ເຢເຣມີຢາ 20:18 - ພຣະຄຳພີສັກສິ

¹⁸ ເປັນຫຍັງ​ເດ​ຂ້ານ້ອຍ​ຈຶ່ງ​ໄດ້​ເກີດ​ມາ​ນໍ? ເພື່ອ​ໃຫ້​ເດືອດຮ້ອນ​ເຂັນໃຈ​ແລະ​ໂສກເສົ້າ​ຫລືນີ້? ແລະ​ເພື່ອ​ໃຫ້​ຂ້ານ້ອຍ​ນີ້​ຈົບ​ຊີວິດ​ລົງ ໂດຍ​ໃຫ້​ຖືກ​ອັບອາຍ​ຂາຍໜ້າ​ຫລືນີ້?

ເຢເຣມີຢາ 20:18 Jak'a apnaqawi uñst'ayäwi

1 ກະສັດ 19:4

ສ່ວນ​ເພິ່ນ​ເອງ​ນັ້ນ​ຍ່າງ​ໄປ​ຕາມ​ຖິ່ນ​ແຫ້ງແລ້ງ​ກັນດານ​ໝົດມື້. ເພິ່ນ​ຢຸດ​ນັ່ງ​ພັກ​ຢູ່​ໃຕ້​ຮົ່ມ​ໄມ້​ຕົ້ນໜຶ່ງ ແລະ​ຄິດ​ຢາກ​ຈະ​ຕາຍ. ເພິ່ນ​ພາວັນນາ​ອະທິຖານ​ວ່າ, “ຂ້າແດ່​ພຣະເຈົ້າຢາເວ ຂໍໂຜດ​ເອົາ​ຊີວິດ​ຂອງ​ຂ້ານ້ອຍ​ໄປ​ເທີ້ນ ເພາະ​ຂ້ານ້ອຍ​ບໍ່ດີ​ໄປກວ່າ​ປູ່ຍ່າຕາຍາຍ​ຂອງ​ຂ້ານ້ອຍ.”

ພຣະທຳ​ໂຢບ 14:1

ແຕ່​ເກີດ ພວກເຮົາ​ກໍ​ອ່ອນແອ ແລະ​ຢູ່​ແຕ່​ໜ້ອຍວັນ ທັງ​ເຕັມ​ໄປ​ດ້ວຍ​ຄວາມ​ຫຍຸ້ງຍາກ​ໃຈ.

ພຣະທຳ​ໂຢບ 14:13

ຂ້ານ້ອຍ​ຢາກ​ໃຫ້​ຖືກ​ເຊື່ອງໄວ້​ທີ່​ໂລກ​ຄົນຕາຍ ຄື​ເຊື່ອງ​ຂ້ານ້ອຍ​ໄວ້​ໃນ​ແດນ​ມໍຣະນາ​ພຸ້ນ; ຈົນ​ໃຫ້​ເຖິງ​ວັນ​ທີ່​ພຣະອົງ​ເຊົາ​ໂກດຮ້າຍ​ຂ້ານ້ອຍ ຊຶ່ງ​ພຣະອົງ​ຈະ​ຈົດຈຳ​ຂ້ານ້ອຍ​ໄດ້​ຄື​ເກົ່າ.

ພຣະທຳ​ໂຢບ 3:20

ເປັນຫຍັງ​ນໍ ຜູ້​ທີ່​ຢູ່​ໃນ​ຄວາມ​ທົນທຸກ​ເວດທະນາ ຍັງ​ໄດ້​ຮັບ​ແສງ​ສະຫວ່າງ? ເປັນຫຍັງ​ຈຶ່ງ​ໃຫ້​ຊີວິດ​ແກ່​ຜູ້​ທີ່​ມີ​ໃຈ​ຂົມຂື່ນ?

ພຣະທຳ​ໂຢບ 5:7

ບໍ່ແມ່ນ​ດອກ ແມ່ນ​ຄົນ​ທີ່​ເຮັດ​ໃຫ້​ຕົນ​ເດືອດຮ້ອນ​ເອງ ດັ່ງ​ໝັດ​ໄຟ​ປິວ​ອອກ​ຈາກ​ແປວ​ໄຟ​ນັ້ນ​ແຫຼະ.

ເພງ^ສັນລະເສີນ 102:3

ຊີວິດ​ຂອງ​ຂ້ານ້ອຍ​ນັ້ນ​ຫາຍໄປ​ດັ່ງ​ຄວັນໄຟ ຮ່າງກາຍ​ກໍ​ຖືກ​ເຜົາ​ດັ່ງ​ຢູ່​ໃນ​ເຕົາ​ອົບຮ້ອນ.

