ເຢເຣມີຢາ 18:18 - ພຣະຄຳພີສັກສິ

¹⁸ ແລ້ວ​ປະຊາຊົນ​ກໍໄດ້​ເວົ້າ​ວ່າ, “ໃຫ້​ພວກເຮົາ​ກຳຈັດ​ເຢເຣມີຢາ​ສາ​ເທາະ ພວກເຮົາ​ມີ​ພວກ​ປະໂຣຫິດ​ໃຫ້​ຄຳແນະນຳ, ມີ​ພວກ​ນັກປາດ​ໃຫ້​ຄຳ​ປຶກສາ ແລະ​ມີ​ພວກ​ຜູ້ທຳນວາຍ ປະກາດ​ຖ້ອຍຄຳ​ຂອງ​ພຣະເຈົ້າ​ຢູ່​ສະເໝີ. ໃຫ້​ພວກເຮົາ​ຫາເລື່ອງ​ໃສ່​ລາວ ແລະ​ຢ່າ​ຟັງ​ສິ່ງ​ທີ່​ລາວ​ເວົ້າ​ນັ້ນ.”

ເຢເຣມີຢາ 18:18 Jak'a apnaqawi uñst'ayäwi

2 ຊາມູເອນ 15:31

ເມື່ອ​ມີ​ຄົນ​ມາ​ບອກ​ກະສັດ​ດາວິດ​ວ່າ, ອາຮີໂຕເຟນ​ກໍ​ຮ່ວມ​ເປັນ​ກະບົດ​ກັບ​ອັບຊາໂລມ​ດ້ວຍ ກະສັດ​ຈຶ່ງ​ພາວັນນາ​ອະທິຖານ​ວ່າ, “ຂ້າແດ່​ພຣະເຈົ້າຢາເວ ຂໍ​ພຣະອົງ​ເຮັດ​ໃຫ້​ຄຳແນະນຳ​ຂອງ​ອາຮີໂຕເຟນ​ໃຊ້​ການ​ບໍ່ໄດ້​ເຖີດ.”

2 ຊາມູເອນ 17:14

ອັບຊາໂລມ​ແລະ​ຊາວ​ອິດສະຣາເອນ​ທຸກຄົນ​ຈຶ່ງ​ເວົ້າ​ວ່າ, “ຄຳແນະນຳ​ຂອງ​ຮູຊາຍ​ຊາວ​ອາກກິດ​ນີ້​ດີກວ່າ​ຄຳແນະນຳ​ຂອງ​ອາຮີໂຕເຟນ.” ພຣະເຈົ້າຢາເວ​ຕັດສິນໃຈ​ບໍ່​ໃຫ້​ອັບຊາໂລມ​ເຮັດ​ຕາມ​ຄຳແນະນຳ​ທີ່​ດີ​ຂອງ​ອາຮີໂຕເຟນ ເພື່ອ​ວ່າ​ພຣະເຈົ້າຢາເວ​ຈະ​ໃຫ້​ຄວາມພິນາດ​ຕົກ​ຖືກ​ອັບຊາໂລມ.

1 ກະສັດ 22:24

ແລ້ວ​ຜູ້ທຳນວາຍ​ເຊເດກີຢາ​ລູກຊາຍ​ຂອງ​ເຄນາອານາ​ກໍ​ອອກ​ໄປ​ຫາ​ມີກາອີຢາ ທັງ​ຕົບ​ໜ້າ​ເພິ່ນ ແລະ​ຖາມ​ວ່າ, “ພຣະວິນຍານ​ຂອງ​ພຣະເຈົ້າຢາເວ​ອອກ​ຈາກ​ຂ້ອຍ​ໄປ​ຫາ​ເຈົ້າ​ເມື່ອໃດ?”

