ເຢເຣມີຢາ 22:9 - ພຣະຄຳພີສັກສິ

⁹ ແລ້ວ​ພວກເຂົາ​ຕ່າງ​ກໍ​ຈະ​ຕອບ​ວ່າ, ‘ຍ້ອນ​ພວກເຂົາ​ໄດ້​ປະຖິ້ມ​ພັນທະສັນຍາ​ຂອງ​ພຣະເຈົ້າຢາເວ ພຣະເຈົ້າ​ຂອງ​ພວກເຂົາ ແລະ​ໄປ​ຂາບໄຫວ້​ແລະ​ຮັບໃຊ້​ບັນດາ​ພະອື່ນ.”’

ເຢເຣມີຢາ 22:9 Jak'a apnaqawi uñst'ayäwi

1 ກະສັດ 9:8

ວິຫານ​ນີ້​ຈະ​ກາຍເປັນ​ກອງ​ສິ່ງ​ທີ່​ຮົກຮ້າງ​ເພພັງ ແລະ​ທຸກໆ​ຄົນ​ທີ່​ຜ່ານ​ໄປມາ​ຈະ​ງຶດງໍ້​ສະດຸ້ງ​ຕົກໃຈ. ແລ້ວ​ພວກເຂົາ​ກໍ​ຈະ​ຖາມ​ວ່າ, ‘ເປັນຫຍັງ​ພຣະເຈົ້າຢາເວ​ຈຶ່ງ​ເຮັດ​ຕໍ່​ດິນແດນ ແລະ​ວິຫານ​ຢ່າງ​ນີ້?’

2 ກະສັດ 22:17

ພວກເຂົາ​ໄດ້​ປະຖິ້ມ​ເຮົາ ແລະ​ໄປ​ຖວາຍ​ເຄື່ອງ​ບູຊາ​ແກ່​ບັນດາ​ພະອື່ນ ຊຶ່ງ​ເຮັດ​ໃຫ້​ເຮົາ​ໂກດຮ້າຍ​ໃນ​ທຸກສິ່ງ ທີ່​ພວກເຂົາ​ໄດ້​ເຮັດ​ດ້ວຍ​ມື​ຂອງ​ພວກເຂົາ​ນັ້ນ. ຄວາມ​ໂກດຮ້າຍ​ຂອງເຮົາ​ລຸກ​ຂຶ້ນ​ຕໍ່ສູ້​ນະຄອນ​ເຢຣູຊາເລັມ ແລະ​ຈະ​ບໍ່ດັບ​ລົງ.

2 ຂ່າວຄາວ 34:25

ພວກເຂົາ​ປະຖິ້ມ​ເຮົາ​ແລະ​ໄປ​ຖວາຍ​ເຄື່ອງ​ບູຊາ​ໃຫ້​ບັນດາ​ພະອື່ນ ແລະ​ເຮັດ​ໃຫ້​ເຮົາ​ໂກດຮ້າຍ​ຍ້ອນ​ສິ່ງ​ທັງໝົດ​ທີ່​ພວກເຂົາ​ໄດ້​ເຮັດ. ເຮົາ​ໂກດຮ້າຍ​ນະຄອນ​ເຢຣູຊາເລັມ​ຢ່າງ​ບໍ່ມີ​ມື້​ສິ້ນສຸດ.

ເຢເຣມີຢາ 11:10

ພວກເຂົາ​ໄດ້​ກັບຄືນ​ໄປ​ເຮັດ​ບາບ​ທີ່​ບັນພະບຸລຸດ​ຂອງ​ພວກເຂົາ​ໄດ້​ເຮັດ​ນັ້ນ ຄື​ພວກເຂົາ​ບໍ່​ຍອມ​ເຮັດ​ຕາມ​ສິ່ງ​ທີ່​ເຮົາ​ໄດ້​ບອກ, ແຕ່​ພວກເຂົາ​ໄດ້​ຂາບໄຫວ້​ບັນດາ​ພະອື່ນ. ທັງສອງ​ຄື​ອິດສະຣາເອນ​ແລະ​ຢູດາ ຕ່າງ​ກໍ​ລະເມີດ​ພັນທະສັນຍາ​ທີ່​ເຮົາ​ໄດ້​ເຮັດ​ໄວ້​ກັບ​ບັນພະບຸລຸດ​ຂອງ​ພວກເຂົາ.

