ເຢເຣມີຢາ 22:14 - ພຣະຄຳພີສັກສິ

¹⁴ ເຄາະກຳ​ເປັນ​ຂອງ​ຜູ້​ທີ່​ເວົ້າຈາ​ອອກ​ມາ​ວ່າ, “ຂ້ອຍ​ຈະ​ສ້າງ​ຕຶກ​ໃຫຍ່​ຫລາຍ​ຊັ້ນ​ສຳລັບ​ຂ້ອຍ.” ສະນັ້ນ ຈຶ່ງ​ເຮັດ​ຫລາຍ​ປ່ອງຢ້ຽມ​ທີ່​ເຮືອນ​ຂອງຕົນ ໃຊ້​ໄມ້ແປກ​ແອ້ມ​ຢ່າງດີ​ແລະ​ທາ​ສີແດງ​ດ້ວຍ.

ເຢເຣມີຢາ 22:14 Jak'a apnaqawi uñst'ayäwi

2 ຊາມູເອນ 7:2

ແລ້ວ​ກະສັດ​ກໍໄດ້​ເວົ້າ​ກັບ​ຜູ້ທຳນວາຍ​ນາທານ​ວ່າ, “ເບິ່ງດູ ເຮົາ​ເອງ​ຢູ່​ໃນ​ເຮືອນ​ທີ່​ສ້າງ​ດ້ວຍ​ໄມ້ແປກ, ແຕ່​ຫີບ​ຂອງ​ພຣະເຈົ້າ​ພັດ​ຢູ່​ໃນ​ຫໍເຕັນ.”

2 ຂ່າວຄາວ 3:5

ຫ້ອງ​ໂຖງ​ປູ​ດ້ວຍ​ໄມ້ແປກ ແລະ​ໂອບ​ດ້ວຍ​ຄຳ​ເນື້ອ​ດີ ໂດຍ​ເຮັດ​ລວດລາຍ​ຕົ້ນ​ຕານ ແລະ​ແບບ​ລູກ​ໂສ້​ໃສ່​ດ້ວຍ.

ສຸພາສິດ 17:19

ຄົນ​ທີ່​ມັກ​ເລື່ອງ​ກໍ​ຫາເຫດ​ໃສ່​ຕົນເອງ ຄົນ​ຂີ້ສະຫາວ ກໍ​ກ້າວ​ໄປ​ສູ່​ຄວາມພິນາດ.

ສຸພາສິດ 24:27

ຢ່າ​ປຸກ​ເຮືອນ​ແລະ​ສ້າງ​ຄອບຄົວ ຈົນກວ່າ​ເຈົ້າ​ເຮັດ​ໄຮ່​ໄຖ​ນາ​ແລ້ວໆ ແລະ​ແນ່ໃຈ​ວ່າ​ເຈົ້າ​ສາມາດ​ກຸ້ມຕົນເອງ​ໄດ້.

ຍອດເພງ 1:17

ຂາງ​ແຫ່ງ​ຫໍຮັກ​ຂອງ​ພວກເຮົາ​ຈະ​ເປັນ​ໄມ້​ສົນສີດາ ເພດານ​ແຫ່ງ​ຫໍຮັກ​ກໍ​ຈະ​ເປັນ​ໄມ້ແປກເທດ.

ເອຊາຢາ 9:9

ປະຊາຊົນ​ອິດສະຣາເອນ​ທັງໝົດ ຄື​ໝົດ​ທຸກຄົນ​ທີ່​ຢູ່​ໃນ​ນະຄອນ​ຊາມາເຣຍ ຈະ​ຮູ້ຈັກ​ວ່າ​ພຣະອົງ​ໄດ້​ເຮັດ​ສິ່ງ​ນີ້​ແລ້ວ. ບັດນີ້ ພວກເຂົາ​ພັດ​ອວດອົ່ງ​ຈອງຫອງ. ພວກເຂົາ​ເວົ້າ​ວ່າ,