2 ຂ່າວຄາວ 24:21

ກະສັດ​ໂຢອາດ​ໄດ້​ຮ່ວມ​ຄິດ​ຮ້າຍ​ຕໍ່ສູ້​ເຊກາຣີຢາ ແລະ​ຕາມ​ຄຳສັ່ງ​ກະສັດ ປະຊາຊົນ​ໄດ້​ແກວ່ງ​ກ້ອນຫີນ​ໃສ່​ລາວ​ໃນ​ເດີ່ນ​ວິຫານ​ຂອງ​ພຣະເຈົ້າຢາເວ.

ເພງ^ສັນລະເສີນ 21:11

ພວກເຂົາ​ວາງແຜນ​ຮ້າຍ​ທັງ​ກໍ່​ອຸບາຍ​ຕໍ່ສູ້​ກະສັດ ແຕ່​ການ​ກະທຳ​ຂອງ​ພວກເຂົາ​ຈະ​ບໍ່​ສຳເລັດ.

ເພງ^ສັນລະເສີນ 52:2

ເຈົ້າ​ວາງແຜນ​ຊົ່ວ​ຫລາຍຢ່າງ ເພື່ອ​ນຳ​ໄປ​ປອງຮ້າຍ​ຄົນອື່ນ ລີ້ນ​ຂອງເຈົ້າ​ນັ້ນ​ຄົມ​ດັ່ງ​ມີດແຖ ເຈົ້າ​ຜູ້​ປະດິດ​ຄິດ​ສ້າງ​ແຕ່​ການຕົວະ.

ເພງ^ສັນລະເສີນ 57:4

ຂ້ານ້ອຍ​ຖືກ​ປິດລ້ອມ​ໂດຍ​ເຫຼົ່າ​ສັດຕູ ຜູ້​ເປັນ​ດັ່ງ​ໂຕສິງ​ທີ່​ກັດກິນ​ມະນຸດ. ແຂ້ວ​ມັນ​ນັ້ນ​ຄ້າຍ​ຄື​ຫອກ​ແລະ​ລູກສອນ ລີ້ນ​ມັນ​ຄ້າຍ​ຄື​ກັບ​ດາບ​ອັນ​ຄົມໆ.

ເພງ^ສັນລະເສີນ 64:3

ພວກເຂົາ​ຝຶກຝົນ​ລີ້ນ​ໃຫ້​ແຫຼມຄົມ​ດັ່ງ​ດາບ ທັ່ງ​ຄຳເວົ້າ​ອອກ​ມາ​ດັ່ງ​ຍິງ​ໜ້າ​ລູກທະນູ.

ສຸພາສິດ 18:21

ຄຳ​ປາກ​ຊີ້ຂາດ​ຊີວິດ​ວ່າ​ຈະ​ຢູ່​ຫລື​ຕາຍ ຄົນ​ປາກ​ບອນ​ກໍ​ຮັບ​ກຳ​ຍ້ອນ​ຄຳ​ປາກ.

ເອຊາຢາ 32:7

ຄົນໂງ່ຈ້າ​ນັ້ນ​ຊົ່ວຊ້າ ແລະ​ເຮັດ​ແຕ່​ສິ່ງ​ທີ່​ບໍ່​ດີ; ລາວ​ວາງແຜນ​ລ້າງຜານ​ຄົນ​ຍາກຈົນ ໂດຍ​ເວົ້າຕົວະ​ແລະ​ກີດກັ້ນ​ພວກເຂົາ ບໍ່​ໃຫ້​ໄດ້​ຮັບ​ສິດທິ​ທີ່​ພວກເຂົາ​ຄວນ​ໄດ້​ຮັບ.

ເຢເຣມີຢາ 11:19

ຂ້າພະເຈົ້າ​ເປັນ​ດັ່ງ​ລູກແກະ​ຄຳຮູ້​ໂຕໜຶ່ງ​ທີ່​ຖືກ​ນຳ​ອອກ​ໄປ​ຂ້າ ແລະ​ຂ້າພະເຈົ້າ​ກໍ​ບໍ່​ຮູ້​ເລີຍ​ວ່າ​ພວກເຂົາ​ຄິດ​ແຜນຮ້າຍ​ນັ້ນ ເພື່ອ​ຕໍ່ສູ້​ຂ້າພະເຈົ້າ. ພວກເຂົາ​ເວົ້າ​ວ່າ, “ໃຫ້​ປໍ້າ​ກົກໄມ້​ລົງ​ສາ ໃນ​ຂະນະທີ່​ມັນ​ຍັງ​ແຂງແຮງ​ດີ; ໃຫ້​ຂ້າ​ມັນ​ເສຍ​ເພື່ອ​ຈະ​ບໍ່ມີ​ຜູ້ໃດ​ລະນຶກເຖິງ​ມັນ​ອີກ​ຕໍ່ໄປ.”

