ເຢເຣມີຢາ 18:7 - ພຣະຄຳພີສັກສິ

⁷ ຖ້າ​ເມື່ອໃດ​ເຮົາ​ກ່າວ​ວ່າ​ຈະ​ຖອນ, ຈະ​ທັບ​ໃຫ້​ແຕກ, ຫລື​ຈະ​ທຳລາຍ​ຊົນຊາດ​ໃດ​ຊົນຊາດ​ໜຶ່ງ ຫລື​ອານາຈັກ​ໃດ​ອານາຈັກ​ໜຶ່ງ

ເຢເຣມີຢາ 18:7 Jak'a apnaqawi uñst'ayäwi

ປະຖົມມະການ 6:6

ພຣະເຈົ້າຢາເວ​ຈຶ່ງ​ເສຍ​ໃຈ​ຫລາຍ​ທີ່​ໄດ້​ສ້າງ​ພວກເຂົາ ແລະ​ໃຫ້​ພວກເຂົາ​ຢູ່​ເທິງ​ແຜ່ນດິນ​ໂລກ ພຣະອົງ​ກິນແໜງ​ໃຈ​ຫລາຍ

ເຢເຣມີຢາ 1:10

ວັນນີ້ ເຮົາ​ໃຫ້​ເຈົ້າ​ມີ​ອຳນາດ​ເໜືອ​ປະຊາຊາດ​ແລະ​ອານາຈັກ​ທັງຫລາຍ ເພື່ອ​ໃຫ້​ຖອນຮາກ​ແລະ​ຮື້​ຖິ້ມ ເພື່ອ​ໃຫ້​ທຳລາຍ​ແລະ​ໂຄ່ນລົ້ມ ເພື່ອ​ໃຫ້​ກໍ່ສ້າງ​ແລະ​ປູກຝັງ.”

ເຢເຣມີຢາ 26:3

ບາງທີ​ປະຊາຊົນ​ຈະ​ຟັງ ແລະ​ຍອມເລີກ​ເຮັດ​ໃນ​ທາງຊົ່ວ​ກໍໄດ້. ຖ້າ​ພວກເຂົາ​ເລີກ​ເຮັດ ເຮົາ​ກໍ​ຈະ​ປ່ຽນ​ຄວາມ​ຕັ້ງໃຈ​ກ່ຽວກັບ​ແຜນການ ທີ່​ຈະ​ນຳ​ການທຳລາຍ​ມາ​ສູ່​ພວກເຂົາ ຍ້ອນ​ການ​ເຮັດຊົ່ວ​ທັງໝົດ​ຂອງ​ພວກເຂົາ​ນັ້ນ.”

ເຢເຣມີຢາ 31:28

ເຮົາ​ໄດ້​ຄອຍເຝົ້າ​ເພື່ອ​ຖອນຮາກ, ຫລົກ​ຖິ້ມ, ໂຄ່ນລົ້ມ, ທຳລາຍ, ແລະ​ຮື້​ພວກເຂົາ​ຖິ້ມ​ສັນໃດ ເຮົາ​ກໍ​ຈະ​ເບິ່ງແຍງ​ເພື່ອ​ປູກ​ແລະ​ກໍ່ສ້າງ​ພວກເຂົາ​ຂຶ້ນ​ສັນນັ້ນ. ພຣະເຈົ້າຢາເວ​ກ່າວ​ດັ່ງນີ້ແຫຼະ.

ເຢເຣມີຢາ 42:10

‘ຖ້າ​ພວກເຈົ້າ​ຢາກ​ອາໄສ​ຢູ່​ໃນ​ດິນແດນ​ນີ້​ຕໍ່ໄປ​ແລ້ວ ເຮົາ​ກໍ​ຈະ​ສ້າງ​ພວກເຈົ້າ​ຂຶ້ນ ແລະ​ບໍ່ແມ່ນ​ທຳລາຍ​ພວກເຈົ້າ​ລົງ; ເຮົາ​ຈະ​ປູກ​ພວກເຈົ້າ ແລະ​ຈະ​ບໍ່​ຫລົກ​ພວກເຈົ້າ​ຖິ້ມ. ການທຳລາຍ​ທີ່​ເຮົາ​ນຳ​ມາ​ສູ່​ພວກເຈົ້າ​ນັ້ນ ໄດ້​ເຮັດ​ໃຫ້​ເຮົາ​ມີ​ຄວາມທຸກໃຈ​ຫລາຍ.

