ເຢເຣມີຢາ 17:18 - ພຣະຄຳພີສັກສິ

¹⁸ ຈົ່ງ​ນຳ​ຄວາມ​ອັບອາຍ​ຂາຍໜ້າ​ມາ​ສູ່​ຄົນ​ທີ່​ຂົ່ມເຫັງ​ຂ້ານ້ອຍ​ແດ່ທ້ອນ; ແຕ່​ຂໍ​ຊົງ​ໂຜດ​ໄວ້​ຊີວິດ​ຂອງ​ຂ້ານ້ອຍ​ດ້ວຍ​ເທີ້ນ. ຈົ່ງ​ກະທຳ​ໃຫ້​ພວກເຂົາ​ຕົກໃຈ​ຢ້ານ​ຢ່າງໃຫຍ່ ແຕ່​ຢ່າ​ເຮັດ​ໃຫ້​ຂ້ານ້ອຍ​ຢ້ານກົວ​ເລີຍ. ຈົ່ງ​ນຳ​ໄພພິບັດ​ມາ​ສູ່​ພວກເຂົາ ແລະ​ທຳລາຍ​ພວກເຂົາ​ໃຫ້​ໝຸ່ນ​ທະລາຍ​ດ້ວຍ​ເຖີດ.

ເຢເຣມີຢາ 17:18 Jak'a apnaqawi uñst'ayäwi

ພຣະທຳ​ໂຢບ 16:14

ພຣະອົງ​ເຮັດ​ໃຫ້​ຂ້ອຍ​ເຈັບ​ຊໍ້າແລ້ວ​ຊໍ້າອີກ ດັ່ງ​ທະຫານ​ຜູ້​ໂຫດຮ້າຍ​ໂຈມຕີ ຢ່າງ​ກຽດຊັງ​ຍິ່ງ.

ເພງ^ສັນລະເສີນ 35:4

ຂໍ​ໃຫ້​ພວກ​ທີ່​ຊອກ​ສັງຫານ​ຂ້ານ້ອຍ​ນັ້ນ ພ່າຍແພ້​ແລະ​ເສຍໜ້າ ຂໍ​ໃຫ້​ຜູ້​ທີ່​ປອງຮ້າຍ​ຂ້ານ້ອຍ ພາກັນ​ຫັນ​ໜີໄປ​ທັງ​ວຸ້ນວາຍ​ເຖີດ

ເພງ^ສັນລະເສີນ 35:8

ແຕ່​ໄພພິບັດ​ຈະ​ຖືກ​ພວກເຂົາ​ກ່ອນ ກ່ອນ​ຮູ້ສຶກຕົວ ພວກເຂົາ​ຈະ​ຖືກ​ແຮ້ວ​ຂອງ​ຕົນເອງ ແລະ​ຈິບຫາຍ​ໄປສິ້ນ.

ເພງ^ສັນລະເສີນ 40:14

ຂໍ​ໃຫ້​ຄົນ​ທີ່​ຊອກ​ສັງຫານ​ນັ້ນ​ພ່າຍແພ້​ໝົດສາ ແລະ​ຂໍ​ໃຫ້​ພວກເຂົາ​ວຸ້ນວາຍ​ໄປ​ຢ່າງ​ໝົດສິ້ນ. ຂໍ​ໃຫ້​ຄົນ​ທີ່​ດີອົກ​ດີໃຈ​ຍ້ອນ​ເຫັນ​ຂ້ານ້ອຍ​ເປັນທຸກ ຖອຍໜີ​ໄກຫ່າງ​ແລະ​ຖືກ​ອັບອາຍ.

