ເຢເຣມີຢາ 22:19 - ພຣະຄຳພີສັກສິ

¹⁹ ພວກເຂົາ​ຈະ​ໃຫ້ກຽດ​ຝັງສົບ​ລາວ​ໄວ້​ດັ່ງ​ຝັງ​ໂຕ​ລາ ໂດຍ​ຈະ​ລາກ​ໂຍນ​ຖິ້ມ​ໄປ​ນອກ​ປະຕູ​ນະຄອນ​ພຸ້ນ.”

ເຢເຣມີຢາ 22:19 Jak'a apnaqawi uñst'ayäwi

1 ກະສັດ 14:10

ດ້ວຍເຫດນີ້ ເຮົາ​ຈຶ່ງ​ຈະ​ນຳ​ເອົາ​ໄພພິບັດ​ມາ​ສູ່​ຍາດວົງ​ຂອງ​ເຈົ້າ ແລະ​ຈະ​ຂ້າ​ຜູ້ຊາຍ​ທຸກຄົນ​ທີ່​ເປັນ​ເຊື້ອສາຍ​ຂອງ​ເຈົ້າ ບໍ່​ວ່າ​ເປັນ​ທາດຮັບໃຊ້ ຫລື​ຄົນ​ທຳມະດາ​ກໍຕາມ ເຮົາ​ຈະ​ກຳຈັດ​ຄອບຄົວ​ຂອງ​ເຈົ້າ​ອອກ​ໄປ​ໃຫ້​ໝົດ. ພວກເຂົາ​ຈະ​ຖືກ​ກວາດ​ອອກ​ໄປ​ດັ່ງ​ກວາດ​ຂີ້​ສັດ.

2 ກະສັດ 23:36

ເຈົ້າ​ເຢໂຮຍອາກິມ​ເປັນ​ກະສັດ​ແຫ່ງ​ຢູດາຍ ເມື່ອ​ເພິ່ນ​ອາຍຸ​ໄດ້​ຊາວຫ້າ​ປີ ແລະ​ໄດ້​ປົກຄອງ​ຢູ່​ທີ່​ນະຄອນ​ເຢຣູຊາເລັມ​ເປັນ​ເວລາ​ສິບເອັດ​ປີ. ແມ່​ຂອງ​ເພິ່ນ​ຊື່​ວ່າ ເຊບີດາ ລູກສາວ​ຂອງ​ເປດາອີຢາ​ຊາວ​ເມືອງ​ຣູມາ.

2 ກະສັດ 24:6

ກະສັດ​ເຢໂຮຍອາກິມ​ໄດ້​ຕາຍໄປ; ແລ້ວ​ເຈົ້າ​ເຢໂຮຍອາກິນ ລູກຊາຍ​ຂອງ​ເພິ່ນ​ກໍໄດ້​ຂຶ້ນ​ເປັນ​ກະສັດ​ປົກຄອງ​ແທນ.

2 ກະສັດ 9:35

ແຕ່​ພວກ​ທີ່​ອອກ​ໄປ​ຝັງ​ຊາກສົບ​ຂອງ​ນາງ​ບໍ່ໄດ້​ພົບ​ຫຍັງ​ໝົດ ນອກຈາກ​ກະໂຫລກ​ຫົວ, ກະດູກ​ມື ແລະ​ກະດູກ​ຕີນ.

2 ຂ່າວຄາວ 36:6

ກະສັດ​ເນບູ​ກາດເນັດຊາ​ແຫ່ງ​ບາບີໂລນ​ໄດ້​ຮຸກຮານ​ຢູດາຍ, ຈັບ​ເຢໂຮຍອາກິມ ແລະ​ລ່າມໂສ້​ເພິ່ນ​ນຳ​ໄປ​ສູ່​ບາບີໂລນ.

ປັນຍາຈານ 6:3

ຄົນ​ໜຶ່ງ​ອາດ​ຈະ​ມີ​ລູກ​ເຖິງ​ຮ້ອຍ​ຄົນ ແລະ​ມີ​ຊີວິດ​ຍືນຍາວ​ກໍໄດ້ ເຖິງ​ແມ່ນ​ວ່າ​ລາວ​ຈະ​ມີ​ອາຍຸ​ຍືນຍາວ​ຈັກ​ເທົ່າໃດ​ກໍຕາມ, ແຕ່​ຖ້າ​ລາວ​ບໍ່ໄດ້​ຮັບ​ຄວາມສຸກ​ທີ່​ລາວ​ຄວນ​ໄດ້​ຮັບ ແລະ​ບໍ່ມີ​ຄົນ​ເຮັດ​ພິທີ​ຝັງສົບ​ໃຫ້​ຢ່າງ​ມີ​ກຽດ​ແລ້ວ ຂ້າພະເຈົ້າ​ຂໍ​ບອກ​ວ່າ, ເປັນ​ແອນ້ອຍ​ເກີດ​ມາ​ແລ້ວ​ຕາຍ​ກໍ​ຍັງ​ດີກວ່າ.

