ເຢເຣມີຢາ 16:21 - ພຣະຄຳພີສັກສິ

²¹ “ເພາະສະນັ້ນ ເຮົາ​ຈະ​ເຮັດ​ໃຫ້​ຊົນຊາດ​ຕ່າງໆ ຮູ້​ຣິດເດດ ແລະ​ຄວາມ​ຍິ່ງໃຫຍ່​ຂອງເຮົາ​ຄັ້ງດຽວ​ແລ້ວ​ພໍ; ພວກເຂົາ​ຈະ​ຮູ້​ວ່າ​ນາມຊື່​ຂອງເຮົາ​ແມ່ນ​ພຣະເຈົ້າຢາເວ.”

ເຢເຣມີຢາ 16:21 Jak'a apnaqawi uñst'ayäwi

ເພງ^ສັນລະເສີນ 83:18

ຈົ່ງ​ໃຫ້​ພວກເຂົາ​ຮູ້​ວ່າ ພຣະອົງ​ຜູ້​ມີ​ນາມຊື່​ເປັນ​ພຣະເຈົ້າຢາເວ​ພຽງແຕ່​ອົງດຽວ ເປັນ​ຜູ້ປົກຄອງ​ສູງສຸດ​ທົ່ວ​ທັງ​ແຜ່ນດິນ​ໂລກ​ນີ້.

ເພງ^ສັນລະເສີນ 9:16

ພຣະເຈົ້າຢາເວ​ເປີດເຜີຍ​ພຣະອົງ​ເອງ​ດ້ວຍ​ການຕັດສິນ​ອັນ​ຍຸດຕິທຳ ຄົນຊົ່ວຮ້າຍ​ກໍ​ຖືກ​ຈັບ​ໂດຍ​ສິ່ງ​ທີ່​ຕົນເອງ​ໄດ້​ກະທຳ​ໄວ້.

ອົບພະຍົບ 14:4

ເຮົາ​ຈະ​ເຮັດ​ໃຫ້​ລາວ​ໃຈ​ແຂງ​ກະດ້າງ​ດື້ດຶງ​ຂຶ້ນ​ອີກ ແລະ​ໄລ່​ຕິດຕາມ​ພວກເຈົ້າ​ມາ ແລະ​ໄຊຊະນະ​ຂອງເຮົາ​ທີ່​ມີ​ຕໍ່​ລາວ ແລະ​ກອງທັບ​ຂອງ​ລາວ ຈະ​ນຳ​ກຽດ​ສັກສີ​ແລະ​ຊື່ສຽງ​ມາ​ໃຫ້​ເຮົາ. ແລ້ວ​ຊາວ​ເອຢິບ​ກໍ​ຈະ​ໄດ້​ຮູ້​ວ່າ ເຮົາ​ແມ່ນ​ພຣະເຈົ້າຢາເວ.” ດັ່ງນັ້ນ ຊາວ​ອິດສະຣາເອນ​ຈຶ່ງ​ເຮັດ​ຕາມ​ທີ່​ໄດ້​ກ່າວ​ໄວ້​ນັ້ນ​ທຸກປະການ.

ອົບພະຍົບ 15:3

ພຣະເຈົ້າຢາເວ​ເປັນ​ນັກຮົບ​ຜູ້​ຍິ່ງໃຫຍ່ ພຣະເຈົ້າຢາເວ​ນັ້ນ ແມ່ນ​ນາມ​ອັນ​ກຽງໄກ​ຂອງ​ພຣະອົງ.

ອົບພະຍົບ 6:3

ເຮົາ​ໄດ້​ປາກົດ​ແກ່​ອັບຣາຮາມ, ອີຊາກ ແລະ​ຢາໂຄບ ໃນ​ຖານະ​ພຣະເຈົ້າ​ອົງ​ຊົງຣິດ​ອຳນາດ​ຍິ່ງໃຫຍ່, ແຕ່​ເຮົາ​ບໍ່ໄດ້​ສຳແດງ​ເຮົາ​ເອງ ໃຫ້​ພວກເຂົາ​ຮູ້ຈັກ​ນາມຊື່​ອັນ​ສັກສິດ​ຂອງເຮົາ​ຄື ພຣະເຈົ້າຢາເວ.

ເອຊາຢາ 43:3

ເຮົາ​ຄື​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ເດີ ອົງ​ບໍຣິສຸດ​ຂອງ​ອິດສະຣາເອນ​ທີ່​ຊ່ວຍ​ພວກເຈົ້າ​ໃຫ້​ພົ້ນ. ເຮົາ​ຈະ​ໃຫ້​ປະເທດ​ເອຢິບ​ຍອມ​ປົດປ່ອຍ​ພວກເຈົ້າ​ເປັນ​ເສລີ ຈະ​ໃຫ້​ເອທີໂອເປຍ ແລະ​ເສບາ​ຍອມ​ດ້ວຍ.

