ເຢເຣມີຢາ 37:13 - ພຣະຄຳພີສັກສິ

¹³ ແຕ່​ເມື່ອ​ຂ້າພະເຈົ້າ​ມາຮອດ​ປະຕູ​ເບັນຢາມິນ ກໍ​ມີ​ນາຍ​ທະຫານ​ຮັບຜິດຊອບ​ການ​ເຝົ້າຍາມ​ຄົນ​ໜຶ່ງ​ຊື່​ວ່າ​ອີຣີຢາ​ລູກຊາຍ​ຂອງ​ເຊເລມີຢາ ແລະ​ຫລານຊາຍ​ຂອງ​ຮານານີຢາ ຢັບຢັ້ງ​ຂ້າພະເຈົ້າ​ໄວ້ ແລະ​ກ່າວ​ວ່າ, “ເຈົ້າ​ກຳລັງ​ຈະ​ໜີໄປ​ຫາ​ພວກ​ບາບີໂລນ.”

ເຢເຣມີຢາ 37:13 Jak'a apnaqawi uñst'ayäwi

ເຢເຣມີຢາ 18:18

ແລ້ວ​ປະຊາຊົນ​ກໍໄດ້​ເວົ້າ​ວ່າ, “ໃຫ້​ພວກເຮົາ​ກຳຈັດ​ເຢເຣມີຢາ​ສາ​ເທາະ ພວກເຮົາ​ມີ​ພວກ​ປະໂຣຫິດ​ໃຫ້​ຄຳແນະນຳ, ມີ​ພວກ​ນັກປາດ​ໃຫ້​ຄຳ​ປຶກສາ ແລະ​ມີ​ພວກ​ຜູ້ທຳນວາຍ ປະກາດ​ຖ້ອຍຄຳ​ຂອງ​ພຣະເຈົ້າ​ຢູ່​ສະເໝີ. ໃຫ້​ພວກເຮົາ​ຫາເລື່ອງ​ໃສ່​ລາວ ແລະ​ຢ່າ​ຟັງ​ສິ່ງ​ທີ່​ລາວ​ເວົ້າ​ນັ້ນ.”

ເຢເຣມີຢາ 20:10

ຂ້ານ້ອຍ​ໄດ້ຍິນ​ຫລາຍໆ​ຄົນ​ຊີ່ມ​ໃສ່​ກັນ​ວ່າ, “ຄວາມ​ຕົກໃຈ​ຢ້ານກົວ​ມີ​ຢູ່​ທົ່ວ​ທຸກແຫ່ງ ຈົ່ງ​ຮີບ​ລາຍງານ​ສະພາບ​ການ​ໃໝ່​ໃຫ້​ເຈົ້າໜ້າທີ່​ຟັງ.” ແມ່ນແຕ່​ໝູ່ເພື່ອນ​ຜູ້​ໃກ້ຊິດ​ກໍ​ລໍເບິ່ງ​ຂ້ານ້ອຍ​ລົ້ມ. ພວກເຂົາ​ເວົ້າ​ວ່າ, “ບາງທີ​ການ​ທີ່​ພວກເຮົາ​ເວົ້າ​ໂຈມຕີ​ລາວ ອາດ​ເຮັດ​ໃຫ້​ພວກເຮົາ​ຈັບ​ລາວ​ມາ​ແກ້ແຄ້ນ​ກໍໄດ້.”

ເຢເຣມີຢາ 20:2

ລາວ​ຈຶ່ງ​ສັ່ງ​ຄົນ​ໃຫ້​ຂ້ຽນຕີ ແລະ​ລ່າມໂສ້​ຂ້າພະເຈົ້າ​ໄວ້ ທີ່​ຂ້າງ​ເທິງ​ໃກ້​ກັບ​ປະຕູ​ເບັນຢາມິນ​ໃນ​ວິຫານ​ຂອງ​ພຣະເຈົ້າຢາເວ.