ເຢເຣມີຢາ 11:3

ພຣະເຈົ້າຢາເວ ພຣະເຈົ້າ​ຂອງ​ຊາດ​ອິດສະຣາເອນ ໄດ້​ສາບແຊ່ງ​ທຸກໆ​ຄົນ​ທີ່​ບໍ່ໄດ້​ປະຕິບັດ​ຕາມ​ພັນທະສັນຍາ​ນີ້.

ເຢເຣມີຢາ 16:11

ແລ້ວ​ເຈົ້າ​ຈົ່ງ​ບອກ​ພວກເຂົາ​ວ່າ ພຣະເຈົ້າຢາເວ​ໄດ້​ກ່າວ​ດັ່ງນີ້ ‘ບັນພະບຸລຸດ​ຂອງ​ພວກເຈົ້າ​ໄດ້​ຫັນໜີ​ຈາກ​ເຮົາ​ໄປ​ຂາບໄຫວ້​ແລະ​ຮັບໃຊ້​ພະອື່ນ. ພວກເຂົາ​ໄດ້​ປະຖິ້ມ​ເຮົາ​ແລະ​ບໍ່ໄດ້​ປະຕິບັດ​ຕາມ​ຄຳສັ່ງສອນ​ຂອງເຮົາ.

ເຢເຣມີຢາ 50:7

ພວກເຂົາ​ຖືກ​ທຳລາຍ​ຈາກ​ທຸກໆຄົນ​ທີ່​ໄດ້​ພົບ​ເຫັນ​ພວກເຂົາ. ເຫຼົ່າ​ສັດຕູ​ຂອງ​ພວກເຂົາ​ເວົ້າ​ວ່າ, ‘ສິ່ງ​ທີ່​ພວກເຮົາ​ໄດ້​ເຮັດ​ບໍ່​ຜິດ ເພາະ​ພວກເຂົາ​ໄດ້​ເຮັດ​ບາບ​ຕໍ່ສູ້​ພຣະເຈົ້າຢາເວ ອົງ​ເປັນ​ທີ່ຢູ່​ອັນ​ແທ້ຈິງ; ຕໍ່ສູ້​ພຣະເຈົ້າຢາເວ ອົງ​ເປັນ​ຄວາມຫວັງ​ຂອງ​ບັນພະບຸລຸດ​ຂອງ​ພວກເຂົາ.’

ເຢເຣມີຢາ 9:13

ພຣະເຈົ້າຢາເວ​ຈຶ່ງ​ຕອບ​ວ່າ, “ເຫດການ​ນີ້​ເກີດຂຶ້ນ ຍ້ອນ​ປະຊາຊົນ​ຂອງເຮົາ​ໄດ້​ປະຖິ້ມ​ຄຳສັ່ງສອນ​ທີ່​ເຮົາ​ໄດ້​ມອບ​ໃຫ້​ພວກເຂົາ. ພວກເຂົາ​ບໍ່ໄດ້​ເຊື່ອຟັງ​ເຮົາ ຫລື​ເຮັດ​ໃນ​ສິ່ງ​ທີ່​ເຮົາ​ໄດ້​ບອກ​ພວກເຂົາ.

