ກະສັດເຢໂຣໂບອາມໄດ້ກຳນົດໃຫ້ມີພິທີສະຫລອງທາງສາສະໜາ ໃນວັນທີສິບຫ້າເດືອນແປດ ເໝືອນດັ່ງວັນສະຫລອງທີ່ອານາຈັກຢູດາຍ. ເທິງແທ່ນບູຊາທີ່ເບັດເອນ ເພິ່ນໄດ້ຖວາຍເຄື່ອງບູຊາແກ່ຮູບງົວຄຳທີ່ເພິ່ນຫລໍ່ຂຶ້ນນັ້ນ ແລະເພິ່ນໄດ້ແຕ່ງຕັ້ງປະໂຣຫິດບາງຄົນໃຫ້ຮັບໃຊ້ຢູ່ໃນບ່ອນຂາບໄຫວ້ ທີ່ເພິ່ນໄດ້ສ້າງຂຶ້ນນັ້ນຄືກັນ.
ເຢເຣມີຢາ 2:20 - ພຣະຄຳພີສັກສິ20 ອົງພຣະຜູ້ເປັນເຈົ້າກ່າວວ່າ, “ຊາດອິດສະຣາເອນເອີຍ ເຫິງນານແລ້ວ ທີ່ເຈົ້າບໍ່ຍອມຢູ່ໃຕ້ສິດອຳນາດຂອງເຮົາ ບໍ່ເຊື່ອຟັງເຮົາແລະນະມັດສະການເຮົາດ້ວຍ. ທີ່ເນີນທີ່ສູງແຕ່ລະໜ່ວຍ ທີ່ກ້ອງຕົ້ນໄມ້ແຕ່ລະກົກ ເຈົ້າຂາບໄຫວ້ພະແຫ່ງຄວາມອຸດົມສົມບູນທັງນັ້ນ. Uka jalj uñjjattʼäta |
ເຢເຣມີຢາ 2:20
50 Jak'a apnaqawi uñst'ayäwi
ພຣະອົງໄດ້ເຫັນເຈົ້າເຮັດສິ່ງຕ່າງໆທີ່ພຣະອົງກຽດຊັງ. ພຣະອົງໄດ້ເຫັນເຈົ້າແລ່ນຕາມບັນດາພະຕ່າງຊາດທີ່ເທິງເນີນພູແລະທີ່ທົ່ງນາ ດັ່ງຊາຍຜູ້ໜຶ່ງທີ່ແລ່ນຕາມເມຍຂອງເພື່ອນບ້ານຢ່າງບ້າຕັນຫາ ຫລືດັ່ງມ້າຖືເຊີງແລ່ນຕາມມ້າໂຕແມ່ ຊາວນະຄອນເຢຣູຊາເລັມເອີຍ ເຄາະກຳເປັນຂອງພວກເຈົ້າສາແລ້ວ ເມື່ອໃດນໍພວກເຈົ້າຈຶ່ງຈະບໍຣິສຸດ?
ປະຊາຊົນອິດສະຣາເອນເອີຍ ຈົ່ງຟັງຖ້ອຍຄຳທີ່ພຣະເຈົ້າຢາເວກຳລັງກ່າວແມ ເຮົາເປັນດັ່ງຖິ່ນແຫ້ງແລ້ງກັນດານສຳລັບພວກເຈົ້າບໍ? ເຮົາເປັນດັ່ງດິນແດນທີ່ມືດມົນສຳລັບພວກເຈົ້າບໍ? ແລ້ວເປັນຫຍັງພວກເຈົ້າຈຶ່ງເວົ້າວ່າ, ‘ພວກເຈົ້າຈະເຮັດຕາມໃຈຕົນເອງ ແລະ ຕ່າງກໍເວົ້າວ່າ ຈະບໍ່ກັບຄືນມາຫາເຮົາອີກເລີຍ?’
