ເຢເຣມີຢາ 36:10 - ພຣະຄຳພີສັກສິ

¹⁰ ແລ້ວ​ບາຣຸກ​ກໍໄດ້​ອ່ານ​ທຸກ​ຖ້ອຍຄຳ​ທີ່​ຂ້າພະເຈົ້າ​ໄດ້​ກ່າວ​ນັ້ນ ໃນ​ຂະນະທີ່​ທຸກຄົນ​ກຳລັງ​ຟັງ​ຢູ່. ລາວ​ໄດ້​ອ່ານ​ໜັງສື​ມ້ວນ​ນີ້​ຢູ່​ໃນ​ວິຫານ​ຂອງ​ພຣະເຈົ້າຢາເວ ຈາກ​ຫ້ອງ​ຂອງ​ເກມາຣິຢາ​ລູກຊາຍ​ຂອງ​ຊາຟານ ເລຂາທິການ​ປະຈຳ​ຣາຊວັງ. ສ່ວນ​ຫ້ອງ​ຂອງ​ເກມາຣິຢາ​ນັ້ນ​ຢູ່​ທີ່​ເດີ່ນ​ທາງ​ເທິງ ໃກ້​ທາງ​ເຂົ້າ​ປະຕູ​ໃໝ່​ຂອງ​ວິຫານ​ຂອງ​ພຣະເຈົ້າຢາເວ.

ເຢເຣມີຢາ 36:10 Jak'a apnaqawi uñst'ayäwi

2 ຊາມູເອນ 20:25

ເຊວາ​ເປັນ​ເລຂາທິການ​ຂອງ​ສານ. ຊາດົກ​ແລະ​ອາບີອາທາ​ເປັນ​ປະໂຣຫິດ.

2 ຊາມູເອນ 8:17

ຊາດົກ​ລູກຊາຍ​ຂອງ​ອາຮີຕຸບ ແລະ​ອາຮີເມເຫຼັກ​ລູກຊາຍ​ຂອງ​ອາບີອາທາ ທັງສອງ​ເປັນ​ປະໂຣຫິດ; ເສຣາອີຢາ​ເປັນ​ເລຂາທິການ;

1 ກະສັດ 6:36

ຢູ່​ຕໍ່ໜ້າ​ພຣະວິຫານ ເພິ່ນ​ໄດ້​ສ້າງ​ເດີ່ນ​ອ້ອມ​ດ້ວຍ​ກຳແພງ ລຽນ​ຫີນ​ສາມ​ກ້ອນ​ເປັນ​ຊັ້ນ​ໜຶ່ງ ແລະ​ທຸກ​ຊັ້ນ​ໃດ ກໍໄດ້​ສອດ​ໄມ້ຂາງ​ທີ່​ເປັນ​ໄມ້ແປກ​ໃສ່.

2 ກະສັດ 15:35

ແຕ່​ເພິ່ນ​ຍັງ​ບໍ່ໄດ້​ທຳລາຍ​ບ່ອນ​ຂາບໄຫວ້​ພະ​ຂອງ​ຄົນຕ່າງຊາດ ແລະ​ປະຊາຊົນ​ຍັງ​ສືບຕໍ່​ຖວາຍ​ເຄື່ອງ​ບູຊາ​ແລະ​ເຜົາ​ເຄື່ອງຫອມ​ຢູ່​ທີ່​ນັ້ນ. ກະສັດ​ໂຢທາມ​ໄດ້​ເປັນ​ຜູ້​ສ້າງ​ປະຕູ​ວິຫານ​ຂອງ​ພຣະເຈົ້າຢາເວ​ດ້ານ​ເໜືອ.

2 ກະສັດ 18:37

ແລ້ວ​ເອລີອາກິມ​ລູກຊາຍ​ຂອງ​ຮິນກີຢາ​ຜູ້​ຮັບຜິດຊອບ​ຣາຊວັງ, ເຊັບນາ​ເລຂາທິການ ແລະ​ໂຢອາ​ລູກຊາຍ​ຂອງ​ອາສັບ​ຜູ້ບັນທຶກ ຕ່າງ​ກໍ​ຈີກ​ເສື້ອ​ຂອງ​ຕົນເອງ​ດ້ວຍ​ຄວາມ​ໂສກເສົ້າ​ເສຍໃຈ ແລະ​ໄປ​ລາຍງານ​ຕໍ່​ກະສັດ​ເຮເຊກີຢາ​ຕາມ​ທີ່​ຂ້າຣາຊການ​ອັດຊີເຣຍ​ໄດ້​ເວົ້າ.

