ເຢເຣມີຢາ 39:9 - ພຣະຄຳພີສັກສິ

⁹ ໃນທີ່ສຸດ ເນບູຊາຣາດານ ຜູ້​ບັນຊາການ​ທະຫານ ກໍ​ຈັບ​ປະຊາຊົນ​ທີ່​ເຫຼືອ​ຢູ່​ໃນ​ເມືອງ​ລວມທັງ​ຄົນ​ທີ່​ໜີ​ເຂົ້າ​ມາ​ມອບ​ຕົວ​ຕໍ່​ເພິ່ນ ໄປ​ເປັນ​ຊະເລີຍ​ທີ່​ບາບີໂລນ.

ເຢເຣມີຢາ 39:9 Jak'a apnaqawi uñst'ayäwi

ປະຖົມມະການ 37:36

ໃນ​ເວລາ​ດຽວກັນ​ນັ້ນ​ໃນ​ປະເທດ​ເອຢິບ ຊາວ​ມາດີອານ​ໄດ້​ຂາຍ​ໂຢເຊັບ​ໃຫ້​ໂປຕີຟາ ນາຍ​ທະຫານ​ຄົນ​ໜຶ່ງ​ທີ່​ເປັນ​ຫົວໜ້າ​ຮັກສາ​ວັງ​ຂອງ​ກະສັດ.

2 ກະສັດ 20:18

ລູກຊາຍ​ຂອງທ່ານ​ເອງ​ບາງຄົນ​ກໍ​ຈະ​ຖືກ​ຈັບ​ໄປ ແລະ​ກາຍເປັນ​ຊາຍ​ຕອນ ເພື່ອ​ຮັບໃຊ້​ຢູ່​ໃນ​ວັງ​ຂອງ​ກະສັດ​ແຫ່ງ​ບາບີໂລນ.”

2 ກະສັດ 25:11

ແລ້ວ​ເນບູຊາຣາດານ​ກໍ​ຈັບ​ປະຊາຊົນ​ທີ່​ຍັງ​ເຫຼືອ​ຄ້າງ​ຢູ່​ໃນ​ເມືອງ, ພວກ​ຄົນງານ​ທີ່​ມີ​ຝີມື​ດີ ທີ່​ຍັງເຫລືອ​ຢູ່ ແລະ​ພວກ​ທີ່​ມາ​ຍິນຍອມ​ຕໍ່​ພວກ​ບາບີໂລນ ໄປ​ເປັນ​ຊະເລີຍ​ທີ່​ບາບີໂລນ;

2 ກະສັດ 25:20

ເນບູຊາຣາດານ​ໄດ້​ຈັບ​ພວກເຂົາ​ໄປ​ຫາ​ກະສັດ​ແຫ່ງ​ບາບີໂລນ​ທີ່​ເມືອງ​ຣິບລາ

ເອຊາຢາ 5:13

ສະນັ້ນ ພວກເຈົ້າ​ຈະ​ຖືກ​ຈັບ​ໄປ​ເປັນ​ຊະເລີຍເສິກ. ບັນດາ​ຜູ້ນຳ​ຂອງ​ພວກເຈົ້າ​ຈະ​ຕາຍ​ຍ້ອນ​ຫິວເຂົ້າ ແລະ​ຄົນ​ສາມັນ​ທຳມະດາ​ຈະ​ຕາຍ​ຍ້ອນ​ຫິວນໍ້າ.

ເຢເຣມີຢາ 10:18

ເພາະ​ພຣະເຈົ້າຢາເວ​ກ່າວ​ດັ່ງນີ້​ວ່າ, “ເຮົາ​ກຳລັງ​ຈະ​ໂຍນ​ພວກເຈົ້າ​ອອກໄປ​ຈາກ​ດິນແດນ​ນີ້; ເຮົາ​ກຳລັງ​ຈະ​ຢຽບຢໍ່າ​ພວກເຈົ້າ​ລົງ ຈົນ​ບໍ່ມີ​ຜູ້ໃດ​ເຫລືອຢູ່.”