ເຢເຣມີຢາ 21:9

ຜູ້ໃດ​ຜູ້ໜຶ່ງ​ທີ່​ຢູ່​ໃນ​ເມືອງ​ຈະ​ຖືກ​ຂ້າ​ໃນ​ສົງຄາມ ຫລື​ໂດຍ​ການ​ຕາຍອຶດ​ຕາຍຫິວ ຫລື​ໂດຍ​ເຈັບໄຂ້​ໄດ້ປ່ວຍ, ແຕ່​ຜູ້ໃດ​ຜູ້ໜຶ່ງ​ທີ່​ອອກ​ໄປ​ຍອມ​ຈຳນົນ​ຕໍ່​ພວກ​ບາບີໂລນ ທີ່​ກຳລັງ​ໂຈມຕີ​ເມືອງ​ຢູ່​ໃນ​ເວລາ​ນີ້​ຈະ​ບໍ່​ຖືກ​ຂ້າ; ຢ່າງໜ້ອຍ​ລາວ​ຈະ​ຊ່ວຍ​ຊີວິດ​ຕົນ​ໃຫ້​ພົ້ນ​ໄດ້.

ເຢເຣມີຢາ 27:6

ເຮົາ​ແມ່ນ​ຜູ້​ທີ່​ໄດ້​ວາງ​ຊົນຊາດ​ເຫຼົ່ານີ້ ໃຫ້​ຢູ່​ໃຕ້​ອຳນາດ​ຂອງ​ກະສັດ​ເນບູ​ກາດເນັດຊາ​ແຫ່ງ​ບາບີໂລນ ຄື​ຜູ້ຮັບໃຊ້​ຂອງເຮົາ ແລະ​ເຮົາ​ໄດ້​ເຮັດ​ໃຫ້​ແມ່ນແຕ່​ສັດປ່າ​ນາໆ​ຊະນິດ​ຮັບໃຊ້​ລາວ​ດ້ວຍ.

ເຢເຣມີຢາ 28:14

ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່ ພຣະເຈົ້າ​ຂອງ​ຊາດ​ອິດສະຣາເອນ ກ່າວ​ວ່າ​ພຣະອົງ​ຈະ​ເອົາ​ແອກ​ເຫຼັກ​ວາງ​ເທິງ​ຊົນຊາດ​ເຫຼົ່ານີ້ ແລະ​ພວກເຂົາ​ຈະ​ຮັບໃຊ້​ເນບູ​ກາດເນັດຊາ​ແຫ່ງ​ບາບີໂລນ. ພຣະອົງ​ຈະ​ເຮັດ​ໃຫ້​ແມ່ນແຕ່​ສັດປ່າ​ຮັບໃຊ້​ເພິ່ນ.”

ເຢເຣມີຢາ 36:12

ລາວ​ຈຶ່ງ​ໄປ​ຣາຊວັງ​ທີ່​ຫ້ອງ​ເລຂາທິການ​ປະຈຳ​ວັງ ບ່ອນ​ທີ່​ຂ້າຣາຊການ​ທັງໝົດ​ກຳລັງ​ປະຊຸມ​ກັນ​ຢູ່. ເອລີຊາມາ ຜູ້​ທີ່​ເປັນ​ເລຂາທິການ, ເດລາອີຢາ ລູກຊາຍ​ຂອງ​ເຊມາອີຢາ, ເອນນາທານ​ລູກຊາຍ​ຂອງ​ອັກໂບ, ເກມາຣິຢາ ລູກຊາຍ​ຂອງ​ຊາຟານ, ເຊເດກີຢາ​ລູກຊາຍ​ຂອງ​ຮານານີຢາ ແລະ​ບັນດາ​ເຈົ້ານາຍ​ອື່ນໆ​ກໍ​ຢູ່​ທີ່​ນັ້ນ​ດ້ວຍ.

