ເຢເຣມີຢາ 34:18 - ພຣະຄຳພີສັກສິ

^18-19 ບັນດາ​ເຈົ້ານາຍ​ຂອງ​ອານາຈັກ​ຢູດາຍ ແລະ​ຂອງ​ນະຄອນ​ເຢຣູຊາເລັມ, ຮ່ວມ​ກັບ​ບັນດາ​ເຈົ້ານາຍ​ໃນ​ຣາຊວັງ, ພວກ​ປະໂຣຫິດ ແລະ​ບັນດາ​ຜູ້ນຳ​ທັງໝົດ​ໄດ້​ເຮັດ​ພັນທະສັນຍາ​ກັບ​ເຮົາ ໂດຍ​ຍ່າງ​ຜ່ານ​ງົວເຖິກ​ໂຕໜຶ່ງ​ທີ່​ພວກເຂົາ​ໄດ້​ຕັດ​ເປັນ​ສອງ​ຕ່ອນ. ແຕ່​ພວກເຂົາ​ໄດ້​ຝ່າຝືນ ແລະ​ບໍ່​ຮັກສາ​ພັນທະສັນຍາ​ນັ້ນ. ສະນັ້ນ ເຮົາ​ຈຶ່ງ​ຈະ​ເຮັດ​ຕໍ່​ປະຊາຊົນ​ດັ່ງ​ທີ່​ພວກເຂົາ​ໄດ້​ເຮັດ​ຕໍ່​ງົວເຖິກ​ນັ້ນ.

ເຢເຣມີຢາ 34:18 Jak'a apnaqawi uñst'ayäwi

ປະຖົມມະການ 15:10

ອັບຣາມ​ເອົາ​ສັດ​ກັບ​ນົກ​ເຫຼົ່ານີ້​ມາ​ຖວາຍ​ແກ່​ພຣະເຈົ້າ. ເພິ່ນ​ເອົາ​ສັດ​ເຫຼົ່ານີ້​ມາ​ຜ່າ​ເຄິ່ງ ແລະ​ລຽນ​ເປັນ​ຖັນ​ເປັນ​ແຖວ ສ່ວນ​ນົກ​ນັ້ນ​ເພິ່ນ​ບໍ່ໄດ້​ຜ່າ​ເຄິ່ງ.

ປະຖົມມະການ 15:8

ແຕ່​ອັບຣາມ​ຖາມ​ວ່າ, “ຂ້າແດ່​ອົງພຣະ​ຜູ້​ເປັນເຈົ້າ ພຣະເຈົ້າ​ເອີຍ ຂ້ານ້ອຍ​ຈະ​ຮູ້​ວ່າ​ດິນແດນ​ນີ້​ເປັນ​ຂອງ​ຂ້ານ້ອຍ​ໄດ້​ຢ່າງໃດ?”

ເພງ^ສັນລະເສີນ 50:1

ພຣະເຈົ້າ​ອົງ​ຊົງຣິດ​ອຳນາດ​ຍິ່ງໃຫຍ່ ພຣະເຈົ້າຢາເວ​ກ່າວ​ຈາ ພຣະອົງ​ເອີ້ນ​ເອົາ​ຄົນ​ທົ່ວ​ທັງ​ໂລກາ​ຈາກ​ທິດ​ຕາເວັນອອກ ເຖິງ​ທິດ​ຕາເວັນຕົກ.

ໂຮເສອາ 6:7

ແຕ່​ພໍ​ເມື່ອ​ພວກເຂົາ​ໄດ້​ເຂົ້າ​ໄປ​ໃນ​ດິນແດນ​ທີ່​ອາດາມ ພວກເຂົາ​ກໍໄດ້​ລະເມີດ​ພັນທະສັນຍາ ທີ່​ເຮົາ​ໄດ້​ມີ​ໄວ້​ກັບ​ພວກເຂົາ​ນັ້ນ.