ເຢເຣມີຢາ 33:2

“ພຣະເຈົ້າຢາເວ​ອົງ​ທີ່​ໄດ້​ສ້າງ​ແຜ່ນດິນ​ໂລກ ແລະ​ພຣະເຈົ້າຢາເວ​ປະກອບ​ໃຫ້​ເປັນ​ຮູບຮ່າງ ຜູ້​ມີ​ນາມ​ວ່າ​ພຣະເຈົ້າຢາເວ​ໄດ້​ກ່າວ​ດັ່ງນີ້:

ເອເຊກຽນ 24:24

ແລ້ວ​ເອເຊກຽນ​ກໍ​ຈະ​ເປັນ​ໝາຍສຳຄັນ​ໃຫ້​ແກ່​ພວກເຈົ້າ; ພວກເຈົ້າ​ຈະ​ເຮັດ​ຕາມ​ທຸກສິ່ງ​ທີ່​ລາວ​ໄດ້​ເຮັດ. ເມື່ອ​ເຫດການ​ນີ້​ເກີດຂຶ້ນ ພວກເຈົ້າ​ກໍ​ຈະ​ຮູ້ວ່າ​ເຮົາ​ແມ່ນ​ອົງພຣະ​ຜູ້​ເປັນເຈົ້າ ພຣະເຈົ້າ.”’

ເອເຊກຽນ 24:27

ໃນ​ວັນ​ດຽວກັນ​ນັ້ນ​ເອງ ເຈົ້າ​ຈະ​ໄດ້​ຣິດ​ແຫ່ງ​ການ​ປາກເວົ້າ​ຊຶ່ງ​ເຈົ້າ​ໄດ້​ເສຍໄປ​ນັ້ນ​ຄືນ​ມາ ແລະ​ເຈົ້າ​ຈະ​ເວົ້າ​ກັບ​ພວກເຂົາ​ດ້ວຍ​ວິທີ​ດັ່ງ​ກ່າວ​ນີ້ ເຈົ້າ​ຈະ​ເປັນ​ໝາຍສຳຄັນ​ໃຫ້​ແກ່​ປະຊາຊົນ ແລະ​ພວກເຂົາ​ກໍ​ຈະ​ຮູ້ວ່າ​ເຮົາ​ແມ່ນ​ພຣະເຈົ້າຢາເວ.”

ເອເຊກຽນ 25:14

ຊາດ​ອິດສະຣາເອນ​ປະຊາຊົນ​ຂອງເຮົາ ຈະ​ແກ້ແຄ້ນ​ດິນແດນ​ເອໂດມ​ໃຫ້​ເຮົາ; ແລະ​ພວກເຂົາ​ຈະ​ເຮັດ​ໃຫ້​ເອໂດມ​ໄດ້​ຊີມ​ຣິດ​ແຫ່ງ​ຄວາມ​ໂກດຮ້າຍ​ອັນ​ຫ້ຽມໂຫດ​ຂອງເຮົາ. ເອໂດມ​ຈະ​ຮູ້ວ່າ​ການ​ຕົກ​ເປັນ​ເປົ້າ​ແຫ່ງ​ການ​ແກ້ແຄ້ນ​ຂອງເຮົາ​ນັ້ນ ໝາຍຄວາມວ່າ​ຢ່າງໃດ.” ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ດັ່ງນີ້ແຫຼະ.

ເອເຊກຽນ 6:7

ປະຊາຊົນ​ຈະ​ຖືກ​ຂ້າ​ໃນ​ທຸກທີ່​ທຸກບ່ອນ ແລະ​ພວກ​ທີ່​ຍັງເຫລືອ​ມີ​ຊີວິດ​ຢູ່​ຈະ​ຮັບຮູ້​ວ່າ​ເຮົາ​ແມ່ນ​ພຣະເຈົ້າຢາເວ.

ອາໂມດ 5:8

ພຣະອົງ ອົງ​ໄດ້​ສ້າງ​ດວງດາວ​ທັງຫລາຍ ຄື​ດາວ​ໄກ່ນ້ອຍ ແລະ​ດາວ​ໄຖ​ດ້ວຍ. ພຣະອົງ​ເຮັດ​ໃຫ້​ມືດ​ກາຍເປັນ​ສະຫວ່າງ ແລະ​ໃຫ້​ກາງເວັນ​ນັ້ນ​ກາຍເປັນ​ກາງຄືນ. ພຣະອົງ​ເອີ້ນ​ນໍ້າ​ທະເລ​ແລະ​ເທ​ໃສ່​ພິພົບ ພຣະອົງ​ຊົງ​ນາມ​ວ່າ ພຣະເຈົ້າຢາເວ.