ເຢເຣມີຢາ 38:1

ເຊຟາຕີຢາ​ລູກຊາຍ​ຂອງ​ມັດທານ, ເກດາລີຢາ​ລູກຊາຍ​ຂອງ​ປັດຊູ, ເຢຮູການ​ລູກຊາຍ​ຂອງ​ເຊເລມີຢາ ແລະ​ປັດຊູ​ລູກຊາຍ​ຂອງ​ມັນກີຢາ ໄດ້ຍິນ​ຂ້າພະເຈົ້າ​ບອກ​ປະຊາຊົນ​ວ່າ,

ເຢເຣມີຢາ 38:4

ແລ້ວ​ບັນດາ​ຂ້າຣາຊການ​ກໍ​ໄປ​ຫາ​ກະສັດ ແລະ​ເວົ້າ​ວ່າ, “ຄົນ​ຜູ້​ນີ້​ຈະ​ຕ້ອງ​ຖືກ​ໂທດ​ເຖິງ​ຕາຍ. ລາວ​ໄດ້​ເຮັດ​ໃຫ້​ພວກ​ທະຫານ​ຢູ່​ໃນ​ເມືອງ​ເສຍກຳລັງໃຈ ໂດຍ​ເວົ້າ​ເຊັ່ນນີ້; ລາວ​ຈະ​ເຮັດ​ຢ່າງ​ດຽວກັນ​ອີກ​ຕໍ່​ທຸກຄົນ​ທີ່​ເຫຼືອ​ຢູ່​ໃນ​ເມືອງ​ນີ້. ລາວ​ບໍ່ໄດ້​ພະຍາຍາມ​ຊ່ວຍເຫລືອ​ປະຊາຊົນ​ເລີຍ; ລາວ​ມີ​ແຕ່​ຫາ​ຄວາມທຸກ​ມາ​ໃຫ້​ພວກເຂົາ.”

ເຢເຣມີຢາ 38:7

ແຕ່​ເອເບັດ-ເມເຫລັກ ຊາວ​ເອທີໂອເປຍ ຊາຍ​ຕອນ​ທີ່​ເຮັດ​ວຽກ​ໃນ​ວັງ​ຂອງ​ກະສັດ ໄດ້ຍິນ​ວ່າ​ພວກເຂົາ​ໄດ້​ຈັບ​ຂ້າພະເຈົ້າ​ຢ່ອນ​ລົງ​ໃນ​ນໍ້າສ້າງ. ໃນ​ເວລາ​ນັ້ນ ກະສັດ​ກຳລັງ​ຢູ່​ທີ່​ເດີ່ນ​ຂອງ​ປະຕູ​ເບັນຢາມິນ.

ເພງ^ຄໍ່າຄວນ 4:18

ສັດຕູ​ກຳລັງ​ຈອບ​ເບິ່ງ​ບາດ​ຍ່າງ​ພວກເຮົາ, ພວກເຮົາ​ຍ່າງ​ໄປມາ​ແມ່ນແຕ່​ຕາມ​ຫົນທາງ​ກໍ​ບໍ່ໄດ້. ວັນ​ຂອງ​ພວກເຮົາ​ນັ້ນ​ມັນ​ກໍ​ສັ້ນ​ເຂົ້າ​ທຸກທີ, ວາລະ​ສຸດທ້າຍ​ຂອງ​ພວກເຮົາ​ມາເຖິງ​ສາ​ແລ້ວ.

ອາໂມດ 7:10

ແລ້ວ​ອາມາຊີຢາ ປະໂຣຫິດ​ແຫ່ງ​ເມືອງ​ເບັດເອນ ກໍ​ລາຍງານ​ໃຫ້​ກະສັດ​ເຢໂຣໂບອາມ​ແຫ່ງ​ອິດສະຣາເອນ​ວ່າ, “ອາໂມດ​ກຳລັງ​ວາງແຜນ​ຄົບຄິດ​ກັບ​ພວກ​ປະຊາຊົນ ກະບົດ​ຕໍ່ສູ້​ທ່ານ. ຄຳ​ເວົ້າ​ຂອງ​ລາວ​ຈະ​ທຳລາຍ​ປະເທດ.