ເຢເຣມີຢາ 18:11

ແລ້ວ​ບັດນີ້ ຈົ່ງ​ບອກ​ປະຊາຊົນ​ຢູດາ ແລະ​ຊາວ​ນະຄອນ​ເຢຣູຊາເລັມ​ວ່າ ພຣະເຈົ້າຢາເວ​ກ່າວ​ດັ່ງນີ້: ເຮົາ​ກຳລັງ​ວາງແຜນ​ຕໍ່ສູ້​ພວກເຂົາ ແລະ​ກຳລັງ​ຕຽມພ້ອມ​ທີ່​ຈະ​ລົງໂທດ​ພວກເຂົາ. ຈົ່ງ​ບອກ​ພວກເຂົາ​ໃຫ້​ເຊົາ​ດຳເນີນ​ຊີວິດ​ໃນ​ທາງ​ບາບ​ນັ້ນ​ສາ ຄື​ໃຫ້​ປ່ຽນ​ວິທີ​ດຳເນີນ​ຊີວິດ​ແລະ​ສິ່ງ​ທີ່​ພວກເຂົາ​ກຳລັງ​ເຮັດ​ຢູ່​ນັ້ນ.

ເຢເຣມີຢາ 18:19

ສະນັ້ນ ຂ້າພະເຈົ້າ​ຈຶ່ງ​ພາວັນນາ​ອະທິຖານ​ວ່າ, “ຂ້າແດ່​ພຣະເຈົ້າຢາເວ ໂຜດ​ສະດັບ​ຮັບ​ຟັງ​ສິ່ງ​ທີ່​ຂ້ານ້ອຍ​ກຳລັງ​ເວົ້າ ແລະ​ຟັງ​ເລື່ອງ​ທີ່​ເຫຼົ່າ​ສັດຕູ​ກ່າວ​ຮ້າຍ​ໃສ່​ຂ້ານ້ອຍ​ແດ່ທ້ອນ.

ເຢເຣມີຢາ 2:8

ປະໂຣຫິດ​ບໍ່ໄດ້​ຖາມ​ວ່າ, ‘ພຣະເຈົ້າຢາເວ​ຢູ່​ໃສ?’ ພວກ​ທີ່​ຮັກສາ​ກົດບັນຍັດ​ຂອງເຮົາ​ກໍ​ບໍ່ໄດ້​ຮູ້ຈັກ​ເຮົາ​ຊໍ້າ. ພວກ​ຜູ້ປົກຄອງ​ກໍໄດ້​ກະບົດ​ຕໍ່ສູ້​ເຮົາ ຜູ້ທຳນວາຍ​ໄດ້​ກ່າວ​ໃນ​ນາມ​ພະບາອານ ພວກເຂົາ​ພາກັນ​ນ້ອມ​ນະມັດສະການ ຂາບໄຫວ້​ບັນດາ​ຮູບເຄົາຣົບ​ທີ່​ບໍ່ມີ​ປະໂຫຍດ.

