ເຢເຣມີຢາ 41:2 - ພຣະຄຳພີສັກສິ

² ອິດຊະມາເອນ​ແລະ​ທະຫານ​ສິບ​ຄົນ​ທີ່​ມາ​ນຳ​ຕົນ ກໍ​ຊັກ​ດາບ​ອອກ ແລະ​ຂ້າ​ເກດາລີຢາ​ລູກຊາຍ​ຂອງ​ອາຮີກຳ​ຫຼານຊາຍ​ຂອງ​ຊາຟານ.

ເຢເຣມີຢາ 41:2 Jak'a apnaqawi uñst'ayäwi

2 ຊາມູເອນ 3:27

ເມື່ອ​ອັບເນ​ມາ​ເຖິງ​ເມືອງ​ເຮັບໂຣນ ໂຢອາບ​ຈຶ່ງ​ພາ​ລາວ​ຫລີກ​ໄປ​ທາງ​ປະຕູ​ເມືອງ​ໂດຍ​ທຳທ່າ​ວ່າ​ຢາກ​ເວົ້າ​ກັບ​ລາວ​ເປັນ​ທາງ​ສ່ວນຕົວ. ໃນ​ທີ່ນັ້ນ ໂຢອາບ​ໄດ້​ໃຊ້​ມີດ​ແທງ​ທີ່​ທ້ອງ​ຂອງ​ລາວ. ອັບເນ​ຖືກ​ລອບ​ສັງຫານ​ເຊັ່ນນີ້ ເພາະ​ລາວ​ໄດ້​ຂ້າ​ອາສາເຮນ​ນ້ອງຊາຍ​ໂຢອາບ.

2 ກະສັດ 25:25

ແຕ່​ໃນ​ເດືອນ​ທີ​ເຈັດ​ຂອງ​ປີ​ນັ້ນ ອິດຊະມາເອນ​ລູກຊາຍ​ຂອງ​ເນທານີຢາ ແລະ​ຫລານຊາຍ​ຂອງ​ເອລີຊາມາ ຜູ້​ທີ່​ເປັນ​ເຊື້ອສາຍ​ຂອງ​ກະສັດ​ພ້ອມ​ທັງ​ທະຫານ​ສິບ​ຄົນ​ໄດ້​ເຂົ້າ​ໄປ​ໃນ​ເມືອງ​ມີຊະປາ ແລະ​ໂຈມຕີ​ເກດາລີຢາ​ແລ້ວ​ຂ້າ​ເພິ່ນ​ເສຍ. ລາວ​ຍັງ​ໄດ້​ຂ້າ​ຊາວ​ອິດສະຣາເອນ​ແລະ​ຊາວ​ບາບີໂລນ​ທີ່​ຢູ່​ໃນ​ບ່ອນ​ນັ້ນ​ດ້ວຍ.

ເພງ^ສັນລະເສີນ 109:5

ພວກເຂົາ​ຕອບ​ສະໜອງ​ໂດຍ​ຄວາມຊົ່ວ​ແທນ​ຄວາມດີ ແລະ​ໃຊ້​ຄວາມ​ກຽດຊັງ​ຕອບແທນ​ຄວາມຮັກ.

ເພງ^ສັນລະເສີນ 41:9

ແມ່ນແຕ່​ໝູ່​ຜູ້​ດີ​ແທ້ໆ​ທີ່​ຂ້ານ້ອຍ​ໄວ້ວາງໃຈ ຜູ້​ທີ່​ຂ້ານ້ອຍ​ໃຫ້​ອາຫານ​ກໍໄດ້​ຫັນ​ມາ​ຕໍ່ສູ້​ຂ້ານ້ອຍ.

ເຢເຣມີຢາ 40:14

ແລະ​ກ່າວ​ແກ່​ເພິ່ນ​ວ່າ, “ທ່ານ​ບໍ່​ຮູ້​ຫລື​ວ່າ ກະສັດ​ບາອາລີ​ແຫ່ງ​ອຳໂມນ​ໄດ້​ໃຊ້​ອິດຊະມາເອນ​ລູກຊາຍ​ຂອງ​ເນທານີຢາ​ມາ​ລອບ​ສັງຫານ​ທ່ານ?” ແຕ່​ເກດາລີຢາ​ລູກຊາຍ​ຂອງ​ອາຮີກຳ​ບໍ່​ເຊື່ອ​ພວກເຂົາ.

ເຢເຣມີຢາ 40:16

ແຕ່​ເກດາລີຢາ​ລູກຊາຍ​ຂອງ​ອາຮີກຳ​ໄດ້​ຕອບ​ໂຢຮານານ​ລູກຊາຍ​ຂອງ​ກາເຣຢາ​ວ່າ, “ຢ່າ​ເຮັດ​ເລີຍ ສິ່ງ​ທີ່​ເຈົ້າ​ກຳລັງ​ເວົ້າ​ກ່ຽວກັບ​ອິດຊະມາເອນ​ນັ້ນ ບໍ່​ເປັນ​ຄວາມຈິງ​ດອກ.”

