ເຢເຣມີຢາ 19:13 - ພຣະຄຳພີສັກສິ

¹³ ເຮືອນ​ຢູ່​ໃນ​ນະຄອນ​ເຢຣູຊາເລັມ, ຫໍໂຮງ​ຕ່າງໆ​ຂອງ​ກະສັດ​ແຫ່ງ​ຢູດາຍ ແລະ​ບ້ານເຮືອນ​ຂອງ​ທຸກຄົນ​ທີ່​ເຜົາ​ເຄື່ອງຫອມ​ບູຊາ​ຕາເວັນ, ເດືອນ, ດວງດາວ ແລະ​ຖອກ​ເຫຼົ້າ​ອະງຸ່ນ​ຖວາຍ​ໃຫ້​ບັນດາ​ພະອື່ນ ຈະ​ເປັນ​ມົນທິນ​ດັ່ງ​ໂຕເຟັດ.”

ເຢເຣມີຢາ 19:13 Jak'a apnaqawi uñst'ayäwi

2 ກະສັດ 17:16

ພວກເຂົາ​ປະຖິ້ມ​ຄຳສັ່ງ​ທຸກ​ຂໍ້​ຂອງ​ພຣະເຈົ້າຢາເວ ພຣະເຈົ້າ​ຂອງ​ພວກເຂົາ ແລະ​ໄດ້​ໃຊ້​ໂລຫະ​ຫລໍ່​ຮູບ​ງົວ​ສອງ​ໂຕ​ຂຶ້ນ​ມາ​ຂາບໄຫວ້; ພວກເຂົາ​ຍັງ​ໄດ້​ເຮັດ​ຮູບ​ຂອງ​ເຈົ້າແມ່​ອາເຊຣາ, ຂາບໄຫວ້​ຕາເວັນ​ເດືອນ​ດາວ ແລະ​ຮັບໃຊ້​ພະບາອານ.

2 ກະສັດ 23:10

ກະສັດ​ໂຢສີຢາ​ຍັງ​ໄດ້​ທຳລາຍ​ໂຕເຟັດ ບ່ອນ​ຂາບໄຫວ້​ຮູບ​ພະຕ່າງໆ​ຂອງ​ຊາວ​ຕ່າງຊາດ​ທີ່​ຮ່ອມພູ​ຮິນໂນມ ເພື່ອ​ວ່າ​ຈະ​ບໍ່ມີ​ຜູ້ໃດ​ເອົາ​ລູກຊາຍ ຫລື​ລູກສາວ​ຂອງຕົນ​ໄປ​ເຜົາ​ຖວາຍບູຊາ​ໃຫ້​ພະ​ໂມເລັກ.

2 ກະສັດ 23:12

ເພິ່ນ​ໄດ້​ທຳລາຍ​ແທ່ນບູຊາ​ທີ່​ກະສັດ​ແຫ່ງ​ຢູດາຍ​ໄດ້​ສ້າງ​ໄວ້ ເທິງ​ຫລັງຄາ​ພຽງ​ຂອງ​ຣາຊວັງ​ທີ່​ຢູ່​ເໜືອ​ສຳນັກ​ຂອງ​ກະສັດ​ອາຮາດ ພ້ອມ​ທັງ​ແທ່ນບູຊາ​ສອງ​ແທ່ນ ທີ່​ກະສັດ​ມານາເຊ​ໄດ້​ສ້າງ​ໄວ້​ໃນ​ເດີ່ນ​ຂອງ​ວິຫານ​ຂອງ​ພຣະເຈົ້າຢາເວ; ເພິ່ນ​ທຸບ​ແທ່ນບູຊາ​ເຫຼົ່ານີ້​ອອກ​ເປັນ​ປ່ຽງໆ ແລະ​ໂຍນ​ຖິ້ມ​ໃນ​ຮ່ອມພູ​ກິດໂຣນ.

