ເຢເຣມີຢາ 29:17 - ພຣະຄຳພີສັກສິ

¹⁷ ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່​ກ່າວ​ວ່າ, ‘ເຮົາ​ກຳລັງ​ຈະ​ນຳ​ສົງຄາມ, ການ​ຕາຍອຶດ​ຕາຍຫິວ, ການ​ເຈັບໄຂ້​ໄດ້ປ່ວຍ​ມາ​ສູ່​ພວກເຂົາ ແລະ​ເຮົາ​ຈະ​ເຮັດ​ໃຫ້​ພວກເຂົາ​ເປັນ​ດັ່ງ​ໝາກເດື່ອ​ເນົ່າ​ຈົນ​ກິນ​ບໍ່ໄດ້.

ເຢເຣມີຢາ 29:17 Jak'a apnaqawi uñst'ayäwi

ເຢເຣມີຢາ 27:8

ແຕ່​ຖ້າ​ປະເທດ​ຫລື​ອານາຈັກ​ໃດ​ທີ່​ບໍ່​ຍອມ​ຢູ່ໃຕ້​ການປົກຄອງ​ຂອງ​ລາວ ແລ້ວ​ເຮົາ​ກໍ​ຈະ​ລົງໂທດ​ປະເທດ​ນັ້ນ​ໂດຍ​ໃຫ້​ເກີດ​ສົງຄາມ, ເກີດ​ການ​ຕາຍອຶດ​ຕາຍຫິວ ແລະ​ການ​ເຈັບໄຂ້​ໄດ້ປ່ວຍ. ພຣະເຈົ້າຢາເວ​ກ່າວ​ວ່າ ຈົນເຖິງ​ຂັ້ນ​ເຮົາ​ອະນຸຍາດ​ໃຫ້​ເນບູ​ກາດເນັດຊາ​ແຫ່ງ​ບາບີໂລນ​ທຳລາຍ​ປະເທດ​ຢ່າງ​ໝົດສິ້ນ.

ເຢເຣມີຢາ 29:18

ເຮົາ​ຈະ​ໃຫ້​ສົງຄາມ, ການ​ຕາຍອຶດ​ຕາຍຫິວ, ແລະ​ການ​ເຈັບໄຂ້​ໄດ້ປ່ວຍ​ໄລ່​ຕາມ​ພວກເຂົາ​ໄປ ແລະ​ຊົນຊາດ​ທັງຫລາຍ​ໃນ​ໂລກ​ຈະ​ຕົກໃຈ​ຢ້ານກົວ​ໃນ​ສິ່ງ​ທີ່​ພວກເຂົາ​ເຫັນ. ໃນ​ທຸກໆ​ບ່ອນ​ທີ່​ເຮົາ​ໄດ້​ໃຫ້​ພວກເຂົາ​ກະຈັດ​ກະຈາຍ​ໄປ ປະຊາຊົນ​ຈະ​ສະດຸ້ງ​ຕົກໃຈ​ທັງ​ຢ້ານກົວ​ຫຼາຍ ຕໍ່​ສິ່ງ​ທີ່​ໄດ້​ເກີດຂຶ້ນ​ກັບ​ພວກເຂົາ​ນັ້ນ. ປະຊາຊົນ​ຈະ​ຫົວ​ເຍາະເຍີ້ຍ​ພວກເຂົາ ແລະ​ໃຊ້​ຊື່​ຂອງ​ພວກເຂົາ​ເປັນ​ຄຳສາບແຊ່ງ.

ເຢເຣມີຢາ 32:24

ຊາວ​ບາບີໂລນ​ໄດ້​ສ້າງ​ເຄື່ອງ​ປິດລ້ອມ​ເພື່ອ​ຢຶດເອົາ​ເມືອງ ແລະ​ກໍ​ຈະ​ໂຈມຕີ​ເມືອງ. ເສິກ​ສົງຄາມ, ການ​ຕາຍອຶດ​ຕາຍຫິວ ແລະ​ການ​ເຈັບໄຂ້​ໄດ້ປ່ວຍ ຈະ​ເຮັດ​ໃຫ້​ເມືອງ​ນີ້​ຕົກ​ຢູ່​ໃນ​ກຳມື​ຂອງ​ພວກເຂົາ. ພຣະອົງ​ເຫັນ​ໄດ້​ວ່າ​ເຫດການ​ທັງໝົດ​ທີ່​ພຣະອົງ​ໄດ້​ກ່າວ​ນັ້ນ​ຈະ​ກາຍເປັນຈິງ.

