ເຢເຣມີຢາ 37:2 - ພຣະຄຳພີສັກສິ

² ແຕ່​ເຈົ້າ​ເຊເດກີຢາ​ແລະ​ບັນດາ​ຂ້າຣາຊການ​ຂອງ​ເພິ່ນ ແລະ​ປະຊາຊົນ​ບໍ່ໄດ້​ເຊື່ອຟັງ​ຖ້ອຍຄຳ​ທີ່​ພຣະເຈົ້າຢາເວ​ໄດ້​ມອບ​ໃຫ້​ຂ້າພະເຈົ້າ​ນັ້ນ.

ເຢເຣມີຢາ 37:2 Jak'a apnaqawi uñst'ayäwi

2 ຊາມູເອນ 10:2

ກະສັດ​ດາວິດ​ຈຶ່ງ​ກ່າວ​ວ່າ, “ເຮົາ​ຕ້ອງ​ສະແດງ​ຄວາມ​ເປັນ​ມິດ​ຢ່າງ​ສັດຊື່​ຕໍ່​ຮານູນ ຕາມ​ທີ່​ເຈົ້າ​ນາຮາດ​ພໍ່​ຂອງ​ລາວ​ເຄີຍ​ໄດ້​ປະຕິບັດ​ຕໍ່​ເຮົາ.” ສະນັ້ນ ກະສັດ​ດາວິດ​ຈຶ່ງ​ສົ່ງ​ຄະນະທູດ​ໄປ​ສະແດງ​ຄວາມ​ເສຍໃຈ​ນຳ​ເຈົ້າ​ຮານູນ. ເມື່ອ​ຄະນະທູດ​ຂອງ​ກະສັດ​ດາວິດ​ມາ​ເຖິງ​ເມືອງ​ອຳໂມນ​ແລ້ວ

2 ຊາມູເອນ 12:25

ແລະ​ໃຊ້​ຜູ້ທຳນວາຍ​ນາທານ​ໃຫ້​ຕັ້ງ​ຊື່​ເດັກ​ນີ້​ວ່າ, ເຢດີດີຢາ ເພາະ​ເຫັນ​ແກ່​ພຣະເຈົ້າຢາເວ.

1 ກະສັດ 14:18

ປະຊາຊົນ​ອິດສະຣາເອນ​ພາກັນ​ໄວ້ທຸກ​ໃຫ້ ແລະ​ຝັງສົບ​ລາວ​ໄວ້. ທຸກຢ່າງ​ໄດ້​ເປັນ​ໄປ​ຕາມ​ຖ້ອຍຄຳ​ຂອງ​ພຣະເຈົ້າຢາເວ​ໄດ້​ກ່າວ​ໄວ້ ຜ່ານ​ທາງ​ຜູ້ທຳນວາຍ​ອາຮີຢາ​ຜູ້ຮັບໃຊ້​ຂອງ​ພຣະອົງ.

1 ກະສັດ 16:7

ຖ້ອຍຄຳ​ຂອງ​ພຣະເຈົ້າຢາເວ​ໄດ້​ກ່າວ​ຕໍ່ສູ້​ກະສັດ​ບາອາຊາ ແລະ​ຄອບຄົວ​ຂອງ​ເພິ່ນ, ໂດຍ​ກ່າວ​ຜ່ານ​ທາງ​ຜູ້ທຳນວາຍ​ເຢຮູ​ລູກຊາຍ​ຂອງ​ຮານານີ​ນັ້ນ ເພາະ​ເຫດຜົນ​ສອງ​ປະການ​ດັ່ງນີ້: ປະການ​ທີ​ໜຶ່ງ ຍ້ອນ​ກະສັດ​ບາອາຊາ​ກັບ​ຄອບຄົວ​ຂອງ​ເພິ່ນ​ໄດ້​ເຮັດ​ບາບ​ຕໍ່ສູ້​ພຣະອົງ ແລະ​ຍົວະເຍົ້າ​ພຣະເຈົ້າຢາເວ​ໃຫ້​ໂກດຮ້າຍ​ໂດຍ​ເຮັດ​ສິ່ງ​ທີ່​ຊົ່ວຊ້າ ເໝືອນກັນ​ກັບ​ກະສັດ​ເຢໂຣໂບອາມ ແລະ​ຄອບຄົວ; ປະການ​ທີ​ສອງ ຍ້ອນ​ເພິ່ນ​ເອງ​ໄດ້​ສັງຫານ​ເຊື້ອສາຍ​ທັງໝົດ​ຂອງ​ເຈົ້າ​ເຢໂຣໂບອາມ.

