ເຢເຣມີຢາ 35:7 - ພຣະຄຳພີສັກສິ

⁷ ພວກເຈົ້າ​ຢ່າ​ສ້າງ​ເຮືອນ ຫລື​ເຮັດ​ໄຮ່​ເຮັດ​ນາ ຫລື​ເຮັດ​ສວນອະງຸ່ນ ຫລື​ຊື້​ສິ່ງ​ເຫຼົ່ານີ້, ແຕ່​ພວກເຈົ້າ​ຈະ​ອາໄສ​ຢູ່​ໃນ​ຜ້າເຕັນ​ເລື້ອຍໄປ ເພື່ອ​ພວກເຈົ້າ​ຈະ​ໄດ້​ຢູ່​ຢ່າງ​ຍາວນານ​ໃນ​ດິນແດນ​ນີ້​ດັ່ງ​ຊາວ​ຕ່າງດ້າວ.’

ເຢເຣມີຢາ 35:7 Jak'a apnaqawi uñst'ayäwi

ປະຖົມມະການ 25:27

ເດັກນ້ອຍ​ທັງສອງ​ເຕີບ​ໃຫຍ່​ຂຶ້ນ​ມາ ແລະ​ເອຊາວ​ກາຍເປັນ​ນາຍພານ​ທີ່​ເກັ່ງກ້າ​ທັງ​ຊຳນິ​ຊຳນານ ແລະ​ມັກ​ໃຊ້​ຊີວິດ​ຢູ່​ນອກ​ບ້ານ. ສ່ວນ​ຢາໂຄບ​ນັ້ນ ເປັນ​ຄົນ​ສຸກຂຸມ​ແລະ​ມັກ​ຢູ່​ແຕ່​ໃນ​ເຮືອນ.

ປະຖົມມະການ 36:7

ເພິ່ນ​ໜີໄປ ເພາະວ່າ​ດິນ​ບ່ອນ​ທີ່​ເພິ່ນ​ແລະ​ຢາໂຄບ​ຢູ່​ນັ້ນ ບໍ່​ອຸດົມສົມບູນ​ພຽງພໍ​ສຳລັບ​ພວກເພິ່ນ; ພວກເພິ່ນ​ມີ​ຝູງສັດ​ຫລວງຫລາຍ ແລະ​ບໍ່​ສາມາດ​ຢູ່​ຮ່ວມ​ກັນ​ຕໍ່ໄປ​ໄດ້.

ອົບພະຍົບ 20:12

ຈົ່ງ​ໃຫ້ກຽດ​ພໍ່​ແມ່​ຂອງ​ເຈົ້າ ເພື່ອ​ເຈົ້າ​ຈະ​ມີ​ອາຍຸ​ໝັ້ນຍືນ​ຢູ່​ໃນ​ດິນແດນ​ທີ່​ພຣະເຈົ້າຢາເວ ພຣະເຈົ້າ​ຂອງ​ເຈົ້າ​ກຳລັງ​ຈະ​ມອບ​ໃຫ້​ແກ່​ເຈົ້າ.

ເຢເຣມີຢາ 35:9

ພວກເຮົາ​ບໍ່ໄດ້​ປຸກ​ເຮືອນ​ຢູ່​ແຕ່​ຢູ່​ໃນ​ຜ້າເຕັນ ແລະ​ພວກເຮົາ​ກໍ​ບໍ່ມີ​ສວນອະງຸ່ນ, ທົ່ງໄຮ່​ທົ່ງນາ ຫລື​ພືດຜົນ​ເປັນເມັດ​ເລີຍ. ພວກເຮົາ​ໄດ້​ຢຶດຖື​ຢ່າງ​ຄົບຖ້ວນ​ທຸກໆສິ່ງ​ທີ່​ໂຢນາດາບ ບັນພະບຸລຸດ​ຂອງ​ພວກເຮົາ​ໄດ້​ສັ່ງ​ໄວ້.

ເອເຟໂຊ 5:18

ແລະ​ຢ່າ​ເມົາ​ເຫລົ້າແວງ ຊຶ່ງ​ພາ​ໃຫ້​ເສຍ​ຄົນ ແຕ່​ຈົ່ງ​ເຕັມ​ລົ້ນ​ດ້ວຍ​ພຣະວິນຍານ​ກໍດີກວ່າ.

1 ເປໂຕ 2:11

ເຈົ້າ​ທັງຫລາຍ​ທີ່ຮັກ​ເອີຍ ຂ້າພະເຈົ້າ​ຂໍ​ເຕືອນ​ສະຕິ​ພວກເຈົ້າ ເໝືອນ​ເປັນ​ຄົນຕ່າງຊາດ​ທີ່​ທ່ອງທ່ຽວ​ໃນ​ໂລກນີ້ ໃຫ້​ງົດເວັ້ນ​ຈາກ​ຕັນຫາ​ແນວ​ມະນຸດ ຊຶ່ງ​ທຳ​ການ​ຕໍ່ສູ້​ຈິດ​ວິນຍານ.