ເພງ^ສັນລະເສີນ 70:2

ຂໍ​ໃຫ້​ພວກ​ທີ່​ຊອກ​ສັງຫານ​ຂ້ານ້ອຍ​ນັ້ນ​ພ່າຍແພ້ ແລະ​ສັບສົນ​ວຸ້ນວາຍ. ຂໍ​ໃຫ້​ຄົນ​ທີ່​ດີໃຈ​ຍ້ອນ​ເຫັນ​ຂ້ານ້ອຍ​ເດືອດຮ້ອນ ຖອຍໜີ​ອອກ​ໄປ​ແລະ​ຖືກ​ອັບອາຍ​ຂາຍໜ້າ.

ເພງ^ສັນລະເສີນ 71:1

ຂ້າແດ່​ພຣະເຈົ້າຢາເວ ຂ້ານ້ອຍ​ມາ​ຫາ ເພື່ອ​ຂໍ​ໃຫ້​ພຣະອົງ​ປົກປ້ອງ​ຄຸ້ມຄອງ ຂໍ​ຢ່າ​ປະປ່ອຍ​ຂ້ານ້ອຍ ໃຫ້​ພ່າຍແພ້​ເລີຍ

ເຢເຣມີຢາ 1:17

ເຢເຣມີຢາ​ເອີຍ ຈົ່ງ​ຕຽມຕົວ​ໄປ​ບອກ​ພວກເຂົາ​ທຸກສິ່ງ​ທີ່​ເຮົາ​ສັ່ງ​ເຈົ້າ​ໃຫ້​ກ່າວ. ບັດນີ້​ຢ່າ​ສູ່​ຢ້ານກົວ​ພວກເຂົາ ບໍ່​ດັ່ງນັ້ນ ເຮົາ​ຈະ​ເຮັດ​ໃຫ້​ເຈົ້າ​ຢ້ານ​ຫລາຍ​ຂຶ້ນ​ຕື່ມ ເມື່ອ​ເຈົ້າ​ຢູ່​ນຳ​ພວກເຂົາ.

ເຢເຣມີຢາ 11:20

ແລ້ວ​ຂ້າພະເຈົ້າ​ກໍ​ພາວັນນາ​ອະທິຖານ​ວ່າ, “ຂ້າແດ່​ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່​ເອີຍ ພຣະອົງ​ເປັນ​ຜູ້​ພິພາກສາ​ທີ່​ທ່ຽງທຳ; ພຣະອົງ​ທົດສອບ​ເບິ່ງ​ຄວາມ​ນຶກຄິດ​ກັບ​ຄວາມ​ຮູ້ສຶກ​ຂອງ​ຄົນ​ທັງຫລາຍ. ຂ້ານ້ອຍ​ຂໍ​ມອບ​ເລື່ອງ​ຂອງ​ຂ້ານ້ອຍ​ໄວ້​ໃນ​ມື​ຂອງ​ພຣະອົງ. ດັ່ງນັ້ນ ຂໍໂຜດ​ໃຫ້​ຂ້ານ້ອຍ​ໄດ້​ເຫັນ​ພຣະອົງ​ແກ້ແຄ້ນ​ຄົນ​ເຫຼົ່ານີ້​ດ້ວຍ​ເຖີດ.”

ເຢເຣມີຢາ 12:3

ຂ້າແດ່​ພຣະເຈົ້າຢາເວ ແຕ່​ພຣະອົງ​ຮູ້​ຂ້ານ້ອຍ​ດີ ເຫັນ​ສິ່ງ​ທີ່​ຂ້ານ້ອຍ​ກະທຳ ແລະ​ຮູ້​ວ່າ​ຂ້ານ້ອຍ​ຮັກ​ພຣະອົງ​ດ້ວຍ. ຈົ່ງ​ດຶງ​ຄົນຊົ່ວ​ອອກ​ມາ​ເບິ່ງດູ ດັ່ງ​ດຶງ​ແກະ​ໄປ​ຂ້າ ຈົ່ງ​ເຝົ້າເບິ່ງ​ພວກເຂົາ​ຈົນກວ່າ​ພວກເຂົາ​ຖືກ​ຂ້າ​ຖິ້ມ.

