ເຢເຣມີຢາ 25:28 - ພຣະຄຳພີສັກສິ

²⁸ ຖ້າ​ພວກເຂົາ​ປະຕິເສດ​ຈັບ​ເອົາ​ຈອກ​ຈາກ​ມື​ຂອງ​ເຈົ້າ​ມາ​ດື່ມ ຈົ່ງ​ບອກ​ພວກເຂົາ​ວ່າ​ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່ ຍັງ​ສັ່ງ​ໃຫ້​ພວກເຂົາ​ຕ້ອງ​ດື່ມ​ຈາກ​ຈອກ​ນັ້ນ​ຢູ່.

ເຢເຣມີຢາ 25:28 Jak'a apnaqawi uñst'ayäwi

ພຣະທຳ​ໂຢບ 34:33

ໃນ​ເມື່ອ​ເຈົ້າ​ຄັດຄ້ານ​ຕໍ່​ສິ່ງ​ທີ່​ພຣະເຈົ້າ​ກະທຳ ເຈົ້າ​ຫວັງ​ໃຫ້​ພຣະອົງ​ເຮັດ​ຕາມ​ເຈົ້າ​ຕ້ອງການ​ໄດ້​ບໍ່? ການ​ຕັດສິນໃຈ​ແມ່ນ​ເຈົ້າ​ແລະ​ບໍ່ແມ່ນ​ຂ້ອຍ​ເດີ ບັດນີ້ ຈົ່ງ​ບອກ​ພວກເຮົາ​ມາ​ວ່າ​ເຈົ້າ​ຄິດ​ຢ່າງໃດ​ແລ້ວ?

ເຢເຣມີຢາ 25:17

ດັ່ງນັ້ນ ຂ້າພະເຈົ້າ​ຈຶ່ງ​ຈັບ​ເອົາ​ຈອກ​ຈາກ​ມື​ຂອງ​ພຣະເຈົ້າຢາເວ ມາ​ຍື່ນໃຫ້​ປະເທດ​ທັງໝົດ ຊຶ່ງ​ພຣະເຈົ້າຢາເວ​ໄດ້​ໃຊ້​ໃຫ້​ຂ້າພະເຈົ້າ​ໄປ ແລະ​ໃຫ້​ພວກເຂົາ​ໄດ້​ດື່ມ​ເຫຼົ້າ​ອະງຸ່ນ​ຈາກ​ຈອກ​ນັ້ນ.

ເຢເຣມີຢາ 27:8

ແຕ່​ຖ້າ​ປະເທດ​ຫລື​ອານາຈັກ​ໃດ​ທີ່​ບໍ່​ຍອມ​ຢູ່ໃຕ້​ການປົກຄອງ​ຂອງ​ລາວ ແລ້ວ​ເຮົາ​ກໍ​ຈະ​ລົງໂທດ​ປະເທດ​ນັ້ນ​ໂດຍ​ໃຫ້​ເກີດ​ສົງຄາມ, ເກີດ​ການ​ຕາຍອຶດ​ຕາຍຫິວ ແລະ​ການ​ເຈັບໄຂ້​ໄດ້ປ່ວຍ. ພຣະເຈົ້າຢາເວ​ກ່າວ​ວ່າ ຈົນເຖິງ​ຂັ້ນ​ເຮົາ​ອະນຸຍາດ​ໃຫ້​ເນບູ​ກາດເນັດຊາ​ແຫ່ງ​ບາບີໂລນ​ທຳລາຍ​ປະເທດ​ຢ່າງ​ໝົດສິ້ນ.

ເຢເຣມີຢາ 4:28

ສະນັ້ນ ແຜ່ນດິນ​ໂລກ​ຈຶ່ງ​ຈະ​ໄວ້ທຸກ​ກັນ ແລະ​ໃນ​ຟ້າ​ສະຫວັນ​ທົ່ວໄປ​ກໍ​ຈະ​ມືດມົວ​ໄປສິ້ນ. ເຮົາ​ກ່າວ​ໄປ​ແລ້ວ​ຈະ​ບໍ່ມີ​ການ​ປ່ຽນໃຈ ເມື່ອ​ເຮົາ​ໄດ້​ຕັດສິນໃຈ​ຈະ​ບໍ່ມີ​ການ​ປ່ຽນແປງ​ອີກ.