2 ກະສັດ 23:14

ກະສັດ​ໂຢສີຢາ​ໄດ້​ຕັດ​ເສົາ​ຫີນ​ເປັນ​ທ່ອນໆ ແລະ​ດຶງ​ຮູບ​ເຈົ້າແມ່​ອາເຊຣາ​ລົງ; ແລະ​ເພິ່ນ​ໄດ້​ເອົາ​ກະດູກ​ຄົນ​ຕາຍ​ຖົມ​ໃສ່​ດິນ​ບ່ອນ​ທີ່​ພວກເຂົາ​ຢືນ​ຢູ່​ນັ້ນ.

ເພງ^ສັນລະເສີນ 74:7

ພວກເຂົາ​ໄດ້​ຈູດ​ພຣະວິຫານ​ຂອງ​ພຣະອົງ ແລະ​ໄດ້​ທຳລາຍ​ຄວາມ​ສັກສິດ​ແຫ່ງ​ສະຖານທີ່​ແຫ່ງ​ພຣະນາມ​ຂອງ​ພຣະອົງ​ນັ້ນ​ເຖິງ​ດິນ.

ເພງ^ສັນລະເສີນ 79:1

ຂ້າແດ່​ພຣະເຈົ້າ​ເອີຍ ຄົນ​ບໍ່​ນັບຖື​ພຣະເຈົ້າ ໄດ້​ຮຸກຮານ​ດິນແດນ​ຂອງ​ພຣະອົງ ໄດ້​ເຮັດ​ໃຫ້​ພຣະວິຫານ​ອັນ​ສັກສິດ​ຂອງ​ພຣະອົງ​ເສື່ອມເສຍ​ສັກສີ ແລະ​ນະຄອນ​ເຢຣູຊາເລັມ​ກໍ​ຖືກ​ທຳລາຍ.

ເອຊາຢາ 22:1

ຕໍ່ໄປນີ້​ແມ່ນ​ຖ້ອຍຄຳ​ກ່ຽວກັບ​ຮ່ອມພູ​ນິມິດ. ມີ​ຫຍັງ​ກຳລັງ​ເກີດຂຶ້ນ? ເປັນຫຍັງ​ຊາວ​ເມືອງ​ທັງໝົດ​ຈຶ່ງ​ສະເຫລີມ​ສະຫລອງ​ທີ່​ເທິງ​ຫລັງຄາ​ເຮືອນ​ຂອງຕົນ?

ເຢເຣມີຢາ 19:12

ພຣະເຈົ້າຢາເວ​ກ່າວ​ວ່າ: ເຮົາ​ສັນຍາ​ວ່າ ເຮົາ​ຈະ​ເຮັດ​ໃຫ້​ນະຄອນ ແລະ​ປະຊາຊົນ​ໃນ​ເມືອງ​ນີ້​ເປັນ​ດັ່ງ​ໂຕເຟັດ.

ເຢເຣມີຢາ 32:29

ພວກເຂົາ​ຈະ​ຢຶດ​ເມືອງ​ແລະ​ຈູດ​ເຜົາ​ເມືອງ​ຖິ້ມ. ພວກເຂົາ​ຈະ​ຈູດ​ເມືອງ ພ້ອມ​ກັບ​ເຮືອນ​ຂອງ​ປະຊາຊົນ​ຜູ້​ທີ່​ເຮັດ​ໃຫ້​ເຮົາ​ໂກດຮ້າຍ ໂດຍ​ເຜົາ​ເຄື່ອງຫອມ​ໃຫ້​ພະບາອານ​ທີ່​ເທິງ​ຫລັງຄາ ແລະ​ໂດຍ​ເທ​ເຫຼົ້າ​ອະງຸ່ນ​ຖວາຍ​ແກ່​ບັນດາ​ພະອື່ນ.

