ເຢເຣມີຢາ 34:5 - ພຣະຄຳພີສັກສິ

⁵ ເຈົ້າ​ຈະ​ຕາຍ​ຢ່າງ​ສັນຕິສຸກ; ປະຊາຊົນ​ເຜົາ​ເຄື່ອງຫອມ​ເມື່ອ​ພວກເຂົາ​ຝັງສົບ​ບັນພະບຸລຸດ​ຂອງ​ເຈົ້າ ຜູ້​ທີ່​ເປັນ​ກະສັດ​ກ່ອນ​ເຈົ້າ​ສັນໃດ; ພວກເຂົາ​ກໍ​ຈະ​ເຜົາ​ເຄື່ອງຫອມ​ໃຫ້​ເຈົ້າ​ສັນນັ້ນ. ພວກເຂົາ​ຈະ​ໄວ້ທຸກ​ໃຫ້​ເຈົ້າ ແລະ​ເວົ້າ​ວ່າ, ‘ໂອ່ຍ ເຈົ້ານາຍ​ເອີຍ!’ ເພາະ​ເຮົາ​ໄດ້​ກ່າວ​ຖ້ອຍຄຳ​ນີ້​ແລ້ວ.” ພຣະເຈົ້າຢາເວ​ກ່າວ​ດັ່ງນັ້ນແຫຼະ.

ເຢເຣມີຢາ 34:5 Jak'a apnaqawi uñst'ayäwi

2 ກະສັດ 22:20

ເພາະສະນັ້ນ ການ​ລົງໂທດ​ທີ່​ເຮົາ​ກຳລັງ​ຈະ​ນຳ​ມາ​ສູ່​ນະຄອນ​ເຢຣູຊາເລັມ​ນີ້ ຈະ​ບໍ່​ມາ​ເຖິງ​ຈົນກວ່າ​ເຈົ້າ​ຈະ​ຕາຍໄປ. ເຮົາ​ຈະ​ໃຫ້​ເຈົ້າ​ຕາຍໄປ​ຢ່າງ​ສະຫງົບສຸກ.”’ ແລ້ວ​ຊາຍ​ເຫຼົ່ານັ້ນ​ກໍ​ນຳ​ເອົາ​ຖ້ອຍຄຳ​ນີ້​ໄປ​ບອກ​ກະສັດ​ໂຢສີຢາ.

2 ຂ່າວຄາວ 16:14

ແລະ​ໄດ້​ຖືກ​ຝັງ​ໄວ້​ໃນ​ອຸບມຸງ​ເປັນ​ໂງ່ນຫີນ ຊຶ່ງ​ເພິ່ນ​ໄດ້​ສັ່ງ​ໃຫ້​ເຈາະ​ໄວ້​ສຳລັບ​ເພິ່ນ​ເອງ​ທີ່​ເມືອງ​ຂອງ​ດາວິດ. ພວກເຂົາ​ໄດ້​ໃຊ້​ເຄື່ອງເທດ​ກັບ​ນໍ້າມັນ​ຫອມ ຕົບແຕ່ງ​ຮ່າງກາຍ​ຂອງ​ເພິ່ນ​ສຳລັບ​ຝັງ ແລະ​ພວກເຂົາ​ໄດ້​ສ້າງ​ໄຟ​ກອງ​ໃຫຍ່​ສຳລັບ​ໄວ້ທຸກ​ໃຫ້​ເພິ່ນ.

2 ຂ່າວຄາວ 34:28

ແລະ​ການລົງໂທດ​ທີ່​ເຮົາ​ຈະ​ນຳ​ມາ​ສູ່​ນະຄອນ​ເຢຣູຊາເລັມ​ນັ້ນ ຈະ​ບໍ່​ມາ​ເຖິງ​ເຈົ້າ ຈົນກວ່າ​ເຈົ້າ​ຕາຍໄປ. ເຮົາ​ຈະ​ໃຫ້​ເຈົ້າ​ຕາຍ​ຢ່າງ​ສະຫງົບສຸກ.” ແລ້ວ​ພວກເຂົາ​ກໍ​ກັບຄືນ​ມາ​ບອກ​ກະສັດ​ໂຢສີຢາ​ຕາມ​ນັ້ນ.