2 ກະສັດ 22:3

ໃນ​ຣາຊການ​ປີ​ທີ​ສິບແປດ​ຂອງ​ກະສັດ​ໂຢສີຢາ ເພິ່ນ​ໄດ້​ໃຊ້​ເລຂາທິການ ຊາຟານ​ລູກຊາຍ​ຂອງ​ອາຊາລີຢາ ແລະ​ຫລານຊາຍ​ຂອງ​ເມຊຸນລຳ ໄປ​ທີ່​ວິຫານ​ຂອງ​ພຣະເຈົ້າຢາເວ ໂດຍ​ສັ່ງ​ວ່າ,

ເຢເຣມີຢາ 26:10

ເມື່ອ​ບັນດາ​ພວກ​ເຈົ້ານາຍ​ຂອງ​ຢູດາຍ​ໄດ້ຍິນ​ເຖິງ​ສິ່ງ​ທີ່​ເກີດຂຶ້ນ ພວກເຂົາ​ກໍ​ຟ້າວ​ອອກ​ຈາກ​ວັງ​ມາ​ທີ່​ວິຫານ​ຂອງ​ພຣະເຈົ້າຢາເວ ແລະ​ໄປ​ນັ່ງ​ທີ່​ທາງເຂົ້າ​ປະຕູ​ໃໝ່​ຂອງ​ວິຫານ​ຂອງ​ພຣະເຈົ້າຢາເວ.

ເຢເຣມີຢາ 26:24

ແຕ່​ເພາະ​ຂ້າພະເຈົ້າ​ໄດ້​ຮັບ​ການສະໜັບ​ສະໜູນ​ຈາກ​ອາຮິກຳ​ລູກຊາຍ​ຂອງ​ຊາຟານ; ຂ້າພະເຈົ້າ​ຈຶ່ງ​ບໍ່ໄດ້​ຖືກ​ມອບ​ໃຫ້​ປະຊາຊົນ​ປະຫານ​ຊີວິດ.

ເຢເຣມີຢາ 29:3

ຂ້າພະເຈົ້າ​ໄດ້​ມອບ​ຈົດໝາຍ​ນັ້ນ​ໃຫ້​ເອລາຊາ​ລູກຊາຍ​ຂອງ​ຊາຟານ ແລະ​ເກມາຣີຢາ​ລູກຊາຍ​ຂອງ​ຮິນກີຢາ ຄື​ພວກ​ທີ່​ກະສັດ​ເຊເດກີຢາ​ແຫ່ງ​ຢູດາຍ ໄດ້​ສົ່ງ​ໄປ​ພົບ​ກະສັດ​ເນບູ​ກາດເນັດຊາ​ແຫ່ງ​ບາບີໂລນ. ໜັງສື​ນັ້ນ​ມີ​ເນື້ອຄວາມ​ວ່າ​ດັ່ງນີ້:

ເຢເຣມີຢາ 35:4

ແລະ​ນຳ​ພວກເຂົາ​ໄປ​ທີ່​ວິຫານ​ຂອງ​ພຣະເຈົ້າຢາເວ. ຂ້າພະເຈົ້າ​ໄດ້​ນຳ​ພວກເຂົາ​ເຂົ້າ​ໄປ​ໃນ​ຫ້ອງ​ພວກ​ລູກຊາຍ​ຂອງ​ຮານານ ລູກຊາຍ​ຂອງ​ອິກດາລີຢາ​ຄົນ​ຂອງ​ພຣະເຈົ້າ. ຫ້ອງ​ນີ້​ຢູ່​ເທິງ​ຫ້ອງ​ຂອງ​ມາອາເສອີຢາ​ລູກຊາຍ​ຂອງ​ຊານລູມ ເຈົ້າໜ້າທີ່​ຄົນ​ສຳຄັນ​ຜູ້ໜຶ່ງ​ໃນ​ພຣະວິຫານ ແລະ​ໃກ້​ກັບ​ຫ້ອງ​ຂອງ​ເຈົ້າໜ້າທີ່​ຄົນອື່ນໆ.

ເຢເຣມີຢາ 36:11

ເມື່ອ​ມີກາອີຢາ​ລູກຊາຍ​ຂອງ​ເກມາຣິຢາ ແລະ​ຫລານຊາຍ​ຂອງ​ຊາຟານ ໄດ້ຍິນ​ບາຣຸກ​ອ່ານ​ຖ້ອຍຄຳ​ທັງໝົດ​ຂອງ​ພຣະເຈົ້າຢາເວ​ຈາກ​ໜັງສື​ມ້ວນ.

