ເຢເຣມີຢາ 23:30 - ພຣະຄຳພີສັກສິ

³⁰ ພຣະເຈົ້າຢາເວ​ກ່າວ​ວ່າ, “ເຮົາ​ຕໍ່ສູ້​ຜູ້ທຳນວາຍ​ເຫຼົ່ານັ້ນ ທີ່​ຖື​ເອົາ​ຄຳເວົ້າ​ຂອງ​ກັນແລະກັນ ໄປ​ປະກາດ​ວ່າ​ເປັນ​ຖ້ອຍຄຳ​ຂອງເຮົາ.”

ເຢເຣມີຢາ 23:30 Jak'a apnaqawi uñst'ayäwi

ເພງ^ສັນລະເສີນ 34:16

ແຕ່​ພຣະເຈົ້າຢາເວ​ຂັດຂວາງ​ຜູ້​ທີ່​ເຮັດ​ຊົ່ວ​ທຸກຄົນ ເມື່ອ​ພວກເຂົາ​ຕາຍໄປ​ກໍ​ຈະ​ຖືກ​ລືມໄລ​ໂລດ.

ເຢເຣມີຢາ 21:13

ນະຄອນ​ເຢຣູຊາເລັມ​ເອີຍ ເຈົ້າ​ຕັ້ງ​ຢູ່ ສູງ​ເດັ່ນ​ເໜືອ​ຮ່ອມພູ​ທັງຫລາຍ ດັ່ງ​ໂງ່ນຫີນ​ສູງ​ເດັ່ນ​ໃນ​ທ່າມກາງ​ທົ່ງພຽງ, ແຕ່​ເຮົາ​ຈະ​ຕໍ່ສູ້​ເຈົ້າ. ພຣະເຈົ້າຢາເວ​ກ່າວ​ດັ່ງນີ້: ເຈົ້າ​ເວົ້າ​ວ່າ, ບໍ່ມີ​ຜູ້ໃດ​ໂຈມຕີ​ເຈົ້າ ຫລື​ຕີ​ທີ່​ປ້ອງກັນ​ຂອງ​ເຈົ້າ​ໄດ້.

ເຢເຣມີຢາ 23:31

ພຣະເຈົ້າຢາເວ​ກ່າວ​ວ່າ, “ເຮົາ​ຕໍ່ສູ້​ຜູ້ທຳນວາຍ​ເຫຼົ່ານັ້ນ ທີ່​ປະກາດ​ຄຳເວົ້າ​ຂອງຕົນເອງ​ວ່າ ເປັນ​ຖ້ອຍຄຳ​ຂອງເຮົາ.”

ເຢເຣມີຢາ 44:11

ເພາະສະນັ້ນ ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່ ພຣະເຈົ້າ​ຂອງ​ຊາດ​ອິດສະຣາເອນ​ຈຶ່ງ​ຈະ​ຫັນ​ມາ​ຕໍ່ສູ້​ພວກເຈົ້າ ແລະ​ທຳລາຍ​ດິນແດນ​ຢູດາຍ​ທັງໝົດ.

ເຢເຣມີຢາ 44:29

ພຣະເຈົ້າຢາເວ​ກ່າວວ່າ, ‘ນີ້​ຈະ​ເປັນ​ໝາຍສຳຄັນ​ແກ່​ພວກເຈົ້າ ຄື​ເຮົາ​ຈະ​ລົງໂທດ​ພວກເຈົ້າ​ໃນ​ບ່ອນ​ນີ້ ເພື່ອ​ພວກເຈົ້າ​ຈະ​ໄດ້​ຮູ້​ວ່າ​ຖ້ອຍຄຳ​ທັງຫລາຍ​ຂອງເຮົາ​ທີ່​ວ່າ ຈະ​ນຳ​ການທຳລາຍ​ມາ​ສູ່​ພວກເຈົ້າ​ນັ້ນ​ຈະ​ກາຍເປັນຈິງ.’

ເອເຊກຽນ 13:20

ເພາະສະນັ້ນ ອົງພຣະ​ຜູ້​ເປັນເຈົ້າ ພຣະເຈົ້າ​ຈຶ່ງ​ກ່າວ​ວ່າ, ‘ເຮົາ​ກຽດຊັງ​ຜ້າຍັນ​ຜູກ​ຂໍ້ມື​ທີ່​ພວກເຈົ້າ​ໃຊ້​ເພື່ອ​ຄວບຄຸມ​ຊີວິດ​ຂອງ​ຄົນອື່ນ. ເຮົາ​ຈະ​ຕັດ​ມັນ​ອອກ​ຈາກ​ແຂນ​ພວກເຈົ້າ ແລະ​ປົດປ່ອຍ​ປະຊາຊົນ​ທີ່​ຢູ່​ໃຕ້​ການ​ຄວບຄຸມ​ຂອງ​ພວກເຈົ້າ ໃຫ້​ເປັນ​ອິດສະຫລະ.

ເອເຊກຽນ 13:8

ສະນັ້ນ ອົງພຣະ​ຜູ້​ເປັນເຈົ້າ ພຣະເຈົ້າ​ຈຶ່ງ​ກ່າວ​ຕໍ່​ພວກເຂົາ​ວ່າ, ‘ຄຳເວົ້າ​ຂອງ​ພວກເຈົ້າ​ຈອມປອມ ແລະ​ນິມິດ​ຕ່າງໆ​ຂອງ​ພວກເຈົ້າ​ກໍ​ບໍ່ຈິງ. ເຮົາ​ຕໍ່ສູ້​ພວກເຈົ້າ, ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ດັ່ງນີ້ແຫຼະ.

