ເຢເຣມີຢາ 37:5 - ພຣະຄຳພີສັກສິ

⁵ ກອງທັບ​ພວກ​ບາບີໂລນ​ຍັງ​ປິດລ້ອມ​ນະຄອນ​ເຢຣູຊາເລັມ​ໄວ້​ຢູ່; ແຕ່​ເມື່ອ​ພວກເຂົາ​ໄດ້ຍິນ​ວ່າ​ກອງທັບ​ຊາວ​ເອຢິບ​ໄດ້​ຂ້າມ​ຊາຍແດນ​ມາ​ແລ້ວ ພວກເຂົາ​ຈຶ່ງ​ລ່າຖອຍ​ໜີໄປ.

ເຢເຣມີຢາ 37:5 Jak'a apnaqawi uñst'ayäwi

2 ກະສັດ 24:7

ກະສັດ​ເອຢິບ​ບໍ່ໄດ້​ຍົກທັບ​ຂອງ​ເພິ່ນ​ອອກ​ຈາກ​ປະເທດ​ເອຢິບ​ອີກ ເພາະ​ດຽວ​ນີ້​ກະສັດ​ແຫ່ງ​ບາບີໂລນ​ໄດ້​ຄອບຄອງ​ເຂດແດນ​ທັງໝົດ​ທີ່​ເຄີຍ​ເປັນ​ຂອງ​ປະເທດ​ເອຢິບ ຕັ້ງແຕ່​ແມ່ນໍ້າ​ເອີຟຣັດ​ຈົນເຖິງ​ຊາຍແດນ​ເຂດເໜືອ​ຂອງ​ປະເທດ​ເອຢິບ.

ເຢເຣມີຢາ 34:21

ເຮົາ​ຈະ​ມອບ​ກະສັດ​ເຊເດກີຢາ​ແຫ່ງ​ຢູດາຍ ແລະ​ພວກ​ຂ້າຣາຊການ​ຂອງ​ລາວ​ໃຫ້​ຄົນ​ທີ່​ຢາກ​ຂ້າ​ພວກເຂົາ​ດ້ວຍ. ເຮົາ​ຈະ​ມອບ​ພວກເຂົາ​ໃຫ້​ກອງທັບ​ຂອງ​ບາບີໂລນ ທີ່​ຢຸດ​ໂຈມຕີ​ພວກເຈົ້າ​ນັ້ນ.

ເຢເຣມີຢາ 37:11

ກອງທັບ​ບາບີໂລນ​ໄດ້​ຖອຍ​ອອກ​ຈາກ​ນະຄອນ​ເຢຣູຊາເລັມ​ໄປ ຍ້ອນ​ກອງທັບ​ເອຢິບ​ໄດ້​ເຄື່ອນ​ເຂົ້າ​ມາ​ໃກ້.

ເຢເຣມີຢາ 37:6

ເຫດສະນັ້ນ ຖ້ອຍຄຳ​ຂອງ​ພຣະເຈົ້າຢາເວ​ໄດ້​ມາເຖິງ​ຜູ້ທຳນວາຍ​ເຢເຣມີຢາ​ວ່າ,

ເຢເຣມີຢາ 37:7

“ພຣະເຈົ້າຢາເວ ພຣະເຈົ້າ​ຂອງ​ຊາດ​ອິດສະຣາເອນ​ກ່າວ​ວ່າ​ດັ່ງນີ້: ໃຫ້​ຕອບ​ເຊເດກີຢາ​ວ່າ, ‘ກອງທັບ​ເອຢິບ​ກຳລັງ​ເຄື່ອນ​ເຂົ້າ​ມາ​ຊ່ວຍ​ເຈົ້າ; ແຕ່​ພວກເຂົາ​ຈະ​ກັບຄືນ​ເມືອ​ປະເທດ.

ເອເຊກຽນ 17:15

ແຕ່​ກະສັດ​ແຫ່ງ​ຢູດາຍ​ໄດ້​ກໍ່​ການ​ກະບົດ ແລະ​ສົ່ງ​ຄະນະ​ຜູ້​ຕາງໜ້າ​ຂອງຕົນ​ໄປ​ປະເທດ​ເອຢິບ ເພື່ອ​ຫາ​ຝູງມ້າ ແລະ​ກອງທັບ​ອັນ​ມີ​ທະຫານ​ຫລວງຫລາຍ​ມາ. ລາວ​ຈະ​ເຮັດ​ຫລ້ອນໜ້າທີ່​ຫລື? ລາວ​ຈະ​ໄປ​ລອດ​ບໍ? ລາວ​ຝ່າຝືນ​ຄຳໝັ້ນ​ສັນຍາ​ໂດຍ​ບໍ່​ຮັບ​ໂທດ​ໄດ້​ບໍ?

ເອເຊກຽນ 17:17

ເຖິງ​ແມ່ນ​ວ່າ​ກອງທັບ​ອັນ​ເຂັ້ມແຂງ​ຂອງ​ກະສັດ​ແຫ່ງ​ເອຢິບ ກໍ​ຈະ​ບໍ່​ສາມາດ​ສູ້ຮົບ​ຊ່ວຍ​ລາວ​ໄດ້ ໃນ​ເມື່ອ​ຊາວ​ບາບີໂລນ​ໄດ້​ສ້າງ​ຄັນຄູ​ປ້ອງກັນ ແລະ​ຂຸດ​ຫລຸມ​ໄວ້​ເພື່ອ​ຈະ​ຂ້າ​ຫລາຍ​ຄົນ.