ເຢເຣມີຢາ 20:5 - ພຣະຄຳພີສັກສິ

⁵ ເຮົາ​ຈະ​ໃຫ້​ເຫຼົ່າ​ສັດຕູ​ປຸ້ນ​ເອົາ​ຊັບສົມບັດ ແລະ​ຢຶດ​ຂອງ​ມີຄ່າ​ທັງໝົດ​ໃນ​ເມືອງ​ໄປ; ແມ່ນແຕ່​ຊັບສົມບັດ​ອັນ​ມີ​ຄ່າ​ຂອງ​ບັນດາ​ກະສັດ​ແຫ່ງ​ຢູດາຍ ກໍ​ຈະ​ຖືກ​ຂົນ​ໄປ​ບາບີໂລນ​ໝົດ.

ເຢເຣມີຢາ 20:5 Jak'a apnaqawi uñst'ayäwi

2 ຂ່າວຄາວ 36:10

ເມື່ອ​ຮອດ​ລະດູ​ໃບໄມ້ປົ່ງ ກະສັດ​ເນບູກາເນັດຊາ​ໄດ້​ນຳ​ເຢໂຮຍອາກິນ​ໄປ​ເປັນ​ຊະເລີຍ​ທີ່​ບາບີໂລນ ພ້ອມທັງ​ນຳ​ຊັບສົມບັດ​ອັນມີຄ່າ​ໃນ​ວິຫານ​ຂອງ​ພຣະເຈົ້າຢາເວ​ໄປ​ກ້ຽງ. ແລ້ວ​ເພິ່ນ​ກໍ​ແຕ່ງຕັ້ງ​ເຊເດກີຢາ ລູງ ຂອງ​ເຢໂຮຍອາກິນ ໃຫ້​ຂຶ້ນ​ເປັນ​ກະສັດ​ປົກຄອງ​ຢູດາຍ​ແລະ​ເຢຣູຊາເລັມ​ແທນ.

ເອຊາຢາ 39:6

ເວລາ​ມາ​ເຖິງ​ແລ້ວ​ທີ່​ທຸກໆ​ສິ່ງ​ໃນ​ວັງ​ຂອງທ່ານ ຄື​ທຸກສິ່ງ​ທີ່​ບັນພະບຸລຸດ​ຂອງທ່ານ​ໄດ້​ສະສົມ​ໄວ້​ຈົນຮອດ​ວັນນີ້ ຈະ​ຖືກ​ຂົນ​ໄປ​ບາບີໂລນ. ຈະ​ບໍ່ມີ​ສິ່ງໃດ​ເຫຼືອ​ຢູ່​ເລີຍ. ພຣະເຈົ້າຢາເວ​ກ່າວ​ດັ່ງນີ້ແຫຼະ.

ເຢເຣມີຢາ 12:12

ຕາມ​ບ່ອນ​ສູງ​ທີ່​ຖິ່ນ​ແຫ້ງແລ້ງ​ກັນດານ ພວກ​ທຳລາຍ​ລ້າງຜານ​ໄດ້​ມາ​ປຸ້ນສະດົມ​ຈົນໝົດ. ເຮົາ​ໄດ້​ສົ່ງ​ເສິກ​ມາ​ທຳລາຍ​ດິນແດນ​ທັງໝົດ ຈົນ​ບໍ່ມີ​ຜູ້ໃດ​ຢູ່​ຢ່າງ​ສະຫງົບສຸກ​ໄດ້​ຕາມ​ທີ່​ຕ່າງໆ.

ເຢເຣມີຢາ 15:13

ພຣະອົງ​ໄດ້​ກ່າວ​ແກ່​ຂ້າພະເຈົ້າ​ວ່າ, “ເຮົາ​ຈະ​ສົ່ງ​ເຫຼົ່າ​ສັດຕູ​ມາ​ກວາດເອົາ​ຊັບສົມບັດ​ແລະ​ເງິນຄຳ ທີ່​ປະຊາຊົນ​ຂອງເຮົາ​ໄດ້​ສະສົມ​ໄວ້​ໄປ​ໝົດ ເພື່ອ​ເປັນ​ການ​ລົງໂທດ​ທີ່​ພວກເຂົາ​ໄດ້​ກະທຳ​ບາບ​ໄວ້​ທົ່ວ​ທັງ​ດິນແດນ.