ເອເຊກຽນ 12:16

ເຮົາ​ຈະ​ໃຫ້​ມີ​ໜ້ອຍຄົນ​ໃນ​ພວກເຂົາ​ລອດຕາຍ​ຈາກ​ເສິກ​ສົງຄາມ, ຈາກ​ການ​ຕາຍອຶດ​ຕາຍຢາກ ແລະ​ຈາກ​ການ​ເຈັບໄຂ້​ໄດ້ປ່ວຍ ເພື່ອ​ວ່າ​ໃນ​ທ່າມກາງ​ຊົນຊາດ​ທັງຫລາຍ​ນັ້ນ ພວກເຂົາ​ຈະ​ສຳນຶກ​ເຖິງ​ການກະທຳ​ອັນ​ໜ້າກຽດຊັງ​ຕ່າງໆ​ຂອງ​ພວກເຂົາ ແລະ​ທັງ​ຈະ​ຮັບ​ຮູ້​ວ່າ​ເຮົາ​ແມ່ນ​ພຣະເຈົ້າຢາເວ.”

ເອເຊກຽນ 14:23

ແລ້ວ​ພວກເຈົ້າ​ກໍ​ຈະ​ຮູ້​ວ່າ ທຸກສິ່ງ​ທີ່​ເຮົາ​ໄດ້​ເຮັດ​ນັ້ນ​ມີ​ເຫດຜົນ​ດີ​ທັງໝົດ. ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ດັ່ງນີ້ແຫຼະ.”

ເອເຊກຽນ 39:23

ແລ້ວ​ຊົນຊາດ​ທັງຫລາຍ​ກໍ​ຈະ​ຮູ້ວ່າ ການ​ທີ່​ຊາວ​ອິດສະຣາເອນ​ໄດ້​ຕົກ​ເປັນ​ຊະເລີຍ​ໃນ​ຕ່າງຖິ່ນ​ນັ້ນ ກໍ​ຍ້ອນ​ພວກເຂົາ​ໄດ້​ເຮັດ​ບາບ​ຕໍ່ສູ້​ເຮົາ. ເຮົາ​ໄດ້​ຫັນໜີ​ຈາກ​ພວກເຂົາ ແລະ​ປ່ອຍ​ໃຫ້​ເຫຼົ່າ​ສັດຕູ​ຂອງ​ພວກເຂົາ​ເອົາ​ຊະນະ​ພວກເຂົາ ແລະ​ຂ້າ​ພວກເຂົາ​ຖິ້ມ​ໃນ​ສະໜາມຮົບ.

ເອເຊກຽນ 5:15

ເມື່ອ​ເຮົາ​ໃຈຮ້າຍ ແລະ​ໂກດເຄືອງ ແລະ​ລົງໂທດ​ເຈົ້າ​ນັ້ນ ບັນດາ​ຊົນຊາດ​ທັງໝົດ​ທີ່​ຢູ່​ອ້ອມຮອບ​ເຈົ້າ​ຈະ​ສະທ້ານ​ຢ້ານກົວ. ພວກເຂົາ​ຈະ​ແນມເບິ່ງ​ເຈົ້າ​ດ້ວຍ​ຄວາມ​ກຽດຊັງ ແລະ​ຈະ​ຫຍໍ້ຫຍັນ​ເຈົ້າ. ເຮົາ​ຄື​ພຣະເຈົ້າຢາເວ​ໄດ້ກ່າວ​ດັ່ງນີ້ແຫຼະ.

ພຣະບັນຍັດສອງ 29:24

ແລ້ວ​ທົ່ວ​ທັງໂລກ​ກໍ​ຈະ​ຖາມ​ວ່າ, ‘ເປັນຫຍັງ​ພຣະເຈົ້າຢາເວ​ຈຶ່ງ​ເຮັດ​ເຊັ່ນນີ້​ຕໍ່​ດິນແດນ​ຂອງ​ພວກເຂົາ? ແມ່ນ​ຫຍັງ​ທີ່​ເຮັດ​ໃຫ້​ພຣະອົງ​ໂກດຮ້າຍ​ດັ່ງ​ໄຟ​ລຸກ​ໄໝ້​ເຊັ່ນນີ້?’