ເຢເຣມີຢາ 26:16 - ພຣະຄຳພີສັກສິ

¹⁶ ແລ້ວ​ພວກ​ເຈົ້ານາຍ​ແລະ​ປະຊາຊົນ​ກໍ​ເວົ້າ​ຕໍ່​ບັນດາ​ປະໂຣຫິດ ແລະ​ພວກ​ຜູ້ທຳນວາຍ​ວ່າ, “ຊາຍ​ຄົນ​ນີ້​ໄດ້​ເວົ້າ​ກັບ​ພວກເຮົາ ໃນ​ນາມ​ຂອງ​ພຣະເຈົ້າຢາເວ ພຣະເຈົ້າ​ຂອງ​ພວກເຮົາ; ລາວ​ບໍ່​ສົມຄວນ​ຖືກ​ສັງຫານ.”

ເຢເຣມີຢາ 26:16 Jak'a apnaqawi uñst'ayäwi

ເອສະເທີ 4:14

ໃນ​ເວລາ​ຢ່າງ​ນີ້​ຖ້າ​ເຈົ້າ​ມິດງຽບ​ຢູ່ ສະຫວັນ​ຈະ​ຊ່ວຍເຫລືອ​ພວກ​ຢິວ ແລະ​ພວກເຂົາ​ຈະ​ຖືກ​ຊ່ວຍ​ໃຫ້​ພົ້ນ ຝ່າຍ​ເຈົ້າ​ຈະ​ຕາຍ ແລະ​ຄອບຄົວ​ຂອງ​ພໍ່​ເຈົ້າ​ກໍ​ຈະ​ເຖິງ​ຈຸດຈົບ. ບາງທີ​ການ​ທີ່​ເຈົ້າ​ໄດ້​ເປັນ​ຣາຊີນີ​ກໍ​ເພື່ອ​ໃນ​ຍາມ​ຄັບຂັນ​ເຊັ່ນນີ້ແຫລະ ໃຜ​ຈະ​ຮູ້​ໄດ້?”

ເພງ^ສັນລະເສີນ 94:16

ແມ່ນ​ໃຜ​ໄດ້​ຢືນ​ຕໍ່ຕ້ານ​ຄົນຊົ່ວຮ້າຍ​ແທນ​ຂ້າພະເຈົ້າ? ແມ່ນ​ໃຜ​ໄດ້​ເຂົ້າຂ້າງ​ຂ້າພະເຈົ້າ​ຕໍ່ສູ້​ຄົນ​ເຮັດ​ຊົ່ວ?

ສຸພາສິດ 16:7

ເມື່ອ​ເຈົ້າ​ເຮັດ​ໃຫ້​ພຣະເຈົ້າຢາເວ​ພໍໃຈ​ເຈົ້າ​ກໍ​ເຮັດ​ໃຫ້ ສັດຕູ​ກາຍເປັນ​ມິດ.

ເຢເຣມີຢາ 26:11

ແລ້ວ​ພວກ​ປະໂຣຫິດ​ກັບ​ພວກ​ຜູ້ທຳນວາຍ ກໍໄດ້​ກ່າວ​ຕໍ່​ພວກ​ເຈົ້ານາຍ ແລະ​ປະຊາຊົນ​ນັ້ນ​ວ່າ, “ຊາຍ​ຄົນ​ນີ້​ສົມຄວນ​ຈະ​ໄດ້​ຮັບ​ໂທດ​ເຖິງ​ຕາຍ ເພາະ​ລາວ​ໄດ້​ກ່າວ​ໃສ່ຮ້າຍ​ເມືອງ​ຂອງ​ພວກເຮົາ. ພວກທ່ານ​ກໍ​ໄດ້​ຍິນ​ກັບ​ຫູ​ຂອງ​ພວກທ່ານ​ເອງ​ແລ້ວ.”

ເຢເຣມີຢາ 34:10

ປະຊາຊົນ​ທັງໝົດ​ແລະ​ພວກ​ເຈົ້ານາຍ​ຂອງ​ພວກເຂົາ​ໄດ້​ຕົກລົງ​ກັນ ປົດປ່ອຍ​ທາດຮັບໃຊ້​ຂອງ​ພວກຕົນ ແລະ​ຈະ​ບໍ່​ເອົາ​ພວກເຂົາ​ເປັນ​ທາດຮັບໃຊ້​ອີກ. ພວກເຂົາ​ຕ່າງ​ກໍໄດ້​ປົດປ່ອຍ​ທາດຮັບໃຊ້​ນັ້ນ​ໄປ

ເຢເຣມີຢາ 36:19

ແລ້ວ​ພວກເຂົາ​ກໍ​ບອກ​ລາວ​ວ່າ, “ເຈົ້າ​ກັບ​ເຢເຣມີຢາ​ຕ້ອງ​ປົບໜີໄປ​ລີ້​ສາ. ຢ່າ​ໃຫ້​ຜູ້ໃດ​ຜູ້ໜຶ່ງ​ຮູ້​ບ່ອນ​ທີ່​ພວກເຈົ້າ​ລີ້.”