ເຢເຣມີຢາ 45:4

ແຕ່​ພຣະເຈົ້າຢາເວ​ກ່າວ​ຕໍ່​ເຈົ້າ​ວ່າ, ‘ເຮົາ​ກຳລັງ​ດຶງ​ສິ່ງ​ທີ່​ເຮົາ​ໄດ້​ສ້າງ​ຂຶ້ນ​ນັ້ນ​ລົງ ແລະ​ຫລົກ​ສິ່ງ​ທີ່​ເຮົາ​ໄດ້​ປູກ​ໄວ້​ນັ້ນ​ຖິ້ມ. ເຮົາ​ຈະ​ກະທຳ​ສິ່ງ​ນີ້​ແຫຼະ ແກ່​ແຜ່ນດິນ​ໂລກ​ທັງໝົດ.

ເອເຊກຽນ 33:14

ເຮົາ​ອາດ​ຈະ​ຕັກເຕືອນ​ຄົນຊົ່ວ​ຜູ້ໜຶ່ງ​ວ່າ​ລາວ​ຈະ​ຕ້ອງ​ຕາຍ; ແຕ່​ຖ້າ​ລາວ​ເຊົາ​ເຮັດ​ບາບ​ແລະ​ເຮັດ​ໃນ​ສິ່ງ​ທີ່​ຖືກຕ້ອງ​ແລະ​ດີງາມ

ດານີເອນ 11:4

ແຕ່​ໃນ​ເວລາ​ທີ່​ເພິ່ນ​ມີ​ອຳນາດ​ຍິ່ງໃຫຍ່​ນັ້ນ ອານາຈັກ​ຂອງ​ເພິ່ນ​ຈະ​ແຕກແຍກ ແລະ​ຈະ​ຖືກ​ແບ່ງ​ອອກ​ເປັນ​ສີ່​ສ່ວນ. ບັນດາ​ກະສັດ​ທີ່​ບໍ່ໄດ້​ສືບ​ເຊື້ອສາຍ​ມາ​ຈາກ​ເພິ່ນ​ຈະ​ປົກຄອງ​ແທນ​ເພິ່ນ, ແຕ່​ພວກ​ນີ້​ຈະ​ບໍ່ມີ​ອຳນາດ​ດັ່ງ​ທີ່​ເພິ່ນ​ໄດ້​ມີ.

ອາໂມດ 9:8

ອົງພຣະ​ຜູ້​ເປັນເຈົ້າ ພຣະເຈົ້າ​ກຳລັງ​ສັງເກດ​ເບິ່ງ​ອານາຈັກ​ທີ່​ເຕັມ​ໄປ​ດ້ວຍ​ການບາບ ແລະ​ເຮົາ​ຈະ​ທຳລາຍ​ມັນ​ໃຫ້​ໝົດໄປ​ຈາກ​ຜືນ​ແຜ່ນດິນ​ໂລກ​ນີ້. ແຕ່​ເຮົາ​ຈະ​ບໍ່​ທຳລາຍ​ຄອບຄົວ​ທັງໝົດ​ຂອງ​ຢາໂຄບ. ພຣະເຈົ້າຢາເວ​ກ່າວ​ດັ່ງນີ້ແຫຼະ.

ໂຢນາ 3:10

ເມື່ອ​ພຣະເຈົ້າ​ເຫັນ​ສິ່ງ​ທີ່​ພວກເຂົາ​ໄດ້​ເຮັດ​ນັ້ນ; ພຣະອົງ​ເຫັນ​ວ່າ​ພວກເຂົາ​ເຊົາ​ປະພຶດ​ຊົ່ວ. ສະນັ້ນ ພຣະອົງ​ຈຶ່ງ​ປ່ຽນໃຈ​ແລະ​ບໍ່​ລົງໂທດ​ພວກເຂົາ ຕາມ​ທີ່​ພຣະອົງ​ໄດ້​ກ່າວຂູ່​ໄວ້.

ໂຢນາ 3:4

ໂຢນາ​ໄດ້​ຕັ້ງຕົ້ນ​ຍ່າງ​ເຂົ້າ​ໄປ​ໃນເມືອງ ແລະ​ຫລັງຈາກ​ຍ່າງ​ໄດ້​ສາມ​ວັນ​ເຕັມ ເພິ່ນ​ຈຶ່ງ​ປະກາດ​ວ່າ, “ໃນ​ສີ່ສິບ​ວັນ ເມືອງ​ນີເນເວ​ຈະ​ຖືກ​ທຳລາຍ.”