ​ພວກເຂົາ​ກໍ​ຮູ້ສຶກ​ເຜົາຮ້ອນ​ດ້ວຍ​ຄວາມ​ອັບອາຍ.

ເອຊາຢາ 19:16

ເມື່ອ​ເວລາ​ນັ້ນ​ມາ​ເຖິງ ປະຊາຊົນ​ຊາວ​ເອຢິບ​ຈະ​ເປັນ​ດັ່ງ​ພວກຜູ້ຍິງ. ພວກເຂົາ​ຈະ​ສັ່ນເຊັນ​ດ້ວຍ​ຄວາມ​ຢ້ານກົວ ເມື່ອ​ເຫັນ​ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່ ຢຽດ​ມື​ອອກ​ເພື່ອ​ລົງໂທດ​ພວກເຂົາ.

ເອຊາຢາ 42:17

ທຸກຄົນ​ທີ່​ວາງໃຈ​ໃນ​ຮູບເຄົາຣົບ​ທັງ​ຮ້ອງຫາ​ມັນ ກໍ​ຈະ​ຖືກ​ດູໝິ່ນ​ນິນທາ ແລະ​ອັບອາຍ​ຂາຍໜ້າ.”

ເອຊາຢາ 5:25

ພຣະເຈົ້າຢາເວ​ໂກດຮ້າຍ​ປະຊາຊົນ​ຂອງ​ພຣະອົງ ແລະ​ຢຽດ​ມື​ອອກ​ລົງໂທດ​ພວກເຂົາ​ສາ​ແລ້ວ. ພູ​ທັງຫລາຍ​ຈະ​ສັ່ນສະເທືອນ ແລະ​ຊາກສົບ​ຂອງ​ຄົນຕາຍ​ກໍ​ຈະ​ຖືກ​ປະປ່ອຍ​ໄວ້​ຕາມ​ຖະໜົນ​ຫົນທາງ​ດັ່ງ​ຂີ້ເຫຍື້ອ. ເຖິງປານນັ້ນ ພຣະອົງ​ກໍ​ຍັງ​ບໍ່​ເຊົາ​ໂກດຮ້າຍ ແຕ່​ຍັງ​ຈະ​ຢຽດ​ມື​ອອກ​ເພື່ອ​ລົງໂທດ​ພວກເຂົາ​ຕໍ່ໄປ.

ເຢເຣມີຢາ 20:10

ຂ້ານ້ອຍ​ໄດ້ຍິນ​ຫລາຍໆ​ຄົນ​ຊີ່ມ​ໃສ່​ກັນ​ວ່າ, “ຄວາມ​ຕົກໃຈ​ຢ້ານກົວ​ມີ​ຢູ່​ທົ່ວ​ທຸກແຫ່ງ ຈົ່ງ​ຮີບ​ລາຍງານ​ສະພາບ​ການ​ໃໝ່​ໃຫ້​ເຈົ້າໜ້າທີ່​ຟັງ.” ແມ່ນແຕ່​ໝູ່ເພື່ອນ​ຜູ້​ໃກ້ຊິດ​ກໍ​ລໍເບິ່ງ​ຂ້ານ້ອຍ​ລົ້ມ. ພວກເຂົາ​ເວົ້າ​ວ່າ, “ບາງທີ​ການ​ທີ່​ພວກເຮົາ​ເວົ້າ​ໂຈມຕີ​ລາວ ອາດ​ເຮັດ​ໃຫ້​ພວກເຮົາ​ຈັບ​ລາວ​ມາ​ແກ້ແຄ້ນ​ກໍໄດ້.”

ເຢເຣມີຢາ 46:15

ເປັນຫຍັງ​ພະ​ອາປິດ​ທີ່​ມີ​ອຳນາດ​ຈຶ່ງ​ລົ້ມລົງ? ພຣະເຈົ້າຢາເວ​ຕີ​ລາວ​ໃຫ້​ລົ້ມລົງ​ສາ​ແລ້ວ.’

ເຢເຣມີຢາ 46:21

ແມ່ນແຕ່​ຄົນ​ທີ່​ຮັບຈ້າງ​ໃຫ້​ເປັນ​ທະຫານ ກໍ​ເປັນ​ດັ່ງ​ລູກ​ງົວ​ທີ່​ຊ່ວຍ​ຫຍັງ​ບໍ່ໄດ້. ພວກເຂົາ​ບໍ່ໄດ້​ຢືນ​ຢູ່​ຕັດ​ຊີວິດ​ຕົນ​ໃສ່​ເພື່ອ​ສູ້ຮົບ ພວກເຂົາ​ຕ່າງ​ກໍ​ອ່ວາຍໜ້າ​ແລ່ນ​ໜີໄປ​ທັງໝົດ. ວັນ​ຫາຍຍະນະ​ຂອງ​ພວກເຂົາ​ມາຮອດ​ແລ້ວ, ແມ່ນ​ເວລາ​ແຫ່ງ​ການລົງໂທດ​ພວກເຂົາ​ແລ້ວ.

ເຢເຣມີຢາ 49:29

ຈົ່ງ​ຢຶດເອົາ​ຜ້າເຕັນ​ກັບ​ຝູງສັດ​ຂອງ​ພວກເຂົາ ຄື​ຜ້າກັ້ງ​ຂອງ​ເຕັນ ແລະ​ທຸກສິ່ງ​ທີ່​ຢູ່​ໃນ​ເຕັນ​ນັ້ນ. ຈົ່ງ​ຢຶດ​ຝູງ​ອູດ​ຂອງ​ພວກເຂົາ ແລະ​ບອກ​ປະຊາຊົນ​ວ່າ, ‘ຄວາມຢ້ານ​ອັນ​ໃຫຍ່​ໄດ້​ມາ​ອ້ອມຮອບ​ພວກເຈົ້າ​ແລ້ວ.”’

