ເຢເຣມີຢາ 17:4 - ພຣະຄຳພີສັກສິ

⁴ ພວກເຈົ້າ​ຈະ​ຕ້ອງ​ປ່ອຍປະ ດິນແດນ​ຊຶ່ງ​ເຮົາ​ໄດ້​ມອບ​ໃຫ້​ແກ່​ພວກເຈົ້າ​ນັ້ນ ແລະ​ເຮົາ​ຈະ​ກະທຳ​ໃຫ້​ພວກເຈົ້າ​ໄປ​ຮັບໃຊ້​ເຫຼົ່າ​ສັດຕູ​ຢູ່​ໃນ​ດິນແດນ​ທີ່​ພວກເຈົ້າ​ບໍ່​ຮູ້​ຫຍັງ​ເລີຍ ຍ້ອນ​ຄວາມ​ໂກດຮ້າຍ​ຂອງເຮົາ​ນັ້ນ​ເປັນ​ດັ່ງ​ໄຟ​ທີ່​ຈະ​ໄໝ້​ເຜົາຜານ​ຕະຫລອດໄປ.”

ເຢເຣມີຢາ 17:4 Jak'a apnaqawi uñst'ayäwi

1 ກະສັດ 9:7

ແລ້ວ​ເຮົາ​ກໍ​ຈະ​ຕັດ​ປະຊາຊົນ​ອິດສະຣາເອນ​ຂອງເຮົາ ອອກ​ຈາກ​ດິນແດນ​ທີ່​ເຮົາ​ໄດ້​ໃຫ້​ພວກເຂົາ​ນັ້ນ. ເຮົາ​ຈະ​ປະຖິ້ມ​ວິຫານ​ນີ້ ຊຶ່ງ​ເຮົາ​ໄດ້​ໃຫ້​ເປັນ​ບ່ອນ​ສັກສິດ ເພື່ອ​ນະມັດສະການ​ເຮົາ​ຄືກັນ. ປະຊາຊົນ​ທົ່ວ​ທຸກ​ແຫ່ງ​ຈະ​ດູຖູກ ແລະ​ໝິ່ນປະໝາດ​ຊາດ​ອິດສະຣາເອນ.

2 ກະສັດ 25:21

ໃນ​ຂົງເຂດ​ຮາມັດ. ກະສັດ​ໄດ້​ຂ້ຽນ​ຕີ​ພວກເຂົາ ແລະ​ຂ້າ​ພວກເຂົາ​ເສຍ​ໃນ​ທີ່ນັ້ນ. ດັ່ງນັ້ນ ປະຊາຊົນ​ຊາວ​ຢູດາ​ຈຶ່ງ​ໄດ້​ຖືກ​ກວາດລ້າງ​ອອກ​ຈາກ​ດິນແດນ​ຂອງ​ພວກຕົນ​ໄປ​ເປັນ​ຊະເລີຍ​ໃນ​ຕ່າງຖິ່ນ.

ເນເຫມີຢາ 9:28

ເມື່ອ​ມີ​ສັນຕິສຸກ​ພັດ​ກັບ​ເຮັດ​ບາບ​ຄືນອີກ ພຣະອົງ​ຈຶ່ງ​ໃຫ້​ເຫຼົ່າ​ສັດຕູ​ເອົາ​ຊະນະ​ພວກເພິ່ນ. ແຕ່​ເມື່ອ​ພວກເພິ່ນ​ກັບໃຈ​ໃໝ່​ແລ້ວ ແລະ​ຂໍ​ພຣະອົງ​ໃຫ້​ຄວາມ​ຊ່ວຍເຫລືອ ທີ່​ສະຫວັນ​ພຣະອົງ​ໄດ້​ຮັບ​ຟັງ ຄຳ​ຂໍຮ້ອງ​ຂອງ​ພວກເພິ່ນ​ອີກ. ພຣະອົງ​ໄດ້​ຊ່ວຍເຫລືອ​ຫລາຍ​ຄັ້ງ​ຫລາຍຄາວ ໂດຍ​ຊ່ວຍກູ້​ເອົາ​ພວກເພິ່ນ​ດ້ວຍ​ຄວາມ​ເມດຕາ​ຍິ່ງໃຫຍ່.