ເອເຊກຽນ 15:7

ແລະ​ລົງໂທດ​ພວກເຂົາ​ສັນນັ້ນ. ພວກເຂົາ​ປົບໜີ​ຈາກ​ໄຟ ແຕ່​ບັດນີ້​ໄຟ​ຈະ​ໄໝ້​ພວກເຂົາ. ເມື່ອ​ເຮົາ​ລົງໂທດ​ພວກເຂົາ ພວກເຈົ້າ​ຈຶ່ງ​ຈະ​ຮູ້ວ່າ​ເຮົາ​ແມ່ນ​ພຣະເຈົ້າຢາເວ.

ລະບຽບ^ພວກເລວີ 20:3

ຖ້າ​ຜູ້ໃດ​ມອບ​ລູກ​ຊາຍ​ຍິງ​ຂອງຕົນ​ໃຫ້​ພະ​ໂມເລັກ ແລະ​ເຮັດ​ໃຫ້​ຫໍເຕັນ​ສັກສິດ​ຂອງເຮົາ​ເປັນ​ມົນທິນ ແລະ​ເຮັດ​ໃຫ້​ນາມຊື່​ອັນ​ສັກສິດ​ຂອງເຮົາ​ເສື່ອມ​ເສຍ; ເຮົາ​ຈະ​ຫັນ​ມາ​ຕໍ່ສູ້​ຜູ້ນັ້ນ ທັງ​ຈະ​ບໍ່​ຖື​ລາວ​ວ່າ​ເປັນ​ປະຊາຊົນ​ຂອງເຮົາ​ອີກ​ຕໍ່ໄປ.

ລະບຽບ^ພວກເລວີ 26:17

ເຮົາ​ຈະ​ຫັນ​ມາ​ຕໍ່ສູ້​ພວກເຈົ້າ​ເພື່ອ​ວ່າ​ພວກເຈົ້າ​ຈະ​ພ່າຍແພ້ ແລະ​ຜູ້​ທີ່​ຊັງ​ພວກເຈົ້າ​ກໍ​ຈະ​ປົກຄອງ​ພວກເຈົ້າ; ພວກເຈົ້າ​ຈະ​ຕື່ນ​ຕົກໃຈ​ຢ້ານກົວ ຈົນ​ແລ່ນ​ເປີດ​ໜີໄປ​ຢ່າງ​ບໍ່​ຮູ້ສຶກ​ຕົວ​ໂດຍ​ບໍ່ມີ​ໃຜ​ໄລ່​ຕິດຕາມ.

ພຣະບັນຍັດສອງ 18:20

ແຕ່​ຖ້າ​ຜູ້ທຳນວາຍ​ຜູ້ໃດ​ບັງ​ອາດ​ກ່າວ​ຖ້ອຍຄຳ​ໃນ​ນາມ​ຂອງ​ເຮົາ ເມື່ອ​ເຮົາ​ບໍ່ໄດ້​ສັ່ງ​ໃຫ້​ກ່າວ ຫລື​ກ່າວ​ໃນ​ນາມ​ຂອງ​ບັນດາ​ພະອື່ນ​ລາວ​ຕ້ອງ​ຕາຍ.

ພຣະບັນຍັດສອງ 29:20

ພຣະເຈົ້າຢາເວ​ຈະ​ບໍ່​ຍົກໂທດ​ໃຫ້​ແກ່​ຄົນ​ເຊັ່ນນັ້ນ​ເລີຍ. ແຕ່​ຄວາມ​ໂກດຮ້າຍ​ຂອງ​ພຣະເຈົ້າຢາເວ​ຈະ​ລຸກໄໝ້​ຕໍ່ສູ້​ລາວ​ເໝືອນດັ່ງ​ໄຟ​ທີ່​ເຜົາຜານ ແລະ​ການ​ສາບແຊ່ງ​ທັງໝົດ ທີ່​ໄດ້​ບັນທຶກ​ໄວ້​ໃນ​ປື້ມ​ກົດບັນຍັດ​ນີ້ ກໍ​ຈະ​ຕົກ​ຖືກ​ລາວ​ຈົນກວ່າ​ພຣະເຈົ້າຢາເວ​ໄດ້​ທຳລາຍ​ຄົນ​ນີ້​ໃຫ້​ດັບສູນໄປ.

1 ເປໂຕ 3:12

“ພຣະເນດ​ຂອງ​ອົງພຣະ​ຜູ້​ເປັນເຈົ້າ ຊົງ​ເຝົ້າ​ເບິ່ງ​ຄົນ​ຊອບທຳ ແລະ​ພຣະອົງ​ກໍ​ຊົງ​ຮັບ​ຟັງ​ຄຳ​ພາວັນນາ​ ອະທິຖານ​ຂອງ​ເຂົາ ແຕ່​ພຣະພັກ​ຂອງ​ພຣະອົງ ຊົງ​ຕໍ່ສູ້​ບັນດາ​ຄົນ​ທີ່​ເຮັດ​ການ​ຊົ່ວ.”