ເຢເຣມີຢາ 49:5

ອົງພຣະ​ຜູ້​ເປັນເຈົ້າ ພຣະເຈົ້າ​ອົງ​ຊົງ​ຣິດອຳນາດ​ຍິ່ງໃຫຍ່​ກ່າວ​ວ່າ, “ເຮົາ​ຈະ​ນຳ​ຄວາມ​ຢ້ານກົວ​ອັນ​ໃຫຍ່​ມາ​ສູ່​ພວກເຈົ້າ​ຮອບດ້ານ. ພວກເຈົ້າ​ທັງໝົດ​ຈະ​ແລ່ນ​ປົບໜີໄປ, ແຕ່ລະຄົນ​ຈະ​ແລ່ນ​ເອົາ​ຊີວິດ​ລອດ ແລະ​ຈະ​ບໍ່ມີ​ຜູ້ໃດ​ຈະ​ນຳ​ທະຫານ​ຂອງ​ພວກເຈົ້າ​ທີ່​ແຕກ​ໄປ​ນັ້ນ ມາ​ເຕົ້າໂຮມ​ກັນ​ໄດ້​ອີກ.

ເຢເຣມີຢາ 6:25

ພວກເຮົາ​ບໍ່​ກ້າ​ອອກ​ໄປ​ນອກ​ເມືອງ ຫລື​ຍ່າງ​ຕາມ​ຖະໜົນ​ຫົນທາງ ເພາະ​ເຫຼົ່າ​ສັດຕູ​ຖື​ອາວຸດ​ອ້ອມລ້ອມ​ພວກເຮົາ​ຢູ່ ແລະ​ພວກເຮົາ​ກໍ​ຢ້ານກົວ​ພວກເຂົາ​ຫລາຍ.”

ເອເຊກຽນ 32:10

ສິ່ງ​ທີ່​ເຮົາ​ກະທຳ​ກັບ​ເຈົ້າ​ນັ້ນ ຈະ​ເຮັດ​ໃຫ້​ຫລາຍ​ຊົນຊາດ​ສະດຸ້ງ​ຕົກໃຈ. ເມື່ອ​ເຮົາ​ແກວ່ງ​ດາບ​ຂອງເຮົາ​ກວາດ​ໄປມາ ກະສັດ​ທັງຫລາຍ​ຈະ​ຢ້ານກົວ​ຈົນ​ຕົວ​ສັ່ນ. ໃນ​ມື້​ທີ່​ເຈົ້າ​ລົ້ມລົງ​ນັ້ນ ພວກເຂົາ​ຈະ​ສັ່ນເຊັນ​ດ້ວຍ​ຄວາມຢ້ານ​ເພາະ​ຫ່ວງ​ຊີວິດ​ຕົນເອງ.

ເອເຊກຽນ 39:18

ຈົ່ງ​ໃຫ້​ພວກມັນ​ກິນ​ຊາກສົບ​ຂອງ​ບັນດາ​ທະຫານ ແລະ​ດື່ມ​ເລືອດ​ຂອງ​ບັນດາ​ຜູ້ປົກຄອງ​ແຜ່ນດິນ​ໂລກ ຄື​ທັງໝົດ​ຈະ​ຖືກ​ຂ້າ​ເໝືອນ​ແກະເຖິກ ຫລື​ລູກແກະ ຫລື​ແບ້ ຫລື​ງົວເຖິກ​ໂຕ​ທີ່​ຕຸ້ຍພີ​ດີ.

ນາຮູມ 2:8

ດັ່ງ​ເຂື່ອນ​ແຕກ​ນໍ້າ​ໄຫລ​ທັ່ງ​ອອກ​ເປັນ​ສາຍ​ທາລາ ປະຊາຊົນ​ກໍ​ຟ້າວຟັ່ງ​ອອກ​ມາ​ແຕ່​ນີເນເວ ທັງນັ້ນ ສຽງ​ຮ້ອງ​ດັງ​ອອກ​ມາ​ວ່າ, “ຢຸດ ຢຸດ​ສາກ່ອນ.” ແຕ່​ຜູ້​ທີ່​ປົບໜີໄປ​ບໍ່ມີ​ຜູ້ໃດ​ຫັນ​ຄືນ​ມາ​ຕອບ.

ນາຮູມ 2:9

ຈົ່ງ​ປຸ້ນ​ເອົາ​ເງິນ​ເຖີດ ຈົ່ງ​ປຸ້ນ​ເອົາ​ຄຳ​ໄປ ເພາະ​ຊັບສົມບັດ​ກໍ​ມີ​ເຕັມ​ທົ່ວໄປ​ໃນ​ເມືອງ​ນີ້.

ເຊຟານີຢາ 1:14

ວັນ​ອັນ​ຍິ່ງໃຫຍ່​ຂອງ​ພຣະເຈົ້າຢາເວ​ຫຍັບເຂົ້າ​ມາ​ໃກ້​ແລ້ວ ຄື​ຫຍັບເຂົ້າ​ມາ​ໃກ້​ທີ່ສຸດ ແລະ​ມາ​ໄວ​ທີ່ສຸດ ໃນ​ວັນ​ຂອງ​ພຣະເຈົ້າຢາເວ​ຈະ​ເປັນ​ວັນ​ທີ່​ຂົມຂື່ນ ແມ່ນແຕ່ ບັນດາ​ທະຫານ​ທີ່​ເກັ່ງກ້າ​ທີ່ສຸດ ກໍ​ຈະ​ຮ້ອງ​ອອກ​ມາ​ດ້ວຍ​ຄວາມ​ໝົດຫວັງ.