ເຢເຣມີຢາ 38:9 - ພຣະຄຳພີສັກສິ

⁹ “ຂ້າແດ່​ພະຣາຊາ ຄົນ​ເຫຼົ່ານີ້​ໄດ້​ເຮັດ​ຜິດ​ໄປ​ແລ້ວ. ພວກເຂົາ​ໄດ້​ຢ່ອນ​ເຢເຣມີຢາ​ລົງ​ໃນ​ນໍ້າສ້າງ ເພິ່ນ​ຈະ​ຕ້ອງ​ອຶດ​ຕາຍ​ໃນ​ທີ່ນັ້ນ ໃນ​ເມື່ອ​ເມືອງ​ນີ້​ບໍ່ມີ​ອາຫານ​ເຫລືອຢູ່​ອີກ​ເລີຍ.”

ເຢເຣມີຢາ 38:9 Jak'a apnaqawi uñst'ayäwi

ພຣະທຳ​ໂຢບ 31:34

ຂ້ອຍ​ບໍ່ເຄີຍ​ຄິດ​ຢ້ານ​ຕໍ່​ສິ່ງໃດໆ​ເລີຍ ຄື​ສິ່ງ​ທີ່​ຄົນ​ມັກ​ເວົ້າ​ເລົ່າລືກັນ​ນັ້ນ; ຂ້ອຍ​ບໍ່ເຄີຍ​ມິດງຽບ ຫລື​ອັດ​ປະຕູ​ຂັງ​ຕົວເອງ ເພາະ​ຢ້ານກົວ​ຕໍ່​ຄຳເວົ້າ​ສຽດສີ​ນິນທາ​ນັ້ນ.

ເຢເຣມີຢາ 19:9

ສັດຕູ​ຈະ​ປິດລ້ອມ​ເມືອງ ແລະ​ພະຍາຍາມ​ຂ້າ​ຊາວ​ເມືອງ​ຖິ້ມ. ການ​ປິດລ້ອມ​ເມືອງ​ຈະ​ເປັນ​ການ​ໜ້າຢ້ານກົວ​ທີ່ສຸດ ຈົນ​ຊາວ​ເມືອງ​ຈະ​ກິນກັນ​ເອງ ແລະ​ກິນ​ແມ່ນແຕ່​ລູກ​ຂອງຕົນເອງ.”

ເຢເຣມີຢາ 37:21

ສະນັ້ນ ກະສັດ​ເຊເດກີຢາ​ຈຶ່ງ​ມີ​ຄຳສັ່ງ ໃຫ້​ຂັງ​ຂ້າພະເຈົ້າ​ໄວ້​ຢູ່​ໃນ​ເດີ່ນ​ຂອງ​ຣາຊວັງ. ຂ້າພະເຈົ້າ​ໄດ້​ຢູ່​ທີ່ນັ້ນ ແຕ່ລະວັນ ຂ້າພະເຈົ້າ​ໄດ້​ຮັບ​ເຂົ້າຈີ່​ກ້ອນ​ໜຶ່ງ​ຈາກ​ໂຮງ​ເຮັດ​ເຂົ້າຈີ່​ຈົນ​ເຂົ້າຈີ່​ໃນ​ເມືອງ​ໝົດ.

ເຢເຣມີຢາ 38:10

ແລ້ວ​ກະສັດ​ກໍ​ສັ່ງ​ເອເບັດ-ເມເຫລັກ​ຊາວ​ເອທີໂອເປຍ​ໃຫ້​ນຳ​ສາມ​ຄົນ​ໄປ​ດຶງ​ເອົາ​ຂ້າພະເຈົ້າ ຂຶ້ນ​ມາ​ຈາກ​ນໍ້າສ້າງ​ກ່ອນ​ທີ່​ຂ້າພະເຈົ້າ​ຈະ​ສິ້ນໃຈ​ຕາຍ.

ເຢເຣມີຢາ 38:8

ສະນັ້ນ ເອເບັດ-ເມເຫລັກ​ຈຶ່ງ​ໄປ​ທີ່​ນັ້ນ ແລະ​ກ່າວ​ແກ່​ກະສັດ​ວ່າ,

ເຢເຣມີຢາ 39:17

ພຣະເຈົ້າຢາເວ​ກ່າວ​ວ່າ, ແຕ່​ເຮົາ​ຈະ​ປົກປ້ອງ​ຄຸ້ມຄອງ​ເຈົ້າ ແລະ​ເຈົ້າ​ຈະ​ບໍ່​ຖືກ​ມອບ​ໃຫ້​ແກ່​ຄົນ​ທີ່​ເຈົ້າ​ຢ້ານກົວ.

ເຢເຣມີຢາ 52:6

ໃນ​ວັນ​ທີ​ເກົ້າ​ຂອງ​ເດືອນ​ທີ​ສີ່​ໃນ​ປີ​ດຽວກັນ​ນັ້ນ ເມື່ອ​ເກີດ​ການ​ອຶດອາຫານ​ຢ່າງໜັກ ຈົນ​ບໍ່ມີ​ຫຍັງ​ເຫຼືອ​ໃຫ້​ປະຊາຊົນ​ກິນ​ເລີຍ

ເພງ^ຄໍ່າຄວນ 1:11

ປະຊາຊົນ​ຄໍ່າຄວນ​ຂະນະທີ່​ຊອກ​ຫາ​ເຂົ້າຈີ່​ກິນ ພວກເຂົາ​ແລກປ່ຽນ​ຊັບສິນ​ກັບ​ອາຫານ ເພື່ອ​ໃຫ້​ມີ​ຊີວິດ​ຢູ່. ຊາວ​ເມືອງ​ຮ້ອງ​ຂຶ້ນ​ວ່າ, “ຂ້າແດ່​ພຣະເຈົ້າຢາເວ ຂໍ​ຊົງ​ໂຜດ​ຫລຽວເບິ່ງ​ດ້ວຍ! ເບິ່ງ​ວ່າ​ຍາກຈົນ​ເທົ່າ​ໃດ.”

ເພງ^ຄໍ່າຄວນ 3:53

ພວກເຂົາ​ໂຢນ​ຂ້ານ້ອຍ​ລົງ​ໃນ​ຂຸມ​ທັງເປັນ ແລະ​ເອົາ​ຫີນ​ອັດ​ປາກ​ຂອງ​ຫລຸມ​ນັ້ນ​ໄວ້.