ເຢເຣມີຢາ 32:31 - ພຣະຄຳພີສັກສິ

³¹ ປະຊາຊົນ​ໃນ​ເມືອງ​ນີ້​ໄດ້​ເຮັດ​ໃຫ້​ເຮົາ​ໂກດຮ້າຍ ແລະ​ໂມໂຫ ມາ​ແຕ່​ມື້​ທີ່​ໄດ້​ຖືກ​ສ້າງ​ຂຶ້ນ​ມາ. ເຮົາ​ໄດ້​ຕັດສິນໃຈ​ທຳລາຍ​ມັນ​ສາ​ແລ້ວ

ເຢເຣມີຢາ 32:31 Jak'a apnaqawi uñst'ayäwi

2 ກະສັດ 21:16

ກະສັດ​ມານາເຊ​ຂ້າ​ຄົນ​ທີ່​ບໍ່ມີ​ຄວາມຜິດ​ຢ່າງ​ຫລວງຫລາຍ ຈົນ​ວ່າ​ຖະໜົນ​ຕ່າງໆ​ທີ່​ນະຄອນ​ເຢຣູຊາເລັມ​ນອງ​ໄປ​ດ້ວຍ​ເລືອດ; ເພິ່ນ​ໄດ້​ກະທຳ​ການນີ້​ຕື່ມ​ໃສ່​ກັບ​ການນຳພາ​ຊາວ​ຢູດາ​ໃຫ້​ຂາບໄຫວ້​ຮູບເຄົາຣົບ ອັນ​ເປັນເຫດ​ໃຫ້​ພວກເຂົາ​ເຮັດ​ບາບ​ຕໍ່ສູ້​ພຣະເຈົ້າຢາເວ.

2 ກະສັດ 23:15

ກະສັດ​ໂຢສີຢາ​ຍັງ​ໄດ້​ມ້າງ ແລະ​ທຳລາຍ​ບ່ອນ​ຂາບໄຫວ້​ທີ່​ເບັດເອນ ຊຶ່ງ​ຖືກ​ສ້າງ​ຂຶ້ນ​ໂດຍ​ກະສັດ​ເຢໂຣໂບອາມ ລູກຊາຍ​ຂອງ​ເນບັດ ຜູ້​ທີ່​ໄດ້​ນຳ​ຊາວ​ອິດສະຣາເອນ​ຕົກ​ໃນ​ບາບ. ກະສັດ​ໂຢສີຢາ​ດຶງ​ແທ່ນບູຊາ​ນັ້ນ​ລົງ, ທຸບ​ຫີນ​ຂອງ​ແທ່ນບູຊາ​ນັ້ນ​ເປັນ​ປ່ຽງໆ, ແລະ​ທັບ​ຈົນ​ໝຸ່ນ​ເປັນ​ຂີ້ຝຸ່ນ​ດິນ; ເພິ່ນ​ຍັງ​ເຜົາ​ຮູບ​ເຈົ້າແມ່​ອາເຊຣາ​ຖິ້ມ​ດ້ວຍ.

2 ກະສັດ 23:27

ພຣະເຈົ້າຢາເວ​ກ່າວ​ວ່າ, “ເຮົາ​ຈະ​ເຮັດ​ຕໍ່​ຢູດາ​ດັ່ງ​ທີ່​ໄດ້​ເຮັດ​ຕໍ່​ອິດສະຣາເອນ​ຄື: ເຮົາ​ຈະ​ກຳຈັດ​ຊາວ​ຢູດາ​ໃຫ້​ພົ້ນ​ຈາກ​ສາຍຕາ​ຂອງເຮົາ ແລະ​ເຮົາ​ຈະ​ບໍ່​ຍອມ​ຮັບ​ເອົາ​ນະຄອນ​ເຢຣູຊາເລັມ​ນະຄອນ​ທີ່​ເຮົາ​ໄດ້​ເລືອກໄວ້ ແລະ​ວິຫານ​ບ່ອນ​ທີ່​ເຮົາ​ບອກ​ວ່າ ນາມຊື່​ເຮົາ​ຈະ​ສະຖິດຢູ່​ນັ້ນ.”