ເອເຊກຽນ 23:14

ແຕ່​ນາງ​ໄດ້​ເຮັດ​ຜິດ​ສິນທຳ​ເລິກລົງ​ໄປ​ທຸກ​ເທື່ອ. ນາງ​ຫລົງ​ໄຫລ​ໄປ​ນຳ​ຮູບ​ຊົງ​ຂອງ​ບັນດາ​ຂ້າຣາຊການ​ຊັ້ນສູງ​ຊາວ​ບາບີໂລນ ທີ່​ໄດ້​ແກະສະຫລັກ​ໄວ້​ຕາມ​ຝາ​ແລະ​ທາ​ສີແດງ​ແຈດ

ດານີເອນ 4:30

ເພິ່ນ​ໄດ້​ກ່າວ​ວ່າ, “ເບິ່ງດູ ນະຄອນ​ບາບີໂລນ​ນີ້​ເປັນ​ເມືອງ​ໃຫຍ່​ຫລາຍ ເຮົາ​ໄດ້​ສ້າງ​ໃຫ້​ເປັນ​ເມືອງ​ຫລວງ​ຂອງເຮົາ ເພື່ອ​ສະແດງ​ເຖິງ​ອຳນາດ ແລະ​ຄວາມ​ຍິ່ງໃຫຍ່ ກຽດຕິຍົດ ແລະ​ສະຫງ່າຣາສີ​ຂອງເຮົາ.”

ອາໂມດ 6:8

ອົງພຣະ​ຜູ້​ເປັນເຈົ້າ ພຣະເຈົ້າ​ໄດ້​ກ່າວ​ວ່າ, “ພຣະເຈົ້າຢາເວ ພຣະເຈົ້າ​ອົງ​ຊົງຣິດ​ອຳນາດ​ຍິ່ງໃຫຍ່​ໄດ້​ສາບານ​ໂດຍ​ພຣະອົງ​ເອງ​ວ່າ: ເຮົາ​ກຽດຊັງ​ຄວາມ​ຈອງຫອງ​ຂອງ​ປະຊາຊົນ​ອິດສະຣາເອນ ແລະ​ປະນາມ​ຫໍໂຮງ​ອັນ​ຫລູຫລາ​ຂອງ​ພວກເຂົາ. ເຮົາ​ຈະ​ມອບ​ເມືອງຫລວງ​ຂອງ​ພວກເຂົາ ແລະ​ທຸກສິ່ງ​ໃນ​ເມືອງ​ນີ້​ໄວ້​ໃນ​ກຳມື​ຂອງ​ສັດຕູ.”

ຮັກກາຍ 1:4

“ປະຊາຊົນ​ຂອງເຮົາ​ເອີຍ ເປັນຫຍັງ​ພວກເຈົ້າ​ຈຶ່ງ​ຢູ່​ໃນ​ເຮືອນ​ທີ່​ກໍ່ສ້າງ​ຢ່າງດີ ໃນ​ເມື່ອ​ວິຫານ​ຂອງເຮົາ​ຍັງ​ຮົກຮ້າງ​ເພພັງ​ຢູ່?

ມາລາກີ 1:4

ຖ້າ​ເຊື້ອສາຍ​ຂອງ​ເອຊາວ ຊາວ​ເອໂດມ ເວົ້າ​ວ່າ, “ຕົວເມືອງ​ຕ່າງໆ​ຂອງ​ພວກເຮົາ​ໄດ້​ຖືກ​ທຳລາຍ ແຕ່​ພວກເຮົາ​ຈະ​ສ້າງ​ເມືອງ​ເຫຼົ່ານັ້ນ​ຂຶ້ນ​ໃໝ່.” ແລ້ວ​ພຣະເຈົ້າຢາເວ​ອົງ​ຊົງ​ຣິດອຳນາດ​ຍິ່ງໃຫຍ່​ກໍ​ຈະ​ຕອບ​ຄືນ​ວ່າ, “ປ່ອຍ​ໃຫ້​ພວກເຂົາ​ສ້າງ​ຂຶ້ນ​ໃໝ່ ແລະ​ເຮົາ​ຈະ​ທຳລາຍ​ລົງ​ອີກ. ປະຊາຊົນ​ຈະ​ເອີ້ນ​ມັນ​ວ່າ, ‘ເມືອງ​ເຄາະຮ້າຍ’ ແລະ ‘ຊົນຊາດ​ທີ່​ພຣະເຈົ້າຢາເວ​ໂກດຮ້າຍ​ຕະຫລອດໄປ.”’