ເຢເຣມີຢາ 23:11 - ພຣະຄຳພີສັກສິ

¹¹ “ຜູ້ທຳນວາຍ​ທັງ​ປະໂຣຫິດ​ຖື​ພຣະເຈົ້າ​ຕໍ່າ ເຮົາ​ເຫັນ​ພວກເຂົາ​ກະທຳ​ຊົ່ວ ແມ່ນແຕ່​ໃນ​ພຣະວິຫານ​ນັ້ນ.

ເຢເຣມີຢາ 23:11 Jak'a apnaqawi uñst'ayäwi

2 ຂ່າວຄາວ 33:5

ຢູ່​ໃນ​ເດີ່ນ​ສອງ​ບ່ອນ​ຂອງ​ວິຫານ​ຂອງ​ພຣະເຈົ້າຢາເວ ເພິ່ນ​ໄດ້​ສ້າງ​ແທ່ນບູຊາ​ສຳລັບ​ຂາບໄຫວ້​ຕາເວັນ, ເດືອນ, ດາວ.

2 ຂ່າວຄາວ 33:7

ເພິ່ນ​ຍັງ​ເອົາ​ເທວະຮູບ​ມາ​ໄວ້​ໃນ​ວິຫານ​ຂອງ​ພຣະເຈົ້າ ບ່ອນ​ທີ່​ພຣະເຈົ້າ​ໄດ້​ກ່າວ​ແກ່​ດາວິດ​ແລະ​ໂຊໂລໂມນ​ລູກຊາຍ​ຂອງ​ເພິ່ນ​ວ່າ, “ໃນ​ນະຄອນ​ເຢຣູຊາເລັມ ຄື​ໃນ​ວິຫານ​ນີ້ ແມ່ນ​ບ່ອນ​ທີ່​ເຮົາ​ໄດ້​ເລືອກເອົາ​ໃນ​ທ່າມກາງ​ເຂດແດນ​ທັງໝົດ ໃນ​ສິບສອງ​ເຜົ່າ​ຂອງ​ຊາດ​ອິດສະຣາເອນ ໃຫ້​ເປັນ​ບ່ອນ​ທີ່​ນາມຊື່​ຂອງເຮົາ​ຈະ​ຕັ້ງ​ຢູ່​ຕະຫລອດໄປ.

2 ຂ່າວຄາວ 36:14

ນອກຈາກນີ້​ອີກ ບັນດາ​ຜູ້ນຳ​ຂອງ​ຢູດາຍ ບັນດາ​ປະໂຣຫິດ​ແລະ​ປະຊາຊົນ​ຕ່າງ​ກໍໄດ້​ເຮັດ​ບາບ​ຕາມ​ແບບຢ່າງ​ຂອງ​ຊົນຊາດ ທີ່​ອ້ອມຮອບ​ພວກເຂົາ​ນັ້ນ​ໂດຍ​ຂາບໄຫວ້​ຮູບເຄົາຣົບ; ສະນັ້ນ ພວກເຂົາ​ຈຶ່ງ​ໄດ້​ເຮັດ​ໃຫ້​ວິຫານ​ຂອງ​ພຣະເຈົ້າຢາເວ ບ່ອນ​ທີ່​ພຣະອົງ​ເຮັດ​ໃຫ້​ສັກສິດ​ໃນ​ເຢຣູຊາເລັມ​ນັ້ນ​ເປັນ​ມົນທິນ.

ເອຊະຣາ 10:18

ຕໍ່ໄປນີ້​ແມ່ນ​ລາຍຊື່​ຂອງ​ພວກ​ຜູ້ຊາຍ​ທີ່​ມີ​ເມຍ​ຕ່າງຊາດ ມີ​ດັ່ງນີ້: ພວກ​ປະໂຣຫິດ ລາຍຊື່​ຕາມ​ຕະກຸນ: ຕະກຸນ​ເຢຊູອາ​ແລະ​ພວກ​ອ້າຍ​ນ້ອງ​ຂອງ​ລາວ​ທີ່​ເປັນ​ລູກຊາຍ​ຂອງ​ໂຢຊາດັກ: ມາອາເສອີຢາ, ເອລີເອເຊ, ຢາຣິບ​ແລະ​ເກດາລີຢາ.