ເຢເຣມີຢາ 36:25

ເຖິງ​ແມ່ນ​ວ່າ​ເອນນາທານ, ເດລາອີຢາ ແລະ​ເກມາຣີຢາ ໄດ້​ຮ້ອງ​ຂໍ​ກະສັດ​ບໍ່​ໃຫ້​ຈູດ​ໜັງສື​ມ້ວນ​ນັ້ນ​ກໍຕາມ ເພິ່ນ​ກໍ​ບໍ່​ຍອມ​ຟັງ.

ເຢເຣມີຢາ 37:15

ພວກເຂົາ​ຈຶ່ງ​ຄຽດແຄ້ນ​ໃຫຍ່​ພ້ອມ​ທັງ​ຂ້ຽນຕີ​ຂ້າພະເຈົ້າ ແລະ​ກັກຂັງ​ຂ້າພະເຈົ້າ​ໄວ້​ໃນ​ເຮືອນ​ຂອງ​ໂຢນາທານ ເລຂາທິການ​ຂອງ​ກະສັດ ຊຶ່ງ​ບ່ອນ​ນີ້​ໄດ້​ຖືກ​ດັດແປງ​ໃຫ້​ເປັນ​ຄຸກ.

ມັດທາຍ 27:54

ເມື່ອ​ນາຍ​ທະຫານ​ກັບ​ພວກ​ທະຫານ​ທີ່​ເຝົ້າ​ພຣະເຢຊູເຈົ້າ ໄດ້​ເຫັນ​ແຜ່ນດິນ​ຫວັ່ນໄຫວ ແລະ​ເຫດການ​ທັງໝົດ​ທີ່​ເກີດຂຶ້ນ​ນັ້ນ ພວກເຂົາ​ກໍ​ສະທ້ານ​ຢ້ານກົວ​ຫລາຍ ຈຶ່ງ​ເວົ້າ​ວ່າ, “ເພິ່ນ​ແມ່ນ​ພຣະບຸດ​ຂອງ​ພຣະເຈົ້າ​ແທ້ຈິງ.”

ລູກາ 23:41

ແຕ່​ສຳລັບ​ພວກເຮົາ​ກໍ​ສົມ​ກັບ​ໂທດ​ນີ້​ແທ້ ເພາະ​ພວກເຮົາ​ກຳລັງ​ຮັບ​ຜົນກຳ​ທີ່​ພວກເຮົາ​ໄດ້​ເຮັດ, ແຕ່​ເພິ່ນ​ບໍ່ໄດ້​ເຮັດ​ຜິດ​ຫຍັງ​ເລີຍ.”

ລູກາ 23:47

ເມື່ອ​ນາຍຮ້ອຍ​ທະຫານ​ເຫັນ​ເຫດການ​ທີ່​ເກີດຂຶ້ນ​ແລ້ວ ລາວ​ກໍ​ສັນລະເສີນ​ພຣະເຈົ້າ​ໂດຍ​ເວົ້າ​ວ່າ, “ຈິງ​ແທ້​ແລ້ວ ທ່ານ​ຜູ້​ນີ້​ບໍ່ມີ​ຄວາມຜິດ.”

ກິດຈະການ 23:29

ຂ້າພະເຈົ້າ​ໄດ້​ພົບ​ວ່າ ບໍ່ມີ​ຂໍ້ຫາ​ໃດໆ​ທີ່​ລາວ​ຄວນ​ຈະ​ຕາຍ ຫລື​ຖືກ​ຂັງ​ຄຸກ, ຄຳ​ຟ້ອງ​ຕໍ່ສູ້​ລາວ​ນັ້ນ ພົວພັນ​ກັບ​ບັນຫາ​ເລື່ອງ​ກົດບັນຍັດ​ຂອງ​ພວກເຂົາ​ເອງ.

ກິດຈະການ 23:9

ແລ້ວ​ສຽງ​ອຶກກະທຶກ​ກັນ​ຢ່າງ​ໃຫຍ່​ກໍ​ເກີດຂຶ້ນ ແລະ​ມີ​ພວກ​ທຳມະຈານ​ບາງຄົນ​ໃນ​ຄະນະ​ຟາຣີຊາຍ​ຢືນ​ຂຶ້ນ​ຄັດຄ້ານ​ວ່າ, “ພວກເຮົາ​ບໍ່​ເຫັນ​ຄວາມຜິດ​ໃດໆ​ໃນ​ຄົນ​ນີ້. ຖ້າ​ວິນຍານ ຫລື​ເທວະດາ​ຕົນ​ໜຶ່ງ​ກ່າວ​ກັບ​ລາວ ຈະ​ວ່າ​ຢ່າງ​ໃດ?”

ກິດຈະການ 25:25

ສ່ວນ​ຂ້າພະເຈົ້າ​ໄດ້​ເຫັນ​ວ່າ ຄົນ​ນີ້​ບໍ່ໄດ້​ເຮັດ​ຜິດ​ອັນ​ໃດ​ທີ່​ຄວນ​ຈະ​ຕ້ອງ​ຕາຍ, ແຕ່​ເພາະ​ຜູ້ກ່ຽວ​ເອງ​ໄດ້​ອຸທອນ​ໄປ​ເຖິງ​ຈັກກະພັດ, ຂ້າພະເຈົ້າ​ຈຶ່ງ​ຕັດສິນໃຈ​ຈະ​ສົ່ງ​ລາວ​ໄປ.