ເອຊາຢາ 14:3

ພຣະເຈົ້າຢາເວ​ຈະ​ໃຫ້​ປະຊາຊົນ​ອິດສະຣາເອນ ໄດ້​ບັນເທົາ​ຈາກ​ຄວາມ​ເຈັບປວດ ແລະ​ຄວາມ​ທົນທຸກ​ຂອງ​ພວກເຂົາ ແລະ​ຈະ​ໃຫ້​ພວກເຂົາ​ພົ້ນ​ຈາກ​ການ​ຖືກ​ບັງຄັບ​ໃຫ້​ເຮັດ​ວຽກ​ໜັກ.

ເອຊາຢາ 30:33

ພວກເຂົາ​ຈັດຕຽມ​ບ່ອນ​ເຜົາ​ຈັກກະພັດ​ອັດຊີເຣຍ ດ້ວຍ​ກອງ​ໄຟ​ອັນ​ໃຫຍ່​ມາ​ດົນ​ແລ້ວ. ບ່ອນ​ນັ້ນ​ທັງເລິກ​ທັງກວ້າງ​ແລະ​ທັງ​ມີ​ກອງ​ຟືນ​ສູງ. ພຣະເຈົ້າຢາເວ​ຈະ​ຫາຍໃຈ​ເປັນ​ແປວໄຟ ເພື່ອ​ໄໝ້​ເຜົາຜານ​ບ່ອນນັ້ນ.

ເອຊາຢາ 5:25

ພຣະເຈົ້າຢາເວ​ໂກດຮ້າຍ​ປະຊາຊົນ​ຂອງ​ພຣະອົງ ແລະ​ຢຽດ​ມື​ອອກ​ລົງໂທດ​ພວກເຂົາ​ສາ​ແລ້ວ. ພູ​ທັງຫລາຍ​ຈະ​ສັ່ນສະເທືອນ ແລະ​ຊາກສົບ​ຂອງ​ຄົນຕາຍ​ກໍ​ຈະ​ຖືກ​ປະປ່ອຍ​ໄວ້​ຕາມ​ຖະໜົນ​ຫົນທາງ​ດັ່ງ​ຂີ້ເຫຍື້ອ. ເຖິງປານນັ້ນ ພຣະອົງ​ກໍ​ຍັງ​ບໍ່​ເຊົາ​ໂກດຮ້າຍ ແຕ່​ຍັງ​ຈະ​ຢຽດ​ມື​ອອກ​ເພື່ອ​ລົງໂທດ​ພວກເຂົາ​ຕໍ່ໄປ.

ເອຊາຢາ 50:11

ສ່ວນ​ຜູ້​ທີ່​ວາງແຜນ​ຕໍ່ສູ້​ຄົນອື່ນ​ໃນ​ພວກເຈົ້າ​ທຸກຄົນ ກໍ​ຈະ​ຖືກ​ທຳລາຍ​ຍ້ອນ​ແຜນການ​ຂອງ​ພວກເຈົ້າ​ເອງ. ພຣະອົງ​ເອງ​ຈະ​ເຮັດ​ໃຫ້​ສິ່ງນີ້​ເກີດຂຶ້ນ​ມາ ພວກເຈົ້າ​ຈະ​ທົນ​ທຸກຢ່າງ​ເວດທະນາ​ເຫລືອລົ້ນ.

ເອຊາຢາ 66:24

ເມື່ອ​ອອກ​ໄປ ພວກເຂົາ​ຈະ​ເຫັນ​ຊາກສົບ​ຂອງ​ພວກ​ທີ່​ໄດ້​ກະບົດ​ຕໍ່​ເຮົາ. ຕົວ​ໜອນ​ທີ່​ເຈາະ​ກິນ​ພວກເຂົາ​ນັ້ນ​ຈະ​ຕາຍ​ບໍ່​ເປັນ​ຈັກເທື່ອ ແລະ​ໄຟ​ທີ່​ໄໝ້​ພວກເຂົາ​ນັ້ນ​ຈະ​ມອດ​ບໍ່​ເປັນ​ຈັກເທື່ອ. ເຊື້ອຊາດ​ມະນຸດ​ທັງໝົດ​ທີ່​ໄດ້​ເຫັນ​ພວກເຂົາ​ແລ້ວ​ກໍ​ຈະ​ຮູ້ສຶກ​ເບື່ອໜ່າຍ.”