ເພງ^ສັນລະເສີນ 69:19

ພຣະອົງ​ຮູ້​ວ່າ​ຂ້ານ້ອຍ​ຖືກ​ໝິ່ນປະໝາດ​ສໍ່າໃດ ແລະ​ທັງ​ຖືກ​ອັບອາຍ​ຂາຍໜ້າ​ສໍ່າໃດ​ດ້ວຍ. ນອກນີ້​ຂ້ານ້ອຍ​ກໍ​ຍັງ​ຖືກ​ເສຍກຽດ​ຫລາຍ ພຣະອົງ​ເຫັນ​ສັດຕູ​ທັງໝົດ​ຂອງ​ຂ້ານ້ອຍ​ໄດ້.

ເອຊາຢາ 1:6

ແຕ່​ຫົວ​ເຖິງ​ຕີນ ຄື​ທົ່ວ​ທັງ​ຮ່າງກາຍ​ບໍ່ມີ​ບ່ອນ​ປອດ​ເລີຍ. ຕົນຕົວ​ເຈົ້າ​ເຕັມ​ໄປ​ດ້ວຍ​ຮອຍ​ຟົກຊໍ້າ​ດຳຂຽວ ທັງ​ເປັນ​ບາດແຜ​ແລະ​ເຈັບປວດ. ບາດແຜ​ບໍ່ໄດ້​ລ້າງ​ໃຫ້​ສະອາດ​ແລະ​ບໍ່ໄດ້​ໃຊ້​ຜ້າ​ພັນ​ໄວ້. ບໍ່ມີ​ຢາ​ຊະນິດ​ໃດໆ​ດອກ​ທີ່​ຈະ​ໃສ່​ໃຫ້​ຫາຍດີ​ໄດ້.

ເອຊາຢາ 51:7

ພວກ​ທີ່​ຮູ້ຈັກ​ສິ່ງ​ທີ່​ຖືກຕ້ອງ​ເອີຍ ຈົ່ງ​ຟັງ​ເທີ້ນ ພວກ​ທີ່​ມີ​ຄຳສັ່ງສອນ​ຂອງເຮົາ​ຝັງ​ທີ່​ຫົວໃຈ​ນັ້ນ. ຢ່າ​ສູ່​ຢ້ານກົວ​ແຕ່​ປະການ​ໃດ​ເລີຍ ເມື່ອ​ຄົນ​ກ່າວ​ຫຍໍ້ຫຍັນ​ນິນທາ​ພວກເຈົ້າ.

ເຢເຣມີຢາ 15:10

ຂ້ານ້ອຍ​ນີ້ ຊ່າງ​ເປັນ​ຄົນ​ທີ່​ຂາດ​ຄວາມ​ສຸກໃຈ​ແທ້​ນໍ ເປັນຫຍັງ​ນໍ​ແມ່​ຈຶ່ງ​ເກີດ​ຂ້ານ້ອຍ​ມາ​ຢູ່​ໃນ​ໂລກນີ້? ຂ້ານ້ອຍ​ຈຶ່ງ​ຕ້ອງ​ປາກເວົ້າ​ຜິດຖຽງ ແລະ​ໂຕ້ແຍ້ງ​ກັບ​ທຸກໆ​ຄົນ​ທີ່​ຢູ່​ໃນ​ດິນແດນ​ນີ້. ຂ້ານ້ອຍ​ບໍ່ໄດ້​ໃຫ້​ຜູ້ໃດ​ຢືມ​ເງິນ ຫລື​ຢືມ​ເງິນ​ຈາກ​ຜູ້ໃດ​ເລີຍ, ແຕ່​ປານ​ນັ້ນ​ທຸກຄົນ​ກໍ​ສາບແຊ່ງ​ຂ້ານ້ອຍ.

ເຢເຣມີຢາ 15:18

ເປັນຫຍັງ​ຂ້ານ້ອຍ​ຈຶ່ງ​ຕ້ອງ​ທົນທຸກ​ຢູ່​ຢ່າງນີ້? ເປັນຫຍັງ​ບາດແຜ​ຂອງ​ຂ້ານ້ອຍ​ຈຶ່ງ​ບໍ່​ດີ​ຈັກເທື່ອ? ເປັນຫຍັງ​ບາດແຜ​ນັ້ນ​ຈຶ່ງ​ປິ່ນປົວ​ບໍ່​ດີ? ພຣະອົງ​ຕັ້ງໃຈ​ຈະ​ໃຫ້​ຂ້ານ້ອຍ​ຕ້ອງ​ຜິດຫວັງ ດັ່ງ​ນໍ້າ​ຫ້ວຍ​ທີ່​ບົກແຫ້ງ​ລົງ​ໃນ​ລະດູຮ້ອນ​ຊັ້ນບໍ?”