ເຢເຣມີຢາ 20:10

ຂ້ານ້ອຍ​ໄດ້ຍິນ​ຫລາຍໆ​ຄົນ​ຊີ່ມ​ໃສ່​ກັນ​ວ່າ, “ຄວາມ​ຕົກໃຈ​ຢ້ານກົວ​ມີ​ຢູ່​ທົ່ວ​ທຸກແຫ່ງ ຈົ່ງ​ຮີບ​ລາຍງານ​ສະພາບ​ການ​ໃໝ່​ໃຫ້​ເຈົ້າໜ້າທີ່​ຟັງ.” ແມ່ນແຕ່​ໝູ່ເພື່ອນ​ຜູ້​ໃກ້ຊິດ​ກໍ​ລໍເບິ່ງ​ຂ້ານ້ອຍ​ລົ້ມ. ພວກເຂົາ​ເວົ້າ​ວ່າ, “ບາງທີ​ການ​ທີ່​ພວກເຮົາ​ເວົ້າ​ໂຈມຕີ​ລາວ ອາດ​ເຮັດ​ໃຫ້​ພວກເຮົາ​ຈັບ​ລາວ​ມາ​ແກ້ແຄ້ນ​ກໍໄດ້.”

ເຢເຣມີຢາ 26:11

ແລ້ວ​ພວກ​ປະໂຣຫິດ​ກັບ​ພວກ​ຜູ້ທຳນວາຍ ກໍໄດ້​ກ່າວ​ຕໍ່​ພວກ​ເຈົ້ານາຍ ແລະ​ປະຊາຊົນ​ນັ້ນ​ວ່າ, “ຊາຍ​ຄົນ​ນີ້​ສົມຄວນ​ຈະ​ໄດ້​ຮັບ​ໂທດ​ເຖິງ​ຕາຍ ເພາະ​ລາວ​ໄດ້​ກ່າວ​ໃສ່ຮ້າຍ​ເມືອງ​ຂອງ​ພວກເຮົາ. ພວກທ່ານ​ກໍ​ໄດ້​ຍິນ​ກັບ​ຫູ​ຂອງ​ພວກທ່ານ​ເອງ​ແລ້ວ.”

ເຢເຣມີຢາ 37:13

ແຕ່​ເມື່ອ​ຂ້າພະເຈົ້າ​ມາຮອດ​ປະຕູ​ເບັນຢາມິນ ກໍ​ມີ​ນາຍ​ທະຫານ​ຮັບຜິດຊອບ​ການ​ເຝົ້າຍາມ​ຄົນ​ໜຶ່ງ​ຊື່​ວ່າ​ອີຣີຢາ​ລູກຊາຍ​ຂອງ​ເຊເລມີຢາ ແລະ​ຫລານຊາຍ​ຂອງ​ຮານານີຢາ ຢັບຢັ້ງ​ຂ້າພະເຈົ້າ​ໄວ້ ແລະ​ກ່າວ​ວ່າ, “ເຈົ້າ​ກຳລັງ​ຈະ​ໜີໄປ​ຫາ​ພວກ​ບາບີໂລນ.”

ເຢເຣມີຢາ 43:2

ອາຊາຣີຢາ​ລູກຊາຍ​ຂອງ​ໂຮຊາອີຢາ ແລະ​ໂຢຮານານ​ລູກຊາຍ​ຂອງ​ກາເຣຢາ ພ້ອມ​ດ້ວຍ​ຄົນ​ອວດດີ​ອື່ນໆ​ທັງໝົດ​ໄດ້​ເວົ້າ​ຕໍ່​ຂ້າພະເຈົ້າ​ວ່າ, “ເຈົ້າ​ເວົ້າ​ບໍ່​ຈິງ. ພຣະເຈົ້າຢາເວ ພຣະເຈົ້າ​ຂອງ​ພວກເຮົາ ບໍ່ໄດ້​ໃຊ້​ເຈົ້າ​ມາ​ບອກ​ພວກເຮົາ​ບໍ່​ໃຫ້​ໄປ​ອາໄສ​ຢູ່​ທີ່​ປະເທດ​ເອຢິບ.

ເຢເຣມີຢາ 44:16

“ພວກເຮົາ​ບໍ່​ຍອມ​ຟັງ​ສິ່ງ​ທີ່​ທ່ານ​ໄດ້​ບອກ​ໃນ​ນາມ​ຂອງ​ພຣະເຈົ້າຢາເວ​ດອກ.