2 ຂ່າວຄາວ 36:11

ເຈົ້າ​ເຊເດກີຢາ​ເພິ່ນ​ຂຶ້ນ​ເປັນ​ກະສັດ​ແຫ່ງ​ຢູດາຍ​ເມື່ອ​ເພິ່ນ​ອາຍຸ​ຊາວເອັດ​ປີ ແລະ​ໄດ້​ປົກຄອງ​ຢູ່​ທີ່​ນະຄອນ​ເຢຣູຊາເລັມ​ເປັນ​ເວລາ​ສິບເອັດ​ປີ.

ອົບພະຍົບ 4:13

ແຕ່​ໂມເຊ​ຍັງ​ຕອບ​ວ່າ, “ຂໍ​ພຣະອົງ​ໃຊ້​ຄົນອື່ນ​ໄປ​ສາ.”

ສຸພາສິດ 26:6

ຜູ້​ທີ່​ໃຫ້​ຄົນ​ໂງ່ຈ້າ​ສົ່ງຂ່າວ ກໍ​ສໍ່າ​ຕັດ​ຕີນ​ຕົນເອງ ດັ່ງ​ຊອກຫາ​ຄວາມ​ເດືອດຮ້ອນ​ມາ​ໃສ່​ຕົນ.

ສຸພາສິດ 29:12

ຖ້າ​ຜູ້ປົກຄອງ​ເອົາໃຈໃສ່​ຕໍ່​ຄຳ​ລາຍງານ​ບໍ່ຈິງ, ຂ້າຣາຊການ​ຂອງເພິ່ນ​ທັງໝົດ​ຈະ​ເປັນ​ຄົນ​ຂີ້ຕົວະ.

ເຢເຣມີຢາ 34:2

ພຣະເຈົ້າຢາເວ ພຣະເຈົ້າ​ຂອງ​ຊາດ​ອິດສະຣາເອນ​ໄດ້​ສັ່ງ​ຂ້າພະເຈົ້າ ໃຫ້​ໄປ​ບອກ​ກະສັດ​ເຊເດກີຢາ​ແຫ່ງ​ຢູດາຍ​ວ່າ, “ເຮົາ​ຄື​ພຣະເຈົ້າຢາເວ ເຮົາ​ຈະ​ມອບ​ເມືອງ​ນີ້​ໃຫ້​ແກ່​ກະສັດ​ແຫ່ງ​ບາບີໂລນ ແລະ​ລາວ​ຈະ​ຈູດ​ເຜົາ​ເມືອງ​ຖິ້ມ.

ເອເຊກຽນ 21:25

ເຈົ້າ​ຄົນ​ອະທຳ ຜູ້ປົກຄອງ​ຊາດ​ອິດສະຣາເອນ​ທີ່​ຂາດ​ສິນທຳ​ເອີຍ ວັນ​ຂອງ​ເຈົ້າ​ກຳລັງ​ມາຮອດ ຄື​ວັນ​ແຫ່ງ​ການລົງໂທດ​ຄັ້ງ​ສຸດທ້າຍ.

ໂຮເສອາ 12:10

ເຮົາ​ໄດ້​ກ່າວ​ແກ່​ພວກ​ຜູ້ທຳນວາຍ ແລະ​ໃຫ້​ພວກເຂົາ​ເຫັນ​ນິມິດ​ຫລາຍຢ່າງ ແລະ​ເຮົາ​ໄດ້​ເຕືອນ​ປະຊາຊົນ​ຂອງເຮົາ ຜ່ານ​ທາງ​ຜູ້ທຳນວາຍ​ເຫຼົ່ານັ້ນ.

ລະບຽບ^ພວກເລວີ 8:36

ດັ່ງນັ້ນ ອາໂຣນ​ແລະ​ພວກ​ລູກຊາຍ​ຂອງ​ລາວ​ຈຶ່ງ​ໄດ້​ປະຕິບັດ​ຕາມ ສິ່ງ​ທີ່​ພຣະເຈົ້າຢາເວ​ໄດ້​ສັ່ງ​ຜ່ານ​ທາງ​ໂມເຊ​ທຸກປະການ.

1 ເທສະໂລນິກ 4:8

ດ້ວຍເຫດນີ້ ຜູ້​ທີ່​ຝ່າຝືນ​ນັ້ນ​ກໍ​ບໍ່​ໄດ້​ຝ່າຝືນ​ຕໍ່​ມະນຸດ ແຕ່​ຝ່າຝືນ​ຕໍ່​ພຣະເຈົ້າ ຜູ້​ຊົງ​ໂຜດ​ປະທານ​ພຣະວິນຍານ​ບໍຣິສຸດເຈົ້າ​ຂອງ​ພຣະອົງ​ໃຫ້​ແກ່​ເຈົ້າ​ທັງຫລາຍ.