ເຢເຣມີຢາ 3:25

ພວກ​ຂ້ານ້ອຍ​ຄວນ​ນອນ​ລົງ​ດ້ວຍ​ຄວາມ​ລະອາຍ​ໃຈ ແລະ​ໃຫ້​ພວກ​ຂ້ານ້ອຍ​ຮັບ​ເອົາ​ຄວາມ​ອັບອາຍ​ຂາຍໜ້າ​ນີ້​ສາ. ພວກ​ຂ້ານ້ອຍ​ພ້ອມ​ທັງ​ບັນພະບຸລຸດ​ຂອງ​ພວກ​ຂ້ານ້ອຍ ຕ່າງ​ກໍໄດ້​ເຮັດ​ບາບ​ຕໍ່ສູ້​ພຣະເຈົ້າຢາເວ ພຣະເຈົ້າ​ຂອງ​ພວກ​ຂ້ານ້ອຍ​ເລື້ອຍ​ມາ. ພວກ​ຂ້ານ້ອຍ​ບໍ່ເຄີຍ​ເຊື່ອຟັງ​ຂໍ້ຄຳສັ່ງ​ຂອງ​ພຣະເຈົ້າຢາເວ ພຣະເຈົ້າ​ຂອງ​ພວກ​ຂ້ານ້ອຍ.”

ເຢເຣມີຢາ 8:18

ຄວາມທຸກໃຈ​ຂອງ​ຂ້ານ້ອຍ​ປິ່ນປົວ​ບໍ່ໄດ້​ເລີຍ ຂ້ານ້ອຍ​ເຈັບປວດ​ໜັກ​ຢູ່​ພາຍ​ໃນ​ຈິດໃຈ​ຂອງ​ຂ້ານ້ອຍ.

ເພງ^ຄໍ່າຄວນ 1:12

ນາງ​ຮ້ອງ​ໃສ່​ທຸກຄົນ​ຜ່ານ​ໄປ​ວ່າ, “ເບິ່ງ​ຂ້ອຍ​ແດ່ ບໍ່ມີ​ຜູ້ໃດ​ທີ່​ເຈັບປວດ​ເໝືອນ​ດັ່ງ​ຂ້ອຍ ເປັນ​ຄວາມ​ເຈັບປວດ​ທີ່​ພຣະເຈົ້າຢາເວ​ໄດ້​ນຳ​ມາ ໃຫ້​ຂ້ອຍ​ໄດ້​ຮັບ​ຄາວ​ທີ່​ພຣະອົງ​ໂກດຮ້າຍ.

ເພງ^ຄໍ່າຄວນ 3:1

ຂ້ອຍ​ຄື​ຜູ້ໜຶ່ງ​ທີ່​ຮູ້​ວ່າ​ຖືກ​ລຳບາກ​ເປັນ​ຢ່າງໃດ ຖືກ​ລຳບາກ​ເພາະ​ພຣະເຈົ້າ​ໄດ້​ລົງໂທດ.

ຮາບາກຸກ 1:3

ເປັນຫຍັງ​ພຣະອົງ​ຈຶ່ງ​ເຮັດ​ໃຫ້​ຂ້ານ້ອຍ​ເຫັນ​ຄວາມ​ເດືອດຮ້ອນ​ເຊັ່ນນີ້? ພຣະອົງ​ທົນ​ເບິ່ງ​ການກະທຳ​ອັນ​ຊົ່ວຊ້າ​ເຊັ່ນນີ້​ໄດ້​ຢ່າງໃດ? ການທຳລາຍ ແລະ​ການ​ທາລຸນ​ອ້ອມຮອບ​ຂ້ານ້ອຍ​ຢູ່ ທັງ​ການ​ສູ້ຮົບ​ຕະຫລອດ​ການ​ວິວາດກັນ​ກໍ​ມີ​ຢູ່​ທຸກແຫ່ງ​ທຸກຫົນ.

ໂຢຮັນ 16:20

ເຮົາ​ບອກ​ພວກເຈົ້າ​ຕາມ​ຄວາມຈິງ​ວ່າ, ພວກເຈົ້າ​ຈະ​ຮ້ອງໄຫ້​ຮໍ່າໄຮ ແຕ່​ໂລກນີ້​ຈະ​ຊົມຊື່ນ​ຍິນດີ, ພວກເຈົ້າ​ຈະ​ໂສກເສົ້າ​ຫລາຍ ແຕ່​ຄວາມ​ໂສກເສົ້າ​ຂອງ​ພວກເຈົ້າ​ຈະ​ກາຍເປັນ​ຄວາມ​ຊົມຊື່ນ​ຍິນດີ.