ເຢເຣມີຢາ 11:15

ພຣະເຈົ້າຢາເວ​ກ່າວ​ວ່າ, “ປະຊາຊົນ​ຜູ້​ທີ່​ເຮົາ​ຮັກ​ກຳລັງ​ເຮັດ​ຊົ່ວ. ພວກເຂົາ​ມີ​ສິດ​ຫຍັງ​ຈຶ່ງ​ມາ​ຢູ່​ໃນ​ວິຫານ​ຂອງເຮົາ? ພວກເຂົາ​ຄິດວ່າ​ຈະ​ໜີພົ້ນ​ຈາກ​ຄວາມ​ຈິບຫາຍ​ໄດ້ ດ້ວຍ​ຄຳສັນຍາ​ຕ່າງໆ ແລະ​ດ້ວຍ​ເຜົາ​ສັດ​ຖວາຍບູຊາ​ບໍ? ພວກເຂົາ​ຄິດວ່າ​ຈະ​ໄດ້​ມີ​ຄວາມສຸກ​ກັບ​ສິ່ງນັ້ນ​ຊັ້ນບໍ?

ເຢເຣມີຢາ 23:15

ເພາະສະນັ້ນ ຕໍ່ໄປນີ້​ແມ່ນ​ສິ່ງ​ທີ່​ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່ ກ່າວ​ເຖິງ​ພວກ​ຜູ້ທຳນວາຍ​ຂອງ​ນະຄອນ​ເຢຣູຊາເລັມ​ວ່າ, “ເຮົາ​ຈະ​ໃຫ້​ພວກເຂົາ​ໄດ້​ກິນ​ພືດ​ຂົມ​ນາໆ​ຊະນິດ ແລະ​ໃຫ້​ນໍ້າ​ເປັນ​ພິດ​ແກ່​ພວກເຂົາ​ໄດ້​ດື່ມ ເພາະ​ພວກ​ຜູ້ທຳນວາຍ​ໃນ​ນະຄອນ​ເຢຣູຊາເລັມ ໄດ້​ແຜ່​ຄວາມ​ບໍ່ຢຳເກງ​ພຣະເຈົ້າ​ໄປ​ທົ່ວ​ປະເທດ.”

ເຢເຣມີຢາ 32:34

ພວກເຂົາ​ເອົາ​ແມ່ນແຕ່​ຮູບເຄົາຣົບ​ອັນ​ໜ້າລັງກຽດ​ມາ​ວາງ​ໄວ້​ໃນ​ພຣະວິຫານ ທີ່​ໄດ້​ຖືກ​ສ້າງ​ໄວ້​ເພື່ອ​ນະມັດສະການ​ເຮົາ ໂດຍ​ໄດ້​ເຮັດ​ໃຫ້​ພຣະວິຫານ​ນັ້ນ​ເປັນ​ມົນທິນ.

ເຢເຣມີຢາ 5:31

ຄື​ບັນດາ​ຜູ້ທຳນວາຍ​ກໍ​ເວົ້າ​ແຕ່​ຄຳ​ບໍ່ຈິງ ພວກ​ປະໂຣຫິດ​ກໍ​ປົກຄອງ​ຕາມ​ຄຳສັ່ງ​ຂອງ​ພວກ​ຜູ້ທຳນວາຍ ແລະ​ປະຊາຊົນ​ຂອງເຮົາ​ກໍ​ບໍ່ໄດ້​ຄັດຄ້ານ​ຫຍັງ​ເລີຍ. ແຕ່​ພວກເຂົາ​ຈະ​ເຮັດ​ຢ່າງໃດ​ໃນ​ບັ້ນປາຍ?”

ເຢເຣມີຢາ 50:6

ປະຊາຊົນ​ຂອງເຮົາ​ເປັນ​ດັ່ງ​ຝູງແກະ​ທີ່​ຜູ້ລ້ຽງ​ໄດ້​ປະປ່ອຍ​ໃຫ້​ເສຍໄປ​ຕາມ​ພູ. ພວກເຂົາ​ເປັນ​ດັ່ງ​ແກະ​ທີ່​ເລາະໄປ​ເລາະມາ​ຈາກ​ພູ​ໜ່ວຍ​ນີ້​ຫາ​ພູ​ໜ່ວຍ​ອື່ນ ແລະ​ພວກເຂົາ​ກໍ​ລືມ​ວ່າ​ບ້ານ​ຂອງ​ພວກເຂົາ​ນັ້ນ​ຢູ່​ໃສ.