ເຢເຣມີຢາ 44:17

ພວກເຮົາ​ຈະ​ເຮັດ​ທຸກສິ່ງ​ຕາມ​ທີ່​ພວກເຮົາ​ເວົ້າ​ວ່າ​ຈະ​ເຮັດ. ພວກເຮົາ​ຈະ​ຖວາຍບູຊາ​ແກ່​ເຈົ້າແມ່​ແຫ່ງ​ສະຫວັນ​ຂອງ​ພວກເຮົາ ແລະ​ພວກເຮົາ​ຈະ​ຖອກ​ເຫຼົ້າ​ອະງຸ່ນ​ຖວາຍ​ແກ່​ນາງ ດັ່ງ​ທີ່​ພວກເຮົາ​ແລະ​ບັນພະບຸລຸດ​ຂອງ​ພວກເຮົາ, ບັນດາ​ກະສັດ​ແລະ​ພວກ​ເຈົ້ານາຍ​ຂອງ​ພວກເຮົາ, ເຄີຍ​ໄດ້​ເຮັດ​ໃນ​ເມືອງ​ຕ່າງໆ​ຂອງ​ຢູດາຍ ແລະ​ຕາມ​ທ້ອງ​ຖະໜົນ​ຫົນທາງ​ທີ່​ນະຄອນ​ເຢຣູຊາເລັມ​ນັ້ນ. ແລ້ວ​ພວກເຮົາ​ກໍ​ເຄີຍ​ມີ​ອາຫານ​ການກິນ​ຢ່າງ​ຫລວງຫລາຍ ພວກເຮົາ​ເຄີຍ​ຈະເລີນ​ຮຸ່ງເຮືອງ ແລະ​ທັງ​ບໍ່ໄດ້​ມີ​ຄວາມ​ເດືອດຮ້ອນ​ຫຍັງ​ເລີຍ.

ເຢເຣມີຢາ 8:8

ພວກເຈົ້າ​ເວົ້າ​ໄດ້​ຢ່າງໃດ​ວ່າ ພວກເຈົ້າ​ສະຫລາດ ແລະ​ຮູ້ຈັກ​ກົດບັນຍັດ​ຂອງເຮົາ? ເບິ່ງດູ ສະໝຽນ​ທີ່​ບໍ່​ສັດຊື່​ນັ້ນ ພວກເຂົາ​ໄດ້​ປ່ຽນແປງ​ກົດບັນຍັດ​ຂອງເຮົາ.

ເພງ^ຄໍ່າຄວນ 3:62

ພວກເຂົາ​ເວົ້າ​ເລື່ອງ​ຂ້ານ້ອຍ​ຕະຫລອດ​ທັງວັນ ແລະ​ຮ່ວມກັນ​ວາງແຜນ​ຕໍ່ສູ້​ຂ້ານ້ອຍ​ຢູ່.

ເອເຊກຽນ 7:26

ໄພພິບັດ​ຈະ​ມາ​ເຖິງ​ພວກເຈົ້າ​ບໍ່​ຂາດສາຍ ແລະ​ຂ່າວ​ຮ້າຍ​ກໍ​ຈະ​ມາ​ເຖິງ​ພວກເຈົ້າ​ດັ່ງ​ສາຍນໍ້າ. ພວກເຈົ້າ​ຈະ​ຮ້ອງຂໍ​ໃຫ້​ບັນດາ​ຜູ້ທຳນວາຍ​ບອກ​ເຖິງ​ເຫດການ​ທີ່​ຈະ​ເກີດຂຶ້ນ​ລ່ວງໜ້າ​ສູ່​ພວກເຈົ້າ​ຟັງ. ບັນດາ​ປະໂຣຫິດ​ຈະ​ບໍ່ມີ​ຫຍັງ​ສັ່ງສອນ​ປະຊາຊົນ ແລະ​ບັນດາ​ເຖົ້າແກ່​ກໍ​ຈະ​ບໍ່​ໃຫ້​ຄຳແນະນຳ​ຫຍັງ.