ເຢເຣມີຢາ 44:18

ແຕ່​ເມື່ອໃດ​ພວກເຮົາ​ເຊົາ​ຖວາຍບູຊາ​ແກ່​ເຈົ້າແມ່​ແຫ່ງ​ສະຫວັນ ແລະ​ເຊົາ​ຖອກ​ເຫຼົ້າ​ອະງຸ່ນ​ແກ່​ນາງ; ພວກເຮົາ​ກໍ​ບໍ່ມີ​ຫຍັງ​ເລີຍ ແລະ​ປະຊາຊົນ​ຂອງ​ພວກເຮົາ​ໄດ້​ຕາຍ​ໃນ​ສົງຄາມ ແລະ​ຍ້ອນ​ການອຶດຢາກ.”

ເຢເຣມີຢາ 52:13

ລາວ​ໄດ້​ຈູດ​ວິຫານ​ຂອງ​ພຣະເຈົ້າຢາເວ, ຣາຊວັງ ແລະ​ເຮືອນ​ຂອງ​ບຸກຄົນ​ສຳຄັນ​ທັງໝົດ​ໃນ​ນະຄອນ​ເຢຣູຊາເລັມ;

ເຢເຣມີຢາ 7:18

ພວກ​ເດັກນ້ອຍ​ຊອກ​ຫາ​ຟືນ​ມາ, ພວກ​ຜູ້ຊາຍ​ດັງ​ໄຟ​ຂຶ້ນ ແລະ​ພວກຜູ້ຍິງ​ນັ້ນ​ນວດ​ແປ້ງ​ເຮັດ​ເຂົ້າໜົມ​ຫວານ​ເພື່ອ​ຖວາຍ​ໃຫ້​ເຈົ້າແມ່ ທີ່​ພວກເຂົາ​ເອີ້ນ​ວ່າ, ເຈົ້າຍິງ​ແຫ່ງ​ສະຫວັນ. ພວກເຂົາ​ເທ​ເຫຼົ້າ​ອະງຸ່ນ​ຖວາຍ​ແກ່​ບັນດາ​ພະອື່ນ ເພື່ອ​ເຮັດ​ໃຫ້​ເຮົາ​ເຈັບຊໍ້າ​ໜຳໃຈ.

ເຢເຣມີຢາ 8:2

ແທນ​ທີ່​ກະດູກ​ເຫຼົ່ານີ້​ຈະ​ຖືກ​ຮິບໂຮມ ແລະ​ຖືກ​ຝັງ​ໄວ້; ແຕ່​ມັນ​ຈະ​ຖືກ​ປະ​ໃຫ້​ເປັນ​ຝຸ່ນ ຢາຍ​ເດຍລະດາດ​ຢູ່​ຕາມ​ໜ້າດິນ. ມັນ​ຈະ​ຖືກ​ປະປ່ອຍ​ໃຫ້​ຕາກ​ແສງ​ຕາເວັນ, ແສງ​ດວງເດືອນ ແລະ​ແສງ​ດວງດາວ​ອື່ນໆ ທີ່​ປະຊາຊົນ​ເຫຼົ່ານີ້​ບູຊາ​ແລະ​ຮັບໃຊ້ ໂດຍ​ຂໍ​ຄຳ​ປຶກສາ​ແລະ​ຂາບໄຫວ້.

ເອເຊກຽນ 20:28

ເຮົາ​ໄດ້​ນຳ​ພວກເຂົາ​ໄປ​ສູ່​ດິນແດນ ຊຶ່ງ​ເຮົາ​ໄດ້​ສັນຍາ​ວ່າ​ຈະ​ມອບ​ໃຫ້. ເມື່ອ​ພວກເຂົາ​ໄດ້​ເຫັນ​ເນີນພູ​ສູງ ແລະ​ຕົ້ນໄມ້​ໃບຂຽວ ພວກເຂົາ​ໄດ້​ຖວາຍ​ເຄື່ອງບູຊາ​ແກ່​ສິ່ງ​ເຫຼົ່ານັ້ນ. ພວກເຂົາ​ເຮັດ​ໃຫ້​ເຮົາ​ໂກດຮ້າຍ​ດ້ວຍ​ເຄື່ອງບູຊາ​ຕ່າງໆ​ທີ່​ພວກເຂົາ​ໄດ້​ເຜົາ ແລະ​ດ້ວຍ​ເຫຼົ້າ​ອະງຸ່ນ​ທີ່​ພວກເຂົາ​ໄດ້​ເທ​ລົງ​ເປັນ​ເຄື່ອງບູຊາ.