ເຢເຣມີຢາ 12:7

ພຣະເຈົ້າຢາເວ​ກ່າວ​ວ່າ, “ເຮົາ​ໄດ້​ປະຖິ້ມ​ຊົນຊາດ​ອິດສະຣາເອນ ເຮົາ​ໄດ້​ໂຍນ​ຊົນຊາດ​ທີ່​ເຮົາ​ໄດ້​ເລືອກເອົາ​ນັ້ນ. ເຮົາ​ໄດ້​ມອບ​ປະຊາຊົນ​ທີ່​ເຮົາ​ຮັກແພງ​ຫລາຍ ໄວ້​ໃນ​ເງື້ອມມື​ໃຕ້​ອຳນາດ​ຂອງ​ສັດຕູ​ສາ​ແລ້ວ.

ເຢເຣມີຢາ 15:14

ເຮົາ​ຈະ​ເຮັດ​ໃຫ້​ພວກເຂົາ​ຮັບໃຊ້​ເຫຼົ່າ​ສັດຕູ​ໃນ​ປະເທດ​ໜຶ່ງ ທີ່​ພວກເຂົາ​ບໍ່ເຄີຍ​ຮູ້ຈັກ ເພາະ​ຄວາມ​ໂກດຮ້າຍ​ຂອງເຮົາ​ເປັນ​ດັ່ງ​ໄຟ ຊຶ່ງ​ໄໝ້​ເຜົາຜານ​ຕະຫລອດໄປ.”

ເຢເຣມີຢາ 16:13

ສະນັ້ນ ເຮົາ​ຈຶ່ງ​ຈະ​ໂຍນ​ພວກເຈົ້າ​ອອກ​ຈາກ​ດິນແດນ​ນີ້ ເຂົ້າ​ໄປ​ໃນ​ດິນແດນ​ໜຶ່ງ ທີ່​ທັງ​ພວກເຈົ້າ​ເອງ​ແລະ​ບັນພະບຸລຸດ​ຂອງ​ພວກເຈົ້າ ບໍ່ເຄີຍ​ຮູ້ຈັກ​ມາກ່ອນ. ຢູ່​ໃນ​ທີ່ນັ້ນ ພວກເຈົ້າ​ຈະ​ຮັບໃຊ້​ບັນດາ​ພະອື່ນ​ທັງເວັນ​ທັງຄືນ ແລະ​ເຮົາ​ຈະ​ບໍ່​ເມດຕາ​ພວກເຈົ້າ​ເລີຍ.”’

ເຢເຣມີຢາ 18:23

ຂ້າແດ່​ພຣະເຈົ້າຢາເວ ພຣະອົງ​ຮູ້​ແຜນການ​ຂອງ​ພວກເຂົາ​ທັງໝົດ ທີ່​ຈະ​ສັງຫານ​ຂ້ານ້ອຍ. ຂໍ​ຢ່າ​ອະໄພ​ຄວາມຜິດ ແລະ​ຍົກໂທດ​ໃຫ້​ພວກເຂົາ​ເລີຍ. ຈົ່ງ​ເຮັດ​ໃຫ້​ພວກເຂົາ​ລົ້ມລົງ​ຢ່າງ​ພ່າຍແພ້ ແລະ​ຈັດການ​ກັບ​ພວກເຂົາ​ດ້ວຍ​ຄວາມ​ໂກດຮ້າຍ​ສາ​ເຖີດ.”