ເຮົາໄດ້ນຳພວກເຂົາໄປສູ່ດິນແດນ ຊຶ່ງເຮົາໄດ້ສັນຍາວ່າຈະມອບໃຫ້. ເມື່ອພວກເຂົາໄດ້ເຫັນເນີນພູສູງ ແລະຕົ້ນໄມ້ໃບຂຽວ ພວກເຂົາໄດ້ຖວາຍເຄື່ອງບູຊາແກ່ສິ່ງເຫຼົ່ານັ້ນ. ພວກເຂົາເຮັດໃຫ້ເຮົາໂກດຮ້າຍດ້ວຍເຄື່ອງບູຊາຕ່າງໆທີ່ພວກເຂົາໄດ້ເຜົາ ແລະດ້ວຍເຫຼົ້າອະງຸ່ນທີ່ພວກເຂົາໄດ້ເທລົງເປັນເຄື່ອງບູຊາ.
ຝ່າຍເຮົາແມ່ນພຣະເຈົ້າຢາເວ ພຣະເຈົ້າຂອງພວກເຈົ້າ ຜູ້ທີ່ໄດ້ນຳພວກເຈົ້າອອກມາຈາກປະເທດເອຢິບ ເພື່ອວ່າພວກເຈົ້າຈະບໍ່ຕ້ອງເປັນທາດຮັບໃຊ້ຂອງຊາວເອຢິບອີກຕໍ່ໄປ. ເຮົາໄດ້ຕັດແລະຫັກແອກ ທີ່ເຮັດໃຫ້ກຽດແລະສັກສີຂອງພວກເຈົ້າຕົກຕໍ່າ ແລະທັງໄດ້ຊ່ວຍກອບກູ້ເອົາພວກເຈົ້າ ໃຫ້ຍ່າງໄປມາຢ່າງສະຫງ່າຜ່າເຜີຍ.”
ມີພຣະເຈົ້າອົງໃດອີກທີ່ກ້າໄປເອົາປະຊາຊົນຈາກຊາດອື່ນ ແລະເອົາມາຫລໍ່ຫລອມໃຫ້ເປັນປະຊາຊົນຂອງຕົນ ເໝືອນດັ່ງພຣະເຈົ້າຢາເວ ພຣະເຈົ້າຂອງພວກເຈົ້າ ໄດ້ເຮັດໃນປະເທດເອຢິບ? ຕໍ່ໜ້າຕໍ່ຕາຂອງພວກເຈົ້າ ພຣະອົງໄດ້ໃຊ້ຣິດອຳນາດກັບພະລັງອັນຍິ່ງໃຫຍ່ແລະຣິດເດດຂອງພຣະອົງ; ພຣະອົງໄດ້ໃຫ້ໂຣກລະບາດກັບສົງຄາມເກີດຂຶ້ນ, ເຮັດສິ່ງອັດສະຈັນກັບໝາຍສຳຄັນຕ່າງໆ ແລະເຮັດໃຫ້ສິ່ງອັນໜ້າຢ້ານກົວຍິ່ງເກີດຂຶ້ນ.
ແລ້ວພວກເຂົາກໍຮ້ອງຫາພຣະເຈົ້າຢາເວ ແລະໄດ້ກ່າວວ່າ, ‘ພວກຂ້ານ້ອຍໄດ້ເຮັດບາບເພາະພວກຂ້ານ້ອຍໄດ້ຫັນໜີໄປຈາກພຣະເຈົ້າຢາເວ ແລະໄປຂາບໄຫວ້ບັນດາຮູບເຄົາຣົບຂອງພະບາອານແລະຂອງເຈົ້າແມ່ອັດສະຕາກ. ບັດນີ້ ຂໍພຣະອົງໂຜດຊ່ວຍພວກຂ້ານ້ອຍໃຫ້ພົ້ນຈາກມືຂອງພວກສັດຕູແດ່ທ້ອນ ແລະພວກຂ້ານ້ອຍຈະຮັບໃຊ້ພຣະອົງ.’
Anuncios ukanaka