ເຢເຣມີຢາ 16:13

ສະນັ້ນ ເຮົາ​ຈຶ່ງ​ຈະ​ໂຍນ​ພວກເຈົ້າ​ອອກ​ຈາກ​ດິນແດນ​ນີ້ ເຂົ້າ​ໄປ​ໃນ​ດິນແດນ​ໜຶ່ງ ທີ່​ທັງ​ພວກເຈົ້າ​ເອງ​ແລະ​ບັນພະບຸລຸດ​ຂອງ​ພວກເຈົ້າ ບໍ່ເຄີຍ​ຮູ້ຈັກ​ມາກ່ອນ. ຢູ່​ໃນ​ທີ່ນັ້ນ ພວກເຈົ້າ​ຈະ​ຮັບໃຊ້​ບັນດາ​ພະອື່ນ​ທັງເວັນ​ທັງຄືນ ແລະ​ເຮົາ​ຈະ​ບໍ່​ເມດຕາ​ພວກເຈົ້າ​ເລີຍ.”’

ເຢເຣມີຢາ 24:8

ສຳລັບ​ກະສັດ​ເຊເດກີຢາ​ແຫ່ງ​ຢູດາຍ, ບັນດາ​ພວກ​ເຈົ້ານາຍ​ຂອງ​ລາວ ແລະ​ປະຊາຊົນ​ໃນ​ນະຄອນ​ເຢຣູຊາເລັມ​ທີ່​ຍັງເຫລືອ​ຢູ່ ຄື​ຜູ້​ທີ່​ໄດ້​ອາໄສ​ຢູ່​ໃນ​ດິນແດນ ຫລື​ໄດ້​ຍົກຍ້າຍ​ໄປ​ປະເທດ​ເອຢິບ​ນັ້ນ; ພຣະເຈົ້າຢາເວ​ກ່າວ​ວ່າ ເຮົາ​ຈະ​ປະຕິບັດ​ຕໍ່​ພວກເຂົາ ດັ່ງ​ໝາກເດື່ອ​ບໍ່​ດີ​ຈົນ​ກິນ​ບໍ່ໄດ້.

ເຢເຣມີຢາ 38:19

ແຕ່​ກະສັດ​ຕອບ​ວ່າ, “ເຮົາ​ຢ້ານ​ຄົນ​ຢູ່​ໃນ​ຊາດ​ຂອງ​ພວກເຮົາ​ເອງ ຄື​ພວກ​ທີ່​ໄດ້​ແຕກ​ໜີໄປ​ຫາ​ຊາວ​ບາບີໂລນ. ເຮົາ​ອາດ​ຈະ​ຖືກ​ມອບ​ໃຫ້​ພວກເຂົາ ແລະ​ຖືກ​ພວກເຂົາ​ທໍລະມານ​ກໍໄດ້.”

ເຢເຣມີຢາ 40:1

ຖ້ອຍຄຳ​ຂອງ​ພຣະເຈົ້າຢາເວ​ໄດ້​ມາເຖິງ​ຂ້າພະເຈົ້າ ຫລັງຈາກ​ເນບູຊາຣາດານ ຜູ້​ບັນຊາການ​ທະຫານ​ໄດ້​ປ່ອຍ​ຂ້າພະເຈົ້າ​ແລ້ວ​ທີ່​ເມືອງ​ຣາມາ. ຂ້າພະເຈົ້າ​ໄດ້​ຖືກ​ນຳ​ຕົວ​ໄປ​ທີ່​ນັ້ນ ໂດຍ​ຖືກ​ລ່າມໂສ້​ໄປ​ພ້ອມ​ກັບ​ປະຊາຊົນ​ຄົນອື່ນໆ​ຈາກ​ນະຄອນ​ເຢຣູຊາເລັມ ແລະ​ຢູດາຍ ຄື​ພວກ​ທີ່​ໄດ້​ຖືກ​ຈັບ​ເປັນ​ຊະເລີຍເສິກ​ໄປ​ສູ່​ບາບີໂລນ.