ເຢເຣມີຢາ 2:14

ຊາດ​ອິດສະຣາເອນ​ບໍ່ໄດ້​ເປັນ​ທາດ ທັງ​ບໍ່ໄດ້​ເກີດ​ມາ​ຈາກ​ທາດ​ແຕ່​ຢ່າງໃດ ຖ້າ​ຢ່າງ​ນັ້ນ​ເປັນຫຍັງ​ເຫຼົ່າ​ສັດຕູ ຈຶ່ງ​ຕາມລ່າ​ຈັບ ແລະ ຕາມ​ຂ້າ?

ເຢເຣມີຢາ 22:28

ຂ້າພະເຈົ້າ​ຖາມ​ວ່າ, “ກະສັດ​ເຢໂຮຍອາກິນ​ຜູ້​ນີ້​ເປັນ​ດັ່ງ​ໝໍ້​ແຕກ ທີ່​ຖືກ​ໂຍນ​ຖິ້ມ ແລະ​ບໍ່ມີ​ຜູ້ໃດ​ຕ້ອງການ​ນັ້ນ​ບໍ? ດ້ວຍເຫດນັ້ນ ລາວ​ເອງ​ແລະ​ລູກ​ຂອງ​ລາວ​ຈຶ່ງ​ໄດ້​ຖືກ​ຈັບ​ໄປ​ເປັນ​ຊະເລີຍ​ໃນ​ດິນແດນ​ໜຶ່ງ ຊຶ່ງ​ພວກເຂົາ​ບໍ່​ຮູ້ຈັກ​ແມ່ນ​ຫລືບໍ່?”

ເຢເຣມີຢາ 5:19

ເຢເຣມີຢາ​ເອີຍ ເມື່ອ​ພວກເຂົາ​ຖາມ​ວ່າ, ດ້ວຍເຫດໃດ​ພຣະເຈົ້າຢາເວ ພຣະເຈົ້າ​ຂອງ​ພວກເຮົາ​ຈຶ່ງ​ເຮັດ​ສິ່ງ​ເຫຼົ່ານີ້​ທັງໝົດ; ຈົ່ງ​ບອກ​ພວກເຂົາ​ວ່າ ເມື່ອ​ພວກເຂົາ​ໄດ້​ຫັນໜີ​ຈາກ​ເຮົາ​ໄປ​ຮັບໃຊ້​ບັນດາ​ພະ​ຕ່າງຊາດ ໃນ​ດິນແດນ​ຂອງ​ພວກເຂົາ​ເອງ​ສັນໃດ ພວກເຂົາ​ກໍ​ຈະ​ໄດ້​ຮັບໃຊ້​ຄົນຕ່າງຊາດ​ໃນ​ດິນແດນ​ໜຶ່ງ​ທີ່​ບໍ່​ເປັນ​ຂອງ​ພວກເຂົາ​ເອງ​ສັນນັ້ນ.”

ເຢເຣມີຢາ 5:29

ພຣະເຈົ້າຢາເວ​ກ່າວ​ວ່າ, “ເຮົາ​ຈະ​ລົງໂທດ​ພວກເຂົາ​ຕໍ່​ສິ່ງ​ເຫຼົ່ານັ້ນ; ເຮົາ​ຈະ​ແກ້ແຄ້ນ​ຊົນຊາດ​ນີ້.

ເຢເຣມີຢາ 7:20

ສະນັ້ນ ອົງພຣະ​ຜູ້​ເປັນເຈົ້າ ພຣະເຈົ້າ​ຈຶ່ງ​ຈະ​ເທ​ຄວາມ​ໂກດຮ້າຍ​ອັນ​ຮຸນແຮງ​ຂອງເຮົາ​ລົງ​ໃສ່​ພຣະວິຫານ​ນີ້. ເຮົາ​ຈະ​ເທ​ລົງ​ໃສ່​ທັງ​ຄົນ ແລະ​ສັດເດຍລະສານ ຕະຫລອດ​ທັງ​ກົກໄມ້ ແລະ​ເຄື່ອງປູກ​ຂອງຝັງ​ດ້ວຍ. ຄວາມ​ໂກດຮ້າຍ​ຂອງເຮົາ​ຈະ​ລຸກໄໝ້ ດັ່ງ​ໄຟ​ທີ່​ບໍ່ມີ​ຜູ້ໃດ​ມອດ​ໄດ້.”