ເຢເຣມີຢາ 6:13

ຍ້ອນ​ທຸກຄົນ​ບໍ່​ວ່າ​ໃຫຍ່​ຫລື​ນ້ອຍ ພະຍາຍາມ​ຈະ​ຫາ​ເງິນ​ໃນ​ທາງ​ທີ່​ບໍ່​ສັດຊື່; ແມ່ນແຕ່​ພວກ​ຜູ້ທຳນວາຍ ແລະ​ພວກ​ປະໂຣຫິດ​ກໍ​ສໍ້ໂກງ​ປະຊາຊົນ.

ເຢເຣມີຢາ 7:30

ພຣະເຈົ້າຢາເວ​ກ່າວ​ວ່າ, “ປະຊາຊົນ​ຢູດາ​ໄດ້​ເຮັດ​ສິ່ງ​ທີ່​ຊົ່ວຮ້າຍ. ພວກເຂົາ​ໄດ້​ເອົາ​ຮູບພະ​ຂອງ​ພວກເຂົາ​ທີ່​ໜ້າ​ກຽດຊັງ​ນັ້ນ ມາ​ວາງ​ໄວ້​ໃນ​ວິຫານ​ທີ່​ມີ​ຊື່​ຕາມ​ນາມຊື່​ຂອງເຮົາ ແລະ​ເຮັດ​ໃຫ້​ວິຫານ​ນັ້ນ​ເສື່ອມເສຍ​ກຽດ.

ເຢເຣມີຢາ 8:10

ສະນັ້ນ ເຮົາ​ຈຶ່ງ​ຈະ​ມອບ​ທົ່ງນາ​ຂອງ​ພວກເຂົາ​ໃຫ້​ຄົນ​ໃໝ່​ເປັນ​ເຈົ້າຂອງ ແລະ​ມອບ​ເມຍ​ຂອງ​ພວກເຂົາ​ໃຫ້​ເປັນ​ຂອງ​ຊາຍ​ອື່ນ. ທຸກຄົນ​ບໍ່​ວ່າ​ໃຫຍ່​ຫລື​ນ້ອຍ​ພະຍາຍາມ​ຫາ​ເງິນ​ໃນ​ທາງ​ບໍ່​ສັດຊື່. ແມ່ນແຕ່​ພວກ​ຜູ້ທຳນວາຍ ແລະ​ພວກ​ປະໂຣຫິດ​ກໍ​ສໍ້ໂກງ​ປະຊາຊົນ.

ເພງ^ຄໍ່າຄວນ 2:20

ຂ້າແດ່​ພຣະເຈົ້າຢາເວ ຂໍໂຜດ ເບິ່ງ​ພວກ​ທີ່​ພຣະອົງ​ກຳລັງ​ເຮັດ​ໃຫ້​ທໍລະມານ​ຢູ່​ນັ້ນ ສົມຄວນ​ບໍ​ທີ່​ພວກຜູ້ຍິງ​ພາກັນ​ກິນ​ລູກ​ທີ່​ພວກຕົນ​ຮັກ​ຫລາຍ ສົມຄວນ​ບໍ​ທີ່​ພວກ​ປະໂຣຫິດ​ທັງ​ຜູ້ທຳນວາຍ​ຈະ​ຖືກ​ຂ້າ​ທີ່​ພຣະວິຫານ​ຂອງ​ອົງພຣະ​ຜູ້​ເປັນເຈົ້າ.

ເອເຊກຽນ 23:39

ໃນ​ມື້​ດຽວກັນ​ທີ່​ພວກເຂົາ​ໄດ້​ຂ້າ​ພວກ​ລູກ​ຂອງເຮົາ​ບູຊາ​ໃຫ້​ແກ່​ບັນດາ​ຮູບເຄົາຣົບ​ນັ້ນ ພວກເຂົາ​ໄດ້​ເຂົ້າ​ມາ​ໃນ​ພຣະວິຫານ​ຂອງເຮົາ ແລະ​ເຮັດ​ໃຫ້​ພຣະວິຫານ​ເປັນ​ມົນທິນ.

ເອເຊກຽນ 44:10

“ແຕ່​ເຮົາ​ຈະ​ລົງໂທດ​ຊາວ​ເລວີ​ເຫຼົ່ານັ້ນ ຄື​ຜູ້​ຮ່ວມ​ກັບ​ຊາວ​ອິດສະຣາເອນ​ຄົນອື່ນໆ ປະຖິ້ມ​ເຮົາ​ແລະ​ໄປ​ຂາບໄຫວ້​ບັນດາ​ຮູບເຄົາຣົບ.