ເຢເຣມີຢາ 40:7

ຍັງ​ມີ​ນາຍ​ທະຫານ​ແລະ​ທະຫານ​ບາງຄົນ​ທີ່​ບໍ່​ຍອມ​ຈຳນົນ. ພວກເຂົາ​ໄດ້ຍິນ​ວ່າ​ກະສັດ​ແຫ່ງ​ບາບີໂລນ​ໄດ້​ແຕ່ງຕັ້ງ​ເກດາລີຢາ ໃຫ້​ເປັນ​ຜູ້​ສຳເລັດ​ຣາຊການ​ປະເທດ ແລະ​ໃຫ້​ເພິ່ນ​ກຳກັບ​ພວກ​ທີ່​ບໍ່ໄດ້​ຖືກ​ຈັບ​ໄປ​ເປັນ​ຊະເລີຍ​ທີ່​ບາບີໂລນ ຄື​ປະຊາຊົນ​ທັງໝົດ​ຜູ້​ຍາກຈົນ​ທີ່ສຸດ​ຢູ່​ໃນ​ອານາຈັກ.

ເຢເຣມີຢາ 52:26

ເນບູຊາຣາດານ​ໄດ້​ຈັບ​ພວກເຂົາ​ໄປ​ຫາ​ກະສັດ​ແຫ່ງ​ບາບີໂລນ

ເຢເຣມີຢາ 52:27

ຢູ່​ທີ່​ເມືອງ​ຣິບລາ​ໃນ​ເຂດແດນ​ຮາມັດ. ກະສັດ​ໄດ້​ຂ້ຽນ​ແລະ​ປະຫານ​ຊີວິດ​ພວກເຂົາ​ໃນ​ທີ່ນັ້ນ. ສະນັ້ນ ປະຊາຊົນ​ຢູດາ​ຈຶ່ງ​ຖືກ​ກວາດ​ຈາກ​ດິນແດນ​ຂອງ​ພວກຕົນ ໄປ​ເປັນ​ຊະເລີຍ​ໃນ​ຕ່າງຖິ່ນ.

ດານີເອນ 2:14

ຕໍ່ມາ ດານີເອນ​ໄດ້​ໄປ​ຫາ​ອາຣີໂອກ ຜູ້​ບັນຊາການ​ທະຫານ​ຍາມ​ປະຈຳ​ກະສັດ ຄື​ຜູ້​ທີ່​ຮັບ​ສັ່ງ​ໃຫ້​ດຳເນີນການ​ປະຫານ. ດານີເອນ​ໄດ້​ໃຊ້​ຄຳເວົ້າ​ຢ່າງ​ລະມັດ​ລະວັງ

ລະບຽບ^ພວກເລວີ 26:33

ເຮົາ​ຈະ​ເອົາ​ການ​ລົບລາ​ຂ້າຟັນ​ກັນ​ມາ​ສູ່​ພວກເຈົ້າ ແລະ​ເຮັດ​ໃຫ້​ພວກເຈົ້າ​ແຕກ​ກະຈັດ​ກະຈາຍ​ໄປ​ຢູ່​ໃນ​ປະເທດ​ຕ່າງໆ. ດິນແດນ​ຂອງ​ພວກເຈົ້າ​ຈະ​ຮົກຮ້າງ​ວ່າງເປົ່າ ແລະ​ຕົວເມືອງ​ທັງຫລາຍ​ຂອງ​ພວກເຈົ້າ​ກໍ​ຈະ​ຖືກ​ປະ​ໃຫ້​ເປັນ​ເມືອງ​ຮ້າງ.

ພຣະບັນຍັດສອງ 4:27

ພຣະເຈົ້າຢາເວ​ຈະ​ເຮັດ​ໃຫ້​ພວກເຈົ້າ ກະຈັດ​ກະຈາຍ​ໄປ​ຢູ່​ໃນ​ຊົນຊາດ​ອື່ນໆ ບ່ອນ​ທີ່​ພວກເຈົ້າ​ພຽງແຕ່​ໜ້ອຍ​ຄົນ​ເທົ່ານັ້ນ​ຈະ​ຍັງ​ມີ​ຊີວິດ​ຢູ່.