ພຣະເຈົ້າຢາເວຈະລົງໂທດຊາດອິດສະຣາເອນ ແລະຊົນຊາດນີ້ຈະສັ່ນສະເທືອນເໝືອນຕົ້ນອໍ້ຢູ່ໃນນໍ້າ. ພຣະອົງຈະຖອນຮາກປະຊາຊົນແຫ່ງຊາດອິດສະຣາເອນອອກແຕ່ດິນແດນອັນດີນີ້ ທີ່ພຣະອົງໄດ້ມອບໃຫ້ພວກປູ່ຍ່າຕາຍາຍຂອງພວກເຂົາ; ແລະພຣະອົງຈະເຮັດໃຫ້ພວກເຂົາກະຈັດກະຈາຍເລີຍຟາກແມ່ນໍ້າເອີຟຣັດໄປ ຍ້ອນພວກເຂົາໄດ້ເຮັດໃຫ້ພຣະເຈົ້າຢາເວໂກດຮ້າຍ ໂດຍໄດ້ສ້າງຮູບເຄົາຣົບຂອງເຈົ້າແມ່ອາເຊຣາ.
ເຢເຣມີຢາ 24:10 - ພຣະຄຳພີສັກສິ10 ເຮົາຈະນຳເສິກສົງຄາມ, ຄວາມຕາຍອຶດຕາຍຫິວ ແລະການເຈັບໄຂ້ໄດ້ປ່ວຍມາສູ່ພວກເຂົາ ຈົນບໍ່ມີຜູ້ໃດໃນພວກເຂົາເຫລືອຢູ່ໃນດິນແດນທີ່ເຮົາໄດ້ມອບໃຫ້ພວກເຂົາ ແລະບັນພະບຸລຸດຂອງພວກເຂົາ.” Uka jalj uñjjattʼäta |
ເຢເຣມີຢາ 24:10
27 Jak'a apnaqawi uñst'ayäwi
ເມື່ອພວກເຂົາຖາມເຈົ້າວ່າ, ‘ພວກເຮົາຄວນຈະໄປໃສ?’ ຈົ່ງບອກພວກເຂົາວ່າພຣະເຈົ້າຢາເວກ່າວດັ່ງນີ້: ‘ບາງຄົນຈະຕາຍຍ້ອນເຄາະກຳພະຍາດໂຣຄາ ບ່ອນນັ້ນແຫລະ ທີ່ພວກເຂົາຈະພາກັນໄປນັ້ນ ຄົນອື່ນອີກຈະຕາຍຍ້ອນເຄາະກຳໃນສົງຄາມ ບ່ອນນັ້ນແຫລະ ທີ່ພວກເຂົາຈະພາກັນໄປນັ້ນ ບາງຄົນຈະຕາຍຍ້ອນເຄາະກຳການອຶດຢາກນາໆ ບ່ອນນັ້ນແຫລະ ທີ່ພວກເຂົາຈະພາກັນໄປນັ້ນ ຄົນອື່ນອີກຮັບເຄາະກຳຍ້ອນຖືກຈັບເປັນຊະເລີຍ ບ່ອນນັ້ນແຫລະ ທີ່ພວກເຂົາຈະພາກັນໄປນັ້ນ.’
ເຮົາຈະໃຫ້ສົງຄາມ, ການຕາຍອຶດຕາຍຫິວ, ແລະການເຈັບໄຂ້ໄດ້ປ່ວຍໄລ່ຕາມພວກເຂົາໄປ ແລະຊົນຊາດທັງຫລາຍໃນໂລກຈະຕົກໃຈຢ້ານກົວໃນສິ່ງທີ່ພວກເຂົາເຫັນ. ໃນທຸກໆບ່ອນທີ່ເຮົາໄດ້ໃຫ້ພວກເຂົາກະຈັດກະຈາຍໄປ ປະຊາຊົນຈະສະດຸ້ງຕົກໃຈທັງຢ້ານກົວຫຼາຍ ຕໍ່ສິ່ງທີ່ໄດ້ເກີດຂຶ້ນກັບພວກເຂົານັ້ນ. ປະຊາຊົນຈະຫົວເຍາະເຍີ້ຍພວກເຂົາ ແລະໃຊ້ຊື່ຂອງພວກເຂົາເປັນຄຳສາບແຊ່ງ.
ເພາະສະນັ້ນ ບັດນີ້ພຣະເຈົ້າຢາເວກ່າວວ່າ ພວກເຈົ້າບໍ່ໄດ້ເຊື່ອຟັງເຮົາ; ພວກເຈົ້າບໍ່ໃຫ້ພີ່ນ້ອງຊາວອິດສະຣາເອນໄດ້ຮັບອິດສະຫລະພາບ. ດີແລ້ວ ບັດນີ້ເຮົາຈະໃຫ້ພວກເຈົ້າໄດ້ມີອິດສະຫລະພາບ, ພຣະເຈົ້າຢາເວກ່າວວ່າ ຄືອິດສະຫລະພາບທີ່ຈະຕາຍໂດຍສົງຄາມ, ການເຈັບໄຂ້ໄດ້ປ່ວຍ ແລະການຕາຍອຶດຕາຍຫິວ. ເຮົາຈະເຮັດໃຫ້ທຸກໆຊົນຊາດໃນໂລກນີ້ຢ້ານກົວຫຼາຍ ຕໍ່ສິ່ງທີ່ເຮົາຈະເຮັດກັບພວກເຂົາ.
Anuncios ukanaka