ເຢເຣມີຢາ 49:12

ພຣະເຈົ້າຢາເວ​ກ່າວ​ວ່າ, “ເຖິງ​ແມ່ນ​ວ່າ​ຄົນ​ທີ່​ບໍ່​ສົມຄວນ​ໄດ້​ຖືກ​ລົງໂທດ​ກໍ​ຕ້ອງ​ດື່ມ​ຈາກ​ຈອກ​ແຫ່ງ​ການຕັດສິນ; ພວກເຈົ້າ​ຄິດວ່າ​ຈະ​ໄປ​ໂດຍ​ບໍ່​ຖືກ​ລົງໂທດ​ຊັ້ນບໍ? ບໍ່ແມ່ນ​ດອກ ພວກເຈົ້າ​ຕ້ອງ​ດື່ມ​ຈາກ​ຈອກ​ນັ້ນ

ເຢເຣມີຢາ 51:29

ແຜ່ນດິນ​ໂລກ​ສັ່ນສະເທືອນ ເພາະ​ພຣະເຈົ້າຢາເວ​ກຳລັງ​ດຳເນີນ​ແຜນການ​ຂອງ​ພຣະອົງ ເພື່ອ​ເຮັດ​ໃຫ້​ບາບີໂລນ​ເປັນ​ຖິ່ນ​ແຫ້ງແລ້ງ​ກັນດານ ຄື​ບ່ອນ​ທີ່​ບໍ່ມີ​ຜູ້ໃດ​ອາໄສ​ຢູ່.

ດານີເອນ 4:35

ພຣະອົງ​ຖື​ວ່າ​ຄົນ​ໃນ​ໂລກນີ້​ບໍ່ມີ​ຫຍັງ​ໝົດ ຕ່າງ​ກໍ​ບໍ່ມີ​ຄຸນຄ່າ​ບໍ່ມີ​ຫຍັງ​ທັງນັ້ນ; ມະນຸດ​ໃນໂລກ ແລະ​ເທວະດາ​ເທິງ​ສະຫວັນ ກໍ​ຢູ່​ໃຕ້​ການປົກຄອງ​ຂອງ​ພຣະອົງ​ທັງນັ້ນ. ບໍ່ມີ​ຜູ້ໃດ​ສາມາດ​ຂັດຂວາງ​ພຣະປະສົງ ຫລື​ສອບຖາມ​ເຖິງ​ສິ່ງ​ທີ່​ພຣະອົງ​ຊົງ​ກະທຳ.

ໂອບາດີຢາ 1:16

ປະຊາຊົນ​ຂອງ​ເຮົາ​ໄດ້​ດື່ມ ທີ່​ເນີນພູ​ສັກສິດ​ຂອງເຮົາ ຈາກ​ຈອກ​ແຫ່ງ​ການ​ລົງໂທດ​ອັນ​ຂົມຂື່ນ. ແຕ່​ໝົດ​ທຸກ​ຊົນຊາດ​ທີ່​ຢູ່​ອ້ອມແອ້ມ​ພວກເຂົາ​ຄືກັນ ກໍ​ຈະ​ໄດ້​ດື່ມ​ຈອກ​ອັນ​ຂົມຂື່ນ​ນັ້ນ​ໜັກກວ່າ; ພວກເຂົາ​ຈະ​ພາກັນ​ດື່ມ​ຈາກ​ຈອກ​ນັ້ນ​ຈົນ​ໝົດ ແລະ​ຕ່າງ​ກໍ​ຈະ​ສະຫລາຍໄປ​ຈົນ​ໝົດສິ້ນ.

ກິດຈະການ 4:28

ເພື່ອ​ໃຫ້​ສິ່ງສາລະພັດ​ຕາມ​ທີ່​ພຣະຫັດ ແລະ​ພຣະໄທ​ຂອງ​ພຣະອົງ ຊົງ​ກຳນົດ​ຕັ້ງແຕ່​ກ່ອນ​ມາ​ແລ້ວ​ນັ້ນ​ເກີດຂຶ້ນ.

ເອເຟໂຊ 1:11

ໃນ​ພຣະອົງ​ນັ້ນ ພວກເຮົາ​ໄດ້​ຕົກ​ເປັນ​ສ່ວນ​ຂອງ​ພຣະເຈົ້າ ຕາມ​ການ​ຊົງ​ຕັ້ງ​ພຣະໄທ​ໄວ້​ກ່ອນ​ຂອງ​ພຣະອົງ ຜູ້​ຊົງ​ກະທຳ​ໃຫ້​ສິ່ງສາລະພັດ​ດຳເນີນ​ໄປ ໃຫ້​ສົມ​ກັບ​ນໍ້າພຣະໄທ​ຂອງ​ພຣະອົງ.