ເຢເຣມີຢາ 43:11

ເນບູ​ກາດເນັດຊາ​ຈະ​ມາ​ເອົາ​ຊະນະ​ເອຢິບ. ປະຊາຊົນ​ເຫຼົ່ານັ້ນ​ທີ່​ຮັບ​ເຄາະກຳ​ໃຫ້​ຕາຍ​ຍ້ອນ​ການ​ເຈັບໄຂ້​ໄດ້ປ່ວຍ ກໍ​ຈະ​ຕາຍ​ຍ້ອນ​ການ​ເຈັບໄຂ້​ໄດ້ປ່ວຍ; ພວກ​ທີ່​ຮັບ​ເຄາະກຳ​ໃຫ້​ຖືກ​ຈັບ​ໄປ​ເປັນ​ຊະເລີຍເສິກ ກໍ​ຈະ​ຖືກ​ຈັບ​ໄປ​ເປັນ​ຊະເລີຍເສິກ; ແລະ​ພວກ​ທີ່​ຮັບ​ເຄາະກຳ​ໃຫ້​ຖືກ​ຂ້າ​ໃນ​ສົງຄາມ ກໍ​ຈະ​ຖືກ​ຂ້າ​ໃນ​ສົງຄາມ.

ເຢເຣມີຢາ 52:6

ໃນ​ວັນ​ທີ​ເກົ້າ​ຂອງ​ເດືອນ​ທີ​ສີ່​ໃນ​ປີ​ດຽວກັນ​ນັ້ນ ເມື່ອ​ເກີດ​ການ​ອຶດອາຫານ​ຢ່າງໜັກ ຈົນ​ບໍ່ມີ​ຫຍັງ​ເຫຼືອ​ໃຫ້​ປະຊາຊົນ​ກິນ​ເລີຍ

ລູກາ 21:11

ຈະ​ເກີດ​ແຜ່ນດິນ​ໄຫວ​ອັນ​ໃຫຍ່ ແລະ​ການ​ອຶດຢາກ​ພ້ອມ​ທັງ​ໂຣກ​ລະບາດ​ຢ່າງ​ຮ້າຍແຮງ ຈະ​ເກີດຂຶ້ນ​ໃນ​ທຸກ​ແຫ່ງຫົນ ຈະ​ເກີດ​ມີ​ສິ່ງ​ແປກ​ປະຫລາດ​ກັບ​ສິ່ງ​ໜ້າຢ້ານ​ທີ່ສຸດ​ຈາກ​ຟ້າສະຫວັນ.

ລູກາ 21:23

ໃນ​ວັນ​ເຫຼົ່ານັ້ນ ຈະ​ທຸກ​ລຳບາກ​ທີ່ສຸດ​ສຳລັບ ແມ່ຍິງ​ຖືພາ ແລະ​ແມ່​ມີ​ລູກ​ອ່ອນ​ກິນ​ນົມ​ຢູ່ ປະຊາຊົນ​ໃນ​ດິນແດນ​ນີ້ ຈະ​ໄດ້​ຮັບ​ຄວາມ​ທຸກໂສກ​ໃຫຍ່​ທີ່ສຸດ ແລະ​ການ​ລົງໂທດ​ຂອງ​ພຣະເຈົ້າ​ກໍ​ຈະ​ຕົກ​ຖືກ​ປະຊາຊົນ​ນີ້.

ພຣະນິມິດ 6:8

ຂ້າພະເຈົ້າ​ຫລຽວ​ເບິ່ງ​ກໍ​ເຫັນ​ມ້າ​ສີ​ຂຽວ​ອ່ອນ​ໂຕໜຶ່ງ​ອອກ​ມາ ຜູ້​ຂີ່​ມ້າ​ໂຕ​ນີ້​ຊື່​ວ່າ ມັດຈຸຣາດ ແລະ​ແດນ​ມໍຣະນາ ກໍ​ຕິດຕາມ​ມາ​ນຳ. ເຂົາ​ທັງສອງ​ໄດ້​ຮັບ​ສິດ​ອຳນາດ​ເໜືອ​ແຜ່ນດິນ​ໂລກ ໜຶ່ງ​ສ່ວນ​ສີ່ ເພື່ອ​ໃຫ້​ທຳລາຍ​ດ້ວຍ​ດາບ ດ້ວຍ​ຄວາມ​ອຶດຢາກ ດ້ວຍ​ພະຍາດ​ໂຣຄາ ແລະ​ດ້ວຍ​ສັດປ່າ​ໃນ​ແຜ່ນດິນ​ໂລກ.