ເຊຟານີຢາ 1:5

ເຮົາ​ຈະ​ທຳລາຍ​ທຸກຄົນ ທີ່​ຂຶ້ນ​ໄປ​ເທິງ​ຫລັງຄາ​ເຮືອນ​ເພື່ອ​ຂາບໄຫວ້​ດວງອາທິດ, ດວງເດືອນ ແລະ​ດວງດາວ​ຕ່າງໆ. ເຮົາ​ຍັງ​ຈະ​ທຳລາຍ​ພວກ​ທີ່​ນະມັດສະການ ແລະ​ສາບານ​ທີ່​ຈະ​ສັດຊື່​ຕໍ່​ພຣະເຈົ້າຢາເວ, ແຕ່​ແລ້ວ​ພັດ​ສາບານ​ໃນ​ນາມ​ຂອງ​ພະ​ມິນກົມ.

ກິດຈະການ 10:9

ຕອນ​ທ່ຽງ​ວັນ​ໃນ​ວັນ​ຕໍ່ມາ ເມື່ອ​ພວກເຂົາ​ເດີນທາງ​ມາ ແລະ​ໃກ້​ຈະ​ຮອດ​ເມືອງ​ຢົບປາ​ນັ້ນ ເປໂຕ​ໄດ້​ຂຶ້ນ​ໄປ​ເທິງ​ຫລັງຄາ​ພຽງ ເພື່ອ​ພາວັນນາ​ອະທິຖານ.

ກິດຈະການ 7:42

ສະນັ້ນ ພຣະເຈົ້າ​ຈຶ່ງ​ໄດ້​ຫັນ​ໜ້າ​ໜີ​ຈາກ​ພວກເຂົາ ແລະ​ປະ​ໃຫ້​ພວກເຂົາ​ຂາບໄຫວ້​ບັນດາ​ດວງດາວ​ໃນ​ທ້ອງຟ້າ ຕາມ​ທີ່​ມີ​ຂຽນ​ໄວ້​ໃນ​ພຣະຄຳພີ​ຂອງ​ບັນດາ​ຜູ້ທຳນວາຍ​ວ່າ, ‘ໂອ ປະຊາຊົນ​ອິດສະຣາເອນ​ເອີຍ ສັດ​ທີ່​ໄດ້​ຂ້າ​ຖວາຍ ແລະ​ເຄື່ອງ​ບູຊາ​ນັ້ນ ພວກເຈົ້າ​ບໍ່ໄດ້​ເອົາ​ມາ​ຖວາຍ​ແກ່​ເຮົາ ໃນ​ຖິ່ນ​ແຫ້ງແລ້ງ​ກັນດານ​ລະຫວ່າງ​ສີ່ສິບ​ປີ​ດອກຕີ້.

ພຣະບັນຍັດສອງ 4:19

ຢ່າ​ໃຫ້​ຖືກ​ລໍ້ລວງ​ໄປ​ຂາບໄຫວ້​ແລະ​ຮັບໃຊ້ ສິ່ງ​ທີ່​ພວກເຈົ້າ​ເຫັນ​ໃນ​ຈັກກະວານ ເຊັ່ນ: ຕາເວັນ, ດວງເດືອນ ແລະ​ດວງດາວ​ຕ່າງໆ. ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ໄດ້​ໃຫ້​ໝົດ​ທຸກ​ຊົນຊາດ​ອື່ນໆ​ຂາບໄຫວ້​ສິ່ງ​ເຫຼົ່ານີ້.