ກິດຈະການ 5:41

ພວກ​ອັກຄະສາວົກ​ອອກ​ໄປ​ຈາກ​ສະພາ​ສູງສຸດ​ດ້ວຍ​ຄວາມ​ຊົມຊື່ນ​ຍິນດີ ເພາະ​ພວກເພິ່ນ​ຖື​ວ່າ ຕົນ​ເປັນ​ຜູ້​ສົມຄວນ​ທີ່​ຕ້ອງ​ຖືກ​ໝິ່ນປະໝາດ ເພາະ​ເຫັນ​ແກ່​ພຣະນາມ​ຂອງ​ພຣະເຢຊູເຈົ້າ.

2 ຕີໂມທຽວ 1:12

ເພາະ​ເຫດ​ນີ້​ແຫຼະ ເຮົາ​ຈຶ່ງ​ຍອມ​ທົນທຸກ​ຕໍ່​ສິ່ງ​ເຫຼົ່ານີ້ ແຕ່​ເຖິງ​ປານ​ນັ້ນ ເຮົາ​ກໍ​ບໍ່​ລະອາຍ ເພາະວ່າ​ເຮົາ​ຮູ້ຈັກ​ພຣະອົງ ຜູ້​ທີ່​ເຮົາ​ໄດ້​ເຊື່ອ​ແລະ​ໄວ້ວາງໃຈ​ນັ້ນ ແລະ​ເຮົາ​ເຊື່ອໝັ້ນ​ວ່າ​ພຣະອົງ​ຊົງ​ສາມາດ​ຮັກສາ ຊຶ່ງ​ເຮົາ​ໄດ້​ມອບ​ໄວ້​ກັບ​ພຣະອົງ ຈົນເຖິງ​ວັນ​ນັ້ນ.

ເຮັບເຣີ 10:36

ພວກເຈົ້າ​ຈຳເປັນ​ຕ້ອງ​ມີ​ຄວາມ​ອົດທົນ ເພື່ອ​ວ່າ, ເມື່ອ​ໄດ້​ເຮັດ​ຕາມ​ນໍ້າພຣະໄທ​ຂອງ​ພຣະເຈົ້າ​ແລ້ວ ກໍ​ຈະ​ໄດ້​ຮັບ​ຕາມ​ທີ່​ພຣະອົງ​ໄດ້​ຊົງ​ສັນຍາ​ໄວ້.

ເຮັບເຣີ 11:36

ບາງຄົນ​ອີກ ຖືກ​ຫຍໍ້ຫຍັນ​ແລະ​ຖືກ​ຂ້ຽນຕີ ຄົນອື່ນ​ອີກ ຖືກ​ລ່າມໂສ້​ແລະ​ຖືກ​ຄຸມຂັງ​ໃນ​ຄຸກ.

ເຮັບເຣີ 12:2

ຈົ່ງ​ປັກຕາ​ເບິ່ງ​ພຣະເຢຊູເຈົ້າ ຄື​ຜູ້​ບຸກເບີກ​ຄວາມເຊື່ອ ແລະ​ຜູ້​ຊົງ​ເຮັດ​ໃຫ້​ຄວາມເຊື່ອ​ຂອງ​ພວກເຮົາ​ເຖິງ​ທີ່​ສຳເລັດ. ພຣະອົງ​ໄດ້​ຊົງ​ອົດທົນ​ຕໍ່​ໄມ້ກາງແຂນ ເພາະ​ເຫັນ​ແກ່​ຄວາມ​ຍິນດີ​ທີ່​ຕັ້ງ​ໄວ້​ຕໍ່ໜ້າ​ພຣະອົງ ພຣະອົງ​ຊົງ​ຖື​ວ່າ​ຄວາມ​ລະອາຍ​ນັ້ນ​ບໍ່​ເປັນ​ສິ່ງ​ສຳຄັນ ຈຶ່ງ​ໄດ້​ປະທັບ​ລົງ​ເບື້ອງ​ຂວາ​ພຣະທີ່ນັ່ງ​ຂອງ​ພຣະເຈົ້າ.

ເຮັບເຣີ 13:13

ດ້ວຍເຫດນັ້ນ ຈົ່ງ​ໃຫ້​ພວກເຮົາ​ອອກ​ໄປ​ຫາ​ພຣະອົງ​ທີ່​ນອກ​ຄ້າຍ ແລະ​ຍອມ​ທົນ​ເອົາ​ຄຳ​ໝິ່ນປະໝາດ​ທີ່​ພຣະອົງ​ໄດ້​ຮັບ.