ເຢເຣມີຢາ 29:22 - ພຣະຄຳພີສັກສິ

²² ເມື່ອ​ປະຊາຊົນ​ນະຄອນ​ເຢຣູຊາເລັມ​ທີ່​ຖືກ​ຈັບ​ໄປ​ເປັນ​ຊະເລີຍ​ທີ່​ບາບີໂລນ ຢາກ​ຈະ​ສາບແຊ່ງ​ຜູ້ໜຶ່ງ​ຜູ້ໃດ; ພວກເຂົາ​ຈະ​ເວົ້າ​ວ່າ ຂໍ​ໃຫ້​ພຣະເຈົ້າຢາເວ​ເຮັດ​ກັບ​ເຈົ້າ ດັ່ງ​ທີ່​ພຣະອົງ​ໄດ້​ເຮັດ​ກັບ​ເຊເດກີຢາ​ແລະ​ອາຮາບ ທີ່​ກະສັດ​ແຫ່ງ​ບາບີໂລນ​ໄດ້​ປີ້ງ​ພວກເຂົາ​ທັງເປັນ.’

ເຢເຣມີຢາ 29:22 Jak'a apnaqawi uñst'ayäwi

ປະຖົມມະການ 48:20

ສະນັ້ນ ເພິ່ນ​ຈຶ່ງ​ອວຍພອນ​ພວກເຂົາ​ໃນ​ມື້​ນັ້ນ​ວ່າ, “ຊາວ​ອິດສະຣາເອນ​ຈະ​ເອີ່ຍ​ຊື່​ເຈົ້າ ເມື່ອ​ອວຍພອນ​ກັນ; ເຂົາ​ຈະ​ເວົ້າ​ກັນ​ດ້ວຍ​ຖ້ອຍຄຳ​ດັ່ງນີ້: ‘ຂໍ​ພຣະເຈົ້າ​ບັນດານ​ໃຫ້​ຂ້ານ້ອຍ​ກາຍເປັນ​ເໝືອນ ເອຟຣາອິມ​ແລະ​ມານາເຊ​ດ້ວຍ.”’

ເພງ^ສັນລະເສີນ 102:8

ສັດຕູ​ດູໝິ່ນ​ປະໝາດ​ຂ້ານ້ອຍ​ທັງເວັນ​ທັງຄືນ ໂດຍ​ໃຊ້​ຊື່​ຂ້ານ້ອຍ​ເປັນ​ຄຳສາບແຊ່ງ.

ເອຊາຢາ 65:15

ປະຊາຊົນ​ທີ່​ເຮົາ​ໄດ້​ເລືອກເອົາ ຈະ​ໃຊ້​ຊື່​ຂອງ​ພວກເຈົ້າ​ເປັນ​ການ​ສາບແຊ່ງ. ເພາະວ່າ​ອົງພຣະ​ຜູ້​ເປັນເຈົ້າ ພຣະເຈົ້າ​ຈະ​ປະຫານ​ພວກເຈົ້າ. ແຕ່​ເຮົາ​ຈະ​ໃຫ້​ຊື່​ໃໝ່​ແກ່​ຄົນ​ທີ່​ເຊື່ອຟັງ​ເຮົາ.

ດານີເອນ 3:21

ດັ່ງນັ້ນ ພວກເຂົາ​ຈຶ່ງ​ມັດ​ຊາຍ​ທັງ​ສາມ​ພ້ອມ​ທັງ​ເຄື່ອງນຸ່ງ ຄື​ມີ​ເສື້ອ​ຊັ້ນນອກ ແລະ​ຊັ້ນໃນ, ໝວກ ແລະ​ເຄື່ອງຂອງ​ອື່ນໆ ແລ້ວ​ໂຍນ​ພວກເຂົາ​ເຂົ້າ​ໄປ​ໃນ​ເຕົາໄຟ​ອັນ​ຮ້ອນກ້າ.

ດານີເອນ 3:6

ຜູ້ໃດ​ຜູ້ໜຶ່ງ​ທີ່​ບໍ່​ກົ້ມ​ລົງ​ຂາບ ຈະ​ຖືກ​ໂຍນ​ເຂົ້າ​ໄປ​ໃນ​ເຕົາ​ໄຟ​ທີ່​ກຳລັງ​ລຸກ​ໄໝ້​ຢູ່​ທັນທີ.”

1 ໂກຣິນໂທ 16:22

ຜູ້ໃດ​ກໍຕາມ ທີ່​ບໍ່​ຮັກ​ອົງພຣະ​ຜູ້​ເປັນເຈົ້າ ຂໍ​ໃຫ້​ຖືກ​ສາບແຊ່ງ ມາຣານາທາ ມີ​ຄວາມໝາຍ​ວ່າ, ຂໍ​ໃຫ້​ອົງພຣະ​ຜູ້​ເປັນເຈົ້າ​ຂອງ​ພວກເຮົາ ຈົ່ງ​ສະເດັດ​ມາ​ເທີ້ນ.

ນາງຣຸດ 4:11

ພວກ​ຜູ້ນຳ​ແລະ​ຄົນອື່ນ​ຈຶ່ງ​ຕອບ​ວ່າ, “ແມ່ນແລ້ວ ພວກເຮົາ​ເປັນ​ພະຍານ. ຂໍ​ພຣະເຈົ້າຢາເວ​ໂຜດ​ໃຫ້​ເມຍ​ຂອງ​ເຈົ້າ​ກາຍເປັນ​ດັ່ງ​ນາງ​ຣາເຊັນ​ແລະ​ນາງ​ເລອາ​ເທີ້ນ ຄື​ຜູ້​ທີ່​ມີ​ລູກ​ຫລາຍ​ຄົນ​ກັບ​ຢາໂຄບ. ຂໍ​ໃຫ້​ເຈົ້າ​ເປັນ​ຄົນ​ຮັ່ງມີ​ໃນ​ຕະກຸນ​ເອຟຣັດ ແລະ​ເປັນ​ຜູ້​ທີ່​ມີ​ຊື່ສຽງ​ໃນ​ເມືອງ​ເບັດເລເຮັມ​ດ້ວຍ.