ເພງ^ຄໍ່າຄວນ 1:12

ນາງ​ຮ້ອງ​ໃສ່​ທຸກຄົນ​ຜ່ານ​ໄປ​ວ່າ, “ເບິ່ງ​ຂ້ອຍ​ແດ່ ບໍ່ມີ​ຜູ້ໃດ​ທີ່​ເຈັບປວດ​ເໝືອນ​ດັ່ງ​ຂ້ອຍ ເປັນ​ຄວາມ​ເຈັບປວດ​ທີ່​ພຣະເຈົ້າຢາເວ​ໄດ້​ນຳ​ມາ ໃຫ້​ຂ້ອຍ​ໄດ້​ຮັບ​ຄາວ​ທີ່​ພຣະອົງ​ໂກດຮ້າຍ.

ເພງ^ຄໍ່າຄວນ 5:2

ຊັບສິນ​ຂອງ​ພວກ​ຂ້ານ້ອຍ​ກໍ​ຢູ່​ໃນ​ກຳມື​ຂອງ​ຄົນ​ແປກໜ້າ​ໝົດ ຄົນຕ່າງຊາດ​ອາໄສ​ຢູ່​ໃນ​ເຮືອນ​ຂອງ​ພວກ​ຂ້ານ້ອຍ​ດ້ວຍ.

ເອເຊກຽນ 21:31

ພວກເຈົ້າ​ຈະ​ໄດ້​ຊີມ​ຣິດ​ແຫ່ງ​ຄວາມ​ໂກດຮ້າຍ​ຂອງເຮົາ ເມື່ອ​ເຮົາ​ໂມໂຫ​ດັ່ງ​ໄຟ​ເຜົາຜານ. ເຮົາ​ຈະ​ມອບ​ພວກເຈົ້າ​ໃຫ້​ແກ່​ຄົນ​ທີ່​ໂຫດຫ້ຽມ ຄື​ຜູ້ຊ່ຽວຊານ​ໃນ​ການທຳລາຍ.

ເອເຊກຽນ 7:24

ເຮົາ​ຈະ​ນຳ​ຊາດ​ຕ່າງໆ​ທີ່​ໂຫດຮ້າຍ​ທີ່ສຸດ​ມາ​ທີ່​ນີ້ ແລະ​ຈະ​ປ່ອຍ​ໃຫ້​ພວກເຂົາ​ຢຶດເອົາ​ເຮືອນ​ຂອງ​ພວກເຈົ້າ. ຄົນ​ແຂງແຮງ​ທີ່ສຸດ​ໃນ​ພວກເຈົ້າ​ຈະ​ສູນເສຍ​ຄວາມ​ໝັ້ນໃຈ ເມື່ອ​ເຮົາ​ໄດ້​ນຳ​ເອົາ​ຊົນຊາດ​ທັງຫລາຍ​ມາ​ເຮັດ​ໃຫ້​ບ່ອນຕ່າງໆ​ທີ່​ພວກເຈົ້າ​ນະມັດສະການ​ນີ້​ເປັນ​ມົນທິນ.

ພຣະບັນຍັດສອງ 28:25

ພຣະເຈົ້າຢາເວ​ຈະ​ໃຫ້​ສັດຕູ​ມາ​ຊະນະ​ພວກເຈົ້າ. ພວກເຈົ້າ​ຈະ​ໂຈມຕີ​ພວກເຂົາ​ທາງ​ທິດດຽວ ແຕ່​ພວກເຈົ້າ​ຈະ​ແລ່ນ​ເປີດ​ໜີໄປ​ທຸກ​ທິດ​ທຸກ​ທາງ ແລະ​ປະຊາຊົນ​ທັງໝົດ​ເທິງ​ແຜ່ນດິນ​ໂລກ​ຈະ​ອົກສັ່ນ​ຂວັນເສຍ ເມື່ອ​ພວກເຂົາ​ໄດ້ຍິນ​ສິ່ງ​ທີ່​ເກີດຂຶ້ນ​ກັບ​ພວກເຈົ້າ.