ເຢເຣມີຢາ 14:17

ອົງພຣະ​ຜູ້​ເປັນເຈົ້າ​ໄດ້​ສັ່ງ​ຂ້າພະເຈົ້າ​ໃຫ້​ບອກ​ປະຊາຊົນ ເຖິງ​ຄວາມ​ເສຍໃຈ​ຂອງ​ຂ້າພະເຈົ້າ​ວ່າ: “ຂໍ​ໃຫ້​ນໍ້າຕາ​ຂອງ​ຂ້ານ້ອຍ​ໄຫລຫລັ່ງ​ທັງເວັນ​ທັງຄືນ ຂໍ​ຢ່າ​ໃຫ້​ຂ້ານ້ອຍ​ເຊົາ​ຮ້ອງໄຫ້​ຈັກເທື່ອ ເພາະ​ປະຊາຊົນ​ຂອງ​ຂ້ານ້ອຍ​ໄດ້​ຖືກ​ທຳລາຍ​ໜັກ ບາດແຜ​ຂອງ​ພວກເຂົາ​ກໍ​ໜັກໜ່ວງ​ແທ້ໆ.

ເຢເຣມີຢາ 16:18

ເຮົາ​ຈະ​ໃຫ້​ພວກເຂົາ​ໄດ້​ຮັບ​ໂທດກຳ​ສອງ​ເທົ່າ ສຳລັບ​ການບາບ​ແລະ​ຄວາມ​ຊົ່ວຊ້າ​ທີ່​ພວກເຂົາ​ໄດ້​ເຮັດ ເພາະ​ພວກເຂົາ​ໄດ້​ເຮັດ​ໃຫ້​ດິນແດນ​ຂອງເຮົາ​ເປັນ​ມົນທິນ ໂດຍ​ສ້າງ​ຮູບເຄົາຣົບ​ທີ່​ບໍ່ມີ​ຊີວິດ​ແລະ​ໂດຍ​ມີ​ພະປອມ​ເຕັມ​ທົ່ວ​ທັງ​ດິນແດນ.”

ເຢເຣມີຢາ 17:13

ພຣະເຈົ້າຢາເວ​ຄື​ຄວາມຫວັງ​ຂອງ​ອິດສະຣາເອນ ທຸກຄົນ​ທີ່​ປະຖິ້ມ​ພຣະອົງ​ຈະ​ໄດ້​ຖືກ​ອັບອາຍ​ຂາຍໜ້າ. ພວກເຂົາ​ຈະ​ດັບສູນໄປ ດັ່ງ​ຊື່​ທີ່​ຖືກ​ບັນທຶກ​ໃນ​ຂີ້ຝຸ່ນ​ດິນ ເພາະ​ໄດ້​ປະຖິ້ມ​ພຣະເຈົ້າຢາເວ​ອົງ​ເປັນ​ນໍ້າພຸ​ແຫ່ງ​ຊີວິດ.

ເຢເຣມີຢາ 17:16

ແຕ່​ຂ້ານ້ອຍ​ບໍ່ໄດ້​ຫາ​ໂອກາດ​ໜີ​ຈາກ​ການ​ເປັນຜູ້ລ້ຽງ​ແກະ​ທີ່​ຕາມ​ພຣະອົງ​ໄປ ຂ້ານ້ອຍ​ບໍ່ເຄີຍ​ປາຖະໜາ​ເຫັນ​ວັນ​ແຫ່ງ​ຄວາມ​ຈິບຫາຍ. ພຣະອົງ​ກໍ​ຮູ້​ເລື່ອງ​ນີ້​ດີ; ພຣະອົງ​ກໍ​ຮູ້​ແລ້ວ​ໃນ​ສິ່ງ​ທີ່​ຂ້ານ້ອຍ​ໄດ້​ເວົ້າ​ອອກ​ມາ​ຈາກ​ປາກ​ຂອງ​ຂ້ານ້ອຍ ກໍ​ຖືກຕ້ອງ​ຕໍ່ສາຍຕາ​ຂອງ​ພຣະອົງ.