ໂຮເສອາ 8:1

“ຈົ່ງ​ເປົ່າແກ​ສັນຍານ​ເຕືອນໄພ ພວກ​ສັດຕູ​ເໝືອນ​ນົກອິນຊີ​ກຳລັງ​ຢູ່​ເໜືອ​ວິຫານ​ຂອງ​ພຣະເຈົ້າຢາເວ; ປະຊາຊົນ​ຂອງເຮົາ​ໄດ້​ລະເມີດ​ພັນທະສັນຍາ​ທີ່​ເຮົາ​ໄດ້​ໃຫ້​ໄວ້​ກັບ​ພວກເຂົາ ແລະ​ທັງ​ໄດ້​ກະບົດ​ຕໍ່ສູ້​ກົດບັນຍັດ​ຂອງເຮົາ.

ໂຣມ 2:8

ແຕ່​ພຣະອົງ​ຈະ​ຊົງ​ສຳແດງ​ຄວາມ​ໂກດຮ້າຍ​ອັນ​ເຜັດຮ້ອນ​ແກ່​ຄົນ​ທັງຫລາຍ​ທີ່​ຄິດ​ໃຫຍ່​ໃຝ່ສູງ ແລະ​ແກ່​ຜູ້​ທີ່​ບໍ່​ເຊື່ອ​ວາງ​ໃຈ​ໃນ​ຄວາມຈິງ ແຕ່​ຍອມ​ເຮັດ​ຕາມ​ຄວາມຊົ່ວ.

ພຣະບັນຍັດສອງ 17:2

ຖ້າ​ພວກເຈົ້າ​ໄດ້​ພົບ​ວ່າ ມີ​ຊາຍ​ຫລື​ຍິງ​ຄົນ​ໜຶ່ງ​ທີ່​ຢູ່​ໃນ​ເມືອງ​ຂອງ​ພວກເຈົ້າ ໄດ້​ເຮັດ​ຊົ່ວຮ້າຍ​ຕໍ່ສູ້​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ແລະ​ຝ່າຝືນ​ພັນທະສັນຍາ​ຂອງ​ພຣະອົງ

ໂຢຊວຍ 23:16

ຖ້າ​ພວກເຈົ້າ​ບໍ່​ຖື​ຮັກສາ​ພັນທະສັນຍາ ທີ່​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ໄດ້​ສັ່ງ​ພວກເຈົ້າ​ໄວ້ ແລະ​ຖ້າ​ພວກເຈົ້າ​ໄປ​ຮັບໃຊ້​ແລະ​ຂາບໄຫວ້​ພະອື່ນ ແລ້ວ​ພຣະເຈົ້າຢາເວ​ກໍ​ຈະ​ລົງໂທດ​ພວກເຈົ້າ​ດ້ວຍ​ຄວາມ​ໂກດຮ້າຍ ແລະ​ໃນ​ອີກ​ບໍ່​ດົນ​ຈະ​ບໍ່ມີ​ໃຜ​ໃນ​ພວກເຈົ້າ​ເຫຼືອ​ຢູ່​ໃນ​ດິນແດນ​ອັນ​ສວຍງາມ ທີ່​ພຣະອົງ​ໄດ້​ມອບ​ໃຫ້​ແກ່​ພວກເຈົ້າ.”

ໂຢຊວຍ 7:11

ຊາດ​ອິດສະຣາເອນ​ໄດ້​ເຮັດ​ບາບ ພວກເຂົາ​ໄດ້​ລະເມີດ​ພັນທະສັນຍາ ທີ່​ເຮົາ​ໄດ້​ສັ່ງ​ພວກເຂົາ​ໃຫ້​ຖື​ຮັກສາ. ພວກເຂົາ​ໄດ້​ເອົາ​ບາງສິ່ງ​ບາງຢ່າງ​ທີ່​ຕ້ອງ​ຖືກ​ທຳລາຍ​ນັ້ນ. ພວກເຂົາ​ໄດ້​ລັກ​ເອົາ​ມາ​ແລະ​ອຳ​ໄວ້ ແລ້ວ​ເອົາ​ສິ່ງ​ເຫຼົ່ານີ້​ລວມ​ເຂົ້າ​ກັບ​ສິ່ງຂອງ​ຂອງ​ຕົນເອງ.