ເຢເຣມີຢາ 15:3

ເຮົາ​ຄື​ພຣະເຈົ້າຢາເວ​ໄດ້​ຕັດສິນໃຈ​ແລ້ວ​ວ່າ ຈະ​ໃຫ້​ສິ່ງ​ທີ່​ໜ້າຢ້ານ​ສີ່​ປະການ​ນີ້​ເກີດຂຶ້ນ​ກັບ​ພວກເຂົາ​ເຊັ່ນ: ພວກເຂົາ​ຈະ​ຖືກ​ຂ້າ​ໃນ​ເສິກ​ສົງຄາມ; ຝູງ​ໝາ​ຈະ​ລາກ​ຊາກສົບ​ຂອງ​ພວກເຂົາ​ໄປ​ກິນ; ຝູງນົກ​ຈະ​ສັບຕອດ​ກິນ​ຊາກສົບ​ເຫຼົ່ານັ້ນ ແລະ​ອັນ​ທີ່​ເຫຼືອ​ນັ້ນ​ສັດປ່າ​ຈະ​ກິນ​ໃຫ້​ກ້ຽງ.

ເຢເຣມີຢາ 36:30

ສະນັ້ນ ບັດນີ້ ພຣະເຈົ້າຢາເວ​ຈຶ່ງ​ກ່າວ​ແກ່​ເຢໂຮຍອາກິມ​ວ່າ ເຈົ້າ​ຈະ​ບໍ່ມີ​ເຊື້ອສາຍ​ຄົນໃດ​ຂອງເຈົ້າ​ໄດ້​ປົກຄອງ​ຣາຊອານາຈັກ​ຂອງ​ດາວິດ​ຈັກເທື່ອ. ຊາກສົບ​ຂອງ​ເຈົ້າ​ຈະ​ຖືກ​ໂຍນ​ອອກ​ໄປ ແລະ​ປະ​ໃຫ້​ຕາກ​ແດດ​ຍາມ​ກາງເວັນ ແລະ​ຕາກ​ໝອກ​ຍາມ​ກາງຄືນ.

ເຢເຣມີຢາ 36:6

ແຕ່​ເມື່ອ​ປະຊາຊົນ​ຖືສິນ​ອົດອາຫານ ຂ້ອຍ​ຢາກ​ໃຫ້​ເຈົ້າ​ໄປ​ທີ່​ວິຫານ​ຂອງ​ພຣະເຈົ້າຢາເວ. ເຈົ້າ​ຕ້ອງ​ອ່ານ​ໜັງສື​ມ້ວນ​ນີ້​ດ້ວຍ​ສຽງ​ອັນ​ດັງ ເພື່ອ​ພວກເຂົາ​ຈະ​ໄດ້ຍິນ​ທຸກໆ​ຖ້ອຍຄຳ​ທີ່​ພຣະເຈົ້າຢາເວ​ໄດ້​ກ່າວ​ແກ່​ຂ້ອຍ ແລະ​ຂ້ອຍ​ກໍໄດ້​ບອກ​ໃຫ້​ເຈົ້າ​ຂຽນ​ຕາມ​ນັ້ນ. ຈົ່ງ​ອ່ານ​ໜັງສື​ນີ້​ໃນ​ບ່ອນ​ທີ່​ທຸກໆ​ຄົນ​ໄດ້ຍິນ​ເຈົ້າ ລວມທັງ​ປະຊາຊົນ​ຢູດາ​ທີ່​ມາ​ຈາກ​ເມືອງ​ຕ່າງໆ.

ເຢເຣມີຢາ 8:2

ແທນ​ທີ່​ກະດູກ​ເຫຼົ່ານີ້​ຈະ​ຖືກ​ຮິບໂຮມ ແລະ​ຖືກ​ຝັງ​ໄວ້; ແຕ່​ມັນ​ຈະ​ຖືກ​ປະ​ໃຫ້​ເປັນ​ຝຸ່ນ ຢາຍ​ເດຍລະດາດ​ຢູ່​ຕາມ​ໜ້າດິນ. ມັນ​ຈະ​ຖືກ​ປະປ່ອຍ​ໃຫ້​ຕາກ​ແສງ​ຕາເວັນ, ແສງ​ດວງເດືອນ ແລະ​ແສງ​ດວງດາວ​ອື່ນໆ ທີ່​ປະຊາຊົນ​ເຫຼົ່ານີ້​ບູຊາ​ແລະ​ຮັບໃຊ້ ໂດຍ​ຂໍ​ຄຳ​ປຶກສາ​ແລະ​ຂາບໄຫວ້.

ເອເຊກຽນ 19:8

ຊົນຊາດ​ທັງຫລາຍ​ໄດ້​ມາ​ແຕ່​ທຸກ​ທິດທາງ ລວມ​ເປັນ​ພັນທະມິດ​ເພື່ອ​ຕໍ່ສູ້​ກັບ​ສິງ​ໂຕ​ນັ້ນ; ພວກເຂົາ​ໄດ້​ດັກສະກັດ​ມັນ​ແລະ​ປິດລ້ອມ​ໄວ້​ທຸກ​ທາງ ເພື່ອ​ເຮັດ​ໃຫ້​ມັນ​ຕົກ​ໃນ​ຕາໜ່າງ​ທີ່​ວາງ​ໄວ້.

ເອເຊກຽນ 39:5

ເຈົ້າ​ຈະ​ລົ້ມລົງ​ຕາຍ​ຕາມ​ທົ່ງນາ. ເຮົາ​ໄດ້​ກ່າວ​ໄວ້​ແລ້ວ. ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ດັ່ງນີ້ແຫຼະ.