ເຢເຣມີຢາ 36:25

ເຖິງ​ແມ່ນ​ວ່າ​ເອນນາທານ, ເດລາອີຢາ ແລະ​ເກມາຣີຢາ ໄດ້​ຮ້ອງ​ຂໍ​ກະສັດ​ບໍ່​ໃຫ້​ຈູດ​ໜັງສື​ມ້ວນ​ນັ້ນ​ກໍຕາມ ເພິ່ນ​ກໍ​ບໍ່​ຍອມ​ຟັງ.

ເຢເຣມີຢາ 36:6

ແຕ່​ເມື່ອ​ປະຊາຊົນ​ຖືສິນ​ອົດອາຫານ ຂ້ອຍ​ຢາກ​ໃຫ້​ເຈົ້າ​ໄປ​ທີ່​ວິຫານ​ຂອງ​ພຣະເຈົ້າຢາເວ. ເຈົ້າ​ຕ້ອງ​ອ່ານ​ໜັງສື​ມ້ວນ​ນີ້​ດ້ວຍ​ສຽງ​ອັນ​ດັງ ເພື່ອ​ພວກເຂົາ​ຈະ​ໄດ້ຍິນ​ທຸກໆ​ຖ້ອຍຄຳ​ທີ່​ພຣະເຈົ້າຢາເວ​ໄດ້​ກ່າວ​ແກ່​ຂ້ອຍ ແລະ​ຂ້ອຍ​ກໍໄດ້​ບອກ​ໃຫ້​ເຈົ້າ​ຂຽນ​ຕາມ​ນັ້ນ. ຈົ່ງ​ອ່ານ​ໜັງສື​ນີ້​ໃນ​ບ່ອນ​ທີ່​ທຸກໆ​ຄົນ​ໄດ້ຍິນ​ເຈົ້າ ລວມທັງ​ປະຊາຊົນ​ຢູດາ​ທີ່​ມາ​ຈາກ​ເມືອງ​ຕ່າງໆ.

ເຢເຣມີຢາ 36:8

ສະນັ້ນ ບາຣຸກ​ຈຶ່ງ​ໄດ້​ອ່ານ​ຖ້ອຍຄຳ​ຂອງ​ພຣະເຈົ້າຢາເວ​ໃນ​ວິຫານ​ຂອງ​ພຣະເຈົ້າຢາເວ ຖືກຕ້ອງ​ຕາມ​ທີ່​ຂ້າພະເຈົ້າ​ໄດ້​ບອກ​ໃຫ້​ລາວ​ເຮັດ​ທຸກປະການ.

ເຢເຣມີຢາ 43:3

ບາຣຸກ​ລູກຊາຍ​ຂອງ​ເນຣີຢາ​ໄດ້​ຍຸແຫຍ່​ເຈົ້າ​ໃຫ້​ຕໍ່ສູ້​ພວກເຮົາ ເພື່ອ​ວ່າ​ຊາວ​ບາບີໂລນ​ຈະ​ໄດ້​ມີ​ອຳນາດ​ເໜືອ​ພວກເຮົາ ແລະ​ຂ້າ​ພວກເຮົາ ຫລື​ຈັບ​ພວກເຮົາ​ທັງໝົດ​ໄປ​ບາບີໂລນ​ຄືກັນ.”

ເຢເຣມີຢາ 52:25

ຈາກ​ໃນ​ຕົວເມືອງ​ລາວ​ໄດ້​ຈັບ​ຜູ້​ບັນຊາການ​ທະຫານ, ທີ່ປຶກສາ​ສ່ວນຕົວ​ຂອງ​ກະສັດ​ທີ່​ຢູ່​ໃນ​ເມືອງ​ນີ້​ເຈັດ​ຄົນ, ຮອງ​ຜູ້​ບັນຊາການ​ຮັບຜິດຊອບ​ໃນ​ການ​ເກນ​ທະຫານ ແລະ​ບຸກຄົນ​ສຳຄັນ​ອື່ນໆ​ອີກ​ຫົກສິບ​ຄົນ.

ເອເຊກຽນ 40:38

ທີ່​ເດີ່ນ​ດ້ານນອກ​ນັ້ນ ແມ່ນ​ຫ້ອງ​ທີ່​ຕໍ່ໄປ​ສູ່​ປະຕູ​ດ້ານໃນ​ທາງ​ດ້ານ​ເໜືອ. ປະຕູ​ນີ້​ໄຂ​ໄປ​ສູ່​ຫ້ອງໂຖງ​ຊຶ່ງ​ຢູ່​ກົງ​ກັນ​ກັບ​ເດີ່ນ ແລະ​ໃນ​ທີ່ນັ້ນ ພວກເຂົາ​ໄດ້​ລ້າງ​ຊາກ​ສັດ​ທີ່​ຈະ​ເຜົາ​ເປັນ​ເຄື່ອງ​ບູຊາ.