ເຊກາຣີຢາ 14:10

ຂົງເຂດ​ທັງໝົດ ແຕ່​ເກບາ​ທາງ​ທິດເໜືອ​ຫາ​ຣິມໂມນ​ທາງ​ທິດໃຕ້ ຈະ​ເປັນ​ບ່ອນ​ຮາບພຽງ. ນະຄອນ​ເຢຣູຊາເລັມ​ຈະ​ສູງ​ເດັ່ນ​ໃນ​ດິນແດນ​ທີ່​ອ້ອມຮອບ​ນັ້ນ; ນະຄອນ​ນີ້​ຈະ​ມີ​ອານາເຂດ​ຢຽດ​ອອກ​ໄປ ແຕ່​ປະຕູ​ເບັນຢາມິນ​ຈົນຮອດ​ປະຕູ​ແຈ ບ່ອນ​ທີ່​ປະຕູ​ເມືອງ​ແຕ່ກ່ອນ​ຕັ້ງ​ຢູ່ ແລະ​ຈາກ​ຫໍຄອຍ​ຮານາເນນ ເຖິງ​ບ່ອນ​ບີບ​ເຫຼົ້າ​ອະງຸ່ນ​ຂອງ​ກະສັດ.

ລູກາ 23:2

ໃນ​ທີ່ນັ້ນ ພວກເຂົາ​ໄດ້​ເລີ່ມ​ກ່າວ​ຟ້ອງ​ພຣະອົງ​ວ່າ, “ພວກເຮົາ​ຈັບ​ຄົນ​ນີ້​ໄດ້ ໃນ​ຂະນະທີ່​ກຳລັງ​ຊັກຊວນ​ປະຊາຊົນ​ຂອງ​ພວກເຮົາ ໃຫ້​ກໍ່​ການ​ປັ່ນປ່ວນ ໂດຍ​ຫ້າມ​ບໍ່​ໃຫ້​ເສຍສ່ວຍ​ແກ່​ຈັກກະພັດ ແລະ​ອ້າງ​ຕົນ​ວ່າ ເປັນ​ພຣະຄຣິດ​ຄື​ກະສັດ​ຜູ້ໜຶ່ງ.”

ກິດຈະການ 24:13

ເຫດການ​ທັງປວງ​ທີ່​ພວກເຂົາ​ກຳລັງ​ຟ້ອງ​ຂ້ານ້ອຍ​ດຽວ​ນີ້ ພວກເຂົາ​ພິສູດ​ບໍ່ໄດ້.

ກິດຈະການ 6:11

ດັ່ງນັ້ນ ພວກເຂົາ​ຈຶ່ງ​ຍຸແຫຍ່​ຊາຍ​ບາງຄົນ​ມາ​ກ່າວຫາ​ວ່າ, “ພວກເຮົາ​ໄດ້ຍິນ​ລາວ​ເວົ້າ​ຕໍ່ສູ້​ໂມເຊ ແລະ​ຕໍ່ສູ້​ພຣະເຈົ້າ.”

2 ໂກຣິນໂທ 6:8

ທັງ​ເວລາ​ທີ່​ໄດ້​ຮັບ​ກຽດ ແລະ​ທັງ​ເວລາ​ຖືກ​ລົດ​ກຽດ, ທັງ​ເວລາ​ຖືກ​ໝິ່ນປະໝາດ ແລະ​ເວລາ​ຮັບ​ຄຳ​ຊົມເຊີຍ. ພວກເຮົາ​ຖືກ​ກ່າວຫາ​ວ່າ​ເປັນ​ຄົນ​ຫລອກລວງ, ແຕ່​ຍັງ​ເປັນ​ຄົນ​ສັດຊື່​ຢູ່;