ເຢເຣມີຢາ 17:19

ພຣະເຈົ້າຢາເວ​ໄດ້​ກ່າວ​ແກ່​ຂ້າພະເຈົ້າ​ວ່າ, “ເຢເຣມີຢາ​ເອີຍ ຈົ່ງ​ໄປ​ປະກາດ​ຖ້ອຍຄຳ​ຂອງເຮົາ​ທີ່​ປະຕູ​ເມືອງ ຊຶ່ງ​ເປັນ​ບ່ອນ​ທີ່​ບັນດາ​ກະສັດ​ແຫ່ງ​ຢູດາຍ​ເຂົ້າ​ແລະ​ອອກ​ເມືອງ; ແລ້ວ​ຈົ່ງ​ໄປ​ທົ່ວ​ທັງ​ປະຕູ​ອື່ນໆ​ຂອງ​ນະຄອນ​ເຢຣູຊາເລັມ​ອີກ.

ເຢເຣມີຢາ 20:11

ແຕ່​ພຣະອົງ​ຄື​ພຣະເຈົ້າຢາເວ ຜູ້​ເຂົ້າຂ້າງ​ຂ້ານ້ອຍ ຜູ້​ເຂັ້ມແຂງ​ແລະ​ຊົງຣິດ​ສະຖິດ​ຢູ່​ນຳ​ຂ້ານ້ອຍ​ແລ້ວ ແລະ​ພວກ​ທີ່​ຂົ່ມເຫັງ​ຂ້ານ້ອຍ​ນັ້ນ​ກໍ​ຈະ​ລົ້ມລົງ ພວກເຂົາ​ຈະ​ຖືກ​ອັບອາຍ​ຂາຍໜ້າ​ໄປ​ຕະຫລອດ ເພາະ​ພວກເຂົາ​ເຮັດ​ໃຫ້​ເກີດຜົນ​ສຳເລັດ​ບໍ່ໄດ້​ດອກ ພວກເຂົາ​ຈະ​ຖືກ​ອັບອາຍ​ບໍ່ມີ​ມື້​ລືມໄລ​ໄດ້​ຈັກເທື່ອ.

ພຣະບັນຍັດສອງ 33:11

ຂ້າແດ່​ພຣະເຈົ້າຢາເວ ຂໍ​ຊົງ​ໂຜດ​ຊ່ວຍ​ເຜົ່າ​ຂອງ​ພວກເຂົາ​ໃຫ້​ເຂັ້ມແຂງ ໂຜດ​ພໍໃຈ​ໃນ​ສິ່ງ​ທີ່​ພວກເຂົາ​ເຮັດ​ທຸກປະການ​ແດ່ທ້ອນ. ຂໍ​ຈົ່ງ​ບົດ​ຂະຢີ້​ເຫຼົ່າ​ສັດຕູ​ທັງຫລາຍ ໃຫ້​ປະລາໄຊ​ໂດຍ​ເງີຍ​ຫົວ​ຂຶ້ນ​ມາ​ບໍ່ໄດ້.”

ພຣະນິມິດ 18:6

ນະຄອນ​ນັ້ນ​ໄດ້​ໃຫ້​ຜົນ​ຢ່າງ​ໃດ ກໍ​ຈົ່ງ​ໃຫ້​ຜົນ​ແກ່​ມັນ​ຢ່າງ​ນັ້ນ ແລະ​ຈົ່ງ​ຕອບແທນ​ແກ່​ການ​ກະທຳ ຂອງ​ມັນ​ເປັນ​ສອງ​ເທົ່າ. ໃນ​ຈອກ​ທີ່​ມັນ​ໄດ້​ປະສົມ​ໄວ້ ກໍ​ຈົ່ງ​ປະສົມ​ລົງ​ໃນ​ຈອກ​ນັ້ນ​ສອງ​ເທົ່າ.