ເຢເຣມີຢາ 17:3

ແລະ​ຕາມ​ໜ່ວຍ​ພູ​ໃນ​ຊົນນະບົດ. ເຮົາ​ຈະ​ໃຫ້​ເຫຼົ່າ​ສັດຕູ​ຂອງ​ພວກເຈົ້າ​ຢຶດ​ຊັບສົມບັດ​ແລະ​ສິ່ງຂອງ​ທີ່​ພວກເຈົ້າ​ໄດ້​ສະສົມ​ໄວ້​ໄປ​ໝົດ ຍ້ອນ​ການບາບ​ທັງໝົດ​ທີ່​ພວກເຈົ້າ​ໄດ້​ເຮັດ​ໄວ້ ທົ່ວ​ທັງ​ດິນແດນ​ຂອງ​ພວກເຈົ້າ.

ເຢເຣມີຢາ 3:24

ແຕ່​ການ​ຂາບໄຫວ້​ພະບາອານ ພະ​ແຫ່ງ​ຄວາມ​ອັບອາຍ​ເຮັດ​ໃຫ້​ພວກ​ຂ້ານ້ອຍ​ເສຍ​ຝູງແກະ ແລະ​ຝູງງົວ, ພວກ​ລູກຊາຍ​ແລະ​ລູກສາວ, ຄື​ສູນເສຍ​ທຸກສິ່ງ​ທີ່​ບັນພະບຸລຸດ​ໄດ້​ສະສົມ​ໄວ້​ແຕ່​ບູຮານ.

ເຢເຣມີຢາ 32:24

ຊາວ​ບາບີໂລນ​ໄດ້​ສ້າງ​ເຄື່ອງ​ປິດລ້ອມ​ເພື່ອ​ຢຶດເອົາ​ເມືອງ ແລະ​ກໍ​ຈະ​ໂຈມຕີ​ເມືອງ. ເສິກ​ສົງຄາມ, ການ​ຕາຍອຶດ​ຕາຍຫິວ ແລະ​ການ​ເຈັບໄຂ້​ໄດ້ປ່ວຍ ຈະ​ເຮັດ​ໃຫ້​ເມືອງ​ນີ້​ຕົກ​ຢູ່​ໃນ​ກຳມື​ຂອງ​ພວກເຂົາ. ພຣະອົງ​ເຫັນ​ໄດ້​ວ່າ​ເຫດການ​ທັງໝົດ​ທີ່​ພຣະອົງ​ໄດ້​ກ່າວ​ນັ້ນ​ຈະ​ກາຍເປັນຈິງ.

ເຢເຣມີຢາ 39:2

ຢູ່​ຕໍ່ມາ ໃນ​ວັນ​ທີ​ເກົ້າ​ຂອງ​ເດືອນ​ທີ​ສີ່​ໃນ​ຣາຊການ​ປີ​ທີ​ສິບເອັດ​ຂອງ​ກະສັດ​ເຊເດກີຢາ ນະຄອນ​ເຢຣູຊາເລັມ​ກໍ​ແຕກ. (

ເຢເຣມີຢາ 39:8

ໃນຂະນະ​ດຽວກັນ​ນັ້ນ ພວກ​ບາບີໂລນ​ກໍໄດ້​ຈູດ​ຣາຊວັງ​ແລະ​ເຮືອນ​ຂອງ​ປະຊາຊົນ ພ້ອມ​ທັງ​ກຳແພງ​ນະຄອນ​ເຢຣູຊາເລັມ​ລົງ​ໃຫ້​ພິນາດ.

ເຢເຣມີຢາ 4:20

ໄພພິບັດ​ໜຶ່ງ​ແລ້ວ ໄພພິບັດ​ອື່ນ​ຊໍ້າ​ຕິດຕາມ​ມາ ຈົນ​ໝົດ​ປະເທດ​ຖືກ​ປ່ອຍປະ​ໃຫ້​ຮົກຮ້າງ​ເພພັງ​ສິ້ນ. ຜ້າເຕັນ​ຂອງ​ພວກເຮົາ​ກໍໄດ້​ຖືກ​ທຳລາຍ​ຢ່າງ​ໄວວາ ຜ້າກັ້ງ​ຂອງ​ເຕັນ​ກໍ​ຖືກ​ຈີກ​ໃຫ້​ຂາດ​ເປັນ​ຕ່ອນໆ.

ເພງ^ຄໍ່າຄວນ 1:10

ພວກ​ສັດຕູ​ເຂົ້າ​ມາ​ປຸ້ນ​ມາ​ລັກ​ເອົາ ຊັບສົມບັດ​ທັງໝົດ​ທີ່​ນາງ​ມີ​ຢູ່​ນັ້ນ. ນາງ​ໄດ້​ເຫັນ​ພວກ​ສັດຕູ​ເຂົ້າ​ໄປ​ໃນ​ພຣະວິຫານ ທີ່​ພຣະເຈົ້າ​ຫ້າມປາມ​ບໍ່​ໃຫ້​ຄົນຕ່າງຊາດ​ເຂົ້າ.