ເອເຊກຽນ 7:20

ຄັ້ງໜຶ່ງ ພວກເຂົາ​ເຄີຍ​ອວດອົ່ງ​ທະນົງ​ຕົວ​ໃນ​ເຄື່ອງເອ້​ອັນ​ສວຍງາມ​ຂອງ​ພວກເຂົາ; ແຕ່​ພວກເຂົາ​ກໍໄດ້​ໃຊ້​ມັນ​ເຮັດ​ຮູບເຄົາຣົບ​ຕ່າງໆ​ອັນ​ໜ້າກຽດຊັງ. ສະນັ້ນ ເຮົາ​ຈຶ່ງ​ເຮັດ​ໃຫ້​ຊັບສົມບັດ​ນັ້ນ ຊຸກດັນ​ໃຫ້​ພວກເຂົາ​ເກີດ​ເບື່ອໜ່າຍ.

ເອເຊກຽນ 8:11

ບັນດາ​ຜູ້ນຳ​ຊາວ​ອິດສະຣາເອນ​ເຈັດສິບ​ຄົນ​ກໍ​ຢູ່​ທີ່​ນັ້ນ ແລະ​ຢາອາຊານີຢາ​ລູກຊາຍ​ຂອງ​ຊາຟານ​ກໍ​ຮ່ວມ​ຢູ່​ດ້ວຍ, ແຕ່ລະຄົນ​ກຳລັງ​ຖື​ຖາດ​ເຜົາບູຊາ​ເຄື່ອງຫອມ​ທີ່​ກຳລັງ​ລຸກໄໝ້​ຢູ່ ແລະ​ຄວັນ​ກໍ​ກຳລັງ​ຟົ້ງ​ຂຶ້ນ.

ເອເຊກຽນ 8:16

ສະນັ້ນ ພຣະອົງ​ຈຶ່ງ​ນຳ​ຂ້າພະເຈົ້າ​ເຂົ້າໄປ​ເດີ່ນ​ຂ້າງ​ໃນ​ວິຫານ​ຂອງ​ພຣະເຈົ້າຢາເວ. ໃກ້​ທາງເຂົ້າ​ພຣະວິຫານ​ຂອງ​ພຣະເຈົ້າຢາເວ ຄື​ລະຫວ່າງ​ແທ່ນບູຊາ ແລະ​ໜ້າ​ປະຕູ​ໃນ​ທີ່ນັ້ນ​ມີ​ພວກ​ຜູ້ຊາຍ​ຢູ່​ປະມານ​ຊາວຫ້າ​ຄົນ. ພວກເຂົາ​ໄດ້​ຫັນຫລັງ​ໃສ່​ພຣະວິຫານ​ຂອງ​ພຣະເຈົ້າຢາເວ ແລະ​ກຳລັງ​ຂາບລົງ​ໄປ​ທາງທິດ​ຕາເວັນອອກ​ເພື່ອ​ຂາບໄຫວ້​ຕາເວັນ​ທີ່​ກຳລັງ​ຂຶ້ນ.

ເຊຟານີຢາ 3:3

ບັນດາ​ຂ້າຣາຊການ​ໃນ​ເມືອງນີ້​ເປັນ​ດັ່ງ​ຝູງ​ສິງ​ທີ່​ຮ້ອງ​ຄຳຣາມ; ບັນດາ​ຜູ້​ຕັດສິນ​ຄວາມ​ກໍ​ເປັນ​ດັ່ງ​ໝາປ່າ​ທີ່​ອຶດຫິວ​ໃນ​ຕອນ​ກາງຄືນ ໂລພາ​ໂພດ​ຈົນ​ບໍ່​ຍອມ​ປະ​ກະດູກ​ໃຫ້​ເຖິງ​ຕອນເຊົ້າ.

ເຊຟານີຢາ 3:4

ບັນດາ​ຜູ້ທຳນວາຍ​ຂາດ​ຄວາມ​ຮັບຜິດຊອບ​ແລະ​ສໍ້ໂກງ; ບັນດາ​ປະໂຣຫິດ​ຕ່າງ​ກໍ​ເຮັດ​ໃຫ້​ສິ່ງ​ສັກສິດ​ເປັນ​ມົນທິນ ແລະ​ບິດເບືອນ​ກົດບັນຍັດ​ຂອງ​ພຣະເຈົ້າ​ເພື່ອ​ຜົນປະໂຫຍດ​ຂອງ​ພວກເຂົາ​ເອງ.