ເຢເຣມີຢາ 23:39

ແນ່ນອນ​ເຮົາ​ຈະ​ຢິບ​ຜູ້​ນັ້ນ​ຂຶ້ນ ແລະ​ໂຍນ​ພວກເຂົາ​ໃຫ້​ໜີໄປ​ໄກ​ຈາກ​ເຮົາ ລວມທັງ​ພວກເຂົາ​ແລະ​ນະຄອນ​ທີ່​ເຮົາ​ໄດ້​ມອບ​ໃຫ້​ແກ່​ພວກເຂົາ ແລະ​ບັນພະບຸລຸດ​ຂອງ​ພວກເຂົາ​ດ້ວຍ.

ເຢເຣມີຢາ 27:10

ພວກເຂົາ​ກຳລັງ​ລໍ້ລວງ​ພວກເຈົ້າ ແລະ​ຈະ​ກໍ່ເຫດ​ໃຫ້​ພວກເຈົ້າ​ຖືກ​ຈັບ​ໄປ​ຈາກ​ປະເທດ​ຂອງ​ພວກເຈົ້າ. ເຮົາ​ຈະ​ຂັບໄລ່​ພວກເຈົ້າ​ອອກໄປ ແລະ​ພວກເຈົ້າ​ຈະ​ຖືກ​ທຳລາຍ.

ເພງ^ຄໍ່າຄວນ 1:8

ກຽດສັກສີ​ທີ່​ເຄີຍ​ມີ​ນັ້ນ​ກໍ​ສູນສິ້ນ​ໝົດໄປ ນາງ​ເປືອຍຕົວ​ແລະ​ຖືກ​ຄົນ​ດູໝິ່ນ​ປະໝາດ. ນາງ​ຄໍ່າຄວນ​ແລະ​ລີ້ໜ້າ​ດ້ວຍ​ຄວາມ​ອັບອາຍ ນະຄອນ​ເຢຣູຊາເລັມ​ເປັນ​ມົນທິນ​ດ້ວຍ​ຕົນ​ເຮັດ​ບາບ.

ດານີເອນ 9:16

ຂ້າແດ່​ອົງພຣະ​ຜູ້​ເປັນເຈົ້າ ພຣະອົງ​ໄດ້​ປ້ອງກັນ​ພວກ​ຂ້ານ້ອຍ​ໃນ​ອະດີດ; ສະນັ້ນ ຂໍ​ຢ່າ​ໂກດຮ້າຍ​ນະຄອນ​ເຢຣູຊາເລັມ​ອີກ​ຕໍ່ໄປ​ທ້ອນ. ນະຄອນ​ເຢຣູຊາເລັມ​ເປັນ​ເມືອງ​ຂອງ​ພຣະອົງ ແລະ​ເປັນ​ພູເຂົາ​ສັກສິດ​ຂອງ​ພຣະອົງ. ປະເທດ​ເພື່ອນບ້ານ​ທັງໝົດ ຕ່າງ​ກໍໄດ້​ດູຖູກ​ຢຽດຫຍາມ​ນະຄອນ​ເຢຣູຊາເລັມ​ແລະ​ປະຊາຊົນ​ຂອງ​ພຣະອົງ ຍ້ອນ​ບາບ​ຂອງ​ພວກ​ຂ້ານ້ອຍ​ແລະ​ການ​ເຮັດ​ຊົ່ວ​ຂອງ​ບັນພະບຸລຸດ​ຂອງ​ພວກ​ຂ້ານ້ອຍ.

ມັດທາຍ 23:37

“ໂອ ເຢຣູຊາເລັມ ເຢຣູຊາເລັມ​ເອີຍ ເຈົ້າ​ຂ້າ​ບັນດາ​ຜູ້ທຳນວາຍ ເອົາ​ຫີນ​ແກວ່ງ​ໃສ່​ພວກ​ຜູ້ທຳນວາຍ​ທີ່​ໃຊ້​ມາ​ຫາ​ເຈົ້າ ຫລາຍ​ເທື່ອ​ແລ້ວ​ເຮົາ​ຢາກ​ຈະ​ຮວບຮວມ​ເອົາ​ປະຊາຊົນ​ທັງໝົດ​ຂອງ​ເຈົ້າ​ໄວ້ ເໝືອນ​ດັ່ງ​ແມ່​ໄກ່​ຮວບຮວມ​ລູກ​ຂອງຕົນ​ໄວ້​ໃຕ້​ປີກ ແຕ່​ເຈົ້າ​ບໍ່​ຍິນຍອມ.