ເຢເຣມີຢາ 40:5

ເມື່ອ​ຂ້າພະເຈົ້າ​ບໍ່​ຕອບ ເນບູຊາຣາດານ​ກໍ​ເວົ້າ​ຂຶ້ນ​ວ່າ, “ຈົ່ງ​ກັບຄືນ​ເມືອ​ຫາ​ເກດາລີຢາ ລູກຊາຍ​ຂອງ​ອາຮີກຳ ແລະ​ຫລານຊາຍ​ຂອງ​ຊາຟານ ຜູ້​ທີ່​ກະສັດ​ແຫ່ງ​ບາບີໂລນ​ໄດ້​ແຕ່ງຕັ້ງ​ລາວ ໃຫ້​ເປັນ​ຜູ້​ສຳເລັດ​ຣາຊການ​ຂອງ​ເມືອງ​ຂອງ​ຢູດາຍ​ແທນ​ເພິ່ນ. ເຈົ້າ​ອາດ​ຢູ່​ກັບ​ລາວ ແລະ​ອາໄສ​ຢູ່​ທ່າມກາງ​ປະຊາຊົນ​ກໍໄດ້ ຫລື​ເຈົ້າ​ຈະ​ໄປ​ທີ່ໃດ​ກໍໄດ້ ຕາມ​ທີ່​ເຈົ້າ​ຄິດ​ເຫັນ​ວ່າ​ເໝາະສົມ.” ແລ້ວ​ເພິ່ນ​ກໍ​ມອບ​ຂອງຂວັນ ແລະ​ອາຫານ​ບາງສ່ວນ​ໃຫ້​ຂ້າພະເຈົ້າ​ເອົາ​ໄປ​ນຳ ແລະ​ປ່ອຍ​ໃຫ້​ຂ້າພະເຈົ້າ​ໄປ​ຕາມ​ທາງ​ຂອງ​ຂ້າພະເຈົ້າ.

ເຢເຣມີຢາ 40:7

ຍັງ​ມີ​ນາຍ​ທະຫານ​ແລະ​ທະຫານ​ບາງຄົນ​ທີ່​ບໍ່​ຍອມ​ຈຳນົນ. ພວກເຂົາ​ໄດ້ຍິນ​ວ່າ​ກະສັດ​ແຫ່ງ​ບາບີໂລນ​ໄດ້​ແຕ່ງຕັ້ງ​ເກດາລີຢາ ໃຫ້​ເປັນ​ຜູ້​ສຳເລັດ​ຣາຊການ​ປະເທດ ແລະ​ໃຫ້​ເພິ່ນ​ກຳກັບ​ພວກ​ທີ່​ບໍ່ໄດ້​ຖືກ​ຈັບ​ໄປ​ເປັນ​ຊະເລີຍ​ທີ່​ບາບີໂລນ ຄື​ປະຊາຊົນ​ທັງໝົດ​ຜູ້​ຍາກຈົນ​ທີ່ສຸດ​ຢູ່​ໃນ​ອານາຈັກ.

ເຢເຣມີຢາ 40:8

ສະນັ້ນ ອິດຊະມາເອນ​ລູກຊາຍ​ຂອງ​ເນທານີຢາ, ໂຢຮານານ​ລູກຊາຍ​ຂອງ​ກາເຣຢາ, ເສຣາອີຢາ​ລູກຊາຍ​ຂອງ​ຕັນຮູເມັດ, ບັນດາ​ລູກຊາຍ​ຂອງ​ເອຟາອີ​ຈາກ​ເມືອງ​ເນໂຕຟາ ແລະ​ຢາອາຊານີຢາ ຈາກ​ເມືອງ​ມາອາກາ ຈຶ່ງ​ໄດ້​ນຳ​ຄົນ​ຂອງ​ພວກ​ຕົນ​ໄປ​ຫາ​ເກດາລີຢາ​ທີ່​ເມືອງ​ມີຊະປາ.

ເຢເຣມີຢາ 41:3

ອິດຊະມາເອນ​ຍັງ​ໄດ້​ຂ້າ​ຊາວ​ອິດສະຣາເອນ​ທຸກຄົນ​ທີ່​ຢູ່​ກັບ​ເກດາລີຢາ​ໃນ​ເມືອງ​ມີຊະປາ ແລະ​ພວກ​ທະຫານ​ຊາວ​ບາບີໂລນ​ທີ່​ຢູ່​ໃນ​ທີ່ນັ້ນ.

ໂຢຮັນ 13:18

ເຮົາ​ບໍ່ໄດ້​ກ່າວ​ເຖິງ​ພວກເຈົ້າ​ທຸກຄົນ ເຮົາ​ຮູ້ຈັກ​ຜູ້​ທີ່​ເຮົາ​ໄດ້​ເລືອກ​ໄວ້​ນັ້ນ, ແຕ່​ຈະ​ເປັນ​ຈິງ​ຕາມ​ພຣະຄຳພີ​ໄດ້​ກ່າວ​ໄວ້​ວ່າ, ‘ຜູ້​ທີ່​ກິນ​ອາຫານ​ຂອງເຮົາ ກໍ​ຍໍ​ສົ້ນ​ຕີນ​ໃສ່​ເຮົາ.’