ເພງ^ຄໍ່າຄວນ 1:7

ບັດນີ້ ເມື່ອ​ຕົກ​ຢູ່​ໃນ​ສະພາບ​ຮົກຮ້າງ​ເພພັງ ນະຄອນ​ເຢຣູຊາເລັມ​ກໍ​ຄິດເຖິງ​ສິ່ງ​ຮຸ່ງເຮືອງ​ໃນ​ອະດີດ. ເມື່ອ​ນາງ​ຢູ່​ໃນ​ກຳມື​ຂອງ​ສັດຕູ​ນັ້ນ​ກໍ​ບໍ່ມີ​ຜູ້ໃດ​ຊ່ວຍເຫຼືອ​ນາງ, ຜູ້​ທີ່​ຊະນະ​ເພາະ​ຕົນ​ຫຼົ້ມຈົມ​ກໍ​ຫົວຂວັນ​ໃສ່​ຊໍ້າ.

ເພງ^ຄໍ່າຄວນ 4:12

ແມ່ນແຕ່​ຜູ້ປົກຄອງ​ຄົນຕ່າງຊາດ​ທັງ​ຄົນອື່ນໆ​ກໍດີ ກໍ​ບໍ່​ເຊື່ອ​ວ່າ​ມີ​ນັກຮຸກຮານ​ບຸ​ປະຕູ​ນະຄອນ​ເຢຣູຊາເລັມ​ໄດ້.

ເອເຊກຽນ 22:25

ບັນດາ​ຜູ້ນຳ ເປັນ​ດັ່ງ​ໂຕສິງ​ທີ່​ຮ້ອງ​ຄຳຣາມ​ເທິງ​ສັດ​ທີ່​ມັນ​ໄດ້​ຂ້າ. ພວກເຂົາ​ຂ້າ​ປະຊາຊົນ​ຢຶດເອົາ​ເງິນຄຳ ແລະ​ຊັບສົມບັດ​ທັງໝົດ​ທີ່​ພວກເຂົາ​ສາມາດ​ເອົາ​ໄດ້ ແລະ​ເຮັດ​ໃຫ້​ຍິງ​ຫລາຍ​ຄົນ​ເປັນ​ໝ້າຍ​ເພາະ​ການ​ຄາດຕະກຳ​ທີ່​ພວກເຂົາ​ໄດ້​ກໍ່​ຂຶ້ນ.

ດານີເອນ 1:2

ອົງພຣະ​ຜູ້​ເປັນເຈົ້າ​ໄດ້​ໃຫ້​ກະສັດ​ເນບູ​ກາດເນັດຊາ​ຈັບ​ກະສັດ​ເຢໂຮຍອາກິມ ແລະ​ຢຶດເອົາ​ເຄຶ່ອງໃຊ້​ບາງ​ຢ່າງ​ໃນ​ວິຫານ​ຂອງ​ພຣະເຈົ້າ​ໄປ. ເພິ່ນ​ໄດ້​ຈັບ​ເອົາ​ຊະເລີຍ​ບາງຄົນ​ກັບຄືນ​ໄປ​ທີ່​ວິຫານ​ພະ​ຂອງ​ເພິ່ນ​ໃນ​ບາບີໂລນ ແລະ​ເອົາ​ຊັບສົມບັດ​ທີ່​ຢຶດ​ໄດ້​ນັ້ນ​ໄປ​ເກັບໄວ້​ໃນ​ຄັງ​ພະ​ຂອງຕົນ​ທີ່​ວິຫານ.

ໂຮເສອາ 13:15

ເຖິງ​ແມ່ນ​ຊາດ​ອິດສະຣາເອນ​ອອກ​ດອກ ຮຸ່ງເຮືອງ​ຂຶ້ນ​ດັ່ງ​ຕົ້ນຫຍ້າ ເຮົາ​ກໍ​ຈະ​ສົ່ງ​ລົມ​ຮ້ອນ​ຈາກ​ທິດ​ຕາເວັນອອກ ພັດ​ມາ​ຈາກ​ຖິ່ນ​ແຫ້ງແລ້ງ​ກັນດານ; ລົມ​ນີ້​ຈະ​ເຮັດ​ໃຫ້​ນໍ້າພຸ​ແລະ​ນໍ້າສ້າງ​ຂອງ​ພວກເຂົາ​ແຫ້ງ​ລົງ. ມັນ​ຈະ​ພັດ​ເອົາ​ທຸກສິ່ງ​ທີ່​ມີຄ່າ​ໄປ.