ເຢເຣມີຢາ 22:18

ສະນັ້ນ ພຣະເຈົ້າຢາເວ​ຈຶ່ງ​ກ່າວ​ເຖິງ​ເຈົ້າ​ເຢໂຮຍອາກິມ​ລູກຊາຍ​ຂອງ​ເຈົ້າ​ໂຢສີຢາ​ກະສັດ​ແຫ່ງ​ຢູດາຍ​ວ່າ, “ບໍ່ມີ​ຜູ້ໃດ​ຈະ​ໄວ້ທຸກ​ໃຫ້​ແກ່​ການຕາຍ​ຂອງ​ລາວ ຫລື​ເວົ້າ​ວ່າ, ‘ເພື່ອນ​ເອີຍ ເປັນ​ຕາຢ້ານ​ແທ້ໆ’ ບໍ່ມີ​ຜູ້ໃດ​ຈະ​ຮ້ອງໄຫ້​ໃຫ້​ແກ່​ລາວ​ເລີຍ​ວ່າ ‘ນາຍເຈົ້າເອີຍ ກະສັດ​ຂອງ​ຂ້ານ້ອຍ.’

ເຢເຣມີຢາ 34:4

ເຊເດກີຢາ​ເອີຍ ຈົ່ງ​ຟັງ​ຖ້ອຍຄຳ​ທີ່​ພຣະເຈົ້າຢາເວ​ກ່າວ​ກ່ຽວກັບ​ເຈົ້າ. ເຈົ້າ​ຈະ​ບໍ່​ຖືກ​ຂ້າ​ໃນ​ສະໜາມຮົບ.

ເພງ^ຄໍ່າຄວນ 4:20

ພວກເຂົາ​ຈັບ​ເອົາ​ຜູ້​ທີ່​ຊີ້ຂາດ​ຊີວິດ​ຂອງ​ພວກເຮົາ ຄື​ກະສັດ​ຜູ້​ທີ່​ພຣະເຈົ້າຢາເວ​ເອງ​ໄດ້​ຊົງ​ເຈີມໄວ້​ນັ້ນ ຄື​ຜູ້​ທີ່​ພວກເຮົາ​ໄດ້​ໄວ້ວາງໃຈ​ໃນ​ຕົວ​ເພິ່ນ ເພື່ອ​ປົກປ້ອງ​ພວກເຮົາ​ຈາກ​ພວກ​ຮຸກຮານ.

ເອເຊກຽນ 17:16

ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ວ່າ ເຮົາ​ມີ​ຊີວິດ​ຢູ່​ຢ່າງ​ແນ່ແທ້​ສັນໃດ ກະສັດ​ຜູ້​ນີ້​ກໍ​ຈະ​ຕາຍ​ໃນ​ບາບີໂລນ​ສັນນັ້ນ; ເພາະ​ລາວ​ໄດ້​ລະເມີດ​ຄຳ​ສາບານ ແລະ​ຄຳໝັ້ນ​ສັນຍາ ທີ່​ໄດ້​ເຮັດ​ໄວ້​ກັບ​ກະສັດ​ແຫ່ງ​ບາບີໂລນ ຜູ້​ທີ່​ໄດ້​ຕັ້ງ​ລາວ​ຂຶ້ນ​ນັ່ງ​ບັນລັງ​ນັ້ນ.

ດານີເອນ 2:46

ແລ້ວ​ກະສັດ​ເນບູ​ກາດເນັດຊາ​ກໍ​ຂາບລົງ ທັງ​ສັ່ງ​ໃຫ້​ນຳ​ເອົາ​ເຄື່ອງ​ບູຊາ ແລະ​ເຄື່ອງ​ຖວາຍ​ມາ​ມອບ​ໃຫ້​ແກ່​ດານີເອນ.

1 ຊາມູເອນ 31:12

ຄົນ​ທີ່​ອົງອາດ​ກ້າຫານ ກໍ​ອອກ​ເດີນທາງ​ໄປ​ທີ່​ເມືອງ​ເບັດ​ຊານ​ຕະຫລອດ​ຄືນ. ພວກເຂົາ​ໄດ້​ເອົາ​ຊາກສົບ​ຂອງ​ກະສັດ​ໂຊນ​ກັບ​ຂອງ​ພວກ​ລູກຊາຍ​ຂອງ​ເພິ່ນ​ລົງ​ມາ​ຈາກ​ກຳແພງ​ເມືອງ ແລະ​ນຳ​ຊາກສົບ​ເຫຼົ່ານັ້ນ​ໄປ​ທີ່​ເມືອງ​ຢາເບັດ ແລະ​ຈູດ​ໃນ​ທີ່ນັ້ນ.