ລະບຽບ^ພວກເລວີ 10:11

ເຈົ້າ​ຕ້ອງ​ສັ່ງສອນ​ປະຊາຊົນ​ອິດສະຣາເອນ​ໃຫ້​ຮູ້​ລະບຽບ​ການ​ທັງໝົດ​ນີ້ ຊຶ່ງ​ພຣະເຈົ້າຢາເວ​ໄດ້​ໃຫ້​ພວກເຈົ້າ​ໂດຍ​ຜ່ານ​ທາງ​ໂມເຊ.”

ມີກາ 3:6

ເພາະສະນັ້ນ ພວກ​ຜູ້ທຳນວາຍ​ເອີຍ ມື້​ຂອງ​ພວກເຈົ້າ​ນັ້ນ​ເກືອບ​ຈະ​ໝົດໄປ​ແລ້ວ ຕາເວັນ​ກຳລັງ​ຕົກລົງ​ເທິງ​ພວກເຈົ້າ. ເພາະ​ພວກເຈົ້າ​ໄດ້​ນຳ​ປະຊາຊົນ​ຂອງເຮົາ​ໄປ​ໃນ​ທາງ​ຜິດ ພວກເຈົ້າ​ຈະ​ບໍ່ມີ​ນິມິດ​ໃນ​ການ​ທຳນວາຍ​ອີກ​ຕໍ່ໄປ ແລະ​ພວກເຈົ້າ​ຈະ​ກ່າວ​ຫຍັງ​ລ່ວງໜ້າ​ບໍ່ໄດ້​ອີກ.

ມີກາ 3:7

ຜູ້ໃດ​ທີ່​ກ່າວ​ລ່ວງໜ້າ​ເຖິງ​ອະນາຄົດ ຜູ້ນັ້ນ​ກໍ​ຈະ​ໄດ້​ຮັບ​ຄວາມ​ອັບອາຍ​ຂາຍໜ້າ ເພາະ​ຄວາມ​ຫລົ້ມເຫລວ​ຂອງຕົນ. ທຸກຄົນ​ໃນ​ພວກເຂົາ​ຈະ​ເສຍກຽດ ເພາະ​ພຣະເຈົ້າ​ບໍ່​ຕອບ​ພວກເຂົາ.”

ມາລາກີ 2:7

ແມ່ນ​ໜ້າທີ່​ຂອງ​ປະໂຣຫິດ​ທີ່​ຈະ​ສັ່ງສອນ​ຄົນອື່ນ​ໃຫ້​ຮູ້ຈັກ​ພຣະເຈົ້າ. ປະຊາຊົນ​ຄວນ​ໄປ​ຫາ​ພວກເຂົາ ເພື່ອ​ຮຽນຮູ້​ຄວາມປະສົງ​ຂອງເຮົາ ເພາະ​ພວກເຂົາ​ເປັນ​ຜູ້​ແຈ້ງຂ່າວ​ຂອງ​ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່.

ລູກາ 11:45

ແລ້ວ​ກໍ​ມີ​ທຳບັນດິດ​ຄົນ​ໜຶ່ງ ເວົ້າ​ຕໍ່​ພຣະອົງ​ວ່າ, “ອາຈານ​ເອີຍ ເມື່ອ​ທ່ານ​ເວົ້າ​ເຊັ່ນນີ້ ທ່ານ​ກໍ​ເວົ້າ​ໝິ່ນປະໝາດ​ພວກເຮົາ​ເໝືອນກັນ.”

ໂຢຮັນ 9:40

ພວກ​ຟາຣີຊາຍ​ບາງຄົນ​ຢູ່​ໃກ້​ພຣະອົງ​ໃນ​ທີ່ນັ້ນ ໄດ້ຍິນ​ພຣະອົງ​ກ່າວ​ດັ່ງນີ້ ຈຶ່ງ​ຖາມ​ວ່າ, “ທ່ານ​ຄົງ​ບໍ່​ໝາຍຄວາມວ່າ​ພວກເຮົາ​ຕາບອດ​ເໝືອນກັນ​ຕີ້?”